بوابة الثانوية العامة المصرية - ₪₪₪ البيت بتكم للبنات₪₪₪

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - ₪₪₪ البيت بتكم للبنات₪₪₪ (https://www.thanwya.com/vb/showthread.php?t=125749)

اقتباس:

المشاركة الأصلية كتبت بواسطة طمعانه في رضاك يارحمن (المشاركة 1476281)

بوسي بوسي انا جيت
نورتي يا سوما
بنوري طبعا:p

اتاخرت صح
اه:angry2:

بس الحمد حلحق دوري بردو :d

ع راي المثل اللي يفرط في دوره ملوش مكان بنا :d

** عندك كام صديقة ممكن تثقي فيها جدا لكي تطلعيها على أسرارك.
اممممممم
تقدري تقولي كده 3
بس غالبا مبقلش اسراري لحد

** المنتدي بالنسبه لحياه بوسي كام في الميه ؟
للأسف حوالي80%
ادعيلي يكونوا 8%

** النت والمنتدي واحد ولا يختلفوا ؟
لا طبعا يختلفوا كتير جدا
انا معتقدش ان في منتدى مختلط محترم ممكن يناظر المنتدى ده ابدا
بجد ربنا يخليه ليكوا
ويخلصني منه:d

** بوسي تختلف عن بسمه في ايه ؟؟
بوسي رغايه جدا ومرحه الي حد ما وحشريه:d
بسمة كلامها قليل جدا ومبتدخلش في حاجه خالص
بس اتغيرت من فتره كده معرفش ليه
مش عرفه ايه الي جرلها

** نصحيه ونقد لبسمه

كانها شخص قدامك ؟
نصيحه:اتقي الله وكفايه لحد كده بعد عن ربنا
نقد:بطلي تبقي مزيفه

** نفسك ايه يتغير في بوسي وبسمه ؟؟
بوسي نفسي تسيب النت الى حد ما وترجع لطبيعتها الي هي بسمه وتعرف ان في حاجات اهم واهم من تضييع الوقت في حاجات ملهاش لزمه
بسمه نفسي تبطل تفكر في كل حلجه تحصل امامهل وكل كلمه تتقال قدامها لان التفكير ده بيتعبلها اعصابها جامد

** ايه اكتر حاجه ممكن تديقك في الشخص اللي بتتعملي معاه ؟
اقولك ومتتريقيش
حاجه غالبا كده معظم شكلي مع صحابي بتكون بسببها
لان انا عمري معملتها
عدم الالتزام بالمواعيد:d

** انت اول سنه في الكليه صح

بتبصي للكليه ازاي ؟؟
خيفه منها أوي
انا رحتها يومين لحد الوقت وشيفه الاختلاط فيها بطريقه جنونيه
مش عرفه انا هتعامل مع الناس دي ازاي

** دموعك سهله ولا صعبه ؟
سهله ومن أقل حاجه
لدرجه ان بعض الناس بيقولوا عليا تفهه
بس دي حاجه مش بأيدي

** ندمتي ع كام حاجه في عمرك اللي فات ده

وتقدري تقول حاجه منهم ولا ؟

يااااااااااااااااه
تقريبا يعني انا عندي 18 سنه اضربيهم في 365 يوم
يطلعلك كام حاجه ندمت عليها قبل كده
بس اكتر حاجه ندمت عليها مقدرش اقولها للاسف

منوره يا سومه والله
محدش شافك من زمان ووحشانا أوي والله
ياريت ترجعي زي مكنتي تاني
في رعايه الله

انا ولا الموضوع:d

انتوا مش هتشيلوا اسمي من على الموضوع ده بأه
الحلقه بتقعد يومين
انا بقالي 6 ايام
ياله شوفوا واحده حطوا اسمها وشيلوا اسمي

كده تميناها اسبوع
ياله شيلوني بأه

اقتباس:

المشاركة الأصلية كتبت بواسطة Eng_bosy 3 (المشاركة 1485435)

كده تميناها اسبوع
ياله شيلوني بأه

حاضر حاضر

كفاره يابوسي

الا قوللي جالك كام رغيف عيش وحلاوه :d

......................

اللي حتنورنا ياعيني بعد بوسي

شيرين

بلاك روز

حتنورينا بجد

رغم انك حتلاقي نفسك فجاه

بس كفايه انك حتنورينا ياباشا

يحوستي يحوستي لو رفضي

حتبقي كبسه زي الفل ليا

انا احط ليكي اسئله علشان تبقي قدام الامر االواقع المر :lol:

* عرفي لينا شيرين

وعرفي لينا بلاك روز ؟

* ليه اسم بلاك روز ؟

* بلاك روز كام في الميه من شيرين ؟؟

وشيرين كام في الميه من بلاك روز ؟؟

*جتي المنتدي ازاي ؟

* تحبي تقولي لبلاك روز ايه ؟؟

قولي ليها نصحيه ونقد .

كفايه كده

حاجي تاني بكره

انا جيييييييييت يا شيرى حبيبة قلبى وجايبة ليكى شوية اسئلة عالله مش تردى:stickjo4:
يلا نبدا يا كميييلة :d:022yb4:

1_اكتر واحدة حبيتيها فى المنتدى (واحدة بس) ؟؟؟

2_عمرك اتخانقتى مع صحبتك الانتيم :friendsxs3:خناااااقة جامدة :stickjo4::angry2:؟؟؟؟؟؟

3_فى حد فى اخواتك بتفضليه عن حد تانى بمعنى بتحبيه اكتر او بتحسى انك بتستريحى لما تكلميه؟؟؟

4_كنتى شاطرة فى ابتدائى ولا لا (صراحة)؟؟؟

5_موقف اتضايقتى منه جداااااااااااا فى اعدادى وحسيتى انك كارهة المدرسة بسببه ونفسك تمشى منها؟؟؟؟

6_لما مامتك بتزعل منك بتصلحيها ازاى ؟؟؟؟؟؟؟

7_اكتر شخص بتحترميه فى المنتدى ؟؟؟؟؟؟؟؟

8_واكتر واحد بتكرهيه ؟؟؟؟؟

9_شخص بتحسى انك عايزة تضربيه مثلا عايزة تتخنقى معاه جوا المنتدى او برا والسبب؟؟

اقتباس:

المشاركة الأصلية كتبت بواسطة طمعانه في رضاك يارحمن (المشاركة 1487599)

يحوستي يحوستي لو رفضي

حتبقي كبسه زي الفل ليا
طب زمرى طيب
اعملى اى منظر شدى فى شعرك :d
حسيسينى انى موجودة :stickjo4:
انا احط ليكي اسئله علشان تبقي قدام الامر االواقع المر :lol:
و لو مجاوبتش :006et4:
* عرفي لينا شيرين
شيرين دى بنوتة عادية خالص
كانت عايزة هندسة او حاسبات
بس ربنا ما اردش و هى مش هتستسلم ان شاء الله
دخلت علوم و ان شاء الله قسم حاسب
و تبقى قريبة من اللى كانت تتمناه
بحس الايام دى انها طموحة شوية
بتحاول تتعلم من اخطاء كتير
نفسها تعيش حياة كريمة و ربنا يرضى عنها
و تعمل حاجة تفيد الاسلام و المسلمين
و تبقى حاجة جديدة
وعرفي لينا بلاك روز ؟
بلاك روز مجرد عضوة فى منتدى
دخلت عشان التعليم بس اتشدت لحاجات تانية
بتحاول تتعلم من اللى حواليها
اوقات كتير بزعل من حاجات عملتها
بس برجع و اقول اديها هتتعلم منها
* ليه اسم بلاك روز ؟
الوردة السودا
يمكن اى حد يشوف الاسم يفتكره يدل عالتشاؤم
بس هو العكس الوردة السودا بتدل على جمال اللون الاسود و الغموض
يمكن ناس شيفانى طيبة و واضحة جداا
يمكن اكون كدا فعلا
بس فيه كتير عنى محدش يعرفه
الوردة السوداء... سحر وغموض الزهور
* بلاك روز كام في الميه من شيرين ؟؟
تقدرى تقولى 85%
اعتقد انى بتصرف بطابعتى
بس عايزة الناس اللى شافونى هما اللى يقولوا
هما حاسين انا اشبه نفسى ولا لاء :d
وشيرين كام في الميه من بلاك روز ؟؟
ايه الفرق يعنى :006et4:
*جتي المنتدي ازاي ؟
مستر عندنا
كنت بحبه جدا
كفاية انه خريج علوم :d
قالى فى منتدى كويس اسمه الثانوية
ابقى ادخلى عليه و شفى الاخبار و هما نزلوا نماذج لامتحانات
اطبعيها و حليها
طبعا سمعت كلامه :blush:
و عملت سيرش و جيت هنا
و للعلم انا معرفش هو مسجل هنا ولا لاء
حتى لو مسجل يبقى مبيدخلش الا زائر :d
* تحبي تقولي لبلاك روز ايه ؟؟

قولي ليها نصحيه ونقد .

انسى اللى فات و اتعلمى منه لكن متندميش عليه
و ابداى من جديد و كونى احسن من الاول
و فكرى كويس قبل ما تاخدى قراراتك
و النقد انتى متسرعة و اوقات قرارتك غلط

كفايه كده

حاجي تاني بكره

ال كفاية ال
انتى اساسا حطيتينى قدام الامر الواقع
يلا مش عايزة اشوف وشك هنا تانى :d

اقتباس:

المشاركة الأصلية كتبت بواسطة سـهيـلـة (المشاركة 1489059)

انا جيييييييييت يا شيرى حبيبة قلبى وجايبة ليكى شوية اسئلة عالله مش تردى:stickjo4:
يلا نبدا يا كميييلة :d:022yb4:
ابداى ابداى
منها لله اللى كانت السبب :slap1qk6:

1_اكتر واحدة حبيتيها فى المنتدى (واحدة بس) ؟؟؟
مبحبش حكاية واحدة بس تى
انا طبعا فى كذا واحدة بحبهم جدا والله
بس عشان انتى رخمة
هقول ميرو :blush:
ميراج
عشان محدش يزعل :romarioxp6:
2_عمرك اتخانقتى مع صحبتك الانتيم :friendsxs3:خناااااقة جامدة :stickjo4::angry2:؟؟؟؟؟؟
اه للاسف
و لسة حاسة انها ماثرة عليا
يعنى مقدرناش نرجع زى الاول :(
3_فى حد فى اخواتك بتفضليه عن حد تانى بمعنى بتحبيه اكتر او بتحسى انك بتستريحى لما تكلميه؟؟؟
لاء هما زى بعض
عشان اخواتى الصغيرين اولاد و اهتمامتهم العاب و كدا
و اختى الكبيرة مسافرة :(
بحتاجها كتير والله
و اخويا الصغير بس انى بحب انى ارخم عليه اوى :049gc0:
4_كنتى شاطرة فى ابتدائى ولا لا (صراحة)؟؟؟
او والله كنت شطورة اوى فى ابتدائى
ابتدائى بس :romarioxp6:
كنت اه بتعب ماما عقبال ما اعمل الواجب
بس لسة لحد دلوقتى صورتى و انا فى ابتدائى فى اوضة المدير
فى لوحة شرف الاوائل
ما احنا اول دفعة بقى :blush:
5_موقف اتضايقتى منه جداااااااااااا فى اعدادى وحسيتى انك كارهة المدرسة بسببه ونفسك تمشى منها؟؟؟؟
ههههههههه
اشمعنا :stickjo4:
اعتقد انى كنت بحب المدرسة فى اعدادى
ايوة كنت فاشلة جدا فى الدراسة فى اعدادى :blush:
بس عندى انتماء للمدرسة :romarioxp6:
6_لما مامتك بتزعل منك بتصلحيها ازاى ؟؟؟؟؟؟؟
احم
فى الحتة دى بقى انا رخمة جدا
بسيبلها من غير ما اصلحها
شوية لما تهدى خالص
اصلى معرفش و هى متعصبة رد فعلها ايه :redface:
فبستنى لحد ما تهدى و بعدين
اروح اهزر معاها عادى
ولا اكننا متخانقين
مبصالحش يعنى :d

7_اكتر شخص بتحترميه فى المنتدى ؟؟؟؟؟؟؟؟
امممممممم
محمود طه
8_واكتر واحد بتكرهيه ؟؟؟؟؟
هههههههه
بسينة
و متساليش بسينة مين :006et4:
9_شخص بتحسى انك عايزة تضربيه مثلا عايزة تتخنقى معاه جوا المنتدى او برا والسبب؟؟

مين ؟
بسينة
السبب : قمة الرخامة :mellow:

هى لسه الاسئله لبلاك روز؟
لو ليها انتى بتحسى انك عصبيه شويه وعنيده اكتر ؟
بليز متزعليش من السؤال

إزيك يا شيرين

عاملة ايه يا أمورة

هروح أغش شوية اسئلة من كنبة الاعتراف وارجعلك

انا انا جيت تاني

الا هو انت متعرفيش انا مخدش بالي من الجمله ديه

اقتباس:

يلا مش عايزة اشوف وشك هنا تانى

خالص خالص مطلاقا

.........................

** قولي حلم اتحقق وحلم لسه بتحلميه ؟؟

** آية قرأنيه بتحسي انها بتكلمك ؟؟

** دمعه عمرك متنسيها ؟؟

** فرحه عمرك متنسيها ؟؟

** الخوف والكره

بتخافي من ايه

وبتكرهي ايه ؟؟

** الكدب

اول حاجه جت ع بالك اول مشوفتي الكلمه ديه ؟؟

** المنتدي كام في الميه من حياتك ؟؟

وكام في الميه من النت ؟؟

.........................

ممكن اجي تاني :d

اقتباس:

المشاركة الأصلية كتبت بواسطة hapyhopa (المشاركة 1489752)

هى لسه الاسئله لبلاك روز؟
لو ليها انتى بتحسى انك عصبيه شويه وعنيده اكتر ؟
بليز متزعليش من السؤال

تؤ مش هزعل متقلقيش :d
مش عارفة مش حاسة انى كدا
اعتقد انى اوقات ممكن اكون عصبية
بس معتقدش انى كنت كدا مع حد من النت
و مش عنيدة اوى بعند شوية و برجع
لكن فى اوقات بعند اوى و مبرجعش و لو على رقبتى
بس مش كتير
نورتى التوبيك :078111rg3:

اقتباس:

المشاركة الأصلية كتبت بواسطة *خوخة* (المشاركة 1489863)

إزيك يا شيرين

عاملة ايه يا أمورة

هروح أغش شوية اسئلة من كنبة الاعتراف وارجعلك

اسيك يا خوخة
انا تمام
روحى ياختى عند الكنبة
يارب تتشنكلى فى السجادة و مترجعيش هنا تانى :stickjo4: