![]() |
الله يفتح عليك ياشيخ لافض فوك
|
قمة الديمقراطية انك ما تقدرش تحاور شخص و ترد بالحجة على موضوع فتلغى الموضوع خالص
شفت يا أستاذ / رضا لغوا الموضوع خالص اتشال و لو رديت على مواضيعهم يتلغى الرد بتاعك حسبى الله و نعم الوكيل |
خرطوشة فى ذاكرة الأمة
فى مصر الأن فريقين فريق بيغنى (ياحلوه ياشايله البلاص ) وفريق بيغنى (والله وعملوها الرجالة ) لكن فيه سؤالين بالإحباط مشحونين ذنبه إيه الجِندى ورفاقه علشان يموتوا فى سن العشرين؟ وعمل إيه المرشد وشلته لاجل يستولوا على ملكية الملايين ؟ |
كان حلم وراح
[B][SIZE="4"][COLOR="Purple"] كان فيه اتنين من الشباب الثورين بميكروباصهم واقفين فى محطة بنزين ولأن الوقت طويل والصبر فى طوابير قليل لازمها صبر جميل ومتين بدأوا يتذكروا من سنتين حلمهم اللى رحل مع الراحلين كان حلمهم الريس والحكومة والمحافظين يبقوا خدام لكل المصريين ! ياليل ياعين !!!!!! لكن طلوا علينا الإخوان ومعاهم أفة كل زمان ألاف من المنافقين وحيتان من المداحين مداحين مش عادى دول مداحين هواهم يسكنوا تحت الرجلين مداحين ولاؤهم لأسيادهم وحريفة بوس للرأس والإيدين يت*** مايت*** يتسحل مايتسحل يتعرى مايتعرى هما يعنى مين وولاد مين ؟ دول صعاليك ومالهمشى دية واسألوا حتى شيوخ الدين الخصوصيين باقى إيه نعيش علشانه (ضاعت الدنيا وحتى استكتروا علينا الدين ) عمل إيه المرشد وشلته علشان يستولوا على كل بلد الملايين وإيه ذنب الجندى ورفاقه يتواروا فى التراب فى سن العشرين ذنبهم أنهم خرجوا من ديارهم بالعدالة والمساواه مطالبين لكن نسيوا أهم شىء وهو ( بيطالبوا بيها من مين ؟) حسبنا الله ونعم الوكيل إنتهى الحوار وبعد طول الانتظار وصلوا لدورهم لا وجدوا سولار ولابنزين خلاص خلص خلاص--- والكل بيغنى من إحباطه (ياحلوه ياشايله البلاص ) وناس تانيه بتغنى (مبروك مبروك – مبروك علينا ياحلوين ) بس ياترى شيل البلاص أرحم ولا المتاجرة بالدين ودم المساكين؟؟؟؟!!! |
وإيه هيضير الكذاب أن يضيف لسجله كذبة جديدة
هل يخشى أن يصفه الناس بالكذاب ؟ ماهو كذاب والكذاب بيروح فين ؟ بيروح الإتحادية والمقطم استمتع بالحقيقة مع المسئول عن مصدر الاستطلاع (د- نجلاء العمرى ) http://www.youtube.com/watch?feature...&v=z2KOmoUhzdI |
الحق باق بأمر الحق
الشهداء يتساقطون فكم بلطجى سقط ؟ هل الرصاص دائما يضل طريقة ولا يجد سوى شباب فى عمر العشرين هل محمد الجندى وعمرو سعد بلطجية ؟ ياناس ياخلق هذا زمن الشباب شئنا أم أبينا ولذا فأنصارفرعون مصر الأن يقلدون فرعون زمن موسى يوجهون غضبهم وسخطهم وحقدهم فى كل من يروا فيه أمل و مستقبل لهذه الأمه مامدح العالم فى الميدان ذوى الشعور البيضــــاء بل رأوا كل الأمل والرجاء بشباب النقاء والصفـــاء أخرجوها سلمية فربحوا بمسعاهم رقي وارتقــاء حتى أتاهم تجار الكذب فحولوها لموتى ودمـــــاء وحملوها كنعش طائر وظنوا به سيحصنوا البقـــاء كل نفس لها ساعة والبقاء للحى رب السمــــاء حاسبوا أنفسكم الأن وإلا فالعناء مصير الأشقياء |
رسائل إلى ........ من مواطن مصرى ( 1 2 3 ... الصفحة الأخيرة)
أ/ رضا الجوهرى 23-08-2012 09:56 pm بواسطة بركان الغضب2 1,264 -----25.897 فى 7/9/2012 رسائل إلى ........ من مواطن مصرى ( 1 2 3 ... الصفحة الأخيرة) أ/ رضا الجوهرى 23-08-2012 10:56 PM بواسطة رضا محمود الجوهرى 1,264 ------30,738 فى 6/2/2013 مغلق بتاريخ 23/8/2012 http://www.thanwya.com/vb/showthread.php?t=371217 ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ رسائل إلى ----ج2------- من مواطن مصرى ( 1 2 3 ... الصفحة الأخيرة) بركان الغضب2 07-09-2012 06:49 AM بواسطة بركان الغضب2 82 ---- 1,558[/QUOTE]فى 7/9/2012 رسائل إلى ----ج2------- من مواطن مصرى ( 1 2 3 ... الصفحة الأخيرة) رضا محمود الجوهرى 05-02-2013 11:18 PM بواسطة رضا محمود الجوهرى 340 -------7,060فى 6/2/2013 http://www.thanwya.com/vb/showthread.php?t=456797 ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ كتر الكلام فى هذه الأيام خيبه وألف خيبه ولنعلم أن للدماء حصانة ومليون هيبه ندعو الله أن يحفظ شبابنا من طموحات الشيبة دعوه للصمت ولو لفترة جزاكم الله خيرا جميعا |
[b]السادة الحرافيش
كم مرت بنا دموع وأهات ودعوات أمهات على كل من لايسترحم ضعفها وألمها وحرقة قلبها على إبنها ونحن على وتيرة الدفاع والتهليل والتكبير ملازمين الشعارات ورافعين الرايات وأخر هذه السيناريوهات مايحدث الأن حين يخرج وزير العدل بقرار وحكم مسبق قبل أن تنتهى الطب الشرعى والنيابة من عملهما فله عذره لأمرين (وزير -- وانتماء مباشر للجماعة ) يعنى الدفاع وتضليل الرأى العام هنا عليه مش بخسارة وربما يجده من صميم عمله فى هذا الزمن المتقلب لكن إنت ياحرفوش زى حلاتى وحالات الكتيييييييييييييييييير نفسى أسأل سؤال لمن استبقوا التحقيقات واشتغلوا دفاع مستميت من أين أتتك كل الثقة بأنك لاتكن يوما مثل هذا الشاب لاقدر الله وتجد أيضا من يحاول تضليل العدالة وضياعها فيضيع حقك ؟ هل أنت معصوم ولديك حماية ربانية ؟؟؟ أم مجرد تعاطفك لجهة ما تجعلك سابحا فى بحر الوهم عزيزى الحرفوش الكبار لايشعرون بنا سوى عند الهتاف والتهليل وخاصة فى الانتخابات وماإن انتهينا من دورنا داسوا علينا بأقدامهم وهم لايشعرون - نعم وهم لايشعرون فوق ياحسنين واعقلى ياانشراح ضيعنا السنين وما أخدنا قد اللى راح وشوف كنا فين ودلوقتى فى وهم براح ونصيبك رغيفين وخمسه لرفيق الكفاح لوكنت منهم هنيالك صدقنى ماما دعيالك لكن ياويلك وسواد ليلك لوكنت ولد الفلاح فى بلدنا ابن الدكتور دكتور وابن الوزير فى قطر مسرور طب يا أبو مرتب مايأكل عيش على إيه متعنتظ ومغرور ؟ ومدام مصيرنا لرب غفور ماتخلى ساعة العدل تدور وهو دا بس عين الجهاد وطيب الكفاح هو دا دينَّا يابن الناس عمره ماكان تأييد وخلاص انصر أخاك ظالماأو مظلوما وأغنى الأغنياء من نام ليله بقلب خاشع وضمير مرتاح ربنا يظهر الحق ربنا يسترها علينا جميعا فى زمن تفرقت فيه دماء البسطاء بين نخب الحكم ومشاركيهم الحلم والرجاء[/b] |
جزاكم الله خيرا
|
تغريدة النفس الأخير
البعض يصور لنا الرئيس وكأنه يجلس بين فرعى شجرة وليس بقصر الرئاسة بإرادة شعبية والمعارضة تريد اسقاطه !!!!!! من يتأمل المعارضة فى مصر ستعود به الذاكرة لما قبل عامين وشهر من الزمان هما هما - والأحلام هيا هيا - والمساعى هيا هيا الأهم من هم فى الشارع من الشباب - من هم صانعوا قرار الثورة فى تجمعهم على صفحات تواصلهم يتوهم البعض من العواجيز بأنهم سيتغلبون عليهم بتفصيل بعض القوانين التى تحجم نزولهم للشارع قد تنجح ولكن هل تنجح فى منع تجمعاتهم التى حفظوها وتغلبوا بها على دولة أمن الدولة السابقة ؟ كنا نتمنى أن تقوم الحكومة بإرسال دعوة جماعية لهؤلاء الشباب فى مكان فسيح كاستاد القاهرة لعدة مرات متتالية لتشاركهم أرائهم وأفكارهم ورؤياهم فى مستقبل الوطن تستمع إليهم -- تستمع إليهم -- تستمع إليهم تجمعهم الرئاسة والحكومة بأيديهم قبل أن ينزلوا هم بانقلاباتهم ونحن نعلم نزولهم ونتائجها افتحوا المجالات للقاءات فضائية --- اشغلوا قنوات ماسبيروا بماهو مفيد بعدما شتتها الفراغ أعيدوا لماسبيرو الشعب دورها التوعوى والتثقيفى بلقاءات حاشدة مع الشباب ولقاءات مع ساسة محايدين ولدينا منهم الكثير والكثير قربوا شباب (لا) ----- وابعدوا قليلا شباب (نعم ) ثم ادمجوهم فى بوتقة الأصل الواحد للكل ( مصر ) لديكم الإمكانيات من وسع ولكن يبدو أن ليس لديكم الإرادة وفكر التغلب على مشاكل الأمة فلا تلوموا إلا أنفسكم إن تقاعستم اللهم هذا وطن الأجداد والأباء فاحفظه أمنا مترابطا لكل الأبناء والأحفاد |
الجمهورية الثانية
بعد أن مر التخوين على خير ولم يصدقة أحد إلا المأمورين والمأجورين على صفحات النت بعد أن مر التكفير على خير ولم يسمح به أحد إلا الأتباع خدعوك فقالوا أن دم المعارضة فى مصر مصان ولم يهدر بفتوى من وراء الستار طبعا عايز دليل 1- ماهو السر وراء اعلان وزير العدل بسر تقرير الطب الشرعى الخاص بشاب من شباب مصر قبل أن ينتهوا منه؟ 2- ماسر هذا الهجوم الميليشى الإخوانى لتضليل الحقيقة بل واصدار الحكم قبل حتى بداية التحقيقات ؟ (هذه عادتهم يهيئون الناس لحكم معين وحين يخرج بمالا يتفق معهم ينال القضاء مايناله ) كان نفسى أقول لكم (اتقوا الله فى دماء الشباب وخاصة أن أغلبهم مسلمون واتركوا الأمر لأهله لتظهر الحقيقة) ولكن أنتم إسلاميين فماعلاقتكم بالإسلام والمسلمين !!!!!!!!!!!! حسبنا الله ونعم الوكيل |
العبد الفقير إلى الله
البعض يضعنى ضمن جبهة الإنقاذ والبعض يضعنى ضمن الفلول وأنا الأن ألعن فقرى لأننى لو امتلكت من مال الدنيا مايكفينى لللرحيل لرحلت من بلاد فيها المسلمين بلا إسلام إلى بلاد فيها الإسلام بلا مسلمين على الأقل هناك بشر يقدرون حرمة دماء الإنسان ونحن المأمورين به من تعاليم ديننا الحنيف نهدره من أجل مرشد ومناصب وكوادر ونخب سياسية وشيوخ الفتنة حسبنا الله ونعم الوكيل فى من استخدموا الدين لمكاسب سياسية حسبنا الله ونعم الوكيل فى من صنعوا من الدين عوامة تساعدهم على السباحة فى مستنقع السياسة فأساءوا إلى طهره وسماحته ونقائه حسبنا الله ونعم الوكيل فى كل من أضاع وقته ووقت شباب مصر فى الانتقام من كافة الشعب حسبنا الله ونعم الوكيل فى كل من يظن أن طاعته لبشر بعد(المعصوم محمد بن عبدالله صل الله عليه )هو السبيل لرضا الله عنه حسبنا الله ونعم الوكيل فى من فشلوا فى توفير لنا أقل القليل من زاد الدنيا فتاجروا علينا بالدين لنخسر جميعا الدنيا والدين حسبنا الله ونعم الوكيل فى من قالوا عنه أنه كيوسف عليه السلام فساق عشيرته على تصوير نساء مصر كلهم كإمراة العزيز حسبنا الله ونعم الوكيل فى من تحسبن على الهواء على حاكم ظالم وهو وراء قضبان السجن فنصرته دعوة المظلوم ثم هو الأن يتاجر فى ظلمنا وقهرنا ولايخشى دعوة ملايين المظلومين حسبنا الله ونعم الوكيل فى من ورث منصب صاحب مقولة (طظ فى مصر ) ويسير ويسير كل أتباعه على نفس المنهج والسبيل حسبنا الله ونعم الوكيل فى من يتعمد الإساءة لشعب دينه هو نبض قلبه ودماء وأعصاب مخه ويخرج علينا كفاتح للبلاد وعائد لنا بدين الإسلام حسبنا الله ونعم الوكيل فى من يدعى التدين ولا يتألم لهذا الكم من شهداء المسلمين فى العراق وتونس وليبيا وسوريا ومصر وينزعج على قلة فى مالى !!!! حسبنا الله ونعم الوكيل فى كل من يسرف المليارات ليضيف مسلما للمسلمين فى أوربا ويترك الملايين من المسلمين فى أوطان الإسلام بلامأوى أنساهم فقرهم وأميتهم ذكر الله ولايعلموا حتى من هو نبيهم فتنهال عليهم حملات التبشير حسبنا الله ونعم الوكيل فى من يحسبها باسم الدين كذبا وافتراءا سياسيا ويتجاهلها اقتصاديا ومعنويا وإنسانيا |
وزير البترول
وزير البترول يوعد شعب مصر ب480مليار مقابل استغلال الصهاينة لخيرات سيناء أثناء احتلالها http://www.masrawy.com/news/Egypt/Po...4/5523613.aspx (مصر تستعد لاسترداد 480مليار دولار من اسرائيل ) كان نفسى أكبر لك وأهلل لك لكن لاتؤاخذنى ياسيدى الوزير ففنكوشكم عمانى ووعدكم خلانى أنسى إسمى وعنوانى ودليلى هو أن سعادتكم خرجتم بهذا التصريح قبل ماتفكروا حتى فى تجميع الأوراق التى تثبت حقنا ولاحتى كلفتوا محام من منازلهم اللى قاعدين يتصيدوا الأخطاء لكل الناس وبالإشارة يذهبوا بمليون شكوى كل يوم للنائب العام ضد المعارضة لوصدقتك هبقى مجنون ولو كذبتك هبقى خاين ورافض حق دماء شهداء سيناء وكل المصريين طب أعمل إيه ؟؟ هرجع بالذاكرة قليلا وأكلم نفسى كالمجنون وما أكثرهم هذه الأيام http://today.almasryalyoum.com/artic...9&IssueID=2776 (430ألف مريض نفسيا ترددوا على المستشفيات فى عام 2012)وماخفى كان أعظم!!! المهم :__ الرئاسة كانت ب200مليار فنكوش يبقى مجلس النواب ب480مليار فنكوش--- تطور طبيعى للحالة !!! لكن مش بخسارة على حكامنا هو الكلام والوعود ببلاش خلينا نحلم ونصحى على فنكوش أخر ماهى خطط الفناكيش أكتر م الهم ع القلب وماليه المقر فى المقطم نفسى تصدقوا فى حاجة واحدة نفسى أشوف لكم مشروع واحد أو إنجاز واحد على الأرض نفسى أهلل لكم وأكبر لكم مرة واحدة :av4056bb7jp3: نفسى أفرح بيكم قبل ما أموت |
|
جمعة نبذ ال ع ن ف
اللهم اجعلها جمعة تجمع لاتفرق وابعد عنها المتشددين والمتحزمين والميليشات المتأخونين والقطرين فهم كعكر المياة ماقتربوا من صفو إلا وعكروه |
اقتباس:
وكم من شباب ي*** غدرا ويلقى عاريا ولم يستحى الفاعل أن يوارى سوءته وتتسارع يداه الأثمة و الملطخة بالدماء فقط لتوارى وتخفى مكائد وأحقاد فعلته اللهم عليك بالظالمين يا أحكم الحاكمين وأعدل العادلين فقد عجز العزم من شدة الألم وطغى الهرم فقُصف القلم اتقوا دعوة المظلوم إن كنتم حقا لله تتقون |
سرقوا المدينة
زى ماسرقوا الثورة سرقوا المدينة حين كانت باسم (مدينة مبارك التعليمية ) كانت للمعلمين شالوا اسم مبارك حطوا كل جماعتهم واجتماعاتهم وطبعا لو سألت السيد الوزير عما حدث هيرد ويقول ( سرقوا الصندوق يامحمد لكن مفتاحه معايا ) يلا هى يعنى جت على مدينة !!!!!!!!!!!!!! ربنا يستر على المدارس والجامعات! |
إعلان مجانى
هذا إعلان مجانى من أحد الملاك لمبنى عام نداء عاجل لكل مستثمرى الدنيا فرصة لم ولن تتكرر مبنى على النيل مباشرة فى أجمل منطقة بالقاهرة مبنى ليس له مثيل فى العالم هندسيا ومعماريا كان يستخدم كمبنى للإذاعة والتليفزيون وهميا ولكن خسائرة ومديونياته فاقت الوصف بلاهدف ولا أمل فى الأمل راحت لجيوب محمود سعد الترجمان وعلاء صادق نصير الإخوان!! ولأنهم ماعندهمشى وسط ياشمال شمال شماااااااااااااااااااااااااااااااااال يايمين يمين يمييييييييييييييييييييييييييييييين قررنا نحن البيع من يريد الشراء - الضغط على رقم ---إخ ومن يريد البيع ---- الضغط على رقم ---وَان يطلع لك الرقم السرى |
http://marebpress.net/userimages/Image/report/ww.jpg
أطفال الشوارع http://www.alankabout.com/files/gal_..._196579391.jpg عمر صلاح رسالة لجبهة الضمير اظهروا الضمير يا أصحاب الضمير الفريد فى الوطن !!!!!!! والله المستعان |
اقتباس:
نبذ العنــف هما من قتــل و شــرد امهات الضمير اسم لمن باع و خـان القرار لمن سجــن و باع المـــــوت لمن .................................. او ........................................ شوفوا كام ادمن اتنش شوفوا كام ادمن اتسـحل الجبل الأحمر مش حيوقف الضمير الحقيقى للشعب بجد تسلم ايدك انا بأعتبرك انت ضمير بوابة الثانوية العامة برجاء تقبل احترامى لشخصك الكريم |
الفـــــــــــــــــــلاح من منــــــكم ينكر فضــــلي *** من له مجـــــــد كمجـــــــدي مجد يسعى الجميع خلــــــفه *** والكـــــــل وراءه يجـــــــري لكنه يخـــــتار من يمثــــــله *** ويهرول خلــفه وفيـــــه يبغي أنا الفـــــــــلاح أزرع وأحـ *** ــصد ليأكــل كـــــــل مصري أذهب مع اشــــــــــراقة كل *** فجـــر أحــرس وأرعى حقلي أرز وقمـــــــح و شعــــــير *** خـــــير ما تنتـــــجه أرضــي أنشئــــها أسمــــــدها أحمــ *** ـــــيها أرويـــــــــــها بعرقـي يدي فـي أرضي مغروســـة *** وأنفــي في السمــــــــاء عالي لا أنحـــني لغير الله أبــــــدا *** فله صومي وصلاتي وزكاتي ملكــــت الدنــــــــيا كلـــــها *** حين حصــــــــــــدت زرعي فليس لبشر سلطــــــان عليّ *** ولا أمـــــر غير أمــــــــــري فلاح بجلباب ملئ بالطــــين *** لا يفهم هـذا قول السفهاء عني فإنهم لا يعرفون قدري فإني *** أطعمهم مـما كانت يدي تجني على مــر السنين وفــــــرت *** الطعام لأبنـــــــــــــــاء بلدي هل نسيـــتم المجــــــــاعات *** وكان لها القلــــــــــــب يدمي فإن كــــــان الفلاح يخزيكم *** هيا ا***وه وزيـــــدوا همـــــي ورغم ذلــــك لا تستطــيعوا *** لأني أطعمـــــــكم وهذا قدري فأنا الفلاح وهــــــذه هويتي *** فمن انتم ؟! أجيـبوني أجيبوني الفلاح بتطلع عنيه لحد مايلاقى 5لتر سولار لماكينة الميه اللى بتروى زرعنا الفلاح اللى استكتروا عليه يمثل نفسه فى البرلمان -قصدى النواب الفلاح اللى اتوعد بالكتير وانضحك عليه بس للأسف مش ده اللى يصح ينضحك عليه (لأن فى إيديه الهم المم ياريس) كفايا انجازات ورقية عايزين انجازات فعلية افتح ايديك وقلبك لكل الناس بلا استثناء هتلاقى الخير ملى البلاد وارتضى كل العباد وزمان قالوا فى المثل (البركة فى اللمة ) محتاجين لرئيس وزعيم خارق وفوق العادة |
اقتباس:
جزاكم الله خيرا |
تم دمج الموضوعان 1- رسائل إلى ........ من مواطن مصرى 2- رسائل إلى ----ج2------- من مواطن مصرى و اغلاقهما بناءا على رغبة الأستاذ الفاضل رضا الجوهرى برسالة خاصة بتاريخ 17 / 2 / 2013 جزاكم الله خيرا و بارك الله فيكم |
تم اعادة فتح الموضوع جزاكم الله خيرا و بارك الله فيكم |
شكرا جزيلا مسترأيمن على هذه اللافتة الطيبة كعادتك أيها الرئيس الطيب
والموضوع مفتوح للجميع لإرسال رسائل لمن يريد شريطة أن يتقبل النقد والرأى الأخر فهذا الموضوع يحكى حوار يومى لحالنا منذ 2011إلى 2013 جزاكم الله خيرا |
اقتباس:
خالص شكرى و تقديرى و احترامى لحضرتك أستاذنا الفاضل رضا عطية مرحبا بكل الآراء كما تفضلت حضرتك شريطة تقبل النقد و الراى الآخر فى اطار من الاحترام المتبادل جزاك الله خيرا و بارك الله فيك |
رئيس جمهورية مصر العربية
هديتنا لك فى أول يوم من سنة جديدة متعك الله بالصحة ونقى فكرك من أفكار البعض فى حاشيتك الذين لايرو سوى الحلول الأمنية كرد فعل برافو ياريس - كمل ياريس امنح الشباب الحريات وشاركهم معك قلل زُوَّار القصر من أصحاب الحلول الأمنية وفقط وافتح الباب لباقى التخصصات فالبلد عامرة بهم افتح الباب للمؤيدين فهذا حقك الأصيل وأيضا افتحه للمعارضين فهذا حق الوطن النبيل زيّن مساراتك ومسيراتك وزياراتك بالشباب فنفس الوجوه المتكررة أصابت البسطاء من شعبك بالملل فجدد لتعيد لهم الأمل أعانك الله على تحمل مسئولية كل المصريين فهذا قدرك وأعاننا الله على تحمل أخطاء الأخرين فهذا قدرنا كل سنه وانت طيب ياريس |
اقتباس:
القناة اللى تنقل القصف الإرهابى على الجيش المصرى والشرطة على الهواء مباشرة فى العريش يناير 2015تبقى قناة صهيونية باسم وتمويل عربى قذر قلناها من زمان لكن لسه الخبراء بيشككوا فى انتماء القناة!!!!!!!!!!!!!!!!!! القناة ودولة القناة هدفهم واضح وكان معلن فى احتلال العراق لكن العرب اتخذوا صف الأعتداء والاعتداء القناة ودولة القناة بيصرفوا كتير وواضح إنهم لهم نظرة ثاقبة فى اختيار اللى بيصرفوا عليهم |
2011ثوره
2013ثوره 11-11حمره والعيشة بقت جمره الفايق الرايق ابن الناس الرايقه لسه كل اللى شاغله هى يناير ثورة ولا مش ثورة ويونيو ثورة ولا مش ثورة طب ادينا أمارة تخلى الناس ترد عليك هيقولوا لك ثورة لأن خيرها لم يظهر إلا عليك ! هيقولوا لك ثورة وهما شايفين الحكومة ومجلس النواب مش مشغول إلا بمطالب معاليك! هيقولوا لك ثورة وحكومات مابعد الثورة جابوا لنا المرض ومعاه نقص فى الدواء وعجز فى الاقتصاد وناس مسئولةغرقانه فى شبر ميَّه وناس كسبانه من النقد بس وكتر الكلام نحن نعيش زمن اللا حياء والبجاحة صنعة المتاجرين بغلب الفقراء |
الحكومة فى بلدنا
هو سيادتكم ناوىين تكملوا معانا بسياستكم دى كتير هو سيادتكم هتكملوا معانا بقراراتكم دى لحد فين رفع الدعم عن الكهرباء والطاقة ثلاث سنوات لكن تنشيط الصناعة وبشاير الاقتصاد رميتووووووها لـــ 2030 يعنى وضعتوووووها فى خانة غيركم حكومة مش قادرة توفر فرصة عمل واحدة تقوم تحارب صناعة محلية يعمل فيها مليون عامل على الأقل أيديكم تقيله على الدولار لتوفير العجز فى الدواء لكنها كانت خفيفة وهى تفتح باب استيراد الدواجن وبدون جمارك طب ماتشيلوا الجمارك من على العلف المستورد أو وفروه محليا -وشغلوا الرقابة مش دا المغقول ودى الأصول - ولا الرقابة عندها ظروف !!!!!!!!!!!!!! الفكر دا بيقول حاجات لا تقال بعدها غير (أسترها يارب) |
ناس وناس
فيه ناس واقفه قدام التفاح وتشتكى وتقول الأسعار نار وناس من غلبها بتفرز فى البطاطس وبتصرخ أستر ياستـار وناس كل اللى شاغلها قانون التظاهر والاعلام وقانون الاستثمار وناس بتقول للحكومة وللنواب اختشوا على دمكم شويه وراقبوا التجار وناس صوتها مسموع كالعاده وناس صوتها مالوش صدى ولا أى اعتبــــــار |
الناس اللى بتحب السعودية قلبها بيتقطع على النصره
والناس اللى بتحب قطر وتركيا قلبها بيتقطع على داعش والناس اللى بتحب بشار قلبها بيتقطع على جيوش العلويين وكله رافع شعار وا إسلاماااااه - يعلوه شعار (الشيعه أشد خطرا علينا من اليهود!!!!!!!! ) كل دوله أوربية أخذت كفايتها من اللاجئين ولاتنزعجوا كثيرا فحتما إلينا راجعين راجعين ليس كمواطنين صالحين ولكن جيوش من داعش لكل بلاد المسلمين إسلامهم غير إسلامنا ودينهم مش دين الأن وصلنا للمرحلة الأولى من غربة الدين فهنيئا لكم أيها المتشددين والذين يخفون تشددهم فى نصرة الدين هما السنة والشيعة فى العراق وسوريا مش كانوا عايشين فمن أين جاء الخلاف ؟؟؟!!!!! الأمم متعددة الجنسيات والأديان توحدت لكن عندنا الاستثمار معمّرديار العِدا لكن بديار المسلمين كالصومال مش داريين وهما هما اللى رافعين شعار نصرة الدين !!!!!!! بتضحكوا على مين ؟؟؟؟؟؟؟؟؟؟؟؟؟!!!!!!!! وحتى لما كتبنا هذه السطور حد جاب فيها سيرة عن رأى السوريين !!!!!!!! لكم الله يا أهل الشام |
كل منتخبات العالم يشاركون فى مونديال الشام
والعجيب أنهم يرفضون مشاركة الفريق صاحب الأرض والجمهور بجاحة سياسية وإنسانية مستفزة لكم الله يا أهل الشام |
اقتباس:
ولازلنا نطوف فى نفس الدوامه ويطوف حولنا أهل الخسه والندامه كل يتغزل فى ليلاه وليلى الكل لها الله هو وحده جل فى علاه يكتب لنا ولها السلامه يارب |
اقتباس:
واجملها هي :- 10-اردوغان 12-مبارك 14-كلينتون ديما مبدع اخي الفاضل استاذ رضا في كتاباتك ونقدك تحياتي وتقديري |
اقتباس:
أولا : أعتذر عن التأخير فى الرد ثانيا :تعلمين جيدا كم يسعدنى مرورك وتعليقاتك المشجعة دائما ثالثا : كل ماكانت تكتبه أنامل العبد لله حينها كان مصدرها مشاعر مواطن وأحاسيسه وأظنها بفضل الله وصلت لكل من كان يمتلك هذه المشاعر والأحاسيس فى وقت كان صوت الطوفان يحطم كل من يلفظ لفظا لايرضيهم ولايتوافق مع طموحاتهم -- وقد نلت كل الاتهامات بلا استثناء الحمد لله فحينها كان كم مصرى يعرف معتز مطر الذى افتتحت رسائلى برسالة له رابعا :من يتجول بين الأراء المختلفة يستطيع أن يكون له رأى يخصه ومن يثبت عند رأى يأتيه من صدر وفكرغيره فلايلوم إلا نفسه شكرا جزيلا وجزاكم الله خيرا |
جدع
جدع ياحضرة النائب ياللى كنت حريص على لفت الأنظار لحضرتك بأن تيران وصنافير مصرية حتى قبل ماتقوم بدورك وتناقش وتتفحص ثم تصدر القرار وتصر عليه ولأنك قدمت التأييد الناقص والمسبق فإنك تستحق التقدير بالمثل ويؤسفنى أن أخبرك أيها النائب المحترم بأن العشوائيات والقرى والنجوع أيضا مصرية وربنا العزيز - (اسطبل عنتر أوعزبة خيرالله )مصرية ميه فى الميه ومفيش عليها خلاف واسأل حتى فريق البرادعى وحبايبك خالد على ومنتخبه فماذا قدمت وماذا فعلت -- وماذاستقدم وماذا ستفعل لهؤلاء المصريين ؟ الفلاح زارع الهم المم بتاع الشعب كله والوحيد الذى لم يوقف انتاجه تحت أى ظروف ودلوقتى مش لاقى كيماوى ولامبيدات ووزارة الزراعة مسوياه غرامات باع الأرز بـ2400والتاجر يبيعه الأن بـ9000 جنيه فماذاقدمت وماذا فعلت --وماذاستقدم وماذا ستفعل لهؤلاء المصريين ؟ هتقول الحكومة هى المسئولة -- هنقولك وانت دورك إيه؟ المصرى اللى ماشى يكلم نفسه من الغلاء هو اللى يستحق منك أن تحاسب الوزراء أو تطالب برحيل الحكومة رحمة بيه ولو حتى من باب الإنسانية طالما لاتقوم بدورك أيها النائب المروى بوطنية مدهونه بالفوضوية تشعر أحيانا بأن بعض النواب من حوارتهم وفى أسلوب معارضتهم بأنهم فى رحلة ترفيهية وما يفعلونه هذا من باب خلق مسليات من أجل شطشطة الرحلة و الاستمتاع بها حسبنا الله ونعم الوكيل |
شوف ياعم
العبد لله مواطن ويعلم ربنا ماهو عارف يعيش والغلاء بيكسر فى عظمة وبيجى عليه أيام مابلاقى تمن العيش تصدق أو متصدقشى إنت حر طالما بحريتك واضح ومابتخبيش لكن مش عارف تفرق بين اشتراكية وليبرالية وراديكالية وعلمانية ومركسية وثيوقراطية وديمقراطية وبيروقراطية وعايز تقضيها فوضية وكل اللى حافظة ديكتاتورية ومعتكف فى جماعات ظلامية وعايز تنشر ثقافتك بجاهلية وتصب غضبك على البلد والنظام والجيش يبقى انسى لأنك بالشكل دا مش هتقدر بينا تعيش البلد دى نسيجها فولاذ ولاتقبل أى ابتزاز |
اولا تيران وصنافير مصرية
غصب عنك وغصب عن القزم اللى بتعبده ثانيا هو انت بتتبع اى مدرسة فى الشعر بتاعك ؟؟ يعنى ينفع انه واحد يشتكى انه مش لاقى ياكل وبعدين يصب جام غضبه على شباب يائس لم يكن له دخل فى تعويم الجنيه او غرقه المفروض على الاقل تنتقد الحاكم الفاشل اللى تسبب فى جوعك انا عارف انه نزعاتك الـتعريصية قوية شوية روح يا شيخ ربنا يخلصنا منك ومن اسلوبك الركيك ..... فى اول موجة برد قادمة |
اقتباس:
تيران وصنافير مصرية ؟ دا على أساس إننا عايزنها تبقى غير كدا ولا إيه؟ انت عايز تقنعنى يا مَنْدى إنك نفسك تبقى مصرية ؟!!!!!! أمثالك نفسهم مصر كلها ماتبقاش مصرية بس لزوم الوضع الحالى أنا أعبد رب العالمين رب العرش العظيم -- هل تشعر بالخجل ياعديم الخجل بأنك هكذا أسأت لرب العالمين أم أنك بلا إدراك؟! هو انت وانت داخل الموضوع كنت داخل تقرأ شعر ولا أراء -- مدرستى هى مصطبتى اللى قدام بيتنا - تنفع ؟ ولاهذا لايليق ؟أم هذه المدرسة عار على الشعر والشعراء وحاجه كدا مخجلة!!!!! نزعاتى التعريصية رغم هذا الوصف القذر - ومع هذا لبلدى -- فلمن نزعاتك أيها الرجل - مؤكد لجماعة ظلامية -- صح؟!!! الركيك - أنت متأكد إنه ركيك ولا لاذع ---- تفرق كتير ياشيخ تشكر على دررك اللى محرومين منها من مدة طويلة الله يسهل لك |
جيل النكسة هو اللى حرر مصر من الإحتلال الإنجليزى والإحتلال العثمانلى والإحتلال الإقطاعى والإحتلال الصهيونى وأعادوا حكم البلد لأولادها بعد حالى ألفين عام
فماذا فعل المتكلمين- الناقدين المعددين صفر ع الشمال وكمان ع اليمين صفرين شالوا حسنى جابوا مرسى - أصل حستى كان شيخ النصابين!!!!! وكأنهم جابوا اليتيم مرسى ياولداه وهو بيسأل الناس حوالين الحسين ماهى قسمة وكانت متقسمة وحدود ومترسمه -ولو مش مصدق ماتقوللى ثروات الإخوان جت منين ؟ ياللى ساكن كهف الثورة ماكفياك بكى عليهم ووفر بكاك على أهالينا المعدمين اعمل حاجة حلوة للناس تفتكرك بيها وتذكر أن الله يحب المحسنين إرجع لأصلك ونفض توبك من صراع السلطة بين عشاق السلطة المنعمين لافارقه معاهم مين يعيش ولافارقه معاهم هيموت كام ولامين ارحمونا يرحمكم الرحمن |
عودا احمدا
موضوع مميز |
اقتباس:
اقتباس:
شكرا جزيلا وجزاكم الله خيرا |
جزيل شكري وتقديري لكلماتك وتعبيرك وتعبيراتك أيها المحترم كم أحسدك علي قدرتك في التحكم علي ردود لم يكن أبدا تستلزم أي نوع من العقلانيه .. لكن هكذا تستطيع أنت وغيرك .. لايستطيع .. ردك علي أحدهم رد مفحم لو أدرك ذلك .. لكن هيهات أن يعي أو يفهم شكرا لك مره أخري أستاذي / رضا الجوهري |
اقتباس:
فحين أنتقدت الثورة -- قالوا عليا فلول ومن حملة جمال مبارك وحين انتقدت العلمانيين - قالوا عليا سلفى وحين انتقدت السلفيين - قالوا عليا ليبرالى عدو الدين وحين انتقدت الإخوان - انهال عليا زبانيتهم بالشتم والسب وأحيانا وصل الأمر للوقف والحظر كان ليهم هنا قواعد صلبة هؤلاء لم يفكروا لحظة أن 80%من الشعب المصرى لاينتمى لأحزاب ولاجماعات لكن هتقول لمين ؟ هتقول لواحد متربى فى حضانة جماعة ولاهتقول لواحد كل عائلته من صغيرهم وكبيرهم متربيين فى حزب كانت أيام صعبة وصعوبتها فى أن من اتهمك بالباطل زمان الأن يحزن حين فقط تنتقد أحد كوادرهم لأ وإيه أخيرا ظهرت موجة (مخبر) - طالما انت مع الدولة تبقى مخبر ومش عارف ولاد المستخبية دول شايفنا مخبر بشريطة ولا بدبورة صحيح أنا مخبر ورئيسى فى العمل مزهقنى ياريت يساعدونى فى التخلص منه عايزنا نشتغل قرائية وحسابية طول الأجازة بدون أوامر من الإدارة - لأ من نفسه تحت بند زهق الزهقان لحد مايطأ ويطلع من هدومه المرارة هتتحمل إيه ولا إيه ؟ يلا ربنا يسترها على الأمة الإسلامية والعربية كلها شكرا جزيلا يازميلى فى مخابرات بير السلم هههههههه:078111rg3: وجزاكم الله خيرا |
إلى أبنائنا وإخواتنا الصغيرين سنا اللى مصدعنا بمجرد معارضتهم وشتمهم للنظام والحكومه يعتبروه إنجاز وجرأة لم تحظى به الأجيال السابقة
أذكرهم فقط بما يحدث فى سوريا واليمن وليبيا بأننا أيضا كنا أسعد حظا من قبل عندما لم نرى مسلما يقـ تل أخيه المسلم ويكبر ويهلل إلا بعد ربيعكم المزعوم أذكرهم بأن منا من حرم نفسه قوت يومه وأرسله للجيش ليعينهم فى تحرير سيناء أذكرهم بأن منا من يتمنى الموت خيرا من أن يراجع بفكره يوم خرج مع الناس غاضبا لمجرد مهووس دنماركى أساء للحبيب صل الله عليه وسلم أو معتوه فرنسى وأمريكى صنعوا فيلما مسيئا لاستفزاز المسلمين ويرى اليوم بأم عينه مسلمى داعش وغيرهم يقدمون للعالم مئات الأفلام المسيئة لسماحة الإسلام كل يوم وقيمه ومبادئة رغم السكينة والاستكانه كنا أحسن حظا منكم لأن لم يخرج علينا من قبل من يتجرأ على الأئمة ويحاول قطع الخط الذى يصل المسلمين بأصول دينهم فاصنعوا للدين قدسية وإلا فلانسألوا الناس لم التشرد والتعنت الفكرى والمعنوى الذى حل بنفوسنا وصرنا جميعا نسعى لتفتيت المفتت وتمزيق أواصر المترابط بقيم الدين الحنيف ؟ |
اقتباس:
معلش ياأستاذنا .. معذورين .. الحياه تزداد صعوبه وليس هناك من يرشدهم إلي إن كلمه وطن أغلي من الحياه ذاتها .. بالعكس النهاشين في لحم هذا الوطن غالبيتهم من صفوته .. ونشطاءه .. ومثقفيه .. لم يعد سوي الإنسان البسيط الذي عاش مراره الهزيمه والذل في إنكسار 67 وقت علمنا أهلنا أن نحلي الشاي بالكرمله .. والحلبه بالعسل الأسود .. والتبرع برضا نفس للمجهود الحربي .. يمكن وصفي مش بالصوره الكامله بس ده زرعه فينا أهالينا من صغرنا .. بلاش دي .. يكفي أسرة وأطفال بيودعوا أبوهم وهو رايح الجيش مش عارفين هايرجع لهم ولا مش هايرجع .. عشان كده لما كان بيرجع أجازه معدوده بالساعات .. كان فرحه الدنيا كلها إنه لسه علي قيد الحياه .. وقلق الدنيا كلها إنها لحظات ومش عارفين قدره ومصيره .. جيل مشتت ملوش قدوة أو القدوة المتوفره .. كلها قدوة في النهش .. وكلها بيلعب ...... بكــــــــام شكرا معالي .. فريق بير السلم .. هههههههههه |
اقتباس:
وجزاكم الله خيرا |
فى مثل هذا اليوم
إلى كل شاب خرج ليبحث عن فرصة ليثبت ذاته فى دولة كانت تهمشه إلى كل أب مقهور مهضوم خرج بنفسه طالبا لتغيير كل الأوضاع المقلوبة لاتحزنوا فقد تكونوا ممن لم يربحوا من ثورتكم مالا ولا عملا ولكنكم صنعتم انجازا عجز عن تحقيقه المتزحلقين على جبل الأوهام والذين قضوا شهورا على الفضائيات بحثا عن الشهرة والمال والتسلق على رقاب الأخرين انتم صنعتم انجازا وهم كما ترون صاروا عارا ينفض من حولهم كل شريف محب لوطنه لاتقـ ـتلوا الشرف داخلكم ولكن صبوا غضبكم على كل من استغلكم وتسلق رقابكم وخطف انجازكم ازرعوا الأمل فى نفوسكم والْعنوا كل من تكاتفوا سرا وعلنا من أجل خطفكم وحرق بلادكم |
اقتباس:
جميلة هي روح الأمل التي تمتلكها وهذه الصفه الجميلة تغني عن الكثير من متطلبات الحياة والتي ربما حضرتك بحاجة لها اكثر من غيرك اخي الفاضل استاذ رضا متابعة لما تكتبه حضرتك تحياتي وتقديري |
جميع الأوقات بتوقيت GMT +2. الساعة الآن 08:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.