|
اقتباس:
والحصة الي بعديها شرح كهربية :d سبحان الله :d |
اذكر المصطلح
تركيب يحتوى العديد من الالياف العصبية والشعيرات الدمويه وهو مسئول عن تكوين او صنع خلايا دمويه جديده (..........) فيه بنت هنا بتاخد معيا عند نفس المدرس بس سبقانى بحصه قالت انه نخاع العظام انهارده الدكتور قالنا نخاع العظام ...فسألناه هو السؤال ده فى المنهج ؟ قالنا اه... لانه كاتب صنع خلايا دمويه وكنا اخدنا فى النقل السنه اللى فاتت ان منشأ كرات الدم الحمراء والبيضاء نخاع العظام ده كتاب المستر " انا برضو قلت جايز هو كاتب فى كتابوا كده بس ده مش فى كتاب المدرسه فبصيت فى كتاب المدرسه لقيتها لو حابين تتأكدوا هتلاقوها ص47 فى السطر قبل الاخيرده فى كرات الدم الحمراء والبيضاء فى الصفحه اللى وراها |
بصوا يا جماعه انا عندى دروس
يوم الحد ده ايطالى "لسه ما بدأناش" الاتنين انجليزى التلات والاربع مافيش الخميس عربى وبعده احياء على طول الجمعه 7.5 ل10 حصه كميا بعدين راحه فتره الصلاه وبعدها الساعه1 فيزيا كان عندى الجيولوجيا يوم الجمعه الساعه 6 " لسه مش بدأنا" السبت فاضى كده لحد دلوقتى بما انى ما بدأتش ايطالى وجيولوجيا عندى سبت وحد وثلات واربع فاضى انا مريحنى جداااااا ان يبقى الايام دى فاضيه لان الدرس قبله بقى يجى ساعه اتنين مراجعه وحل اسئله عشان افتكر وكده لان فيه امتحانات كل حصه ووقت وتجهيز هلبس ايه والكلام ده وكمان يجى نص ساعه رايح ونص جاى لان اماكن الدروس بعيد والدرس بيبقى من ساعتين لتلاته وباجى مرهقه من المشوار لان دروسى مالهاش ركوب بامشيها اليوم بيضيييييييع مش بعرف اذاكر فيه حاجه لكن اليوم الفاضى ده تقريبا ممكن اذاكر فيه من 9 ل11 ساعه لانى بصحى بدرى وببقى فى البيت ومش خرجت فمش مرهقه وببقى مركزه كنت هخلى الايطالى مع الانجليزى الاتنين فمنفعش قلت مفيش مشاكل هاخدها الاحد وخلاص وكده يبقى عندى السبت والتلات والاربع فاضيين انهارده اكتشفت ان مدرس الجيولوجيا غير ميعاد الحصه بقت السبت فكده السبت كمان بقى مشغول مش هعرف اغير ميعاده للاسف طيب دلوقتى اذاكر الجيولوجيا لوحدى قلقانه اوى لا تبقى صعبه ومحناجه مدرس وهى عليها 60 درجه وفى نفس الوقت كده هيضيع يوم كان فاضى مش عارفه اعمل ايه ؟؟ معلش رغيت كتير اوى بس انا حيرانه جدا |
اقتباس:
و يوم الايطالى يعتبر يوم فاضى عشان الايطالى مش بيحتاج مذاكره كتيير منصحكيش تاخدى عربى مع احياء بس لو مستريحه مفيش مشاكل الانجليزى هيتذاكر فى يومه و العربى ذاكريه فى يوم من الايام الفاضيه و الاحياء يوم تانى من الايام الفاضيه و الايطالى يتذاكر فى يومه و ذاكرى معاه فيزيا و الجمعه ذاكري فيها كيميا الصبح بدرى اوى (الكيميا بسيطه السنادى مش هتاخد وقت ) وبعد ما تيجى من درس الفيزيا اعملى مراجعة سريعه كده بس اهم حاجه تخلى معاد الدرس بعد الضهر عشان مذاكرة الصبح لحد الضهر كويسه جداً و التركيز بيبقى عالى و متنسيش وقت الفجر عشان بيبقى فيه اوزون كتير و هيخليكى مركزه اوى |
اقتباس:
بس بما انكو منهجكو السنة دى بادئ من الفصل ال 7 .. يبقى السؤال دة مش عندكو ف المنهج :) امتحانك هيجي من الفصل ال 7 للفصل 11 .. و بس .. كان يبقى حلو السؤال دة لو كان لدفعتنا اللى كان عليهم المنهج كامل ;) كمان فى حاجة .. كرات الدم الحمراو البيضا منشأها مش نخاع العظام و بس .. فى كمان الطحال على ما اتذكر .. و انتو معندكوش تركيب نخاع العظام او الطحال عشان تعرفو تحكمو على السؤال من ناحية حتة الشعيرات الدموية الغزيرة و كدة .. ف ليه مايبقاش الطحال مثلا ؟؟ .. ما هو كمان بيساهم ف صنع الخلايا الدموية ؟؟؟:d |
اقتباس:
بقولك معلشى اللينك بتاع مذكرة الفيزيا مش بيشتغل متعرفيش تحطى واحد تانى |
اقتباس:
هو موضوع الدرس بعد الضهر ..الكميا عندى هى اللى الصبح بدرى اوى وللاسف مش هينفع اغيروا لان المستر مش بيدى عندنا الا فى مكان واحد يعنى لو ميعاد تانى هضطر اروح مكان مشوار اد ساعه او ساعه ونص حكايه الماده فى يومها دى فكرت فيها بس كده الماده مش هتتذاكر الا كل اسبوع الكميا مثلا هاخدها الجمعه 7.5 يعنى بنزل7 من البيت كده هسيبها مش هذاكرها الا قبل الحصه اللى وقته مثلا من 4ل6.5 وكمان يعنى الافضل المواد ما تقلش عن مادتين فى اليوم مثلا فى اسوأ الظروف ولا رأيك ايه؟ |
اقتباس:
هو قالنا ان فيه نقط بسيطه من السنه اللى فاتت مرتبطه بالسنه دى يعنى مثلا فيه فى جزئيه عظام الحوض ان حزام حوضى بتكون من نصفين متماثلين يلتحمان معا من الناحيه البطنيه فى منطقة تسمى الارتفاق العانى هو زود "وهو الذى يرتخى اثناء الولاده بتأثير هرمون الريلاكسين" مع ان الكلام ده فى التنسيق الهيرمونى بتاع السنه اللى فاتت بس هو قالوا ع اساس انه قال كل حاجه متعلقه بالجزئيه دى عشان لو جت فى الامتحان نبقى عارفينها وكده كده هو سطر وسهل هو كان قايلنا ان منشأ كرات الدم الحمراءنخاع العظام الاسفنجى فى العمود الفقرى والضلوع والقص وكرات الدم البيضاء منشأها نخاع العظام والعقد الليمفاويه والطحال ده نص كتاب المستر بالظبط ..اقصد اننا اخدناهم كلهم :) اظن انه يقصد بالمصطلح نخاع العظام و مش حاجه تانيه لاننا حاليا بنتكلم عن الدعامه فى الانسان والعظام |
اقتباس:
انا اقصد تذاكرى ماده واحده فى اليوم معاها مواد تانيه بس حل ومراجعه يعنى مثلاً تذاكرى عربى ومعاه كام مساله انجليزى و مراجعه سريعه على الكيميا يعنى كل يوم ماده و مراجعة حاجه خفيفة كده معاها او حل اسئلة مواد تانيه |
اقتباس:
نا يابنتى عندى ف اليوم 3 دروسوبرجع مرهقة بردو ومش بعرف ازاكر اكتر من 4 ساعات بس بصى انا مقتنعة بحاجة انتى مثلا لو هتيجى من الدروس تريحى شوية وتنامى ممكن ف الاول تنامى 3 ساعات بعد كدا تتعودى يبقوا اتنين بس يعنى اقصد انك بعد كدا هتتعودى ،، كمان غصب عننا لازم نقلل فترة النوم |
اقتباس:
بصى عندنا المس قالت اننا لازم نفتكر بتاع السنة اللى فاتت وفى حاجات مرتبطة بالجديد والكلام دا بس مش ممكن ييجى فى امتحان ويطالبنا بحاجة من السنة اللى فاتت |
لو سمحتوا يا شباب تردو بسرعه بالله عليكم عندي امتحان بكره عربي علي كل الي فات
في اسئلة كده كنت معلم عليها ونسيت اسأل الناس اهيه بسرعه اي حد يرد عليا الله يباركلكوا :d في فصل القصه الاول ... كتاب الوسام الي فيه نص القصه المناقشة مضاد مغرقاً الجملة كانت بتقول .. فيعتمد علي هذا السياج مفكرا ومغرقا في التفكير السؤال التاني في نفس الصفحة اختر الاجابة الصحيحة مضاد يحفل ( يسعد - يجهل - يهتم ) انا شايف ان مفيش ولا واحده تنفع اساسا الجملة كانت بتقول لم يكن يحفل بهذة الاصوات ولا يهابها مستني الاجابة :) |
وجمع كلمة عذبة
في جملة الموسيقي العذبة :(( |
اقتباس:
مضاد يحفل مش هتنع تسعد أو تهتم يبقى أكيد يجهل او لو جت وحدها تبقى يتجاهل بص انت ريح نفسك من الأول وافتح المعجم هتلاقى فيه كل حاجة |
انا لسه حبتدى درس فيزياء بكره وحاسس انى كده متأخر ... هو انا كده ضعت؟ :d
|
| جميع الأوقات بتوقيت GMT +2. الساعة الآن 11:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.