![]() |
يا جماعة انا احترت انا فى ثالثة ثانوى وكان نفسى فى تجارة انجلش لان من وجهة نظرى انها جامدة اوى فى الشغل
لكن تناقض الاراء دا خلانى اتشتت مع العلم ان بابا محامى وعايزنى ادخل حقوق وكمان مع العلم ان مجموعى يحصل السن لو بقى زى ماهو مجموع تانية عايز اعرف رايكم |
ارجو الرد سريعا وعايز اراء منطقية ومقنعة وتكون منظمة علشان ما تشتتش
|
اقتباس:
والسن برضو حلوة بس شغلها مش متوفر قد كده لان مجالها اللغات فقط بس انت الصراحة بتطلع منها فاهم لغة جامد اووووى بس مفيش مجال تانى غير كده وهو ده عيبها وسياحة وفنادق حلوة برضو وتعتبر اسهل كلية فى الكليات الادبية كلها بس ده لو دخلت قسم سياحة لكن لو دخلت قسم ارشاد سياحى هتتنفخ فيها لانهم بياخدوا تاريخ بالانجليزى وحاجة غم الصراحة وشغلها حلو برضو ومتوفر بس تجارة انجلش احسن برضو مع انى فى كلية سياحة وفنادق |
حيرتونى
أنا بقى اللى احترت منكوا كلكوا انا بقى اللى لسة فى ثانوى وكل الناس حيرتنى اللى يقول اقتصاد وعلوم سياسية واللى يقول تجارة انجل واللى سياحة وفنادق كل واحد برأى انا بجد احترت ومش عارف ادخل اية ... أرجوكم زى ماشتتونى قولولى ادخل اية ؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
وبعدين حكاية الكليات دى حاجة ترجعلك فى الاخر ومحدش ينسى ان الكلية اللى هايخشها ممكن تكون صعبة او سهلة يعنى متبصوش للكلية من حيث التوظيف وبس . |
ايوه انا فى تجاره انجلش وكل الدكاتره بيقولنا كده الكليه الوحيده الى ليها شغل دلوقتى بس شغلك كلو بره مصر
|
مع إحترامى للجميع من وجهة نظرى السؤال الخطأ يؤدى إلى إجابة خاطئة ، ودخول الكلية ليس من أجل العمل وإنما من أجل التحصيل العلمى ، والجزئية الأخيرة قد تطرح بابا واسعا للنقاش وهو هل دخول الكلية من أجل العمل أم الشغل ، لا شك أن الآراء ستتضارب ، وإذا اتفقنا على إجابة هذا السؤال وأعتقد أنه مستحيل ، فستكون الإجابة على سؤال حضراتكم سهلة للغاية .
لأننى من وجهة نظرى دخلت "التخصص" الذى أحلم به لإقتناعى بأن قدراتى ومهاراتى فيه ، وأن التخصصات الأخرى لن أستفيد أو أفيد ، والحمد لله . لذلك أنصح كل طالب بأن يدخل الكلية التى سيتطيع أن يظهر قدراته وغبداعاته المختلفة بغض النظر عن المقابل المادى ، فالراحة النفسية لا تقدر بثمن . |
تصويب
العمل والشغل والصحيح العلم والعمل أو العلم والشغل . وغبداعاته = وإبداعاته |
كلية اقتصاد وعلوم سياسية
|
لولا اختلاف الآراء لبارت السلع
بالنسبه للكليات فكلها كويسه جدا وبالنسبه للشغل فدي ارزاق في وفي بس من وجهه نظري كليه التجاره من حيث الشغل وركزوا معايا انا بقول الشغل مش المرتبات لان كل مكان محتاج محاسبين وسكرتاريه اما بالنسبه للمرتبات فأفضل كليه الاقتصاد والعلوم السيايسه ده مجرد رأي لا اكثر |
كويس ان انا كتبت الموضوع ده عشان يبقى دليل استرشادى للطلبة اللى لسه هيدخلوا الكلية ,,, ويحتاروا اكتر !!!
بس انا الصراحة شايف اقتصاد زى تجارة , وعلوم سياسية زى حقوق يعنى كلية الاقتصاد والعلوم السياسية = حقوق + تجارة , بس هى مركز واسم ومحموع يعنى اسمك خريج سياسة واقتصاد جامدة برضو . بس انا انصحكوا ادخلوا تجارة انجلش هى اللى بتجيب من الاخر . |
[تربيه
تربيه تربيه حسن كليه |
أحسن كلية
بصوا بقة انا اللى شايفة ان كل واحد بيختار كليتة عشان يقنع نفسة بيها لكن كل واحد شايف كليتة كويسة فى احسن منها يعنى اللى بيقول ان سياسة وأقتصاد = حقوق وتجارة معلش يعنى جة يبقة مابيفهمش لأن دلوقتى أكتر اللى مش لاقيين شغل خريجى حقوق وتجارة عربى وأنجلش بس هما اللى بيشتغلوا لو جايبين تقدير كويس وكلية سياسة وأقتصاد شغلها مضمون جدا ومرموق جدا لو تفوقت فيها وجبت تقدير كويس وعلى العموم الواحد لو فى كلية زراعة وجاب تقدير كويس واثبت نفسة هايعمل اى حاجة فى الدنيا بلاش نتلكك فى الكلية وليها شغل ولا ملهاش مافيش حاجة ماليهاش امال اتعملت لية بس بردو انا شايف سياسة واقتصاد كلية قمة وبعديها سياحة وفنادق وبعدين تجارة وأخر كلية ممكن تفكر تددخلها هيا حقوق وخدمة أجتماعية . وربنا هايفقنا كلنا بس كلكوا شدوا حيلكوا من بدرى وماتمشوش بدماغ حد تانى امشى ورا اللى بتحبة وهاتعرف تمشى فية مهما كان الكلام علية اللى بيمشى ورا كلام الناس عمروا مابيفلح ....:078111rg3: |
واللة لو دخلت اية برضة مش هتشتغل هما كانو القبلكم اشتغلوا علشان انتو تشتغلوا و العايز يشتغل بالواسطة يعنى كل الكليات محصلة بعضها و منكرش ان انا عايزة ادخل كلية كويسة جدا لان مجموعى كان جايب السنةالفتت فى ثانية لوحدة من غير السنة دى يدخلنى تجارة انجلش او تربية او اداب
|
اقتباس:
اصل حكاية الحصول على مؤهل عالى فى الزمن ده اقل حاجة . بس انت برضو معاك حق فى حكاية الواسطة دى بس احنا بنعمل اللى علينا والباقى على ربنا وان الله لا يضيع اجر من احسن عملا . |
جميع الأوقات بتوقيت GMT +2. الساعة الآن 05:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.