المشاكل اللى بتحصل فى المنتدى بقت حاجه مش كويسه خالص
وانا شايفه انها بتحصل من عقل صغير او عصبيه او تهور يعنى مش هتحصل لحاجه تستحق
وعيب منتدانا دايما انه بيدى لاى حاجه اكتر من حقها
وبالنسبه لمشكله محمد البرى ومحمد جمال انا مش هقول عنها حاجه لانها بتندرج تحت اللى انا قلته
وانا بتمنى اننا نتصرف بعقل اكتر من كده لان ده كله مش فى مصلحه منتدانا اللى بنقول اننا بنحبه
فهل حب منتدانا ده اننا كل شويه نعمل مشكله وفى العام ولا احلى؟
اكيد لا طبعا

مين هما اكتر ناس بتحبهم في المنتدي
- مش هقول اسماء لانى بجد بحب كل اللى فى المنتدى وكلهم اخواتى

اكتر قسم بتحبيه
- بحب قسم فلاسفه تحت التمرين اوى

احسن موضوع قرتيه في نظرك
هو انا عامه بنجذب اوى للمواضيع السياسيه الساخره
هدفها حلو اوى والطريقه بتوصل على طول
وطبعا النوع ده من المواضيع اعتلى قمته الاستاذ بورسعيدى وكل مواضيع بتعجبنى صراحه

اولا انا عارفه ان استاذ اشرف جزاه الله خيرا بيبذل جهد كبير فى سبيل ان منتدانا يبقى الافضل
وانا مش اقدر اقول ان طريقه الاداره فيها عيوب بل بالعكس كويسه اوى
ولكن الحكايه محتاجه شويه تنظيم وان دايما القوانين تبقى فى المقدمه
وتواجد دائم من المشرفين لا اكثر
وبالنسبه لتطوير المنتدى
فانا كنت لاحظت ان فى طلبات كتير اوى لشات فى المنتدى
قابلنى كتير فى منتديات شات بس مش بيدخله زوار الاعضاء بس وبشروط كمان
يعنى مثلا مش بيدخله غير اعضاء نرشحين من الادمين نفسه وبتنجح جدا الفكره وطبعا بتبقى نوع من المنافسه
فما بالك لو كنا موقع تعليمى معظم اللى بيدخله طلاب ثانوى والمدرسين متوفرين؟؟
اعتقد نقله كبيره للمنتدى

اولا بالنسبه ليا
فانا اتمنى انى اجيب مجموع مرتفع السنه دى وادخل هندسه طبيه باذن الله
وبتمنى انى اكون استاذه فى الجامعه

للمنتدى:
بتمنى انى اشوفه فى المقدمه دايما
وقبل ده اتمنى انه يكون المكان اللى الحب فى الله بيجمعنا فيه ونرجع زى الاول واحسن

صحابى:
بتمنى اننا مش نفترق ابدا وانهم يدخلوا معايا الكليه بتاعتى لو ربنا اراد
واتمنى ان ربنا يوفقهم فى حياتهم

اخواتى:
بتمنى ان ربنا يخليهم ليا دايما
ويحققوا كل اللى بيحلموا بيه
ويجمعنا دايما مع بعض

السؤال مش واضح من المنتدى وللا من السياسين؟

من الشخصيات العامه

رئيس الجمهوريه ايمن نور
لانه عنده افكار كويسه اوى وده اللى اتسجن بسببه

رئيس مجلس الوزراء مش عارفه احمد جمال الدين وزير التعليم السابق
لو نلاحظ هنلاقى انه قدم استقالته وانا اعرف دكتور يعرفه شخصيا لانه كان عميد كليه فى المنصوره
شخصيه جد جدا امين جدا
مش عارفه بس مقتنعه بيه

ولو من المنتدى:
فانا شايفه ان فى اتنين ينفعوا رئيس جمهوريه
استاذ بورسعيدى وزيزو
وبرده ينفعوا رئيس وزراء لانهم ثنائى جميل اوى
فما بالكم برئاسه الجمهوريه ورئاسه الوزراء
مصر هتبقى عباره عن برتقه امان وحب بجد
ومش مجامله ومش هربت من السؤال يا اسلام

<div class='quotetop'>إقتباس(اسلام رشوان @ Aug 31 2006, 04:18 PM) [snapback]206948[/snapback]</div>