بوابة الثانوية العامة المصرية - ايه اخبار تعيين أوائل الكليات ياجماعة؟

بوابة الثانوية العامة المصرية (https://www.thanwya.com/vb/index.php)

- منتدى معلمى التربية والتعليم (https://www.thanwya.com/vb/forumdisplay.php?f=737)

- - ايه اخبار تعيين أوائل الكليات ياجماعة؟ (https://www.thanwya.com/vb/showthread.php?t=300138)

يا اوائل جامعة المنيا الأفاضل بالرغم من كل ما أثير أخيرا من قبل مديريتي التنظيم والإدارة بالمنيا وبسوهاج ونقله مشكورا اوائل المنيا وسوهاج على صفحات الاوائل .. الأمر الذي جعل لكل من الأوائل رأيه الخاص حول ذعابه في أول يوم لاستلامه الجواب او الانتظار حتى يعرف أولا نوعيه الوظائف .. أنا أحب أوضح بعض النقاط :

أولا : يا جماعة سواء كلام الموظفين سيم أم لا فإن الجوابات بتاعتكم كده كده هتكون هناك في القاهرة يوم السبت غدا 24 / 12 / 2011 وهو الموعد المحدد لكم ..

ثانيا يا أخي خليها بجميلتها وسافر شوف وظيفتك هناك حتى السفرية يبقى فيها إثارة ويبقى ليها طعم خصوصا لما تشوف احابك هناك .. بدل ماتشوف وظيفتك هنا وتستنى لغاية ما تروح بعد كده وانت عارف اوظيفة سلفا وحتى مشهتلاقي اللمة والصحبة ..

ثالثا : الصفحة هنا وكذلك كل صفحات الاوائل كان ليها الريادة في النضال حول وصول حقوقكم إليكم من المسئولين ودورها خلاص أتمته على أكمل وجه .. ولا أعتقد أنها مسئولة عن نوعية الوظائف اللي هتيجي لكل واحد إذا كانت كويسة والا نص نص .. دي حاجة بتاعت ربنا وده اسمه النصيب بقى .. شوف وظيفتك وبعد كده صوتك من راسك وده مستقبل عيالك فكر وقرر براحتك خااااااالص ..

رابعا : بعض من أوائل المنيا اتفقوا مع وسيلة مواصلات خاصة وتمت دعوتي معهم للذهاب غدا للتنظيم والإدارة بالقاهرة لنشهد سويا نهاية الحدوته الجميلة اللي بدأناها سوى منذ 8 شهور و أنا بادعوا اوائل المنيا للتواجد غدا بالقاهرة لاستلام خطاباتهم وإن شاء الله هاكون متواجد امام التنظيم والإدارة منذ الساعة اثامنة صباحا وحتى نهاية اليوم ..

أخيرا شكرا لكم .. وربنا يوفقكم ويحميكم يا إخواني وأخواتي ..

اقتباس:

المشاركة الأصلية كتبت بواسطة sama samy (المشاركة 4176157)

ياريت تفيدنى يادكتور فى استفسارى انا رقم عشرين مكرر ولا يوجد مكرر ين فى الكشف معادا رقم عشرين وعندما سالت الموظفة قالتلى انهم هياخدوا لغاية عشرين بس مع ان اسمى موجود وهى شفته وبكده خمسة جايبين نفس نسبتى هيتعينوا وانا لا ياترى اعمل ايه وهل اروح فى يومى ولا اعمل اييه وكده من حقى اتعين ولا لا؟ ياريت تطمنى يا دكتور

اسألي على اسمك بالتليفون لى امقر الرئيسي

اقتباس:

المشاركة الأصلية كتبت بواسطة تقى83 (المشاركة 4177610)

قريت هذا الخبر من موقع تانى حد يقولى صح ولا غلط بالامس اكاديمية البحث العلمى انهم بالامس عرضوا الملف الخاص بالدرجات الشاغرة وعددها ما يقرب 1700 فيما يختص بكل الموافقات بداية من التنظيم والادارة نهائة الى االمالية والتخصص المالى الذى وصل فى 15 ديسمبر الحالى وان النقاش دار مع الوزير ورئيس الاكاديمية على ما يلى ان يكون الاعلان مجمع داخل الوزارة بما يضمن النذاهة والحيا...دية والشفافية كما ينبغ ان يكون واعرب الوزير انه سوف يتفاوض بخصوص ذلك مع رؤساءالجامعات على ان يصل معهم الى الية للتنفيذ، وفى حالة نجاح ذلك سوف ينشر الاعلان على موقع الاكاديمية والصحف الرسمية،،،، سالت أ شمس هل حاصلى المنح معنا فى الاعلان ،،،قال ما فيش حاجها اسمها منح فى حاجة اسمها حاصل على مؤهل او الدرجة ومن حقه يقدم والاعلان للجميع قلت يعنى لا تخصيص بعض الدرجات لهم قال طبعا لا الكل يقدم واللجان اللى هتشكل تفحص الورق باشراف الوزير وعدد درجات المدرس المساعد ما يقرب من 1200، قلت له والكل له حق التقديم قال نعم الكل يقدم يعنى يا جماعة الخير معين زى غير معين مسافر زى اللى قاعد فى مصر الكل هيقدم وما فيش فرق بين منح وغير منح،، صالته تانى ازاى بس الزملاء بيقولوا ان بعض المنح اتسكنوا مباشرة حلف بالله ان هذا غير صحيح ولو فى حالة واحدة هاتوا اسمها، علما بان الاعلان سوف يصدر خلال يناير القادم باذن الله

انتي جبتي الكلام ده منين .. اكتبي الرابط .. لو سمحت

اقتباس:

المشاركة الأصلية كتبت بواسطة eamey (المشاركة 4175519)

لوسمحت د عبد الرحمن لحد دلوقتى فى بعض مدريات التنظيم والادارة بتقول ان احنا هنستلم منها اة الصح دلوقتى هنسافر ولا هنستلم من مديريات التنظيم والادارة بالمحافظات

هتافري تستلمي من القاهرة

هـــــــام وعاجل جدًا للعزيز دكتور عبد الرحمن

السلام عليكم ورحمة الله وبركاته أعضاء المنتدي الكرام وأخص بالذكر الأخ العزيز دكتور عبد الرحمن المنياوي .
أرجو من سيادتكم الرد علي هذا التساؤل وهو :
أنا الآن معلم مساعد " خريج حقوق " والحمد لله لم يتم تثبيتي بعد وحاصل علي درجة الماجستير وخريج 2005 يعني إن شاء الله هتكون فرصتي كويسة السؤال ما هو الوقت المناسب للإستقالة من وظيفة المعلم المساعد بصفتك تعلم أمور كثيرة عن المعلم المساعد وماذا لو حدث ولم يقبلوا استقالتي حيث أن تخصصي نادر بمعني أنه لا يوجد من يغطي عدم وجود فلو حصل ورفضوا ماذا أفعل أنقطع عن العمل ولا إيه .... أرجو الإفاد
كما أرجو من حضرتك غدًا معرفة خريجي حقوق جامعة المنيا هل فعلاً هيتم ترشيحهم للعمل شئون قانونية وما هي الجهات التي تم ترشيحهم للعمل فيها .
أسف علي الإطالة ولك الشكر ووافر التحية
والسلام عليكم ورحمة الله وبركاته

عنوان التنظيم والادارة بالقاهرة ايه؟

طب بالنسبه للمكرر فى الترتيب المفاضله هتبقى على اى اساس

يعنى لو الترتيب السادس عشر فيه ثمانيه اشخاص المفاضله بينهم على اى اساس

بالنسبة للاستقالة احمد لله اننا داخلين على نص السنة يعني أجازة يعني هيتمضي لك وانت في بيتك خلاص خليك في التربية والتعليم لغاية ما تسم ورقك في الجهة الجديدة وتستم عمل وتمام .. وبعد كده قدم استقالتك في الإدارة التعليميةاللي انت تابع لها ومفيش حد هيرفضها .. اما لو غلسوا عليك .. براحتهم خالص توقف عن العمل واستلم عملك التاني وخلاص طنش .. هم هيقيلوك ولو إني استبعد انهم يرفضوا استقالتك ..ماتنساش تاخد شهادة خبرة بشغلك فترة التعاقد..

يا د. عبدالرحمن المنياوي
عنوان التنظيم والادارة بالقاهرة ايه؟

بالله عليك يا استاذ عبد الرحمن .. بالنسبة لاوائل الازهر مفيش اخبار ؟؟؟؟

انا اسمى كان موجود فى الكشوفات الموجوده فى اكاديميه البحث العلمى ودلوقتى روحت اسال فى الجامعه لم اجد اسمى وقالوا لى ان التنظيم والاداره طلب كشوفات جديده للاوائل مضاف فيها اسماء طلاب المنح

ارجوك يادكتور عبد الرحمن رد عليه اعمل ايه

أوائل الأزهر

السلام عليكم
بالله عليك يادكتور عبدالرحمن ياريت لو في أخبار عن أوائل الأزهر و ياريت بقية الزملاء يطمنونا علي نوعية الوظايف و ألف مبروك مقدما

كنت عايز اسم صفحة الدكتور عبدالرحمن علي الفيس بوك

جزاكم الله خيرا

جبتة من صفحة*أعضاء المنح الدراسية بجامعة المنيا* على الفيس بوك

مديرية التنظيم والإدارة بمحافظة القاهرة

القاهرة
عنوان المديرية
شارع بترو امتداد شارع مستشفى الزهراء
المنطقة الصناعية - العباسية

دكتور عبدالرحمن لو حضرتك عندك اى معلومات جديدة عن موضوع المنح طمن قلوبنا