|
اقتباس:
|
اول حصه احضرها كانت فيزياء
كنت رايح متوتر جدا وقلقان من وانا في سنه 2 من الثانويه العامه والتنسيق و و و .. ناوي اكمل بكالوريوس برا وده حلمي يعني .. الحمد لله بصلي وبدعي وبذاكر علي قد مقدر ( بنام12 بليل واصحي 5 الفجر اذاكر لحد 12 وانام 3 ساعات مثلا واكمل لحد 12 تاني) لكن في اول حصه فيزياء اللي حصل اني مكنتش قادر اركز خالص ومتوتر حاسس الماده صعبه جدا واللى خلاني احس كده طول الحصه هي مقدمه الاستاذ الجميله الله يسامحه وهي كانت عناصرها ان الفيزياء 8 فصول .. هنخلص علي شهر 3 علي الاقل .. الفيزياء مش سهله ومحتاجه مذاكره .. الثانويه العامه مش اي حد يعدي بمجموع محتاجه مهارات و و .. السنه دي نسبه الناس اللي سقطو في الفيزياء كبيره , حتي الناس اللي جابت درجه حلوه فيها مش كتير ونادر لما تلاقي حد قفل 60/60 . بس علي كلامه وكلام الناس ان هو مدرس كويس يعني وكان حاطط كام ورقه في الملزمه عن الناس الللي كانت بتاخد معاه ودرجاتهم حلوه وكده انا طبعا زاد علي التوتر اللي كنت فيه اني اتعقدت من الفيزياء جدا ... روحت بعد الحصه في اليوم ده وانا في الطريق من الدرس للبيت تايه ومش حاسس انا ماشي فين من كتير الضغط اللي كنت فيه .. روحت البيت وانا كنت بقول انا قدر اعمل حاج وحاولت اقنع نفسي اني انسي الكلام بتاعه ده وابعد نفسي عن التوتر بقدر الامكان .. (( انا مش غبي لكن مش ذكي جدا جدا )) لما جيت اذاكر في نفس اليوم كانت الساعه 9:30 بليل كده .. كنت بدمع من قبل ما ابداء مذاكره .. شايف الملزمه سهله جداا يعني عامله زي علوم اعدادي .. لكن مش قادر استوعب ولا كلمه وكل ما افهم قانون معرفش احل بيه حاجه (( مكنتش بعرف استنتح حتي القانون اللي قدامي )) بصراحه عيطت وحسيت ان كل حاجه بتروح خلاص .. كل حلم حلمته بمستقبل في كليه كويسه وايكون عندي معلومات كتيرر ومتفوق .. كل ده راح خلاص .. اذان الفجر .. وكنت انا لسه زي مانا ومحليتش غير 6 اختياري ..3 تعريفات ومسئله (اسهل واكتر مسئله مباشره ) والملزمه الواجب بس كان حوالي 15 اختر و 20 مسئله و 7-5 تعريفات وعلل بقي وحاجات من دي ( يعتبر اني مانجزتش حاجه في اليوم ده يعني) قومت صليت ودعيت ربنا يوفقني في السنه دي وتعدي علي خير.. انا قولت خلاص انا هنام واشوف بكره هيحصل ايه .. صحيت تاني يوم الساعه 8-9 تقريبا .. صليت الصبح وقولت ابداء تاني .. فضلت زي اليوم اللي قبله بالظبت لمده 10-15 دقيقه .. فوقت قولت انا مش هضيع وقت اكتر من كده حاولت اركز قد ما اقدر .. افهم القوانين .. اجيب التعريفات من القوانين اللي انا فهمتها .. وبدات احل مسئله .. احل والاقي الناتج صح ! ( كان بيبقي مكتوب في المسئله الحل زي كتاب الامتحان كده ) .. وبدات في التانيه والتالته لقيت اني وصلت للمسئله رقم 14 في حوالي 20 -30 دقيقه .. مكنتش حافظ القوانين اوي .. كنت بحل المسئله واقعد افكر في القانون مره اجيبه ومره لا .. لكن مره مع مره لقيتني حفظت كل القوانين وبجيب كل التعريفات بسهوله جدا حليت كل النظري (( الاستاذ مجبش سيرته في الحصه كان مركز علي المسائل فقط )) رجعلي الامل تاني .. حليت كل مسائل الواجب .. دخلت علي مسائل الحصه التانيه اللي لسه مخدتهاش وحليتها برضو بنفس الطريقه الاولي رغم انها متشرحتليش .. وحتي ان كانت .. انا كده كده مكنتش هفهمها من المدرس .. ذاكرت اول درس كامل في حوالي 4 ساعات وحليت 80% من الملزمه بتاعت الدرس .. وطول منا بحل بقول الحمد لله .. الحمد لله علي كل حاجه .. وديما كانت في بالي .. " فإن مع العسر يسرا إن مع العسر يسرا " الساعه 12:30 اشتريت كتاب الامتحان فيزياء وكيمياء وحليت فيزياء كتير الحمد لله .. الساعه 2 درس الكيمياء .. اول حصه .. الماده بسيطه الي حد ما .. راجع مبسوط جدا .. كان الواجب تعريفات وحاجات خفيفه حليت كله الحمد لله ومستكفيتش بيه وحليت من كتاب الامتحان.. والنهارده.. كانت الحصه التانيه فيزياء رجعت بحاله ( حزن )اه اخف شويه .. لكن انا مش بقدر استوعب اي كلمه في الحصه واكنها زي قلتها وماستفدتش غير باللي انا ذاكرته مع نفسي وكنت بحل هناك في الحصه لان انا كنت مزاكر الدرس كله والاستاذ كان مقسمه علي حصتين فكنت عارف هو بيتكلم في ايه وبحل .. لكن الشرح نفسه مكنتش بستفيد حاجه اسف لو طولت بس انا تعبان بجد .. وياريت تدعولي وسؤالي هي السنه في اولها بتكون كده ولا العيب من المدرس ولا العيب في مين ؟ .. انا بصراحه شرح المدرس بيعمل اللي عليه لكن في النظري لا مبيجيبش سيرته زي مثلا اسئلة ماذا يحدث في الحالات الاتيه وكده .. انا مش عارف اعمل ايه وانا اكيد لو فضلت علي كده هتائثر علي باقي المواد وتبقي الدنيا خربت .. ارجوكم انصحوني وانا اخايف اغير المدرس الاقي الاسوء وابقي خسرت خساره اكبر ... ياريت لو حد شاف الكلام ده وخدت من وقته وقراه يحاول يفيدني باي حاجه حتي بدعوه لان انا مفيش حد حاسس باللي انا حاسه وربنا يبعد عنكو الاحساس ده |
انا مش عارفه حضرتك هتصدق لو قلت ان انا عيطت !!
الامر عادي واغلبنا كان كده ،،انا افتكر اول حصه ف كيرشوف روحت ع احل عليها،،هما 6 مسائل والله بس ال قعدت فيهم من11الصبح ل11بالليل ،،كنت بفضل اعيط وادعي وكنت قرفاهم ف البيت. بس النتيجه بعد اليوم ده ان اصبحت عارفه اي ال مش كنت فاهماه ف الدرس واي نقطه ال بتوقفني،،واصبح اي مساله بفضل الله تافهة. ع فكره المتعه ف عذابها ،،اكيد لازم تتعب وبعد كده ربنا هيسر لك طريقك،،باذن الله ربنا لن يضيعك. بعدين من كلام حضرتك الموضوع بقي كويس -لو فيه مدرسين تانين ممكن تسال ال اكبر منك وتروح،،،لان النظري مهم بردو. |
وع فكره معظمنا قفل فزيا(قصدي دفعه 2016 ال هنا)،،،وبالنسبه ف بلدي ال ناقصين كانو قفلو فزيا
وحتي الحاجات ال كانت يعن صعبه شوي ف الامتحان اتوزع درجاتها. هو اه الذكاء بيسهل الامر بس الاجتهاد اثره اكبر محدش له دعوة بالتنسيق،،حلو او وحش،،مفروض كطالب ثانوية عامه...مش افكر ف النتائج واقعد احسب هنقص هنا كام وهنا كام،وانا سايب الاسباب "المذاكره" باختصار مش مطلوب من حضرتك غير *التوكل علي الله واحتساب الاجر عنده *المذاكره *الدعاء *حسن الظن بالله التوفيق بين العباده والعلم وما في اي شئ نهائي يستحق التفكير فيه. |
اقتباس:
بس عندي نصيحة ، ايه رأيك تنام بدري ساعة وتصحى بدري تصلي الفجر في المسجد ؟ صدقني من أعظم وأفضل وأجمل الحاجات في الدنيا انك تصلي الفجر في المسجد البشائر العشر لمن حافظ على صلاة الفجر https://saaid.net/Doat/yahia/120.htm |
اقتباس:
ركعتين بالليل قيام افضل من اي شئ ف الدنيا يفضفض ويدعي بالل نفسه فيه |
اقتباس:
انا بحاول علي قد ما اقدر اركز لكن الجو العام بتاع الثانويه والدروس .. انا الحمد لله واخد الموضوع جد جدا واساسا مش بلاقي وقت العب واضيع وقت مابين المذاكره وحل التدريبات ومذاكره مكثفه اللغه الثانيه (ايطالي ) لاني مش كويس فيها اوي عشان مكنتش بهتم بيها في السنتين اللي فاتو .. يعني اقصد مش المفروض اني اكون قلقان .. اهلي مش بيضغطو عليا في حاجه ولا حد بيقولي ذاكر لكن انا نفسي من جوايا قلقان والمواضيع دي مش بتروح عن بالي مهما اعمل. |
اقتباس:
السلام عليكم اولا.. انا والله م اخدت غير اساسيات ف الفزياء مش حليت لسه لان دخلت ع الحصه علطول انت ممكن تكون مش فاهم ان في احتمالين ان المدرس الي حضرتك روحت عنده ده ش اداك اساسيات الفزياء يعني النهارده تاني حصه كانت بردو اساسيات العلاقات القوانين نجيبها ازاي هحااول اجيبهالك لازم تفهمهاوالي مش فاهمها الدفعه تحت امرك كلها اولا المدرس الي بروح عنده ده قال يا حماعه عشان محدش يدايق انا بخلص المنهج اااااخر واحد في العالم بس ببقي خارجه فاهمه وحافظه الحصه الحاجه بيقوله يجي 15 مره بيعيد ويزيد وللامانه والله اول ما الحصه بتبد ا الحاجات حتي الي اخدتها ف تانيه مش فاكره منها اي حاجه مش في حاه اسمها المدرس ده حلو فهروح والله حد قالي المدرس ده روعه روح جربه يمكن مش توصلك منه المعلومه حاول تدور ع عيوب المدرس الي بتروحله مش بس مميزاته لان العيون ممكن تسيطر ع المميزات الاكيد ان مش بدا ف اساسيات الفزياء اما جيت دورت ع المدرس ده لاقيته بيخلص متاخر السنه بتاعه دفعه 2016 خلص قبل العربي باسبوعين فقط انا استغربت وقولت هراجع امتي وكده المدرس قال هخليكوا مع اخر حصه مستعدين للامتحان والله اعلم بقي دور ع المدرس الي بيدي امتحااااانات بجد لها تاثير جامد جدا واسال ع المدرسين التانين وشوف جرب مدرس غيره من غير ما تسيب الي بتروحلهه موصلتش المعلومه شوف غيره وهكذا لانك مش مجبر تروح لمدرس عشان سمعته حلوه الله المستعان ربنا يعينك ملحوظه:الاساسيات مهمه جدا جدا جدا جدا جدا لازم تذاكرها وم تاخد السنه دي علي اعصابك وتستخدم عضلاتك نصيبك مكتوبلك |
اقتباس:
بس محتاج صبر مع الدعاء باذن الله هتروح عن بال حضرتك اهم حاجه ما يطغي هذا التفكير ع المذاكره استغله كحافز يشجعك ع بذل مجهود اكبر وثق دوما ان ربنا لن يضيع تعبك والخوف ده سيتبدد،اذا ماخفنا لن نعمل،،، ف الوقت ال مش تقدر تسيطر فيه ع الخوف ده صل ركعتين وادع ربنا يفرج همك وييسر لك امورك. دوما بس اكثر من الاستغفار واعط لنفسك وقت مستقطع وما تبقاش الدنيا مذاكره متواصله. |
اقتباس:
|
اقتباس:
|
اقتباس:
و بدأت كل المواد ولا فيزياء و كيمياء بس ؟ |
خليك مع ربنا وبالذات لو انت معاه لازم تكمل معاه
موضوع النوم ده هو الحاجة اللي مش صح في كلامك كله يعني لازم تنام من 10 - 12 ساعة كده مدرس الفيزيا من كلامك بجد دور على حد غيره و فيه واحد اسمه البشمهندز بيشرح على youtube احسن من مدرسين كتير جدا انا غيرت مدرس الفيزيا من اول حصة قلت عليه لا و خدت مع واحد طلع احسن بكتير الحمد لله فعادي اما تغير احنا لسه في اول اسبوعين يعني https://www.youtube.com/channel/UCDf...qxpHis5xcjJDlg دي القناة بتاعت الباشمهندز على youtube ربنا يكرمه يا رب و اللي قالي عليه natsome ربنا يكرمها وبيحل مسائل كتير و بيشرح النظري حلو جدا ممكن تلجأله في جزئية مش فاهمها او كده هات كتاب الوسام كمان مع الامتحان لو تقدر تصد على مسائل ده ومسائل ده بنسبة كبيرة انت علمى علوم لان صعب جدا تبقى علمي رياضة وتيأس من الفيزيا مش من التفاضل :d ربنا يوفقك ويكرمك و يعينك وتحقق كل اللي نفسك فيه ان شاء الله |
اقتباس:
|
اقتباس:
افتح كتاب المدرسة كده :d |
| جميع الأوقات بتوقيت GMT +2. الساعة الآن 04:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.