|
فعلا قصة نظرة حلوووة اوى ومؤثرة ومعبرة كمان .. و زيها من وجهة نظري نص كم تشتكى حاساه نص حلو كده و بيكلم العقل .. قولولى يا شباب انتو وصلتو لفين ف المواد وحد خلص حاجه ولا لسه ؟؟
|
اقتباس:
مذاكرة كتير + مراجعة بالجملة + حل على قد ما تقدر و مش مستحيل ولا حاجة أنا بفضل الله و بعونه قفلت فى الأحياء كتاب المدرسة و الدليل و كتاب الامتحان و السامى و فى اليومين الى كانوا قبل الامتحان راجعت فيهم على المنهج و حليت الدليل تانى مرة اكتر من كافي للمراجعة انت بس نظم وقتك يعنى ماتخدش الكتاب كله و تحله فى يوم أو مثلاً ماتعملش فصل في المنهج و تقوم ماسك كل الكتب حالل فيها فى نفس الوقت خلى مثلاً أول مرة تذاكر فيها الفصل تروح تحل من كتاب المدرسة بس لأن الأخير صغير و بعدين تقسم الحل كتاب الامتحان على دفعة أو أثنين المرة التانية الدليل علشان تكون تمكنت من الفصل 100 % بإذن الله طول ما انت منظم وقتك إن شاء الله هاتلاقى وقت لكل حاجة حتى لو عليك مائة مادة فى السنة و الله الأحياء دى مادة مضمونة بعون الله للى بيذاكرها بضمير اهم حاجة إجاباتك و رسوماتك تكون دقيقة زى الكتاب بالمللى يعنى تغير فى أسلوب الحل ماشى إنما لازم كل المعلومات تبقى مكتوبة فى السؤال و كذلك الرسم ياما ناس رسمت رسومات تحفة و نقصت عليها أى كلام |
معلش سؤال كدة علي السكة
هو في حد هنا (علمي علوم) مابيخدش دروس ؟؟؟؟ |
اقتباس:
طيب هو المفروض الاحياء تخلص على امتى كدة عشان يبقى قدامنا وقت كافى للمراجعة ؟؟ لان المنهج طويييييييل اوى ولسه فاضل حاجات كتيير والوقت بيجرى ؟؟ |
اقتباس:
و راجعنا المنهج مرتين .. مرة على خمس أسابيع و بعدين مرة على أسبوعين و شهر خمسة كل الحصص اتلغت إلا حصة واحدة امتحان شامل يوم الجمعة بس |
اول 3 كويس ياا رب انا الحق اخلصها اول 3 ..
انا لسه فاضلى حصة ف التكاثر اللىى هى النهاردة المفروض ان شاء و شايله هم الوراثه وال dna مش عارفة هيتاخدوا و يخلصوا امتى :( الله المستعان |
هو فيه ايه الكل بيتكلم عن الاحياء وسايبين الفيزيا ليه يعني؟؟:blush: انا من بعد ما دخلت في الفصل العاشر وانا قربت اكره نفسي منها انتوا وصلتوا لغاية فين؟؟:cool: |
لا بس الفيزياء مش وحشه اوووي يعني
بس بجد ربنا مع بتوع الاحياء اسماء عليهم كتييير اووووي |
اقتباس:
دة الفصل العاشر دة أجمل فصل فى الكهربية و الله أسهل فصل بين الثلاثة دول الفصل الـ 11 رخم أوى فى النظرى إنما المسائل بتاعته تافهة إنما العاشر و الله تافه فى كله أنا شايف إن التاسع أصعبهم |
اقتباس:
يبقي علي كده انتوا خلصتوا الكهربية:o ده احنا يا دوب مخدناش غير لغاية الملف الدائري في العاشر ومن ساعة ما دخلنا في المجال المغناطيسي واللك ده مش قادره اذاكره:blush: ربـــــنا يـــستر |
وحشتووووووووووووووووووووووني والله يا جدعان كلكوا بجد النت كان فاصل بس الحمد لله رجع النت تاني
|
يا شباب انتو وصلتو لغاية فين ف الانجلش الله يكرمكوا لانى حاسة انى متاخرة ؟؟
و يا ريت لو حد خلص القصة يقولنا ااخبارها ايه بعد ما خلصت بتتلم ولا ايه .. لحسن انا حاسة ان الاحداث وال quotations اللى ف الكام فصل الاولانين دول داخلين ف بعض اووووووى ,, و مش عارفة اذا كان دة عيب ف مذاكرتى ولا طبيعي و هيتلم ف الاخر .. :( |
اقتباس:
خلصنا لغاية يونت 12 وهناخد الحصة الجاية الفصل الخامس بس القصة مش صعبة قوي يعني اهم شئ انك تبقي عارفة الاحداث اللي فيها كويس وساعتها هتعرفي تجاوبي اسئلتها من غير مذاكرة كتير |
شباب في كم نقطه كده كنت عايز رايكم فيها
اول نقطه يا رجاله انا عندي مشكله كبيبره في وقت المذاكره يعني ممكن لو ذاكرت 8 ساعات اخدهم في حصة كيمياء وفيزياء بس زمن غير حل عالفيزياء كمان وممكن حل فصل فيزياء ياخد يوم كامل مش عارف اعمل ايه يعني انا باخد وقت في المذاكره بالضبط يمكن 3 اضعاف غيري مش عارف ليه ثانيا هل المواد الفهم زي الكيمياء والفيزياء النظري لازم يبقى بالضبط لانب ببقي فاهم وممكن اعبر كويس مع شوية حفظ طبعا اخيرا بقي وانا بحل نظري الفيزياء زي اسئلة علل او غيرها لازم اكتب والا اقولها شفوى وخلاص واللي مش عارفه اعلم عليه بجد لانها بتاخد وقت واسف لو كنت طولت عليكم |
اقتباس:
اولا بالنسبه للوقت الكتير ده عادي بس حاول متخليش وقت مذاكرتك متصل وكمان حدد الساعات وانت هتنجز بمعني انت صحيت مثلا الصبح وهتبدأ مذاكره من الساعه8 خصص من 8 ل 10 مثلا حل فيزيا واتحدي نفسك انك تنجز اللي انت حددته في الساعتين دول ولو الساعه جت 10 وانت مخلصتش سيبه وحدد للباقي وقت تاني ابدأ من 10ونص مثلا حفظ شابتر انجلش وحدد انك هتخلصه في ساعه ونص وهكذا مع اخذ في الاعتبار انك كده ذاكرت 4 ساعات مثلا قبل الدرس لما تيجي من الدرس واكلت ولعبت اعمل زي الصبح وحدد وقت معين تنجز فيه كم معين كده هتنجز كتير ووقت كتير بس مش هتحس بيه ومش لازم تخلص الحل كله مره واحده ممكن تقسمه برضه يومين وهتلاقي نفسك منظم وقتك وبتنجز كتير كمان حط حد لوقت المذاكره بمعني انك تقول تقول هخلص الساعه عشره مثلا عشان كل ماتتعب ده هيحفذك هتقول هانت باقي ساعه مثلا وكده ده رايي ممكن حد تاني يفيدك وتختار اللي يناسبك اما بالنسبه للاجابه ممكن من فهمك عادي لكن التعريفات لازم تكون بالنص اما الحل فالافضل انك تكتب عشان تثبت الاجابه ولازم تكتبها اجابه كامله يعني متختصرش بالتوفيق |
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.