الاخوة الاعزاء لقد تقابلت مع الاستاذ /علاء القهوجى الصحفى بجريدة الدستور وتحدثت معه عن موضوعنا وكتبه امامى وسوف ينشر فى الجريده فتابعوا المقال وحددت لعه المطالب وهى تعيينا فى الجامعات او مراكز البحوث او الجامعات الخاصه وليس اداريين وعندما قلت له الوزير قال استبعاد المؤمن عليه قال(لا لائحيا ولا قانونيا)يقدر يعمله لان الناس هتعمل ايه هتقعد عطله من2003 االمعروف لما بيجى لك الوظيفه فى الجامعه بتتنقل من المكان اللى انت فيه على كادر الجامعه وبنفس الرقم التامينىوقد قمت بالاتصال بالاستاذ شمس ويعمل فى مكتب الوزير وسالته عن التعيينات قال لسه الموضوع هياخد شويه يعنى شهر لانى لسه فيه جامعات مبعتتش قلتله له هيتعينوا معيدين ولا اداريين قال حسب الاحتياجات قلتله طيب هل الوزير اخد قرار باستبعاد المؤمن عليه قال همه كانوا بيتكلموا فى الموضوع ده يعنى بغرض يعنى اللى مش بيشتغل بس لسه مخدوش قرار بخصوصه قلتله طيب افرض واحد شغال ومؤمن عليه هتضييع عليه الوظيفه قلى لحد دلوقتى الملامح لسه مش بينه ومفيش قرار اتاخد بخصوصه ده كان نص المكالمه منقول لافادة

لا الله الا الله

السلام عليكم ورحمة الله وبركاته
أخوكم معتز عبدالكريم عبدالرازق
كلية خدمة اجتماعيه
جامعة جنوب الوادى
العاشر على الدفعه
خريج 2010
نفسى أعرف موضوع المؤمن عليه خلاص كده هيستبعدوه والا لسه عشان موضوع الاستبعتد لا يجوز قانونيا أو لائحيا(الليحه)
فياريت حد يفيدنى بخصوص هذا الموضوع
ولكم جزيل الشكر
أخوكم معتز عبدالكريم

يارب الفرج قريب

السلام عليكم
على فكرة يا جماعة الموضوع مهم بجد ومصلحة للجميع
فيا ريت اللى ساكن فى القاهرة او فى اى مكان قريب من الجهاز المركزى للتنظيم و الاداره يروح ويسأل عن المؤمن عليهم ممكن يستبعدوهم ولا لأ علشان لو فى حاجة ممكن نعملها قبل فوات الاوان لان الوقت بيجرى بسرعة وزى ما قلت فى الاول ان دى مصلحة لينا كلنا
وجزاكم الله خيراً ...................... و الله المستعان

السلام عليكم ورحمة الله وبركاته

وآسف لانقطاعي الفترة الماضية بسبب تواجدي بالفيوم في منطقة لاتتوفر فيها خدمة الانترنت

وسعيد بكل من سأل عني الفترة السابقة وأسعد بتواصلي معكم

السلام عليكم ورحمه الله وبركاته في البدايه احب ان اشكركم علي المجهود والتعاون بين جميع افراد المجموعه
انا خريجه كليه العلوم جامعه الاسكندريه ومن العشرين الاوائل علي الدفعه وكان من المفروض ان تقوم موظفه شئون الطلبه بحصر لجميع الاوائل من 2003 الي 2010 بعد استفاء المعيدين ولكن المشكله ان الموظفه قامت بحصر المعيدين ووضعتهم في قائمه العشرين الاوائل وكتبت بجانبهم تم التعيين بالكليه مما يعني ان ذلك سيضيع فرصه التعيين علي الطلاب الذين اخذ الاوائل مكانهم في القائمه وعندما سالناها قالت ان ذلك ما كلفت به فماذا افعل ؟ وجزاكم الله خيرا

وعليكم السلام ورحمة الله وبركاته

الحمد لله يادكتور عبد الرحمن إن المانع كان خيرا

دائما تعطر سماء المتصفح خاصة والمنتدى عامة بخبراتك وذوقك فلا تحرمنا جميل عطاءك

وتشريفكم دوما دمتم بخير

وجزاكم ربي خير الجزاء

حمد لله على السلامه يا دكتور
الحمد لله انه كان غيابك عننا خير
**عايزيين بس نعرف ايه اخر الاخبار فى موضوع التعيين0


**وعايز اعرف رايك بخصوص استبعاد المؤمن عليهم وايه الحل الى ممكن يعمله المؤمن عليه عشان ميستبعدهوش من التعيين0
وشكــــــــــرا

بسم الله الرحمن الرحيم

انا عضو جديد و دى أول مرة أكتب هنا بس حبيت أشارك

أنا اسلام خريج علوم المنصورة كيميا سبيشيال 2009 بتقدير امتياز مع مرتبة الشرف و لله الحمد خامس شعبتى سمعت عن موضوع العشرين الاوائل على الدفعة ككل و الحمد لله قرأت اسمى معاهم من على النت بعدين رحت الكلية أسأل و طبعا بعد ما حدفونى لبعض شويتين المهم قالولى فى الاخر انى العشرين دول كانوا متضمنين اللى تم تعيينهم بالفعل كمعيدين و من شهر كده جالهم قرار تانى بحصر العشرين بعد استثناء المعيدين دول وان الناس دى ( بالنسبالنا كعلوم ) اما هتتوظف كإداريين فى الكلية بس فى الادارة العامة ( دى مفهمتهاش الصراحة بس عملت نفسى قارشها ) او فى مصنع او شركات حكومية او مراكز بحوث قلتلهم طب انا كنت عاوز اتعين معيد قالولى كده صعب لان انت طبيعى فاتك سنتين و كده سقط الحق بتاعك الا اذا كان تم تعيين حد اقل منك سواء كيميا او كيميا حيوى ساعتها ترفع قضية و كده كده هكسبها دورت و لقيت أقل حد تم تعيينه اكبر منى ب 0.2% فطبعا زعلت اوى اوى اوى بس قالولى انت بقا تتابع مع مكتب القوى العاملة بتاع المحافظة هو اللى هيبقا عنده قرارات تعيينكم و الجهات اللى هتروحوها و طبعا بما انى كان يوم سبت فكانت المحافظة قااافلة فرجعت بخفي حنين بس انا مسكتش دخلت على العصارة اللى قصاد بوابة تربية و دبتها شوب عصير قصب كبير يمكن أنسى و الحمد لله دلوقتى بقيت أحسن و ان شاء الله اى اخبار هوافيكم بيها على طووول

أرسل الدكتور عصام شرف، رئيس مجلس الوزراء، قراراً حصل "اليوم السابع" على نسخة منه يطالب فيه رئيس جامعة الأزهر الدكتور أسامة العبد بإرسال بيان بأعداد الخريجين أصحاب المركز الأول والثانى من كل قسم وشعبة من خريجى الدفعات من عام 2002 حتى 2010 لتعيينهم معيدين بالجامعة، على أن يتم إرسال بيان أسماء الخريجين مرفقاً بصورة قرار المجلس إلى جميع الكليات. وجاء فى نص قرار شرف أن صدوره يعد استجابة لاحتجاجات أوائل جامعة الأزهر.

كانت الجامعة قد أرسلت إلى مديرى الكليات بيانا يفيد بذلك موضحة أن هذا الموضوع عاجل للغاية ويرسل إلى الجامعة فى أسرع وقت. وصرح محمود شعيب، الأمين العام بالجامعة لـ"اليوم السابع" قائلا: "بدأنا العمل فى حصر أعداد الطلاب يوم إجازتنا السبت الماضى، وتم حصر أعداد الطلاب بكل قسم وشعبة بالقاهرة والوجه البحرى، ومن المنتظر وصول قائمة أوائل فرع أسيوط قبل نهاية الأسبوع، وأوضح أن البيانات سترسل إلى مجلس الوزراء نهاية الأسبوع الحالى، مؤكدا أن الجامعة لا تقف حجر عثرة أمام تعيين الطلاب على عكس ما تردد على ألسنة بعض الطلبة.
http://www.youm7.com/News.asp?NewsID...D=65&IssueID=0