انت كدا ترجمتها التواصل بس اشطا يعني هيا في نفس الهدف بردو، هتاخد الدرجة ماتقلقش.. الترجمة بتتصحح بالحب اصلا..
.........

مش قولت قبل كدا بلاش تراجعوا..
يعني مثلا انت راجعت و لقيت عندك غلطة... هنقعد نعيط عليها ونضيع وقت على حساب المادة الجايه ولا ايه؟
كبر دماغك من اللي عدى، راح فداهية خلاص
عشان خاطري احسبوها صح.. وبلاش تراجعوا.. ماتكرروش اخطاءنا..

لا لو عندى غلطة واحدة بس هفرح جداً :d

هتعملوا ايه في الاحصاء والوطنية

يا دكتور محمد هو السؤال الاول فى تصحيح الخطا فى القصة انا عارف ان gardens تبقى hotels بس مش عارف ايه اللى حصل فى الامتحان وعملتها occupied تبقى empty يجماعة بجد انا مضايق جدا ارجو الرد مش عارف ايه اللى حصل بالظبط

ههههههههه
عادي ياكبير انت علمي رياضة مسموحلك تنقص براحتك، غير علوم :cool: بس مش براحتك اوي يعني..
لا بجد حاول تعوض في الباقي.. ربنا معاك ;)

اقولك تعمل ايه
انسى اللي عدا ومتحاولش تفكر فيه اصلا، عشان التفكير في اللي عدا مش هيجي منه غير الخسارة والحسرة وتضييع الوقت،
بص يا احمد اللي حصلك دا نصيبك ومكتوب من بدري اوي، وماينفعش تغيره كمان عشان عدا خلاص، ف ليه تزعل نفسك؟
"مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ * لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ"
خليك في دلوقتي وشوف الامتحان اللي جاي ايه وذاكرله بنفسية حلوة مش متأثرة باللي عدا، كأن الامتحان اللي جاي دا اول امتحان تمتحنه مامتحنتش قبله حاجة..
متخافش حاول تعوض في اللي جاي انت بس وان شاء تدخل الكلية اللي انت عايزها، لسه الفرصة قدامك متضيعهاش باحباطات الماضي اللي ملهاش لازمة..
نام كويس ليلة الامتحان، انا متأكد ان عدم التركيز اللي حصلك في الانجليزي دا سببه انك رحت الامتحان ومكنتش نايم كويس، انا مجرب الحكاية دي، الفيزيا جايه، بص.. دي اكتر مادة محتاجة تنام قبلها كويس انا قولت اهو.
ربنا يكرمك ويوفقك في باقي الامتحانات يارب :)
هبقى ادعيلك

اقراي في الوطنية صحيح ان كلماتها مش راكبة جمب بعضها ..فيه مواضيع بيتعبر فيها بردو
الاحصاء لو زىى ما ااخدتيش درس ..يبقي تشوفي القوانين فيه مساءل بتيجى مباشرة ..واهم حاجة تصلى ركعتين قبل الامتحان وتقولى يارب انجح :friendsxs3:"ده قبل كل المواد "

دى مراجعة ليلة الامتحان ساعتين على اليوتيوب مستر محمد الديب جميلة جداً

https://www.youtube.com/watch?v=wX3x3RhL1R8

و هتتعاد من الساعة 2 للساعة 4 على قناة مصر التعليمية ممكن تتفرجوا عليها و انتوا بتتسحروا :)

شكرا حلقة رائعة لمت كل حاجة بسرعة

لما تفطروا كلوا واشربوا حاجات مسكرة كتير عشان السكريات هي اللي بتمد الجسم بالطاقة فمتحسوش بالتعب وانتوا صايمين وتعرفوا تذاكروا، واشربوا كمية ميه كويسة مابين الفطار والسحور، وفي السحور كلوا اي خضروات او فاكهه فيها ميه زي الخيار او الخس او البطيخ والطماطم، عشان دي وهيا بتتهضم في المعدة ع المدى الطويل يكون فيها ميه ف ماتحسوش بالعطش اوي وانتوا صايمين. والزبادي مهم جدا بردو..
وابعدوا عن الشاي والقهوة في السحور عشان دي بتعمل جفاف وبتسحب الميه اللي في الجسم فهتحسسكوا بالعطش..
وبلاش الاكل المقلي ع السحور (بالذات لو انت عندك ارتداد اياك والمقليات)..
وبلاش بردو الاكل المالح ع السحور عشان بيعطش..

والله ربنا يكرمك يا دكتور :022yb4:

عايزة امتحان الفيزياء نظام قديم الي كان النهارده ؟؟؟؟؟؟

جزاك الله كل خير