ياه يا yasssmine انت سمعت عن الدكتور ده من قبل ما تدخلى الكلية انا ماسمعتش عنه غير لما دخلت القسم وانا سمعت انه بيستهبل بس ماكنتش اعرف انه اوى كده وسمعته سابقاه حتى للى لأول مره يروح الكلية

وعلى فكرة يا yasssmine انت قلقتينى جدا وهتخلينى افضل قلقانة لغاية ما اتاكد انه مش هيدينى السنة دى خصوصا انه قال فى الامتحان لبنات معانا انه هيدينا السنة دى وهيبهدلنا انت عارفة لما نبقى 50 بنت بس هنبقى عاملين ازاى ادعولى ربنا يسترها

وعليكم السلام ورحمه الله وبركاته

بس واضح ان رمضان والعباده واخده الناس كلها دلوقتى

اللهم تقبل منا

ازيكم يا جماعه وحشنى والله فينكم وفين الناس ايه ده هو رمضان صحيح اخد الناس والا ايه ازيك يا نور حمد لله على السلامه فينك من زمان ازيك يا بشمهندس رفاعى كويس والله انك لسه متابع يا ريت يا جماعه نتواصل تانى ونرجع اقوى من الاول سلام وكل سنه وانتم طيبين

كل سنه وانتم طيبين ياجماعه

والله يسلمك ياياسمين

وربنا يتقبل منا رمضان
اللهم آمين

ويارب التوبيك يرجع احسن من الاول

انا ان شاء الله داخله هندسه وعايزه اعرف ايه القسم الافضل

اهلا بيكى يابشمهندسه ساره
هندسه كلها هتنور بوجودك

بس استنينا شويه كده اما الناس تفوق من رمضان
وان شاء الله هنجاوب على كل اسألتك


ممكن تبصى على التوبيك من اوله وأكيد هتلاقى حاجات تفيدك
وربنا يوفقك

وحضرتك طيب يا بشمهندس رفاعى وربنا يتقبل منا ومنكم جميعا يا رب والله رمضان كان ضيف خفيف خالص علينا وايامه كلها جميله الحمد لله
فعلا والله يا ريت نرجع نتفاعل نتانى حتى علشان ال لسه داخلين الكليه وكده يعنى ال عايز منهم حاجه ولا حاجه

هههههههههه ايه يا ساره العجله دى مالك على مهلك استنى طيب نرحب بيكى داخله على طول طس كده على العموم اهلا بيكى ونورتى التوبيك ونورتى هندسه كلها بس لسه التنسيق بتاعكم ما نزلش بس ان شاء الله تدخلى الحاجه ال انتى عيزاه بالنسبه للاقسام استنى انتى لما تدخلى اعدادى هتدرسى مواد من كل قسم المواد ال تحبيها ادخلى القسم بتاعها مثلا الرياضه والميكانيكا من كهربه والرسم والوصفيه من عماره او تخطيط والحاسب والتطور من نظم كده يعنى وان شاء الله ربنا يوفقك وتختارى كويس لكن انتى مستعجله قوى على الاقسام كده ليه يلا بقى حماس الدفعه الجديده انا ان شاء الله هكون معاكى فى نفس المبنى كهربه باذن الله لو احتجتى اى حاجه انا معاكى ان شاء الله وشكرا على مرورك ولو عايزه تسالى اى حاجه تانيه اسالى واحنا كلنا ممكن نجاوبك باذن الله فى هنا مراحل مختلفه فى ال فاضله سنه ويخلص بس مش عارفه طفش مننا ليه وفى البشمهندس رفاعى فى تعدين وفى ناس كتير بلاش انسى حد واهلابيكى مره تانيه