![]() |
اقتباس:
حضرتك التحويل كل سنة وليه ظروفه وانا مش هقدر افيدك بس كل اللى اقدر اقولك عليه انك تبقا جايب تقدير عالاقل جيد عشان لو الكلية عالية زي عين شمس او القاهرة تتقبل فيها على طول ,, والأضمن تروح لشئون الطلبة دلوقتي تسألهم هما عارفين اكتر مني ومنك لان دا شغلهم :) |
انا دخلت حاسبات ومعلومات بنى سويف و عاوز احول لى شبين علشان قريبة منى ممكن ولا صعبة خصوصا انا جابيب 382.5
|
ممكن تقولى على اماكن كويسه للكورسات ومعلش ايه كورس c++ معلش اصل انا جالى نتيجة التنسيق حاسبات معلومات ونفسى اكون فاهمه انا باعمل ايه وايه افضل قسم فى حاسبات وشكرا لحضرتك
|
ايوة ممكن جدا فيه لسة تقليل اغتراب بعد العيد ولو مش روحت الجامعة اللى عاوزها هتروح تحول عن طريق الشئون
|
اقتباس:
ربنا يوفقك |
طب ناو انا حاسبات قناه السويس بس عندى شوية استفسارت انا Graphic Designer و بفهم فى المونتاج والتصميمات وبعرف اشتغل وبدرب فوتوشوب سونى فيغاس افتر افكت ادوب بريمير هل الحاجات ده هتفدنى فى دراستى و لا لآ
لانى مش بقدر استغنى عنها حتى لما كنت فى الثانوية كنت بنزل ادرب دورات جرافيك وكده فى كل الكليات و ده السبب انى جبت 93.3 بس الحمد لله |
تمام هي كلية الحاسبات مش بتاعة جرافيك ولا تصميم ومونتاج بس تقدر تاخدها مدخل ليك فى المجال برده بس هي بتهتم فى المقام الاول بالبرمجة وبالشبكات وبالداتا بيز انما الجرافيك مش آوي فيها
|
طب انا قربتى جالها تربيه نوعيه وعاوزة تحول لحاسبات خاصه تحول ولا المعاهد مش معترف بيها ونظامها ايه بالنسبه للمصاريف وانهى معهد احسن
|
يا باشا معاهد الحاسب الآلي فى مصر مقسومة نصين :-
1-نص عبارة عن معاهد حاسب آلي ولا سلكي وفندقية وكمبيوتر ومعاهد نظم معلومات ادارية وادارة اعمال :: النوع دا مالوش اي لازمة فى البطيخ وشهادته ولا ليها اي علاقة بالكلية ودا اللى مقلل من شأن كليتنا لأن الناس بتفتكر ان كليتنا زي المعاهد دي . 2-نص عبارة عن معاهد علوم الحاسب والحاسبات والمعلومات :: دي بقا اللى شهادتها زي كليتنا بالظبط وهي هي حاسبات ومعلومات الحكومية بس فيه ملحوظة مش تقولي انا كنت ادبي ودخلتها لا ماينفعش يبقا دي المعاهد التانية اللى قولتلك عليها فى الأول ولازم برده شعبة علوم الحاسب او الحاسبات والمعلومات تقبل من علمي رياضة فقط شعبة هندسية بس ,, لو قريبتك ادبي او علمي علوم يبقا تروح تربية نوعية احسن لها من معاهد الحاسب الآلي المضروبة دي لان مالهاش غير النص الاولاني ,, خصوصا انها برده مش هتبقا معتمدة ومعترف بيها فى نقابة مهندسي البرمجيات |
هى دفعة القاهرة 2013-2017 ملهاش جروب،ملهاش حاجة، ملهاش لزمة ؟! :d
|
هههههههههههه ماعرفش ابحث عالفيس ممكن تلاقي او اعمل انت وجمع :)
|
هى علمى رياضه طب المعاهد بتاع الجزء التانى ديه تلاقيها فين ولو حضرتك تعرف اسمها ولو نظامها يبقى كتر خيرك جدا
|
اتفضل لينك فيه كل المعاهد الخاصة تقدر تشوفهم كلهم بس علوم الحاسب بس هي اللى حاسبات ولازم تكون بتقبل بس من علمي رياضة عشان تتأكد انها حاسبات ومعلومات مش اي معهد نظم او حاسب آلي
http://www.tansik.egypt.gov.eg/appli...el/index2.aspx ودا لينك فيه المجاميع بتاعة العلمي برده عشان تشوف مجموعها جايب انهي معاهد فى علوم الحاسب http://www.tansik.egypt.gov.eg/appli...LimitE2013.htm |
شكرا لحضرتك
|
لو سمحت انا عايزة اعرف كلية دى من علمى و لا ادبى ؟ و فى حد اعرفه هوا فى 2 تجارة رايح 3 عايز يحول كلية حاسب الى يعمل ايه ؟ و نظام تحويل و شكرا |
جميع الأوقات بتوقيت GMT +2. الساعة الآن 05:05 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.