تصدقى ان انا معرفتش اسمع دكتور الماس الا لما النور قطع !
عشان كله سكت و هو علا صوته و المراوح برضه كانت عاملة صوت

اللى نط من البنش عشان يقفل المروحة ده كان قاعد جنبى

ذاكر من كل حاجة عندك مش هتخسر حاجة و بعدين المسائل بتساعد على الفهم و المذاكرة برضه
انا اكتر حاجة مخوفانى هى حكاية الكويزز دى
خصوصا بتاع الاقتصاد

و انا كمان صدقنى مرعوب من الكويز

احنا نعمل اللى علينا و نذاكر وربنا يسهل

وبعدين بيقولك الكويز بيبقى عبارة عن اسئلة اختيارية سريعة يعنى ممكن ميصعبهاش عشان تتحل فى عشر دقايق او ربع ساعة

يا جدعان متقلقوش كله خير ان شاء الله
انهاردة كان عندنا دكتورة امتثال بتاعت الماس
الست دى و الله بتقول كلام زى الفل :D
و فهمت منها المحاضرة الحمد لله
بس مكتبتش غير المسائل و القوانين بس
و لو حد يا حماعة يعرف يجيب المحاضرة بتاعت الmangment اللى فاتت يبقى عمل فيا جميلة
و شكراااااااا

فعلا دكتوره امتثال 100 100 و لأول مره اطلع فاهم كل المحاضره تقريبا
بالنسبه لالـ management فا انا بجيب محضرات على مسلم من مكتبة الرساله لكن عبد السلام مالوش محضرات

مكتبة السنترال فيها كل المحاضرات و الكورسات كمان

هى دكتورة امتثال عندها محاضرات فى المكتبات ولا لاءة عشان انا مش فاهمة من دكتور عادل حلاوة وبعدين انا عاوزة احضر معاة لكن خايفة لتعرف انى سكشن d لما تعمل الكويز دا اللى انا مش عارفة هعمل اية مع الليثى اللى قال انهاردة المرة الجاية فى كويز مدتة ربع ساعة ورحت سالت فى مكتبة الفرسان قالولى مافيش حد راضى يكتب وراة وبالتالى معنديش اى حاجة لة خالص قولولى ازاكر الاقتصاد منين وmath ازاى وينفع احضر مع دكتورة امتثال ولا لاءة ومرسى

اولا بالنسبه للماس ممكن تحضرى مع دكتوره امتثال عادى ده من حقيك انيك تحضرى فى اى سكشن بجانب السيكشن بتاعك
انا مثلا بحضر مع دكتور على مثلم مع سكشن d رغم انى c و كنت ها اروح اققوله المره الى فاتت انا سكشن سى و مش فاهم حاجه من على مسلم
ثانيا : بالنسبه لمحضرات دكتوره امتثال ها تلائيها فى اى مكتبه و هى الصراحه ممتازه و هتفهميك الماده كويس جدا و نصيحه احضرى معاها و لما يبقى فى كويز ابقى امشى قبل الكويز و قوليلها عادى انك فى سكشن d ما فيش مشاكل
ثالثا : بالنسبه للأقتصاد الليثى شرحه مش وحش بس المشكله فى المحضرات المحضرات الى موجوده فى المكاتب لليثى هى الكام رسمه الى بيرسمها فى المحاضره و الكام كلمه الى بيقولهم بس علشان كده لازم نذاكر الاقتصاد من ورق الكورسات رغم انى حاولت اذاكر من ورق الكورسات حسيت انى مش فاهم حاجه
خامسا : اتمنى انى اكون افدتكم و اسف على الاطاله

اكيد كلنا خايفين علشان ده اول كويز لينا ده طبيعى
بس احنا نعمل الى علينا و الباقى على ربنا
يعنى نذاكر من ورق الدكتور الى ها يحط الامتحان ده اهم واحد و لو مالهوش محضرات زى الليثى و عبد السلام يبقى نذاكر من ورق الكورسات

انا رحت مكتبة السنترال بعد المحاضرات انهارده و سئلت على محاضرة الاقتصاد قالى محدش عارف يكتب وراه وقالى تعالى بكره وانت هتلاقيها
انا مرعوب من كويز الاقتصاد بالذات:(

مرسى اوى على ردودكم بس ينفع امشى واقولها انا مش السكشن بعد الامتحان ولا قبل ماادخل انا شايفة ان هيكون احسن لو قولتلها سكشن d وبعدين انا خايفة ليكون ورق الكورسات مخالف لدكتور الليثى لانة قال اللى مش هيرسم زى بالضبط مش هينفع وبعدين اكتر كلامة عربى مش انجليش على فكرة هو كدة بيضرنا مش بينفعنا اوى يعنى وبعدين دكتور محمود سليمان مدينا حاجات نحلها وانا مش فاهمة حاجات كتير فيها وبعدين فعلا فى ورق كتير اوى فى المكتبات نذاكر منين ولا منين وربنا يستر وانا كمان مرعوبة من الكويز خصوصا انة له 25 درجة من المادة يعنى كتير اوى ومرسى

ربنا يسترانا والله مرعوبة من الكلية الغريبة دية

بيتهيئلى مش هينفع عشان فى واحدة عملت كده مع دكتور عادل حلاوة وكان هياخد بطاقتها ... ما انتى سيكشن d يعنى كنت شايفة الحكاية
الا بقى لو كانت هى متساهلة و ممكن توافق فعلا

لا هو ورق الكورسات زى الكلام اللى هو قاله بالظبط و بعدين هو قال لما تيجوا تذاكروا لازم ترسموا عشان تتعودوا على الرسم و هو قالنا ذاكروا من الكتاب
لو معكيش الكتاب هو قال فى دفعة جاية يوم الاربعاء اللى هو تقريبا بكرة
انا رايح بكرة المجمع عشان اجيب كتاب الاكونتنج و لو فى كتب تانية هقولكوا هنا
هو فعلا بيضرنا بس احنا لحد ما فاهمين
و حاولى تقراى محاضرات محمود سليمان و انتى هتفهميها ان شاء الله
اما بالنسبة للورق فانا بقارن الورق بكلام المحاضرة لو لقيته زيو بذاكر منه
اما المحاضرات اللى محدش بيكتب فيها فانا بجيب ورقها من المكتبة و اذاكره عشان هى دى الطريقة الوحيدة عبال ما الكتب تيجى
و احنا كلنا خايفين من الكويز خاصة الاقتصاد

معلش احنا لازم نتعب فى الأول كده و بعد كده ربنا هيسهلها إن شاء الله

انا رايى اننا ما نخدش كل حاجة بخوف و قلق عشان ده هيأثر علينا لازم نصبر شوية و ما نقلقش

انا اسف على الكلام الطويل ده و شكرا على التفاعل
و ربنا معانا و يكرمنا بإذن الله