أنا موافق تماماعلى كل كلمة , مع العلك أن كثير من المدرسين بيجتهدوا ودا كويس , وأكيد المدرسين السنة دي أفضل من السنة إلي فاتت وكل سنة هايتحسنوا أكثر .
وكفانا مستخدمين للكمبيوتر نحتاج الآن لجيل من المبرمجين , هذا أفضل للطلبة في المستقبل والبتالي أفضل لكل المجتمع

بـــــــرجاء سـرعــــة الــتــحرك من الاخوة موجهى ومدرسى الكمبيوتر
 

نداء من أخ لكم الى كل مجتهد وحريص على بذل شغل ..... سرعة التحرك لمطالبة المسئولين عن الكمبيوتر التعليمى حتى ولو وصل الامر الى مخاطبة السيد الوزير نفسه لزيادة درجات الكمبيوتر فى العام القادم الى 40 درجة ( مقسمة على الترمين ) لأن بجد المنهج صعب ومش قليل وبنبذل فيه اقصى ما فى وسعنا وجهدنا حتى يصل للطالب فى أسهل صورة ..... يا جماعة أحنا مش أقل من مدرسى باقى المواد حتى المادة نفسها ( أقصد منهح الصف الثالث ) تعتبر من أفضل المواد عند الطلاب من حيث الابتكار وتنمية العقول وياريت لو يتم تعميم البرمجة على الصف الاول والثانى كمان هيبقى عندنا جيل جبار من ولادنا فى عملية البرمجة .
لازم نتحرك بسرعة وبلاش الاحباط واليأس ونقول الكلام ده مستحيل يتحقق .... واللهى أن عندى أمل لو الاستاذ سيف أو حد من الاخوة الموجهين راسل سيادة الوزير شخصيا ليرحب بهذه الفكرة خصوصا انه من أشد المؤيدين لمحو امية الكمبيوتر لجميع أفراد العملية التعليمية .
وياريت لا ننسى أن العام القادم فى تقويم شامل على الصف الثالث يعنى الامتحان النهائى للمادة هيكون 5 درجات ( بالله عليكم ده يرضى ربنا ) لو حصل الكلام ده بجد هيحصل أحباط عند المدرس لان الطالب نفسه مش هيهتم بالمادة .

والله يا اساتذة احنا عانينا علشان نقدر نبسط المعلومة للطالب و الحمد لله نجحنا بشكل ممتاز-معظمنا- لكن لو كان المنهج الجديد هيكون اكثر عمليا من حيث الفائدة للطالب مثل : تصميم مواقع الانترنت باحد اللغات الحديثة او تدريس لغات البرمجة بشكل جزاب للمراحل الاعدادية كلها مع زيادة درجات المادة . اعتقد ده هيكون في مصلحة المجتمع كله ... ودة دور الوزارة في دراسة الجديد

علما بان المجال بتعنا متجدد دائما

معاك و الله انت كلامك صح

انا معاك في الكلام ده ياريييييييييييييييييييت
الماده جميله جدا ومش سهله
كمان ليتم زياده الاهتمام بها
لان الكمبيوتر هو الاساس دلوقت
وانا مدرسه كميبوتر تحت التأهيل وبتمنى الاهتمام بالكمبيوتر كباقي المواد

والله انا معاك فى الراى دة بس الاضافات اللى حضرتك بتتكلم عليها اتمنى انها تكون فى منهج ثانية اعدادى لان موضوع الدراسة فى ثانية اعدادى هو الانترنت يبقى لازم نكمله بلغات تصميم المواقع وخصوصا ان منهج ثانية اعداى صغير جدا وطبعا لازم الدرجات فى السنين الثلاثة تترفع تبقى على الاقل 40

أنا معك قلبا و قالبا لابد من الابقاء على هذا المنهج لأنه جعل الطلبة يهتمون بالمادة بل و يجب زيادة درجاته

بارك الله فيك وزادك من عمله ونفعك بما قدمت

مشكووووووووووووووووووووور وربنا يكرمك يارب :d

جزاك الله خير

شكرا جزيلا
جاري التحميل

أبو بطة:
شكرا لتقديرك.
تحياتي

أبو بطة:
العفو.
تحياتي

الـــكـــمبيوتر من 20 درجة وليس من 10 درجة
 

أرجو من السادة الزملاء التعاون معى ونحاول نوصل صوتنا للوزير بخصوص زيادة درجات مادة الكمبيوتر الى 20 درجة وذلك عن طريق ارسال رسائل الكترونية عبر بريده الالكترونى اللى موجود على موقع الوزارة واللى يقدر يكلمه شخصياً يبقى كتر خيره وبجد الوزير ممكن يوافق بسهولة على زيادة الدرجات وذلك لأهمية الكمبيوتر فى وقتنا الحاضر .

الاسباب المقنعة واللازمة لزيادة درجات الكمبيوتر :
1- منهج الكمبيوتر للصفوف الثلاثة ( وخاصة الصف الثالث الاعدادى ) كبير وبه معلومات كثيرة ولا تكفى هذه الدرجة ( خصوصا اذا كان نصفها ضايع على ملف الانجاز ) لقياس مستوى الطالب .
2- قلة درجات المادة لا تتناسب مع المجهود المبذول من المدرسين لتبسيط المادة للطالب وخاصة منهج الصف الثالث .
3- زيادة درجات المادة ستزيد مستقبلاً من اهتمام الطالب بالمادة ومش هيستنى الفوضى والغش اللى بيحصل كل سنة فى الامتحانات .
4- اهتمام الوزير شخصياً بالكمبيوتر وتعميمه فى العملية التعليمية .

أليس هذه بكافى للمطالبة بزيادة درجات المادة ......... يا جماعة اللى موافقنى على رأيه يحاول يتحرك فعلياً ويكلم المسئولين بسرعة .... وياري محدش يقولى رايك صحك وانا معاك واؤيدك والكلام اللى بيكتب .... لا احنا عايز نتحرك ونتعاون مع بعض ...... ومعلومة هامة انى الوزير بيستطلع بصفة شبه يومية الايميلات اللى بتتبعتله يعنى لو لقى اقبال على الموضوع ده ممكن يعمل حاجة .

على فكرة الصف الثالث الاعدادى درجة الكمبيوتر من عشرين مش من عشرة

طبعا انا كمان موافقك الرأي لان بجد رأيك صح جدا ولازم كلنا نقف ضد أي محاولة لتغيير المنهج ونطالب برفع درجة الكمبيوتر الي 40 درجة علشان تكون زيها زي اي مادة تانية

مشكووووووووووور

اه فكرة حلوة جداااااااااااا

شكراً استاذ سيف علي الإمتحانات الجميلة دي
وربنا يحفظك
وبجد كنت محتاج الإمتحانات دي

المناهج لا يوجد فيها تغيير بس فيه حاجات انضافت علي سنة اولي وسنة ثانية كلها متعلقة باخلاقيات المعلومات - جدار الحماية - امن المعلومات - التعدي الالكتروني
بس كلها الحمد لله مواضيع سهلة متقلقوش خالص

اما بالنسبة لكلام حضرتك عن المادة تبقي من 40 ومش من 20
فانا وبعض الزملاء من بعض المحافظات كان فيه دورة في الكمبيوتر التعليمي ورحنا عند أ سوزان مرزوق وقلنا لها مينفعش المادة تبقي من 40
قالت بالحرف الواحد ((الموضوع ليس في يدي الموضوع هتجيبها من الوزير الأول وبعد كده لازم حاجات كتير توافق))
وقالت لنا في الآخر انا هابعت فاكس هطالب بس مش عارف ايه اللي حصل

" وتعاونوا على البر والتقوى "
فكرة سديدة أخي الفاضل ... لأن المنهج والمادة فعلاً كل يوم فى جديد ، نظراً لكونه مستحدث وإذا جاز التعبير اسمح لى < محدش عارف حاجة> فبوجود تبادل خبرات واللى يعرف معلومة من مصدر أو آخر هيفيد الجميع بمشيئة الله تعالى .مدرسين وطلاب ز
تقبلوا مروري
محمد إبراهيم ... إدارة قويسنا بالمنوفية

هو قصده إنها من عشرين التيرم الاول والثاني
والقرار مش بيد الوزير كما وضحت لي سوزارن مرزوق

من يمتلك القرار ؟؟؟؟؟؟؟؟؟؟

بارك الله فيك

انا معاك ان المادة بدأت تقف على رجبيها بس المشكلة عندنا فالكنترولات الى لازم تنجح الطلبة فالحاسب والا تبقى كارثة

كلنا نؤ يد ذلك

معاكم في الحملة دي
وانا عن نفسي هخاطب الأستاذة سوزان مرزوق
مدير عام الكمبيوتر التعليمي

والله والذى لا اله غيره
انا نفسى يكون لحاسب وضع افضل من كده
ده لغة العصر

كل مدرسين الكمبيوتر ارجوكوا انقذونى
 

بسم الله الرحمن الرحيم
انا بجد محتاجه مساعدتكوا منهج الكمبيوتر بتاع تلته اعدادى بجد صعب انا حاولت اذاكر فيه مش عرفه افهم ولا كلمه بجد محتاسه ومش عرفه هعمل فيه ايه ياريت اى استاذ يقدر ينزل شرح لفصل فصل بجد يبقى جزاه الله خيراااا
ياريت تساعدونى

بصي يا صفاء أول حاجه تعريف نظام المعلومات يعني أيه كلمة نظام يا ستي نظام يعني مجموعة أشياء تكمل بعضها فنظام المعلومات هو عباره عن تكنو لوجيا يعني أيه تكنولوجيا يعني عندي كمبيوتر والكمبيوتر يلزمه أفراد تشغله عشان نعمل أيه يا صفاء نجمع ونخزن البيانات ونطلع المعلومات أو نستخلصها
طاب يا مستر أيه هي البيانات أقولك يا ستي هي عباره عن حقيقة زي أسمك ده حقيقه مينفعش نشكك فيها رقم تليفونك بردو حقيقه مينفعش نشكك فيها فعشان كده قالوا عليها حقيقه مجرده " مجرده تعني خاليه من الشك " يتم تجميعها بواسطة الكمبيوتر والأفراد ودول بيسمو نظام المعلومات
المعلومات أيه هي يا مستر أقولك يا ستي عباره عن نتيجة مقارنة بيانين ببعضهم " نتائج معالجة البيانات "
مثال ركزي معايا لو عندي شخص مستوي السكر في الدم 300 وشخص أخر 90 نجد بالمقارنه بيسن 300 و90 أن الشخص 3009 مريض سكر ودي معلومه حصلت عليها عن طريق المقارنه بين 300 و 90 أما ال 90 شخص سليم
دي أول حصه وإن شاء الله أشرح أشكال البيانات والمعلومات في حصة أخري
أرجو أن أكون قد بسطت المنهج بدرجه تستوعيبيها

:022yb4:

معااااااااااااااااااااااااااااااااااااااااااااك تماما
جزاك الله خيرا

أنا طالب وكالامك صح 100 % وأنا معاك

بجد شكرااااااا جدا يا مستر وجزاك الله خيرا بجد الجزء الى حضرتك شرحته شرح ممتاز
وانا هذاكر الجزء ده ومستنيه من حضرتك باقى الشرح

فعلاً كلام حضرتك صح
وألف شكر

تحميل برنامج v .b 2005
 

أرجو من مدرسى مادة الحاسب الالى الكرام
رفع برنامج v.b 2005
لا نى محتاج للتعلم عليه لاننى فى الصف الثالث الاعدادى
وجزاكم الله خيرا

ملف الانجاز
 

:bosyht9:حد يعرف ياجماعه ملف الانجاز هيتن في سنه ثالثه اعدادي ولا لأه

اتكلمنا يا صفاء عن البيانات لكن متكلمناش عن أشكالها لكن أنا وأنا بشرح البيانات قولت أشكالهها بم إن البيانات هي حقائق
" فالأسماء والأرقام ولقطات الفيديو والحروف ودرجات الحراره ودرجات الأختبار ولقطات الفيديو والأصوات " دي أشكال بيانات طاب نوضح الأسم بيعتبر حقيقه كمان رقم تليفونك هو حقيقه مينفعش ننكرها وكمان الحروف دي حقيقه يعني مينفعش نقول علي الألف باء طيب لو أنتي روحتي البنك بيطلب بياناتك يعني أيه هي البيانات اللي بيطلبها منك حقائق عنك " الاسم والعنوان وتاريخ الميلاد ورقم التليفون
ده أشكال البيانات أما أشكال المعلومات فتخرج علي شكل بعد أن يتم مقارنة البيانات أو معالجتها تتطلع البيانات في شكل جداول أو تقارير أو رسومات بيانية أو قوائم
مثال قائمة الأسماء في الفصل شكل من ؟أشكال ........................
الرسومات البيانية شكل من أشكال ......................................
الجداول شكل من أشكال ................. بينما الحروف والأرقام من أشكال نقط
حلي دول
الجزء اللي هشرحه بعد كده جزء مهم جزء عن الكمبيوتر والعمليات اللي بيقوم بها وعشان نعرف ده لازم نعرف أيه هي مكونات الكمبيوتر
معلش لضيق الوقت سوف أقوم بشرحه في وقت لاحق

اتمني أكون وصلتلك البيانات والمعلومات وأرجو لو مش فاهمه أي جزء تضعيه هنا وأنا هشرحهولك

بجد شكرااااا جدا يا استاذ شرح حضرتك ممتاز
الحل:1-المعلومات
2-المعلومات
3- المعلومات-البيانات
ممكن حضرتك تشرحلى الفرق بين المفسر والمترجم وتديلى فكره عن خرائط التدفق؟؟
انا اسفه ان كنت بتعب حضرتك

كلامك صح جدا والأفضل زياده درجة الحاسب لازم ننادى بها علشان تبقى زى المواد الأخرى ويبقى لينا قيمة فى المدارس

كلامك صح اخي ونتمنى زيادة الجردات الى 40 بدلا من 20 لاستهتار الطلبة بهذه المادة

اتمني الغاء هذه المادة لانه صعبة و الغاء التقويم الشامل علي الشهادة الاعدادية لانه فيه ظلم كبير جدا للطالب

جزاكم الله خيرا جميعا
تحياتى لجميع مدرسى الحاسب الالى و اتمنى للجميع الرقى و الاذدهار بعيد عن اى استغلال لطالب او ولى امر لاننا فى الاخر مدرسين و اولياء امور ايضا فكل من لديه مساهمة يرفعها word( محمى ) او pdf ولا يقلق من شئ لان الارزاق على الله و لا يضيع الله اجر من احسن عملا و ربما البعض يمتلك مهارة التوصيل و الاقناع و التبسيط و يرزقه الله بالقبول ويفتح عليه من حيث لا يحتسب نتيجة لاخلاصه
نتمنى ان ترقى المادة و تأخذ موقعها اللائق تمشيا مع لغة العصر و نداء العقل السائد الان
ونحن كاسرة للحاسب نتمنى تبادل حقيقى للخبرات حتى لو فى امور بعيدة عن المناهج ( برامج مفيدة ) اخبار علمية - تكنولوجيا جديدة .................... الخ
و التقى بكم على خير قريبا و كل عام و انتم بخير ان شاء الله
اخيكم / على عبد العظيم - الاسكندرية