|
بعد مرور رمضان بهذه السرعة
ومنحك المولى سبحانه وتعالى من فيض فضله ورزقه لتتمكن من صومه ليس مطلوبا منك أهم من أن تتذكر أن ماشعرت به من جوع وعطش فى شهرواحد لك أخوة حولك وفى هذا العالم يعيشون هذا الجوع طوال العام لاتجعل رمضان جهاد لذاتك وفقط بل اجعله جهاد لإحياء أمه هى منك وبك ولك تحتاج لزكاتك قدر ماتحتاج لصلاتك ودعواتك كل عام وأنتم بخير |
|
جميل جدا بارك الله فيك شكرا
|
جميل جدا بارك الله فيكم شكرا لكم
|
جزاكم الله خيرا
|
|
مايصحش الغنى ياخد دعم -كلام سليم وجميل -
اتحدى الحكومة لوكان عندها إحصاء بعدد الأغنياء والفقراء في الشعب وبعدين الغنى صاحب اسطول سيارات النقل والمصانع والشركات- هو اللى بينقل كل حاجات الفقير وبينتجها وبيوزعها كمان - -- يعنى هيعوض الزيادات دى من دم الغلابة وخاصة وهوعلى دراية كافية بأن مفيش رقابة من الحكومة ولا توابعها نزلوا تليفونات للإبلاغ زى كل مرة وكل سنه وانت طيب وزير الصحة بيقول مجانية الصحة والتعليم هى سبب ضياع البلد - ووزير التعليم بيقول المعلمين ومطالبهم ضيعوا عليا فرحة العيد يبقى مستنى منهم ومن زمايلهم إيه ؟ دول سلسال باشوات وجايين يعيدوا ويحرمنوا الناس حقوقهم - يعنى سابوك هنا و...هما عايشين فى كوكب تانى والشعب بالنسية لهم صبح عبء ومصدر إزعاج لهم هو عيب لو سألوا الحكومات السابقة هما كانوا ممشينا إزاى ولانفخة الثورة والثوار والفشله وتقمص الأدوار لحست عقول الوزراء كمان إسألوا مش عيب - ربنا يهدكم قبل ماتهدوا البلد على دماغ الكل واضح ان الحكومة واصلها تقارير بأن الشعب معظمه مرفه وأن الفقراء لازالوا يستخدمون الفرن البلدى والكانون في إعداد طعامهم فرفعوا تمن أنبوبة الغاز أنبوبة الغاز زى العيش والتموين يا ساده ولا كدا كتير على شعب علم الصبر يصبر ويتصبر اتقوا الله فينا |
مع اعتراضى على ماتفعله الحكومة كباقى الخلق
ومحاولة اعطاء الدواء للشعب مرة واحدة فيكون ضرره أعلى من نفعه وربما يكون مميتا وقبل أن تنساق وراء الكارهين أحب أذكرك بشىء بسيط من يكره اختيارك وسعيد بندمك عليه الان هو فى الأصل لايريد أن يكون لك اختيار أ فمن يعترضون على اختيار الشعب الذى لايتفق معهم يروننا شعب جاهل ومش عارف مصلحته - فلاتعاقب نفسك لترضيهم واعترض وانتقد كما شئت واحمد الله أن لك بلد لازالت على قيد الحياة فيها المبشرات والمحبطات كباقى ربوع الدنيا |
|
|
مشكلتنا كعرب أننا لسه مش واخدين بالنا أن الأمريكان كلهم أمريكان
ومش واخدين بالنا من تعريف الأمريكان الحقيقى للإرهاب - مزقوا الجيش العراقى والسورى والليبى واليمنى واحنا لسه عاملين مش فاهمين-!!!!!! كان الأول بيهدموا بجنودهم وبإعلامهم لكن دلوقتى بجنود محليين تابعين لهم وبإعلام ينتهج منهجهم -- وبعد دا كله مصر والسعودية والإمارات والبحرين فاكرين بهطلهم العربى المعتاد أن أمريكا ستتخذ صفهم وتتخلى عن صبيها المدلل تميم وتساعدهم فى غلق الجزيرة وتبطل تمويل الإرهاب... --- طب دا معقول يا أولى العقول - يهدموا اللى عملوه وصرفوا عليه لأجل عيونا!!!! حد يلاقى المنفذ لأغراضهم ويدفع لهم كمان ويتخلى عنه - دا حتى يبقى عبيط ولا إيه ؟؟؟؟؟؟؟؟؟؟؟؟ https://scontent-cai1-1.xx.fbcdn.net...5c&oe=59F80BE9 |
جزاك الله خيرا وبارك الله بحضرتك تحياتي وتقديري |
|
|
https://fb-s-b-a.akamaihd.net/h-ak-f...234f95d93ccd91
هم لايخططون للفاشل --- لأن الفاشل كفيل بتدمير نفسه هم يحطمـــــون الفاعل --- حين يروا فعله سيرقى بوطنــه |
هذه الأسعارالمقترحة لاتنطبق إلا على المعلمين -
أما باقى موظفين الدولة فهنيالكم - الترقيات بدون تدريب والقبض بدون نقاط هههههههههه مستشاروا وزارة التربية ونواب الغفلة اللى على إيديهم راحت التربية وحصلها التعليم مشغولين فقط باختراع أساليب تربية جديدة خاصة بالمعلمين... من حق التقيــــــل يدلع وان شا الله الغلابة تولع احسب مع نفسك مرتبك وحوافزك https://scontent-cai1-1.xx.fbcdn.net...2f&oe=59FA181F |
|
|
|
عمرك سمعت عن معلم مسك منصب في الزراعة ولا الصناعة ولا الصحة ولا التعمير ولا القضاء وغيرهم
طب ليه وزارتنا الوحيدة المتاحة لكل لهؤلاء وكل الفئات ومحروم منها أصحابها فتش هتلاقى المهندس والمستشار والدكتور رئيس كنترول أو وكيل وزارة أو مسئول إدارى في المديرية مهندس لاتعرفه معمارى ولاهيئة أبنية ولا حتى مهندس زراعى - المهم والأهم أنه من أهل الثقة مفيش تشكيل وزارى غلط في مرة واختار مدرس حقيقى - اتصل بالطلبة وداق طعم طباشير الوزارة وشال جدول أكبر من نصابه وانتقل شرقا وغربا لسد العجز لأ -اللغة السائدة هنا أن التعليم العالى مسيطر على التعليم اللى مش عالى الشهادات بتاعته لازم تكون مدموغة بخاتم هيئات ومؤسسات غير مصرية لينال شرف الوزارة فيأتى ليطبق ماتعلمه في الخارج فيجد نفسه غرقان في شبر مية الواقع بالداخل ماحدش هيعدلها غير اللى عايش في واقعها ماحدش هيعدلها ويطورها غير لما وزيرها ومستشاريها ووكلائها ومديرى أعمالها من اللى شغالين فيها بالفعل مش بالمسميات كل يوم نبتكر مدارس جديده باسم بلدان عديده والسؤال : هل جئنا بكل ماهو متوفر في هذه المدارس في بلدانهم أم جئنا فقط بالمبانى والمسميات والمناهج اللا مصرية من باب التقارب السياسى ودمتم شكلنا هنعيش زمن جديد من التجارب ولنا ولأولادنا الله فهو وحده الحكم العدل |
أجتهدت وأتقنت فى عملها فمنحها الوهاب أمنيات ودعوات الملايين من الفقراء والأثرياء بأن يرزقوا بمثلها -
بارك الله فيها وفى كل عائلتها التى مهدت لها أن تحسن العمل لتنال خير الجزاء من رب العباد والاحترام والتقدير من العباد https://fb-s-b-a.akamaihd.net/h-ak-f...6159899c54a1a8 https://scontent-cai1-1.xx.fbcdn.net...f0&oe=59F6EF72 https://fb-s-b-a.akamaihd.net/h-ak-f...a28798093a7c33 https://fb-s-b-a.akamaihd.net/h-ak-f...ca6d596fc59872 https://scontent-cai1-1.xx.fbcdn.net...4c&oe=5A0C396C |
|
الحمد لله
و جزاك الله خيرا |
ياصباح الإنقلاب
اللى لبس العريان ثياب ولبس الحافى جزمة وشراب وعرف المحروم معنى اللحمة وكمان الكفته والحواوشى والكباب... ومسك كل ولاد الشعب كتاب ومدارس فى القرى وجمب الباب ياصباح الانقلاب اللى حرر شعوب من كل صور الاحتلال https://scontent-cai1-1.xx.fbcdn.net...bd&oe=5A0FA30B |
رسالة للباشوات الجدد
بيشتم رئيس الجمهورية ورئيش مجلس النواب ورئيس الحكومة وفى أخر كلامه تلاقيه يقول مفيش حرية !!!!!!!!!!!!- ويتنطع ويقول ياسلام على زمن الملكية - من باب إنه يوهم نفسه ويخدع الناس إن أبوه فى زمن الملكية كان برنس - دا القطر المخصوص اللى كان بيجيب الباشا فى زيارة لعذبته كان فيه واحد يجرؤ يقف على الترابه اللى كانت بجوار السكة الحديد - المشكلة إن كل واحد الأيام دى بالقرشين اللى ربنا رزقه بيهم نسى مشقة أهله وجدوده وعايز يقنع نفسه بأنه طول عمره برنس من سلسال باشوات - يا أخى انكسف على دمك وبلاش عشان خطرك خليها عشان خاطر أهلك وناسك اللى عاشوا الشقى وشافوا المر وكانوا خدم فى بلدهم اللى كانت تدهسها أقدام الأغراب وتتنعم بخيرها وأهالينا ينتظروا منهم بقايا إحسانهم ولا انت لسه فاكر إنك برنس وجدو كان باشا ابن باشا خليها فى سرك وربنا يهدينا ويهديك |
|
لاغربان ولاديابة - جيشنا بيهرس بالدبابة
|
|
مشكورررررررررررررر على الجهد
|
جزاكم الله خيرا
|
طب ممكن شعب إردوغان أو قطر أو أى دولة من دول المغرب العربى أو الخليج يتكرم ويضغط على رئيسه ويبعت فرقة واحدة من جيشه لحماية أهل الضفة كما فعل إردو مع قطر -
نصره الأقصى لن تأتى بدعم الإرهاب وجمهرة شعوب دول حليفة للمحتل الصهيونى بطريقة مباشرة أوغير مباشرة اللى عايز يضحك على نفسه يضحك براحته- بس ينكسف على دمه لأنه بيدافع عن دول تساعد فى تمزيق جيوش المنطقة وتفتيت الأوطان - يبقى الأقصى هيتحرر بإيه ؟ بالشوم ولا بالسيوف - سيبوا أهل الضفة فى حالهم فهما عارفين إزاى ياخدوا حقهم ورغم ضعفهم دائما ينتصرون بفضل من الله ولأنهم لايقبلون المتاجرة بهم وبهمومهم كما يحدث فى غزة فى غزة كل فصيل من فصائل المقاومة فيها له دول راعية ومحركه له ومتحكمة فيه ومعظمهم دول متحالفه مع دولة الاحتلال الصهيونى مثل تركيا وقطر وإيران أصحاب العقول في راحة |
|
مصائب وشعبتت قلوب الطلبة بحثا عن درجة تمنحهم حلمهم عند المسئولين عنهم فوائد
رقم التظلمات مفزع - لكن نتائجه عند المسئولين أهم https://scontent-cai1-1.xx.fbcdn.net...85&oe=5A2CB908 |
ثلت المدرسين بعد أكثر من ربع قرن عمل على الأقل لم يعترف بهم قانون 155وحرمهم من أي تقدير وترقيات في مادته 72-
همشتهم الدولة بعد ماقضوا عمرهم في خدمتها والتلت التانى منعم في الدروس الخصوصية وهذه الفئة لايعنيهم حال تعليم ولامعلمين والتلت الأخير هم معلمو المجالات والإخصائين وبعض المعلمين الذين لايعطون دروس وهؤلاء هم الذين يملؤن الأجواء بمطالب زيادة المرتبات وكل تلت منهم لايدرى ولاينشغل بوجيعة التلت الأخر https://scontent-cai1-1.xx.fbcdn.net...42&oe=5A2B1595 |
|
|
شعوب العالم تحترم الشعب المصرى
لكن الشعب المصرى هو الوحيد اللى مابيحترمشى نفسه الطيبين بيقولوا احنا بنتعلم من الامريكان وبنقلدهم طب تعالوا كدا نرجع لورا عقدين من الزمان بوش وال جور اختلفوا على نتيجة الانتخابات الرئاسية بينهما فأمرت المحكمة الخاصة بإعادة الفرز وأعلنت فوز بوش المهم والأهم - حدشاف خمسه حتى من انصار أل جور أو بوش نزلوا الشارع واعترضوا ... لم يحدث!!!!!!!!!!!!!! تعالوا نرجع لشهور بعد إعلان نتيجة الانتخابات الرئاسية بين هيلارى كلينتون وترامب واللى فاز فيها ترامب مش شفنا كلنا هيلارى وأوباما ووزير خارجيته كيرى وأنصار هيلارى نزلوا الشارع اعنراضا على فوز ترامب ألا يذكركم هذا بم فعله حمدين صباحى عندما انتشر هو وانصاره فى محافظات مصراعتراضا على فشله وتأهل شفيق ومرسى للنهائيات فى انتخابات الرئاسة 2012 يبقى مين بيقلد مين ؟- ولايكونشى دا طبع الليبراليين؟ |
|
العالم كله لو حارب الاتحاد السوفيتى مانجح فى تفكيكه -
التفكيك دائما يأتى من فساد الداخل والتمييز بين فئات الشعب الواحد - اللهم احفظ مصر من أوغاد الداخل المنعمين بسخاء نعيمها والمرفهين فى خير خيرها والذين يكرهون أمنها واستقرارها بخلا وكرها للملايين الصابرين من الفقراء والمعدمين - اللهم احفظ مصر https://scontent-cdg2-1.xx.fbcdn.net...9e&oe=5A18C39C |
|
المعلم “ايوب العصر”..
هو الموظف الوحيد الذى يصرف من جيبه على وزارته؟؟!! الى كل من يسئ للمعلمين الشرفاء المطحونين الكادحين الصابرين صبر ايوب.. دائما يتحدثون ويبحثون عن واجبات المعلم ولكنهم دائما يتجاهلون ويغضون الطرف عن حقوق المعلمين..؟؟!! وتجاهلوا ان المعلم يعيش في ظروف معيشية صعبة وقاسية جدا نظرا لتدنى المرتبات التي لاتسمن ولاتغني من جوع ولذلك يلجأ للعمل بعد الظهر في اعمال لاتناسبه اطلاقا "سائق، حرفي سباك. نجار. مبلط …، فى مقهى او مطعم او مخبز او سوبر ماركت….." لكى يستطيع ان يوفرعيشة حرة كريمة له ولاسرته.. وبدلا من توجيه الشكر للمعلمين المطحونين الكادحين الصابرين على اوضاعهم يتم الاساءة اليهم ؟؟!!!.. هل تعلم ان المعلم هو الموظف الوحيد في الدولة الذى يصرف من جيبه الخاص على وزارته التربية والتعليم…؟؟!!.. فهو يتحمل ما لا يطيقه بشر فهو ايوب العصر الحديث.. 1- بيدفع ثمن الطباشير واقلام السبورة الفلوماستير ودفاتر التحضير وسجلات متابعة ونشاط واقلام جاف وحبر من المفروض ان توفرها الوزارة للمعلم بصورة شهرية لأنها ادوات اساسية هامة .2- يشتغل حصص اضافية زيادة عن نصابه القانوني بدون اجر إضافي .3- بيدفع ثمن كشوف ورقية مثل كشوف المرتبات، طلبات ادارية متنوعة مثل ورق الاجازات. دفاتر اعمال السنة وغيرها والتي من المفروض ان توفرها الوزارة.. 4- يتكلف مصروفات ركوب مواصلات يوميا للوصول لمدرسته من 2 جنيه الى 15 جنيها او اكثر يوميا بدون ان يصرف له بدلات انتقال يوميا. 5- اجور عمال النظافة الموسميين تدفع اما من جيوب المعلمين او تبرعات او من إيرادات المدرسة او مجلس الامناء حيث يوجد عجز صارخ في العمال والوزارة لا توفر عمال للمدارس وتطالب بالنظافة على اكمل وجه .6- بيدفع فلوس مقابل عمل وتجهيز كشوف المرتبات الشهرية في بعض المدارس التي لا يوجد بها سكرتير يجيد عمله 7- بيدفع لكى يشترى وسائل تعليمية من لوحات ورقية ومواد ونماذج تخص العملية التعليمية ولاتتوافر في المدارس .8- المعلم هو الموظف الوحيد الذى بيصرف على امتحانات الثانوية العامة من جيبه الخاص بالرغم من انها مأمورية رسمية، لأنه بيصرف مكافأة امتحانات الثانوية الضئيلة بعد انتهاء الامتحانات بعشرة شهور كاملة اى انه يصرف وينتظر عشر شهور لكى يسترجع جزء مما صرفه اثناء تلك الامتحانات، وكذلك الحال لباقي امتحانات الشهادات العامة من اعمال ملاحظة وتصحيح والتصحيح بيكون بمبالغ رمزية لاتسمن ولاتغنى من جوع. . 9- بيصرف على تدريبات رسمية من جيبه ولايسترد أي شيء مما قام بصرفه، وبيدفع من اجل تدريبات الاكاديمية المهنية للمعلم .10- الان هو الموظف الوحيد الذى يعمل في اماكن ليست مكيفة الهواء وخاصة فى الصعيد حيث الفصول هنا حر ناااار .11- احيانا كثيرة لا يجد مكان للجلوس به بالمدرسة ولا يجد كرسي للجلوس عليه 12- يتعامل مع بنية متهالكة معامل علوم وحاسب الى وغرف مناهل معرفة ادواتها تالفة او معطلة ..سواء مواد او اجهزة معملية او كمبيوترات لا تعمل .13- المدارس هي الجهة الوحيدة التي لا يتواجد بها افراد أمن متخصصون، مما يعرض المعلمين لاعتداءات فظيعة من الطلاب ومن اولياء امورهم وكذلك الطلاب بعضهم مع بعض .14-المعلم هو الموظف الوحيد الذى لايصرف مكافأت على الاعياد والمناسبات. 15-المعلم هو الوحيد الذى تراقبة وتفتش عليه جهات متعددة جدا من اول مجلس قروى لمجلس مدينة لادارة تعليمية لمديرية تعليمية لمحافظة لتفتيش مالى وادارى لتوجيه فنى لجهاز مركزى للمحاسبات لرقابة ادارية للمديرية المالية الى وزارة التعليم نفسها يعنى ملطشة لكل الجهات تتحكم فيه 16- المعلم هو الموظف الوحيد في الدولة الذى يتعب ويتبهدل عندما يتم ترقيته لوظيفة اعلى .يعيش فى تعب وشقاء من يوم تعيينه حتى يوم خروجه للمعاش 17- المعلم لا يعمل في مكان ثابت فهو دائم التنقل من النجوع والقرى والمراكز والمدن والمحافظات .كل عام يتم ندبه من مدرسة لأخرى لسد العجز وممكن ان يتم ندبه مرتين او اكثر خلال عام واحد ولايستقر في مدرسة ابدا. وبعد كل ذلك يطالبون المعلم بعمل المستحيل ؟؟؟؟؟!!!!!!… |
رضا عطية تستاهل كل اللى يجرالك ....مش دا الوزير اللى عينه حبيبك ؟ يبقى تسكت ساكت خالص
|
⚁كلمنـــــي عـن مصــــــــر ...
كلمنى عن مصر حبى الأول والأخير واللى متحمله جشع الغنى وألم الفقير واللى بيتغنى بحبها أهل الخير وبيكره سيرتها كل لئيم شرير ⚁كلمنـــــي عـن مصــــــــر ... كلمني عن بقعة أرض وحيدة علي ظهر الكرة الأرضية تجلي عليها وحدها خالق السموات و الأرض بنوره فخرت الجبال صعقاً لجلاله ... ⚁كلمنـــــي عـن مصــــــــر ... كلمني عن أرض كانت عبر كل تاريخ عصور البشرية هي المطمع و الهدف و المرتجي لكل قوي الشر علي إختلاف أجناسهم و مللهم ... ⚁كلمنـــــي عـن مصــــــــر ... كلمني عن أرض شعبها من سبعين سنة مكتوب عليه يحارب صباح مساء كل يوم و يبني و يعمر و يزرع و يصنع و يركع و يسجد و يسبح و يصوم و يصلي ويرفع آذان و يقيم قداس ... ⚁كلمنـــــي عـن مصــــــــر ... كلمني عن أم شهيد تلبس الجلابية البيضاء و الطرحة البيضاء تمشي في جنازة وحيدها العسكري تودعه وتزغرد و تقول زفوه زفوه و هو داخل تربته ... ⚁كلمنـــــي عـن مصــــــــر ... كلمني عن عجوز عمره سبعين سنة يبكي في دفنة إبنه عاوز يلبس الكاكي و يطوع في الجيش مكانه ... ⚁كلمنـــــي عـن مصــــــــر ... كلمني عن طبق الفول المدمس و رغيفين العيش و كوباية الشاي ساعة الصبحية ياكلهم الفواعلي و يقوم يبني مصـــر كلها ⚁كلمنـــــي عـن مصــــــــر ... كلمني عن دعوة صبحية من الست المصرية ما تسمعها من أي ست في الدنيا كلها روح إلهي ربنا يفتحها في وشك و يفتح الأبواب المقفلة و يرزقك برزقنا ... ⚁كلمنـــــي عـن مصــــــــر ... كلمني عن زوجة مصرية تسلت من إيديها غوايشها تقول لجوزها خد اتصرف في دول لحد ما ربنا يفكها بكره تجيب لي أحسن منهم بس ما تزعلش نفسك يا خويا ... ⚁كلمنـــــي عـن مصــــــــر ... كلمني عن طبق الكشك بالفراخ علي إفطار رمضان في بيتنا جاي من الست أم كيرلس جارتنا و يرجع الطبق فيه كنافة عمايل إيدين الحاجة فاطمة . ⚁كلمنـــــي عـن مصــــــــر ... كلمني عن جمعية بتتعمل بسرعة في بيت في مصلحة حكومية يقبضها أول نفر موظف علشان يلحق يجهز بنته العروسة و ما تتكسفش قدام أهل عريسها ... ⚁كلمنـــــي عـن مصــــــــر ... كلمني عن دولة كلما أراد أعداؤها كسرها فنهضت أقوي و أصلب و أجمد ... ⚁كلمنـــــي عـن مصــــــــر ... كلمني عن نغمة جميلة و كلمة عميقة و لوحة جميلة و لحن وطني و آية قرآن و ترنيمة إنجيل و آذان علي مدنة و جرس علي كنيسة و إمام صلاة و راهب قداس و كل مصري و له تسبيحه ... ⚁كلمنـــــي عـن مصــــــــر ... إللي يحب يكلمنـــــا إحنا الشعب عـن مصــــــــر ... يعرف الأول يعني إيه مصــــــــر ... تحيااااااا_مصر اللى عايش قى خيرها ويحب غيرها بحجة عداؤه لحاكمها ينكسف على دمه حبتين لأن لاحاكم بيدوم ولاسلطه بتدوم والدوام بأمر الواحد الحى القيوم لبلد الأجداد والأحفاد وهى كل المراد وماتغيبوش علينا لأنكم بصراحه بتوحشونا |
يا عم هو ده حاكم ؟؟؟ دا اخره شيخ حارة بالكتير أوى.....وبعدين خير ايه اللى احنا عايشين فيه ؟؟؟دا ايام مبارك كانت افضل مليون مرة وهو من كان حرامى وفاسد ....انما احنا دلوقتى يحكمنا لا مؤاخذة ......بلحة قزعة ومتنساش انه وسيم ههههههههههههههههههههه ال وسيم ال
|
|
بص يا سيدنا ....
أنا من الجيل اللي اتربى على توب الكستور في الشتا علشان يتعمل منه بيجامات وارواب انا من الجيل اللي كان بيغسل سنانه بمعجون ارتف وصابون بسمة و 5 خمسات و ماما تجيب صابون الغسيل المكعبر تبشره مع سافو أو رابسو وتحطه في الغسالة وتغلي الابيض عشان يبقى زي الفل انا من الجيل اللي أهله وقف في طابور الجمعية اللي ما فيش منفذ غيرها ياخد فرخة لكل عيلة أنا من الجيل اللي قلى السوداني و البطاطا في حلة الكيك وعمل الحلبة المعقودة "مفتقة" في الشتا...و حمص لب البطيخ في الصيف ... أنا من الجيل اللي كان عنده طقمين وصندل للصيف وطقمين وجزمة للشتا و يحافظ ع القديم ويقيفه على حاجات جديدة فيبقى طقم تالت أنا من الجيل اللي كان مآمن ان عمر افندي وهانو قمة الأناقة ومقصد الشرا أنا من الجيل اللي حضر كراسات المدرسة المتجلدة بورق بيع اللحمة ولسة ريحة الورق شماها أنا من الجيل اللي عشق اللمة والعيلة وتجميعة على أكلة ولو بيض مسلوق وحلة كشري اصفر وطبق سلطة بلدي معتبر أنا من الجيل اللي شاف وعاش البركة في القليل وشاف الطموح نجاح ومعافرة ورضا بالنتيجة أنا من الجيل اللي لما عاش ده عرفت يعني ايه معنى أهل أخاف ع التراب اللي بيمشوا عليه ومعنى بيت بيلمنا وأرض هي كل حاجة .... تسلمى يانشوة العبير والأصل الكريم |
موضوعك رائع ياستاذ ضياء
تحياتى عليه ده بيدل على ثقافه عاليه جزاك الله خيرا ____________ |
اقتباس:
استاذنا الفاضل شكرا جزيلا على هذه الشهادة الغالية والتحية الطيبة وجزاكم الله خيرا |
رسالة إلى المؤيدين والمعارضين والكل كليله
يقول الشاعرالحساس فى مطلع قصيدته واللى خطفت قلوب الناس (اللى بيخاف يتاكل حاف - واحنا معانا ربنا ولاحدش بيهمنا ) دا احنا عايشين فى أيام سوده ماعدنا عارفين فيها أدار من أمشير من طوبه واللى لسه مزهزه معاه ... بكره ييجى عليه الدور وركبه ترقص م الرطوبه ويقولك هنبنيها وشبابها تايه فيها وعواجيز الزفة ماسكين الدفه وبيحللوا السبوبه السيسى لازم يكون اختيار شعب مش مجرد استفتاء في الشارع ياولاد الـمنكوبه ولا احنا هنعيد الماضى من تانى اتهدوا شويه ربنا يهدكم كلكم ياولاد المضروبه |
|
| جميع الأوقات بتوقيت GMT +2. الساعة الآن 10:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.