|
تهريب اسلحة ....... هو مرسي هيقف لكو على الحدود !!
جنود يموتوا في سيناء ....... هو مرسى هيقف يحرسهم !! حادث قطار ............هو مرسى اللى كان سايقه !! الكهرباء بتقطع ...... هو مرسي اللى بيقطعها !! المرور تعبان ......... هو مرسي هينظم لكو المرور!! الأسعار بتغلي ..... هو مرسي اللى هيراقب الاسعار!! الزباله ماليه الشوارع ... هو مرسى كان عامل نظافه !! آه يا عالم يا ظالمه الراجل ماله ده يدوب حتت رئيس جمهوريه ماله هو بقى؟ |
مجند مصاب سأل احد المسئولين :
( هو انا يا بيه هياخدوني غياب في الجيش النهاردة ؟! ) قاله المسئول : يا خالد انت مش غياب .. بلدك هي اللى غياب .. رئيسك هو اللى غياب .. حكومتك هي اللي غياب حتى أنا كمان غياب وماتقلقشى بكره الناس كلها كمان تنسى وتبقى هى كمان غياب |
اقتباس:
|
إذا لم تبكى حين تبكى الناس
فاسأل لنفسك الهداية والإحساس واعلم أن ربك الحى القيوم - يغفر لمن يشارك أهله الهم والهموم اللهم إن همنا واحد وحنيننا واحد فاجمع بنى وطنى فى رباط واحد |
اقتباس:
|
جزاكم الله خيرا
|
دقيقة حداد
ياهل ترى لو اكتفت الحكومة بالوقوف دقيقة حداد على كل روح مواطن غلبان تزهق روحه بسبب الإهمال وسياستهم مجهولة المعالم ولأنهم يسيرون على خطة نهضوية فنكوشية قطرية فارسية عثمانليه ياهل ترى لو اكتفوا بوقف دقيقة حداد على كل روح تفارق الأحبة ؟ هل سيجدوا الوقت ليعملوا ؟ أخيرا عرفنا السبب الحقيقى وراء عدم عملهم المشهود لانهم ذات حس رهيف ويقضون معظم وقتهم فى الحداد على رعاياهم ولأنهم لم يجيدوا بعد القيام بدور الكومبارس حسبنا الله ونعم الوكيل |
ماكين
هل ماكين من التمكين أم للتمكين ؟؟!!! وهل هو أخ أم رفيق أم لادا ولادا وشكله كدا مباحث فيدرالى؟!!!!! [ أنت أخ أم رفيق؟ يحضرني مشهد من فيلم (ليلة البيبي دول) بطولة الفنان السوري (جمال سليمان)، وبعيدا عن محتوى الفيلم والذي لا يعنيني في شئ, أتذكر فقط المشهد الذي لا يتجاوز الدقيقتين إلا أنني أراه يلخص الشأن المصري الحالي بأكمله, حيث يحكي الفنان (جمال سليمان) قصة دخوله السجن الحربي حيث يقابل مجموعة من السجناء يبدو أنهم من فريق الشيوعيين والتيار اليساري يسألونه (هل أنت أخ أم رفيق?) ولأنه لا يفهم ما يقصدونه ويريد أن يتودد إليهم فرد قائلا بعد قليل من التفكير: بل أخ طبعا.. فبدون أن يتفوهوا معه بكلمة انهالوا عليه باللكمات والضرب المبرح, ثم يقابل بعدها مجموعة يبدو من ملابسهم ولحاهم أنهم من التيار الإسلامي.. فيسألونه مجددا: (أخ أم رفيق؟) ولأنه خارج توا من معركة حامية لم يقم فيها بشئ سوى تلقي الضربات.. فهنا أجاب وبدون تفكير (بل رفيق طبعا, فكلنا هنا رفاق) وجاء الرد عليه كما في المرة السابقة.. ضرب ضرب ضرب (وبدون شتيمة), ثم التقى بعدها فريق ثالث يبدو من ملامحهم وكأنهم من السجناء الجنائيين معتادي الإجرام, فسألوه مجددا نفس ذات السؤال (أخ أم رفيق؟).. وهنا وقف وهو يبدو عليه التعب والتأثر من فقرات الضرب المبرح التي قضاها للتو, وبعد لحظة تفكير منطقي أجابهم بالطبع (أنا لست أخ ولا رفيق), وهنا أجابه هذا السجين وعلامات الغضب والإجرام تكسو وجهه: (إذن مباحث) وهنا لم تختلف (العلقة ) في الثالثة أي اختلاف عن الأولى والثانية. شرين عرفه http://shorouknews.com/menbar/view.a...b-77df7bb3e9b9[/quote] |
اقتباس:
الحمد لله رب العالمين |
اقتباس:
|
اقتباس:
|
حوار مع القرين(عاوزين نعيش )
الشورى أبو 7% بقى شورى نواب وربنا الشورى الفل رغم أنف الكل بقى تشريعى نواب إيه مش مصدق ؟ والتشريعى المزور كل يوم بيحوَّر لاجل يطبخ قانون جديد لمجلس النواب غريبة - صح ؟ ماهو أصل مجلس النواب هيخلِّى الطعمية كباب واللى نايم من غير غطا هيلاقى الخير أتواب أتواب فرحان ياعريان؟ وياللى اتحرمتوا م التعليم نوابكوا جايه تعلمكوا بس صحصحوا فى السليم وم اللى بالى بالك خلوا بالكوا مستعد ياجاهل؟ مش لوكانوا صادقين والثورة فى ضميرهم ثورة ملايين مش كانوا سبَّقوا بالقوانين اللى تخدم أولويات الملايين أمن -- خرج ولم يعد أمن إيه وهباب إيه هو انت عايز الكوادر والنخب يشتغلوا غفر ولا إيه ؟ يؤجل الأمن إقتصاد -- ذهب ولم يعد إقتصاد مين ياحسنين هو حد جعان وحاسس بالجوع غير همَّا همَّا الجعانين؟! يؤجل الاقتصاد م الأخر -- البلد بلدهم والثورة ثورتهم على قد جماعتهم واللى زعلان يشرب م البحر |
هدية العيد الثالث
الشعب أبدا مش هيستقيل الشعب صابر وصبره جميل يموت تحت قطر يغرق ف النيل يتخنق ف استاد أو يفزعه عويل أبدا أبدا لن يستقيل طوفانه على المحك ويومه قريب يوحد طوايفه ويقرب كل حبيب ماهو يموت الميت ويتقل القتيل أرحم من إن مصرى يبقى فى بلده غريب أبدا أبدا لن يستقيل |
حادث قطار البدرشين..
فيس وتويتر ينهضان على أخبار "نهضوية" مفزعة رشا فتحي الثلاثاء , 15 يناير 2013 11:06 انطلقت التعليقات الغاضبة والساخرة على مواقع التواصل الاجتماعي "فيس بوك" و"تويتر" عقب حادث إنقلاب عربتين من قطار البدرشين، وكالعادة قضى الأعضاء فيهما ليلة حزينة.. أما من نام مبكرا ليلة أمس، فبدأ أول ساعات يومه بخبر الكارثة الجديدة، وهو ما عكسته تعليقات الموقعين.. وكانت من أبرز هذه التعليقات حول الحادث: ـ صباح النهضة.. أنا نهضت الصبح من النوم على أخبار نهضوية مفزعة.. قطر اتقلب وموت 19 وإصابة 107! ـ نهضنا فى 6 شهور اكتر من اللي نهضناه فى 30 سنة .. كفاااااية بقى لحد كده نهضة ، كفاااااية نهضه ، كفاااااااية نهضة أبوووس ايديييييكو. ـ بعد أن أنتهى الراديو من إذاعة نبأ حادث قطار البدرشين وأعداد ال***ى والجرحى.. تبعه إذاعة لأغنية "عمرو دياب": "أيام و بنعيشها هنعمل ايه يا قلبي في ناس ماهماش ناس مافيش احساس و مش بيحسو بجروحنا ..." والله حصل ومش بهرج وقولت "عندك حق يا عمرو والله". ـ د.هشام قنديل يمضي على صفقة قطارات لما تزمر بتقول "تيييييييييييت"، إكمن اللي بتقول تووووت دي بتعمل حوادث. ـ إن في مصر لهيئة لو صلحت صلح الجسد كله.. س ح م. ـ غير يا ابني صورة البروفايل وحط القطر. ـ كل حادثة المستشفيات تقول هاتوا شاش ودم ودكاترة !!! .. طيب هو انتوا عندكم اية !!! .. مخلل!. ـ دمنا على الأرض في كل مكان في الميدان في الشارع في الاستاد قدام القصر الرئاسي على قضبان القطارات في أوتوبيسات المدارس .. ناقص فين تاني . ـ يارب ارحم شباب البلد دي تعبنا حزن وقهر وجنازات. ـ أما آن لـ محمد مرسي أن يستيقظ من نومه أو يقطع قيام ليله ويتفرغ لجثامين المصريين !! ـ قطارات الاطفال في الملاهي لا تنفصل عرباتها. ـ الفلنكات.. وما ذنب الفلنكات؟. ـ دمنا على الأرض في كل مكان في الميدان في الشارع في الاستاد قدام القصر الرئاسي على قضبان القطارات في أوتوبيسات المدارس .. ناقص فين تاني. ـ شاهد عيان على اون تي في: شحنت كارت ب 200 جنيه وهطلع اتصل باهاليهم ..الشعب هيتصرف لحد الدولة ما تصحى. ـ "س . ح . م» المفروض إنها (سكك حديد مصر) بس هي بقت (سيادتك حتموت مقتول).. حسبنا الله ونعم ـ عيش .. حرية .. موتة طبيعية ـ سكك حديد مصر. ... سكك تأخذك الي الجنة. ـ أعتقد إن قطار الموت فى دريم بارك أأمن من قطارات سكك حديد مصر ـ فاضلنا حادثة طيارة ونبقا خلصنا كوارث عهد مبارك كلها في 6 شهور. "تويتر" سرداق عزاء المشاهير ـ قال عمرو دياب على حسابه على تويتر: "أنعي بمزيد من الحزن والأسي ضحايا قطار البدرشين .. اللهم اغفر لهم وارحمهم". ـ الشاعر عبد الرحمن يوسف: "نحن نعلم أن التركة ثقيلة ولكن ذلك لن ينفي عجز الحكومة وعدم وجود رؤية أو حلول لمشاكلنا المزمنة.. رحم الله الضحايا". ـ الدكتورة هبة رؤوف، أستاذ العلوم السياسية بجامعة القاهرة: "هناك دولة الرفاهية التي تقدم الخدمات وتوفر الاحتياجات وهناك الدولة الحارسة التي تكفل الحماية، نحتاج نبدأ بالدولة الراصفة طرق ومواصلات ونقل آمن". ـ الناشط السياسي، علاء عبد الفتاح: "ويا ترى المسئول عن موت المجندين دول هيتحاكم عسكري؟!". ـ الناشط السياسي أحمد دومة: "عشرات الشهداء من المجنّدين البسطاء في حادث قطار البدرشين.. وطبعاً مش مرسي اللي كان سايق القطر". ـ عمرو حمزاوي: "مرفق النقل الكارثي يوقع مجدداً ضحايا وينتهك حقنا في الحياة ، أين الخطة الحكومية للإصلاح مرفق النقل التي وعدنا بها بعد مأساة أسيوط ؟! لا أثر لها". ـ الإعلامية والناشطة الحقوقية جميلة إسماعيل: "كفـــاية". اقرأ المقال الأصلي علي بوابة الوفد الاليكترونية الوفد - فيس وتويتر ينهضان على أخبار "نهضوية" مفزعة |
شعور سخيف
إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى ... عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله الشاعر / هشام الجخ |
عصام سلطان
إظهر وبان عليك الأمان والمستخبى انكشف وبان كم يساوى الشعب عندك ؟ ساعدت فى التضليل ومررت الدستور على خير وجه وقت المكافأة نأبك جه على شونه ياكبير الحكومة محجوزة وكل الوزراء بيسخنوا حوالين خط الملعب العب غيرها ولاسيب الحزب فى حاله بلاش مهانه والجرى جرى الوحوش فيا أخ سلطان غير رزقك لن تحوش ربنا يهديك |
رسالة أطفال مصر
تووووووت توووووووووووت ، توووووت توووت قطر صغنتوت، توووت توت جينا جنبه نفوووت توووت توت كلنا هنموت، توووت توت على ايد هلفوت ، توووت توت والسكه حديد، توووت توت أفهم يابعيد، توووت توت بنعيد ونزيد، توووت توت ومفيش تجديد ، توووت توت حاجه للتأكيد، توووت توت انا موتت شهيد، توووت توت والقطر اهو فات، توووت توت على ابنى ومات ، توووت توت بلد الأزمات ، توووت توت مليانه هتافات ، توووت توت هتفوا لتفاهات ، توووت توت هتفوا لماتشات ، توووت توت وانا حقى مجاش ، توووت توت انا موتت بلاش ، توووت توت كام الف جنيه ، توووت توت ده تمننا يا بييه ؟؟ ، توووت توت والثورة أهييييييييييييه ، توووت توت طلعت أفييه . اللى اختشوا ماتو ا |
نجوم ونجوم
نجوم اختشوا وعن وجهنا اختفوا إيييييييييييييه والله زمان كان د.البلتاجى والبرنس والعريان يصبحونا بخطبة وينيمونا على بيان وكان اللى كان وأن الأوان وهبط الميزان ماهى دنيا ياصحبى وكل شىء بأوان طب مش أن الأوان يابثينه إنتى كمان تختفى عن سمانا شوية وترحمينا من الطلعه ديَّه فقر إيه اللى حاسَّه بيِه ؟ وغُلب إيه اللى عايْشه فيه؟ وازاى بثينه هانم هتبقى فى يوم البت بهيَّه إنسيِنا وضيِّعى العنوان وخلى الغلب والفقر لاصحابه لااللى فى السلطه حاسس بينا ولا اللى فى الأونطه دارى بينا وكله بيلعب على كله - وكله بيتاجر على كله والغلبان كل اللى حيلته دعوة مظلوم ويجعله عامر |
ياوقعه زرقا
يامه قلنا بلاش هد وخلوا الإصلاح يبقى خفيف قالوا لا لازم نهد ونبنيها تانى على نضيف وكبروا وهللوا ولافرقوا بين فاسد وبين شريف ونزلوا هد وبنوا بأوهامهم مليون سد وسد وبعد ماكملوا على هدها طلعوا لايملكوا مهندس ولاحتى بنَّا حريف!! يالطيف محمد كريم وقف فى وجه مدافع بونابرت لأنه (مصرى ) أمين أغا سلم بلدكم مع أول طلقة مدفع لأنه (تركى ) طب إزاى يا أهل الشهامة والمروءةهيعمر بلدكم (قطرى )!!! دا حتى عيبه فى حقنا ---- ولا إيه يامصريين ؟؟؟!!!! |
تشريع الشورى وشورى التشريع
تناقشوا -- قلنا خير تراجعوا ---- قلنا خير اختلفوا -----قلنا خير خلص الخير وخرج القانون وبقى سكرتير المحافظ عامل وكمان مدير مكتب الوزير فلاح لواء متقاعد عامل لواء متقاعد فلاح واللى زاد وغطى فتح الباب لمن ينتخبوا مستقلين تانى يوم النتيجة على طول ينضم لحزب هو حر ؟ نعم لكن فى حياته الخاصة لكن حياته العامة التى منحها له الشعب مش حر ويعتبر تضليل وخداع وتزوير ويستحق المحاكمة كمان وإلا يرجع للناس اللى انتخبوه ويسألهم لكن هى دى قوانين الدولة الجديدة الممتد جذورها من الدولة القديمة الجديد بس أن الشورى صبح تشريعى التغيير الشكلى حلو بردو أحسن من مفيش هو التاريخ هيحترمنا بعد كدا مش بعيد يتبرىء مننا كلنا |
اكشف غطا وجهك ومزع القناع
بلا حكومة . بلا بطولة بلا بتاع ياأسمر يأبو القلب الحديد ياللي واجهت الموت ... في كل اتساع ياأسمر يأبو الوجه العنيد يا مصري ولحد النخاع كله طلع كلام يا خال !! والحال ..رجع تاني حال أتاري الحرام..... هوه الحلال وأتاري الهدى هوه الضلال شموا نفسهم من جديد . والمرة دي .. بدمك أنت يا بطل .... مع الأسف وبعجنة اللحم اللي تتسمى الشهيد ويعملوها عيد بليد تعرفشيه غير م الصحف . واعترف .... العيد بييجي ... لاجل ما تموت من جديد ولو ان موتك ريح بتغلب الرياح لكنه ما حركش ليه أسن الحياه؟ ويا صاحبي .... ما حركش ليه ألم الجراح؟ راح اللي راح فلا انتظار ولا أمل الحرب خلصت يابطل والفرحة هبت في الوطن ياصاحبي من كل اتجاه وزي ما قالوا: طلع نور الصباح ورفرف العلم العظيم العالي على كل الجباه لكنه... ليه من غير حياه؟ والنصر ليه على رقاب كل اللي عملوه اتكى ؟ وليه في أرض المعركه نسينا كل اللي بلغناه بالمعاناه والعرق وبالفخار ..وبالبكا لما يا صاحبي ع الحلم اللي ضاع ونصرك اللي راح وما عادلوش شهود وما عادش داخل الحدود غير اللي سمسر واللي قرقر واللي وفر ... واللي باع **** اللي هوى الوطن .....هوى بالعشق ولع وانكوى من قبل ما يفتح ..... ذوى يا أحلا أبناء الوطن نرحل عليل......... بلا دوا ترحل وحيد مجهول ...حزين نرحل سوا **** نرحل سوا. أنا وانت والوطن الحبيب ونسيبها للوطن الغريب نسيبها للوطن المريب لديب .. بيحرس الجياع **** عبد الرحمن الأبنودي |
الحية أم راسين وجرس على الجانبين
حبت تصطاد بطوبه واحده عصفورين جيش وشرطة بالفوضى مشغولين لكن ياميت خساره بنفس الطوبه الملعونة القضا كمان هيروح فى الرجلين أما صحيح ضربة معلم وتربية ملاعين لطفك يارب دا احنا غلابه ومساكين ومالناش غيرك يحمينا يارب العالمين من التعالب! والديابة !والشياطين!!! |
إجمد يا فندم وشد حيلك
ملناش بعد ربنا غيرك الكاكى هيفضل رمز البطولة جيش وشرطه يحلف بخيرك مصرى جدع وماهيقدر حد مهما حصل يفرق بينا وبينك |
اقتباس:
لغْْبط كيانَّا وقسِّم العباد احنا الفلول وهما الجهاد وكراهيتهم لصهيون فخر وزاد!!!!!!! طب كانوا فين فى 73 كانوا متفرقين متوزعين متنتورين شوية هنا وشوية هنا وفى رغد الدنيا مبرطعين وفى حجر الريال والدينارمربعين ولما رجعوا دلوقتى مين بيسمع مين؟ تاريخ بيتْسوِّد أمام عنينا لايوم اتحرجنا ولامنه إختشينا ماهو لازم يسوِّدوا كل اللى فات لأجل السواد اللى جاى ينطلى علينا ونرضى بقليل قليلنا ونبقى مرْضيّين مين هيحترم حكم القضا والقضا للكوادر القدوة عدو لدود اتحاصر واتهان إهانه مالها حدود طب دلوقتى هنلوم على مين ؟ على الحكام ولا على المحكومين؟! |
علاء الاسوانى
بلال فضل أيمن نور اللعب فى ملعب منفصل لايحتمل له توضيح سوى أمر وحيد إنكم فى انتظار نداء من أحد مدربى الفريقين فريق بابه مفتوح على مصراعيه ويرحب بيكم وفريق كان بابه موارب لكم فقط ليستغل مواهبكم الثورية التفتيتية النابعة من حماس الثوار وبعد إن انتهى دوركم ولموا الخير من ورائكم كغيركم تم الإنقلاب عليكم وإعلان عصيانكم ليه الانتظار والوقوف بين حيرة الإختيار اختاروا المفتوح قلبه وذراعيه لكم ياتختاروا الموارب سابقا المغلق حاليا -- وفى هذا الحال ستكونوا فى حاجة إلى لترين دم بجاحة ولترين تلامة ولترين عدم كرامه ثقتى أنه ليس متوفر لديكم حتى سنتى واحد من هذا الصنف الخبيث--- فعودوا لمواقعكم يرحمكم الرحمن |
اقتباس:
اقتباس:
جزاك الله خيرا على هذا الوصف الرائع للاحوال الحالية |
مواطن كوبون
هتزعلى منى يابلدى ؟ما تزعلى هو انتى خليتى فيا روح !!! أطلع من مطب لدحديره وحكوماتك أقسمت ماتداوى لى جروح أصرخ وأقول شوية كرامة - يردوا علياحكامك - هذاغير مسموح!!!!!!! أااااااااااااه يابلد نفد صبرى وضاع رصيدى ماتقوليلى فين هروح؟ |
الثعلب والديك لامير الشعراء احمد شوقي بَرزَ الثعلبُ يوماً في شِعار الواعظينا فمشى في الأرضِ يَهدي ويَسُبُّ الماكرينا:bosyht9: ويقولُ: الحمدُ للّـ ـهِ إلهِ العالَمينا:excl: يا عبادَ اللهِ تُوبُوا فَهْوَ كَهفُ التائبينا وآزهدُوا في الطَّيرِ إنّ الـ ـعَيشَ عيشُ الزاهدينا وآطلُبوا الدِّيكَ يؤذِّنْ لصلاةِ الصبحِ فينا;) فأتى اليدكَ رسولٌ مِن إمامِ الناسكينا عرضَ الأمرَ عليهِ وهْو يَرجو أنْ يَلينا فأجابَ الديكُ: عُذراً يا أضَلَّ المُهتدينا بَلِّغِ الثعلبَ عنيّ عن جُدودِ الصالحينا عن ذوي التِّيجانِ مِمّنْ دَخَلَ البطنَ اللَّعينا أَنّهم قالوا وخَيرُ الـ ـقَولِ قَولُ العارفينا مُخطِئٌ مَن ظَنَّ يَوماً أنّ لِلثَّعلبِ دِينا :slap1qk6: |
اقتباس:
جميل وأهلا بكم فى مدينة الأدغال (تعلب وديك وأسد ) ويجعله عامر شكرا جزيلا على المشاركة بنشيد فصل 1/5 الفترة الصباحية |
اقتباس:
بارك الله فيكم أستاذنا الكريم |
الطيار الماهر لايتعجل بحرصه ويسقط أجزاء من حمولته بل وأجزاء من جسم طائرته لينقذ نفسه ومن معه فقط
ولكن يصنع بالصبر والتحمل والحكمة مايجعله أيه وقدوة حسنة للناس وبطلا يقص حكايته الأجداد للأحفاد فى كل البلاد الفارس المقدام من يخرج من داره مجاهدا لكل أهله لاعلى بعضهم الراعى من يرعى الله فى كل كبيرة وصغيره تخص كل رعيته بالعدل والمساواه التقى من يتقى الله فى دينه ووطنه وأهل بلده ويخرج عليهم مرحبا لحوارهم ومتقبلا لكل مطالبهم الحكيم من يعزل حاشيته بعيدا عن الإعلام ليعزل الأهل كل المعارضين لذاتهم وأحلامهم الخاصةعن الدنيا كلها اللهم زين نفوسنا بالحكمة والتعقل واحفظ بلادنا من عبث العابثين وغرور المغرورين المتعجرفين |
اقتباس:
:078111rg3: مشروع إعادة هيكلة الشرطة المزعوم ماهو إلا تغيير الدفة من حماية السابقين إلى حماية اللاحقين !!!!!!!!!!!! ياتضرب وتخبط فى الناس زى زمان وتوسع للباشا الطريق وتنضف له المكان من أى مواطن خلاص عرف واتأكد إنه إنسان يانغضب عليكم ونفجر فى وشكم البركان !!!!!!!!!!!! صدقنى مش هيحصل تانى -------------- شرفا الشرطة اتقاسموا الموده والمحبة بعد الغربة مع البسيط الغلبان- ولأول مره يخرج كسبان !!!! |
«امتك يا محمد يا بن عبد الله
تستحق الشفاعة والدعا لله ياللى جيت بالرسالة وألفت القلوب آدى أمة المحبة عرفت نار الحروب آدى الشيطان غواهم.. غير طريق هداهم ماعدوش قادرين يشوفوا إخواتهم من عداهم اللى متربصين واللى مزلزل قلوبنا يا صادق يا أمين القاتل والضحية يا محمد مسلمين ولغير ربى وربك أشكى الأمة لمين امتك يا محمد تستحق الشفاعة والدعا لله». - رسالة الأبنودي.. "القاتل والضحية يا محمد مسلمين" حسبنا الله ونعم الوكيل فى الساسة والسياسين وتجار الدين |
البلتاجى تعليقًا على مقابلة "شفيق" مع "القاهرة والناس": لا بأس فى أيام الأعياد من الترويح والتسلية
http://gate.ahram.org.eg/NewsContent...%A7%D8%B3.aspx خليهم يتسلوا (مشهد مكرر من فيلم قديم بنفس الغرور واللا مسئولية ) هل نسى هذا الرجل أن أنصار شفيق يعادلوا أنصارهم إلا قليلا هى الناس دى لو سكتت حرام ؟ هى الناس دى والتى تتعمد استفزاز معظم الشعب بتصريحاتهم لايعلمون بأنهم هكذايعبثون بمستقبل 90مليون هو التحلى بخفة الدم والاستخفاف بالغير بيطول العمر ويبيض الوجه ويرفع الأسهم ؟ حسبنا الله ونعم الوكيل اصمتوا من أجل وطن الكل يرحمكم الرحمن |
شباب الوعى والوفاء
الإلتراس يكشف أكاذيب وألاعيب مجندين الرئاسة والحكومة العاملين بالبورصة داخليا وخارجيا رغم حصار الالتراس للبورصة --- حصار ---- اتعلمون مامعنى حصار ؟ إلا أن البورصة ربحت ولم تهتز !!!!!!!!!!!!!! سبحان الله أمال ليه أى قرار رئاسى أو حكومى يعترض عليه مجموعه فى أى مكان تخسر البورصة المليارات ؟! وقرار رئاسى أو حكومى يحتاج تأييد وهمى تكسب البورصة المليارات !!!!!!!!!!!! أه يا لعيبة يا أولاد اللعيبة فعلا احتراف فقط فى ألاعيب السياسة وتضليل الشعب وكسب تعاطفهم بالوهم لكن الحمد لله نجح الجمهور الواعى فى كشف الملعوب داخل الملعب صحيح اللى اتربى على حب صالح سليم لاعبا وإداريا لازم يبقى كدا رحمة الله على الجميع |
حسبنا الله ونعم الوكيل
فى من يصنفون الشعب على هوى كوادرهم المرضى بلطجية حين يعترضوا !!!!!!!!!!!!!!! ثورجية حين يركعوا !!!!!!!!!!!!! اللهم الطف بنا وبوطننا يا أرحم الراحمين |
ياشعب يامسكين ياللى نصك بلطجية
زى مابيقول كوادر و أتباع المرشد أخرج وقول كلمتك بسلام وخلى العالم كمان وكمان بسلميتك يشهد لعن الله الغرور والعجرفة التى أضاعت أوطان |
سؤال
الرئيس حين ذكر الثورة والشهداء فى خطابه اليوم كان الصمت المريب للقاعة وحين ذكر اعتراضه للتدخل العسكرى فى مالى كان التصفيق الرهيب وكأن البلد ليست على وشك الانفجار وكأننا نعيش فى رغد وعلينا أن نساعد من باعوا جبال الذهب فى بلادهم للشركات الفرنسية معظم الدول الإفريقية لاتأكل طعامها إلا من فرنسا -- بل لغتها وعملتها الرسمية فرنسية بل وتعليمها وقوانينها فهل تقبل حكومات هذه الدول الإفريقية وفرنسا تدخلنا هكذا بينهم وهم على اتفاق تام ؟ الشقيقة الجزائر هل ترضى تدخلنا فى محاربتها لهذه الجماعات حتى لو كان النظام على باطل من أقصى الشرق فى سوريا لاقصى الغرب فى المغرب العربى ---- الـتأييد العلنى لجماعات ضد أنظمة دولهم --- حتى لوكانوا على حق ---- التأييد لمعارضة الأنظمة خارج الحدود حلال وواجب دينى لأنهم يرفعون راية الدين!!!!!!!!!!! مجرد تقبل للمعارضة داخل حدود مصر حرام وإفك لأنهم أعداء الدين !!!!!!!!!!!! ياسنه زرقا على التلوين هو فيه إيه ؟؟؟ |
طباخ السم
مراجعة أخر العام (ليلة الإمتحان ) من هم أكثر الناس خروجا فى مليونيات لتحقيق أهداف خاصة لهم منذ قيام الثورة؟ من هم أكثر الناس كرها لمن يعترض على خروجهم أملا فى الاستقرار ؟ من هم أكثر الناس فى مصر لجأوا لسياسة الحصار لتحقيق مطالبهم بالقوة؟ من يحكمون الأن ؟ هل قدموا الأسوة الحسنة لشعبهم ؟ يبقى مبروك عليهم وبالهنا والشفا اشربواااااااااااا وربنا يتولانا برحمته ويلطف بوطن الغلابة |
تغريده
رئيس شعبه بيقتتل فى الشوارع وكل اللى عمله تغريده رئيس كل أنشراحاته خرجوا علينابمليون تويته و تغريده خرجوا علينا وبراءة الإخوان فى عينيهم وبملائكية فريده دلوقتى شعار النهضة الجديد الأن فى زمن الإخوان فى كوبون كل مواطن (رصاصة - تقصى حقائق - تغريده ) فياريت كل مبصر يتأمل شوارعنا ويسأل نفسه فى تغريده هى دى مصر التى كنا نعرفها ؟؟؟؟!!!! اللهم إنى لا أسألك رد القضاء ولكنى أسألك اللطف فيه إنا لله وإنا إليه راجعون |
العلمو نورن
(اللى مش لاقيين ياكلوا وبيكملوا عشاهم نوم من الشقى والغلب طول النهار ولا بيعرفوا الألف من كوز الدرة ولايملكوا حتى يشتروا ورقة وقلم ومرايا هيتابعوا الحاكم ورئيسهم وراعى مصالحهم وقائد نهضتهم ومفجر ثورتهم على شبكة المعلومات العنكبوتية الإنترنت!!!!!!!) تطور ونهضة !!!!!!! هى مش كانت حرام ؟؟؟؟؟؟؟؟؟!!!! |
أخر تغريده (وطنك ياريس )
الرئيس لايتراجع عن وعوده وعهوده!!!!!!!!!!!!!!! من أثيوبيا ستنطلق دعوة العالم لمعارضة التدخل العسكرى فى مالى وهذا أمر هام وجهاد لايؤجل أما مايحدث فى بورسعيد والسويس وباقى المدن المصرية سنرضيهم بتغريده وخليهم يتسلوا بدم بعضيهم فى عيد الثورة!!! لكى الله يامصر وربنا يلطف بيكى وبمساكينك الأيتام |
من يتقى الله فليهدأ
فليس عرش البلاد والجماعة وطموحات النخب أعز من دين الله ووطن الإسلام وكنانة الله فى أرضه فكفوا عن عرض المزيد من أكاذيب يهديها إليكم من يكره وجودكم وترابطكم فمن أشدالفتن الفتنة التي لا يظهر وجهها ولا يعلم طريق الحق فيها بل هي ملتبسة فهذه يجتنبها المؤمن ويبتعد عنها بأي ملجأ ويؤيد هذا ما جاء عن النبي - صلى الله عليه وسلم - في الفتن والقعود عنها حيث قال: " إنها ستكون فتن القاعد فيها خير من القائم، والقائم خير من الماشي، والماشي خير من الساعي، من يستشرف لها تستشرفه، فمن استطاع أن يعوذ بملجأ أو معاذ فليفعل " [ رواه البخاري ومسلم ] ومن هذا الباب قوله - صلى الله عليه وسلم -: " يوشك أن يكون خير مال المرء المسلم غنم يتبع بها شعف الجبال، ومواقع القطر، يفر بدينه من الفتن " .[ رواه البخاري ] ندعوا الله تبارك وتعالى أن يق مصرنا كل مكروه وسوء وأن يجنبنا الفتن ما ظهر منها وما بطن إنه ولي ذلك والقادر عليه |
حسن الظن يٌسرع النصر
من الأشياء التي تحدث أثناء الفتن والابتلاءات هي سوء الظن أن يظن كل طرف في الآخر أنه على خطأ بل يتسارع البعض في إلقاء التهم على البعض الآخر وذلك بوصفه بأقبح الألفاظ وشتمه بأقبح العبارات فهل يليق بالمسلم ذلك ؟ لا يليق به ذلك على المسلم أن يحسن الظن بأخيه وهذا ما حثنا عليه ديننا الحنيف فقال الله تبارك وتعالى في كتابه : " يا أيها الذين آمنوا اجتنبوا كثيراً من الظن إن بعض الظن إثم " [ الحجرات : جزء من الآية 12 ] وفي الحديث المتفق عليه عن أبي هريرة رضي الله عنه أن رسول الله صلى الله عليه وسلم قال : " إياكم والظن فإن الظن أكذب الحديث " . |
الحافظ وما أدراك مالحافظ
هاهى روضتنا نقطف منها أصدق الأيات وأطيب الأحاديث فمن أين جئتنا بدين السب والشتم وسوء الظن يا شيوخنا حين تتحول قناة الحافظ من إشراقة تدعو لدين الله إلى مقهى يسب الناس وينهمش لحومهم والسؤال إن كانوا هم سبوا وشتموا فهذا عالمهم من زمن بعيد !!!!!!!!! فهل يادكتور ترد عليهم بنفس ما أنتج عالمهم ؟ أأمرت من رب العباد بهذا وأنت رمز لدين التسامح والعفة ؟ ماذا يفعل الدكتور عاطف ومن أين يأتى بهذه الإبتسامة بعد كل فعله منه تحط بنا هكذا من أين جاءونا هؤلاء ؟ وإلى أى دين يدعون ؟؟؟؟؟؟؟؟ فلنتواجه بالحوار قبل سيف السب والشتم والسخرية قد يخرج متعاطف ويحزن لحوارى هذا ويتعجب من أنى لم أختار سوى هذه القناة ! وهناك قنوات عديدة تسىء لنا فى هدوء يجد الرد -- هذه قنوات حين تشاهدها لاتهتم بل لايعنيك أن تسأل عن هويتها ومنهجها لكن هوية الحافظ معلومة -- وكل إساءة فيها عبارة عن تكسير لعظام المسلمين أترونا لم نكتفى تكسيرا للعظام بعد ؟؟؟؟؟!!! ونحن الأن نسبح فى محيط من الفتن ! حفظ الله البلاد منها |
الطرف الأهم
كل مشاكل مصر الأن هى فى الطرف المجهول والمهمش الطرف الذى له الفضل بعد الله سبحانه وتعالى فى تولية مرسى وأغلبية الإخوان والسلفيين وهو الذى رفع من أسهم رموز المعارضة فى انتخابات الرئاسة والنواب إنه الطرف الأقوى الذى لاينتمى للجماعة ولا للسلفيين ولا لليبراليين فقط ينتمى لمصر وفقط ورغم أنه لا يرى فيها سوى الغلب والفقر والأمية الكاسحة إلا إنه أثبت للعالم كله أنه المعلم لكل النخب والكوادر النخب والكوادر تزأر فى وجه من ضدها إلا عند هذا الطرف تخضع وتقدم فروض الولاء والطاعة وإلا غابت عنه شمس الشهرة والمناصب المصيبة الكبرى التى ندعو الله أن ينجينا منها وتنتهى هى أن البعض يظن أن من كان فى الميدان يوم 25 يناير وسيكون فى كل 25 يستطيع أى نخبه مهما علا شأنها أن يجمعهم بالأمر أو يصرفهم بالأمر هذا مالا يستطيع الحكام إدراكه لأنهم للأسف تعودوا على تجميع أنصارهم وانصرافهم بالإشارة ولا أعنى حاكمنا اليوم فقط ولكن كل الحكام السابقين ربنا يهدى حكام اليوم ويخرج شبابنا من الإحباط حتى لانرى كل يوم جماعة من الشباب تقوم باستيراد أفكار غربية مريبة كما رأينا فى الوافد الجديد من مجموعة ( البلاك ) حفظ الله مصر من عاشقى التقليد |
الشيخ /حافظ سلامة
قاوم الإنجليز والعدوان الثلاثى والصهاينة وتحدى جبروتهم وانتصر عليهم فهل بعد هذا الوهن والضعف وبدلا من التكريم سيقاوم ؟ هى دى مصر فى صورة أحد أبنائها الأبطال سابقا المحاصر حاليا دائما يامدن القناة كانت تأتيكم رياح الغدر والحصار من الشرق هاهى تأتيكم من الغرب ومن مقر الوالى فى قاهرة المعز فين مصر ؟؟؟؟؟؟؟؟؟؟؟ لك الله يامصر |
أحمد فــؤاد نجــم :
----------------------- إكتــب فى الليل الدستــور .. وإقـطع فى اﻹستفتاء النــور .. وإحنا على ظلمك هنثــور .. زى مبــارك بكره تغـــور .. |
اقتباس:
كان تمن مبارك (3سوايسه وواحد بورسعيدى ) وجاءت جمعة الغضب شكل مرسى تمنه غال جدا ياصديقى (9سوايسه و40بورسعيدى ) ومن خرج فى ذكرى جمعة الغضب يطارد الأن ولا زال الرئيس يستخدم نفس الصباع بتاع مبارك فى التهديد والوعيد ربنا يهدى الجميع ويتعلم من دروس الماضى و يتولانا برحمته شكرا |
أكدت أنها ستواجه المخربين
" البلاك بلوك الإسلامية " تصدر بيانها الأول كتب - محمد عبد الشكور : منذ 4 ساعة 41 دقيقة أصدرت مجموعة جديدة تطلق على نفسها اسم " البلاك بلوك الاسلامية " بيانها الأول ، وجهته لمدينة الانتاج الإعلامي ، أكدت فيه أنها سوف تواجه الاعتداءات على الممتلكات الخاصة والعامة ، وستواجه المجموعات الإرهابية بكل قوة وحزم . وقالت مجموعة " البلاك بلوك الإسلامية " على صفحتها على موقع التواصل الاجتماعي فيس بوك : " نعلن أننا لم ولن نقوم بالتخريب بل سوف نقوم فقط بمواجهة المخربين لهذا الوطن وسنقاومهم حتي النهاية وسنخرج للحفاظ علي هذا الوطن " . وحذر البيان الإعلام ، قائلا: " وإن قام أي اعلامي بتشويه حركتنا الإسلامية وقام بالمدح في المجموعات الإرهابية كما رأينا في الوسائل الإعلامية القبيحة سوف لا يلوم إلا نفسه " . اقرأ المقال الأصلي علي بوابة الوفد الاليكترونية الوفد - " البلاك بلوك الإسلامية " تصدر بيانها الأول الفزاعة الوهمية لصناعة الفزاعة الحقيقية الفزاعة والتى انتشرت بفضل الإعلام المتأخون تعاطفيا حول البلاك بلوك ارتعب الجميع وطالب الشرطة بالضرب بيد من حديد ونحن معهم ولكن هل سيستطيع الشرطة مواجهة بلاك بلوك المخرب وبلاك بلوك المصلح؟!!!!!!!!!!! وهل سيتشنج أعضاء شورى النواب حين يروا مثل هذا الخبر أم ستمر عليهم مرور الكرام ؟ لك الله يامصر كم ستتوالى البلوكات وكم سنسلط التشنجات لجهة واحدة أقول للنائب الذى تشنج فى الشورى من أجل الانتقام من برنامج وقناة ليتك تكمل هذا التشنج المحمود حسرة على حصار الدستورية والإعلام كفاكم إحباطا للشباب وتهميشهم بل ومنحهم لقب البلطجية بعد ماكانوا ثوار وسيظلوا ثوار رغم أنف أصحاب المناصب والمصالح ليتكم تلحقوا بهم قبل أن يتسع الفراق بينكم |
| جميع الأوقات بتوقيت GMT +2. الساعة الآن 11:51 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.