يا مان أنا مش قصدي أحرجك أو أعدل على كلامك أنا عارف من مشاركاتك السابقة في الموضوع ده أن أنتا في ال Auc ومش ثانوية عامة دفعة 2008 و بالتالي عارف أن أنتوا كان عندكوا نظام في التنسيق غير بتاع السنه ديه
ياريت مش تزعل مني

:rolleyes: :rolleyes: فضحتني !!
لا عادي انا مش زعلان ولا حاجة .. دا بالعكس .. انا مبسوط ان فيه ناس بتعدل على كلامي .. ودا في حد ذاته مشاركة ايجابية منكوا .. في وقت التوبيك دا كان ميت فيه!! .. بدل مالوحد يقول في معلومات غلط ويضيع الناس ...

thank u so much for ur illustraition

التوبيك جميل لانوا بيساعدنا انا بقى عايزة اسال على نظام التحويل من كلية فى النطاق الجغرافى لكلية خارج النطاق الجغرافى
انا جبت 406 ونص وطبعا كلية طب اللى ادخلها حسب نطاقى الجغرافى المنصورة وبعدها الزقازيق وانا كان نفسى لروح عين شمس للقاهرة بيقولوا الدراسة هناك اسهل كتير من المنصورة هل ده صحيح ولو كده هل هقدر احول بعد سنة اولى

والله انا اول مرة اشوف حد بيجيب مجموع ويبقي عايز يغرب نفسه في منطقة تانية .. في الوقت اللي هوا يقدر يخش فيه كلية معينه في نفس منطقته !!

اولا .. اعتقد ولست اجزم .. بان الموضوع دا مش نافع .. لإن مافيش اي نص صريح او حتى اشارة ليه انه ينفع

اقري كدا قواعد القبول الجغرافي واحده واحده

· تعتبر الإدارة التعليمية أكثر دقة في التعبير عن موقع سكن الطالب.
(أظن دي واضحة ومش محتاجة شرح)

· تتبع الإدارة التعليمية الجامعة الأقرب لها وتدخل ضمن الحيز الجغرافي لهذه الجامعة.
(يعني شوفي انتي ادارتك بتجيب منين لفين يعني حدودها الجغرافية ايه .. وشوفي جامعتك موقعها منين من الحيز دا)

بعد كدا اما تيجي تكملي باقي القواعد .. تلاحظي انه كاتب وبكل وضوح .. قواعد تقلييييييييل الاغتراب
مش قواعد الاغتراب !!

واما تنزلي تحت شوية هاتتلاقيه بيقولك وبكل وضوح نصه الاتي :
(القبول بالكليات غير المتناظرة (كليات لا يوجد لها مثيل بالجامعات مثل كلية الاقتصاد والعلوم السياسية أو كلية الإعلام أو كلية هندسة البترول والتعدين بالسويس ... الخ) متاح أمام جميع الطلاب من جميع محافظات الجمهورية دون التقيد بشروط التوزيع الجغرافي أو الإقليمي.) ..

وانتي في حالتك دي .. من الممكن انه يتم قبولك طب المنصورة او طب الزقازيق على حسب مجموعك بقي هايوديكي فين ..

لكن غير متاح ليكي انك تخشي القاهرة .. الا اذا كانت الكلية فريدة من نوعها او مش موجوده في اقليمك ومنطقتك

يارب تكون نظريتي وصلت ..

على فكرة بتبقى ظروف :)
يعنى انا نفسى مجيبش مجموع فنون تطبيقية حلوان بس تيجى لىبتاعت دمياط
لان ساعتها هيبقى لى الحق فى السكن الجامعى لان هيبقى اسمى من خارج المحافظة
وساعتها مش هركب مواصلات او هتنطط زى ما بتنطط هنا - هى حتى دمياط كلها اد ايه ومش زحمة زى هنا
لكن بتاعت حلوان اللى فى وش جامعة القاهرة مقدرش اقعد تبع اى سكن جامعى
لان اسمى داخل نطاق القاهرة الكبرى
وانا عشان اوصل لها مشوار رايح جاى بس فيها بتاع 5 ساعات !!!
يعنى خمس ساعات وقت ضايع مواصلات بس فى اليوم
الواحد كدة يبقى بيضيع صحته بردو !!
ولحد دلوقت عمالة بفكر استعداد للمشكلة دى ومش لاقية حل بجد ! الاغتراب مش حلو بردو
هى عاوزة تحول عشان اسهل !!!
لكن اللى اعرفه ان عين شمس مش سهلة كدة ،، وان ناس بتهرب ع القاهرة ،،
دا طبعا بما ان توزيعى الجغرافى اصلا قبل ازالة الحدود الجغرافية بين القاهرة الكبرى كان عين شمس :)

اها وصلت وشكرا بس حضرتك بتقول الممكن انه يتم قبولك طب المنصورة او طب الزقازيق على حسب مجموعك بقي هايوديكي فين ..
يعنى ممكن كمااااااااان مقبلش فى المنصورة مع العلم ان التنسيق السنة دى نزل 8 درجات
وياريت حضرتك ترد على سؤالى التانى اللى محدش رد عليه

أنا أخويا في طب عين شمس و في سنة 6 وبيقول أنه في خلال ال 6 سنين دول ما أتعلمش حاجه في أي حاجه ده غير أن الأعداد فيها كبيره
لو عايزه تدخلي طب في محافظة القاهرة يبقى طب القاهرة أحسن من عين شمس

أه صحيح الوزير قال السنه ديه طب الإسماعيلية حيقبل من أي محافظة عشان بيدرسوا فيه الطب بأحدث طرق علمية !!!!!!!!!!

hkk-happy
تعرفي الفرق أيه بين كلية زراعة القسم اللي بيقبل من علمي علوم و قسم هندسة زراعية اللي بيقبل من علمي رياضة ؟ مش الأتنين بيبقوا مهندسين زراعيين ؟ طيب أيه الفرق بينهم ؟

بيتهيألي اه .. الأولوية في المجموع طبعا

انتي ممكن تكوني كاتبه رغبة اولي طب منصورة .. وزقازيق رغبة تانية

لو مجموعك ماجابش منصورة .. مش هاتتقبلي .. وهاتتقبلي زقازيق .. وهكذا

بس كله اولوية للمربع الجغرافي بتاعك

اقري التعليمات تاني وشوفي .. خاصة الفقرة بتاعة المجموعة أ و ب دي ...

عندك حق فعلا ..

انا بقي اخويا كان في طب القصر العيني .. ونفس كلامه نفس كلام اخوك

واهو متمرمط في القصر العيني اهو عشان الامتياز بتاعة .. ولسه جاي دلوقتي حالا والله !!

ياجماعة عندي سؤال ضرررررررررررررررروري
لو بعد نتيجة التنسيق لقيت كلية واخدة من مجموعي وكنت عاوزة ادخلها لكن مكتبتهاش في الرغبات ينفع احول ليها
ارجو الرد؟

قسم هندسة زراعية بيختلف كتير وكان سبق فى مشاركة سابقة فى الكام صفحة اللى ورا قلت اقسامه
وهو قريب لهندسة قسم ميكانيك وبرة دا قسم فى هندسة فعلا مش زى هنا فى مصر
يعنى بيتميز شوية عن زراعة انه مش زراعة بمعنى الزراعة

هدور لك كدة ع حبة معلومات اكتر واجيبهالك تانى ان شاء الله

صبرا بس ... :D

لا طبعا .. الرغبات دي عبارة عن مستند رسمي يعبر عن رغبتك في الالتحاق بكلية معينه

اتقبلتي فيها .. كان بها .. ماتقبلتيش بيقلبوا على الرغبة اللي بعدها

لكن زي مانتي عارفه .. التنسيق لا يحاسب على النية .. ولكن يحاسب على مستند رسمي