ياريت الرد ضرورى بالله عليكم وياريت يكون من حد متأكد من اللى بيقوله ولو اى حد عنده معلومات يفيدنى الله يخليكم

انا ادبى وجايب 90.5 بس جبت فى الانجليش 42.5 فى امل ادخل تجارة انجليش

لو سمحتم عايزة اعرف اية مستقبل تجارة انجلش للبنات واى معلومات عن تجارة انجلش اسيوط ارجو الرد بسرعة قوى

لو سمحت يا فامبير عايزة اعرف اية مستقبل تجارة انجلش بنات واية احسن قسم فى تجارة انجليش ارجو الرد بسرعة لانى عايزة اسجل رغباتى بليييييييييز

مستقبلها زي الفل .. مجال تجارة عموما مفتوح وكبير

لانك قدامك انك تشتغلي في القطاع المصرفي (بنوك) او قطاع الشركات او البورصة او مكاتب المحاسبة

وممكن تفكك من الكلام دا وتخشي في مجال مغاير تماما وهوا الاي تي

او تاخديلك كورسات اوراكل وتبقى داتا بيز آدمن قد الدنيا

اللى عايز اقوله ان سمعة الكلية وسط الناس معاكس تماما للحقيقة

ودا للاسف عشان كل واحد بيفتى في اللى مالوش فيه

اما بالنسبة لسؤالك عن احسن قسم .. التخصص في كلية التجارة مش بيبقي غير فى سنة رابعة

وفي بعض الجامعات زي حلوان بيبقى من سنة تالته

وعموما انتى عندك تلات تخصصات هيا دي المشهورة .. محاسبة - ادارة اعمال - تأمين

مش لازم اكلمك عنهم دلوقتى لانك في غنى عن انك تعرفى معلومات عنهم حاليا لانها مش هاتفيدك اوي

شكرا فامبير قوى على ردك لكن تعرف اى معلومة عن تجارة انجلش اسيوط وانا محتارة فى الرغبة التالتة اكتبها اداب ولا تجارة لانى خايفة تجيلى عربى وادبس فيه وعلى فكرة انا ادبى ومجموعى 88% ود المتوسط و درجتى فى الانجلش 43ونصف وبحب الانجلش لكن خايفة من تجارة انجلش وكمان مستويا فى الرياضة مش قوى ياريت ترد عليا فى اموضوع دا بسرعة

وايه المشكلة .. ماهي تجارة انجليش بقت رغبة منفصلة ..

يعنى مافيش تدبيس ولا حاجة زي الاول

لا عادي ماتخافيش .. هوا فى الاول بتبقى خنيقة شوية لانك لسه جديدة

بس بعد كدا العملية بتمشي عادي وبتبقى تمام

تجارة فيها مواد رياضة اه بس مش كتيرة

يعنى لو عديتهوملك هاتلاقي في اولي فيه مادة واحده في الترم الاول

والترم التاني مافيهوش .. في تانية كلها فيه مادتين تقريبا

اللى عايز اقولهولك او اوصلهولك ان تجارة كلها مبنية على المحاسبة

والمحاسبة مش بتعتمد على الرياضة اوي .. لكن بتعتمد على القوايم والفهم والحفظ

يعنى يقولك مثلا عشان اعمل الميزانية فيه قايمة انا بحفظها وارصها بترتيب معين

وكل بند من البنود اللى فى القايمة دي بيتحط قدامه رقم

عشان اجيب الرقم دا بعمل عمليات حسابية بسيطة جدا لن تخرج عن الطرح او القسمة او الضرب او الجمع

صعوبة المحاسبة بتكمن في الفهم واللعب فى المسألة او الحالة اللى قدامك مش اكتر

لكن كرياضة بالمعنى المفهوم اللى هوا بقى جذور ودوال وجا وجتا وظا وظتا لا مش هاتلاقي الكلام دا خالص

انا بقولك كدا عشان انا زيك برده انا كنت ادبى بتخنق من الرياضة اكتر منك .. ومع ذلك مشيت فيها عادي

يا راجل يا مؤمن .. جايب 71% وعايز تخش تجارة انجليش وحكومية كمااااان ؟؟!!!

دا اللي بيجيب حاجة وتمانين في الميه بنقوله فرصتك ضعيفة !

الخاص هاتلاقي وعلى قفا من يشيل ..

اعتقد ارخص حاجة مودرن اكاديمي بـ 8 الاف بس مش شور اوي من الرقم

وعندك 6 اكتوبر بـ 16 الف .. غير كدا بقى هاتلاقيه ضارب في العشرين الف فيما فوق

شكرا فامبير تعبتك معايا ادعيلى ان ربنا يوفقنى فى مستقبلى ويختارلى الصالح

مرسى خالص يا حبيبى على المعلومات دى دا انا كنت دايخ عليها