![]() |
الناس فين :d
أنا ما بحبش فترة السكوت دي خالص من أيام دفعتنا مش كده ولا ايه !؟ |
408.5 علمي رياضة
ماشاء الله عليك ربنا يزيدك علم و تفوق. هندسة القاهرة هتنور بيك |
اقتباس:
ثناء حضرنك شرف ليا والله أنا في التنسيق هندسة القاهرة ، لكن متقدم لناىمنحة من الجامعة الألمانية. Guc بفكر جديا فيها يعني .. ايه رأي حضرتك لو تعرف مثلا ناس هنا وهنا وما شابه |
اقتباس:
|
اقتباس:
انا هصلى استخارة ان شاء الله |
اقتباس:
|
اقتباس:
.. |
جزاكم الله خيرا
|
ها بدأتوا دروس ولا لسه 😂
|
اقتباس:
انا بدأت كل المواد ماعدا انجلش وفرنساوى وانتى |
ياشباب انا جديد هنا, اول مرة اعمل اكونت ودي اول مشاركة :d
انا ان شاء الله دفعة 2018 السنادي.. كان عندي بس سؤال او استفسار وعايزكوا تكلموني فيه يعني وتناقشوني وكدة.. دلوقتي انا علمي علوم تمام .. عندي 7 مواد .. 3 لغات و4 علوم.. وباخد دروس في كل المواد دي. هل هقدر اوفق من حيث المذاكرة مع كل دول؟ يعني العربي منهج كبير, الانجليزي كذلك, الفيزياء تقيلة, الكيمياء كذلك.. الاحياء كويسة بالنسبالي.. الجيولوجيا الي سمعته انها رخمة.. الفرنساوي كويس بالنسبالي برضو. هل هقدر اذاكر كل دول عادي؟ مش هاجي في النص واضطر ابطل مذاكرة فيزياء فترة معينة عشان ورايا مذاكرة عربي وكيمياء مثلًأ؟ او ابطل الانجليزي فترة عشان عندي مذاكرة احياء وجيولوجيا لازم اخلصهم؟ عشان الموضوع ده لما بفكر فيه بتعب ومش عارف هعمل ايه. انا لسة هبدأ اول درس يوم 5 وباقي الدروس يوم 15.. |
اقتباس:
عشان 7 مواد 3 لغات و2 تخصص و2 علمي ف بنشعر في الاول ان المواد كتييرة جداا وتقيلة ومستحيل نقدر عليها ولو ذاكرنا مواد بنيجي على مواد وصعب نقدر نستحمل الكم الرهيب دا . كل دا طبيعي تفكر كدا وبالذات انك لسا مدخلتش في السنة وجربت مذاكرة المواد مع بعضها الموضوع بسيط جدا وابسط زي من اعتقادك بكتير .كل الحكاية مجهود منك وحرص منك انك تذاكر الدرس بعد الرجوع للبيت فورا .. واهتمام بامتحان الدرس وتذاكر ليه كانه امتحان اخر السنة.. وبالطريقة دي هتلاقي انك بتخلص كل حاجه ف يومها ..ف مفيش شئ بيتراكم وبالتالي مش بتيجي على مادة اكتر من مادة .لان مستحيل تذاكر المواد كلها ف يوم واحد..هو كل يوم مادتين تلاته بالكتير.. . اياك تشيل هم الموضوع دا ..ادخل بقلب جامد ..ذاكر اللي وراك اول باول وخلصه ..توكل على الله وهيعينك وييسرلك امورك ..كفاية ان طلبك للعلم عبادة ❤ ومتنساش ان كل حرف بتذاكره ليه فايدة كبيرة مفيش حاجه بتروح هباء بس كنزك طول السنه انك تذاكر اول باول و دا اللي بيفرق بين الطلبة |
الفيزيا
متعدوش حرف فيها بدون ما تفهموه كويس جدا .. تركيز عالي في الحصة .. مفهمتش اسأل المستر مرة واتنين وعشرة .. مفهمتش فهم الدرس لنفسك وذاكره اكتر من مرة ..مفهمتش اسمع مدرس واتنين وتلاته ..حل الواجب كله ..حل اسئلة الكتاب الخارجي كلها .. دور على مصدر تاني حل منه على الدرس تاني ...واوعدكم انها هتبقا ألذ مادة عندكم مستر محمد عبد المعبود -- ميكروبيديا -- مستر عزت ف مدرسة على الهواء -- مستر عبد الرحمن اللباد كل دول ناس على اليوتيوب بيشرحوا كويس جدا جدا |
السلام عليكم
انا مش عارفه أذاكر جيولوجيا احنا أخدنا اول باب والمستر عاملنا امتحان يوم الاحد ذاكرت وحليت اسئلة يوم الاحد والاثنين دلوقتى النهارده روحت احل اسئلة تانى لقيت نفسى مش فاكره ولا كامة ولاحرف حتى حسيت نفسى عندى زهايمر حد يساعدنى بسرعة:o |
اقتباس:
كل دا طبيعي جدا والله كلنا كنا كدا ..امال هتعملي ايه لما يعدي 5 او6 شهور على الابواب وتيجي تحلي عليها تلاقي نفسك مش فاكرة ولا حرف ولا كانك اخدتيها ؟؟ هتكتئبي ؟ دا طبيعي جدا وبالذات ان دا لسا اول باب و لسا اول تجربة ليكي ف مادة بتحتاج حفظ وتكرار كل ما عليكي انك تكرري كتير وتحلي كتير ..هتنسيها عشرين مرة .. بردو ارجعي كرري و حلي على اللي بتاخديه تاني اوعي تستسلمي .. لو عملتي كدا مع كل اللي بتنسيه المادة ف اخر السنة هتبقى بالنسبة ليكي اسهل مادة وحاولي تربطي معلومات الباب بمواقف ليكي او بعلامات او بمفاتيح عشان تفتكريها بسرعه او اتبعي اسلوب الرسومات او اسلوب الاغاني |
اقتباس:
جزاكى الله خيرا حاضر مش هستسلم على فكرة اسلوب الاغانى دا جربته فى تانية ونفع معايا جدا وكمان جربت الربط بس مش كتير لكن الرسومات بصراحه مجربتوش شكراااا:022yb4::022yb4: |
اقتباس:
|
اقتباس:
|
اقتباس:
ربنا يوفقك يارب و تحققي اللي بتتمنيه ❤💋 |
اقتباس:
ربنا يبارك فيكي يا دكتورة 😍 |
كتب الامتحان نازلة أسئلة بس ولا ايه .. ؟!
ناس كتير مش معاها شرح لكتاب الامتحان !! |
[QUOTE=Haaageeer;1065709458]كتب الامتحان نازلة أسئلة بس ولا ايه .. ؟!
ناس كتير مش معاها شرح لكتاب الامتحان !![/QUOT تقريبا كده انا جبت الاحياء والجيو فيهم شرح لكن العربى والكيمياء لاء مش فيهم:stickjo4: |
رحتوا فين الو الو
|
اقتباس:
أنا موجود لو حد عايز أي حاجة:028ja7: |
وانا موجودة 😄
|
سلام عليكم
انا جديدة هنا ومعلش مش هقدر اكون معاكم طول السنة عشان انا عندي ادمان نت واول ما بيتفتح خلاص بنسى حاجة اسمها مذاكرة فاعذروني. انا كان عندي سؤال بخصوص المذاكرة من كتاب الوزارة دلوقتي احنا لازم نذاكر منه عشان الإجابة النموذجية، طب انا المفروض اذاكر منه ازاي؟ بيكون معاه كتاب الأسئلة بس مش بيبقى مجاب وفي اسئلة بتبقى محتاجة اني اركب كلام من الفقرة دي على الفقرة دي، انا لما عملت كدة في تانية اعدادي باظ مجموعي بس لما جيت ذاكرت من الكتاب الخارجي طلعت إجابته هي الإجابة النموذجية لأنها بتبقى مترتبة. وبعدين اسئلة كتاب الوزارة قليلة قوي مقارنة بالكتب الخارجية، معقولة هي دي بس اللي بيجي منها الامتحان؟ احنا طول السنين اللي فاتت كانت امتحاناتنا بتيجي من الكتب الخارجية ودلوقتي لو جيت اشتغل في كتاب خارجي في مادة الأحياء أو الجيولوجيا المواد اللي بيبقى فيها اسئلة مقالية يعني، اتجاهل كل الاسئلة اللي فيها واركز بس على الأسئلة اللي جمبها علامة كتاب المدرسة؟ حد فهم حرف؟😂 |
هو بالنسبه للاحياء هو لازم الرسومات تطلع حلوة اصل انا ماليش فى الرسم
بس يعنى بتبقى فيها يعنى شوية ملامح هاخد عليها الدرجة ولا لاء |
نحو
مين يحل معايا الفقرة الاولى فى النحو كتاب الامتحان
|
اقتباس:
مفيش مشكلة في المذاكرة من الكتاب الخارجي اللهم إلا في إن الكتب الخارجية ساعات كتير بتحذف تفصيلات بين السطور، فعشان كده بيتقال دايما ذاكرو من كتاب المدرسة فعشان كده ممكن تذاكري من أي مصدر بس الأول تطابقي محتواه مع محتوى كتاب المدرسة + كل مادة وليها أسلوب في المذاكرة من كتاب المدرسة يعني : العربي : الأدب بيتذاكر من كتاب المدرسة قولاً واحداً باقي الفروع ذاكريها من أي مصدر بس قبل ما تذاكري راجعي المصدر ده مع كتاب المدرسة واتأكدي إن مفيش حاجة ناقصة ... معاني المفردات اللي في كتاب المدرسة رقم 1 تتحفظ أول حاجة وبإتقان . أظن كده مفيش مشاكل في العربي إنجليزي فانتي بيبقى عندك نصين القراءة والاستماع بيبقو موجودين في الكتب الخارجية بالكلمات والملاحظات و.... اللي مش موجودة في كتاب المدرسة ، كذلك شرح الجرامر .. ولكن تدريبات الوورك بوك مهمة جداً ، وتدريبات لونجمان ، وهما كلهم على بعض مش كتير يعني فمش أزمة كيمياء أسئلة كتاب المدرسة مع أدلة التقويم 95% هي الامتحان الفيزياء فكتاب المدرسة أنا كنت بحفظ النظري منه !! :o ومع ذلك فكنت بقابل أسئلة في نماذج الوزارة جديدة ومابتتجابش إلا من تفاصيل جوا التفاصيل في كتاب المدرسة زي مثلاً الأسئلة اللي إجابتها تتجاب من بيانات رسمة من الرسومات زي في الفيزياء الحديثة كده __ طبعاً ماينفعش اللي بتقوليه إن أسئلة كتاب المدرسة القليلة هي بس اللي بييجي منها الامتحان .. بس احنا بنقول إن أسئلة كتاب المدرسة (مهمة) طبعاً الكتب الخارجية مابتجيبش أسئلتها من بيتهم يعني ، ده بيجمعوا كتاب مدرسة على دليل تقويم على امتحانات ث.ع سابقة على نماذج تجريبية من سنين مختلفة على مثلاً أسئلة المؤلف يحطها أو يجيبها من مراجع أو دول عربية . موضوع تركبي فقرة على فقرة ده أغتقد انتي قصدك على الأحياء :d أنا أول درس في الأحياء كنت شايف الكلام ده ، بس ماكملتش بقى وحولت رياضة بالتوفيق إن شاء الله ، وعارف إن إ<ابتي دي عشوائية وكلمة من الشرق على كلمة من الغرب ومش مفيدة ، بس أهو يمكن تطلعي بكلمة مفيدة يعني |
اقتباس:
متشكرة جدا❤ لا ازاي كلمة من الشرق على كلمة الغرب انا استفدت جدا والله |
اقتباس:
موضوع التفنين في الرسم دا متقلقيش منه مش ليه اي لازمه ابدا ❤ |
السلام عليكم ورحمة الله وبركاته.
لوسمحتم ممكن مواعيد برامج قناة التعليمية لهذا العام ,جزاكم الله خيرا. |
اقتباس:
الحمد لله شكرا جدا يا حبيبتى:) |
1 مرفق
اقتباس:
صورة جدول الحلقات مرفقة جزانا وإياكم |
اقتباس:
شكرا لحضرتك جزاك الله خيرا |
العغو
جزانا وإياكم |
ياجماعة اي طالب عنده اي سؤال او جزئية معينة مش فاهمها في الفيزياء يقول وان شاء الله هحاول بقدر الامكان الاجابة علي الاسئلة او شرح الاجزاء الغير مفهومة بالمنهج ولو تطلب الامر اني أعمل مزكرة خاصة للناس الي مش بتاخد دروس خصوصية
ربنا يوفقكم اخوكم م/محمد طالب بالفرقة الرابعة هندسة ميكانيكية |
مبروك ع السنة الجديدة 💖
ان شاء الله تكون سنه تحققوا فيها احلامكم كلها |
الناس ماتت ولا ايه
انتو فين يا جماعة |
اقتباس:
اكيد بيذاكروا و مشغولين ربنا يعينهم |
السلام عليكم ورحمة الله وبركاته.
لوسمحتم انا عندي استفسار بالنسبة للرياضة تأخذ وقت كبير لأنها طويلة وتحتاج إلى تمارين كثيرة ,وهذا يضيع معظم المواد وفي نفس الوقت لاتنتهي!فما الحل ؟ |
اقتباس:
|
شرح النصوص بيتحفظ من كتاب المدرسة ولا عادي باسلوب المدرس؟
|
سوال
السلام عليكم
خلاص دخلنا على 11 والسنة اللى هنمتحن فيها على الابواب ربنا يقف معانا كلنا يارب ويرزق كل واحد اللى بيتمناه انا كنت عايزة اسأل عن درجاتى اللى بجيبها ف المتحانات كويسة ولا انا كده مع السلامة فى الثانوية انا فى امتحان الجيولوجيا الباب الاول جبت 31 من 35 على الباب الثانى 46.5من 50 عل الباب الثالث 37من40 فى العربى الانتحان الاول الوحة الاولى نحو+نص غربة وحنين واول درس ادب جبت 13.5 من 15 واللى بعده على المساء والثلنيى نحو وادب 23.5 من 25 بس كده محد بيعمل امتحانات تانى بالنسبة للفيزياء احنا احنا دخانا فى الدرس الرابع الفصل الثانى وقربنا نخلصه وف مسائل كتييييير خالص مش بعرف احلها غير لو خدت الفكرة بتاعتها من الاجابات واكمل لوحدى مش عارفة ايه الحل انا اسفة جداااااااا طولت عليكم |
اقتباس:
ربنا معاكي حبيبتي ويسهلك كل صعب ويريح بالك يارب بالنسبه لامتحانات الدروس ..نصيحه غاليه مني ياريت حد كان نصحني بيها من اول السنه ..امتحان الدرس كوني حريصه انتي طلعتي منه بإيه ..شوفي الغلطتين اللي غلطتيهم دول استقدتي منهم بمعلومه جديده او اتعلمتي ازاي تتعاملي مع الاسئله من النوع دا او قرأتي السؤال بسرعه وخدتيه بالشبه وكان المفروض تتأتي فيه شويه ...واكتبي جنب السؤال الغلط دا تصحيحه +انتي استفدتي ايه من الغلطه ..عشان ف ااخر السنه تبصي علي ورق الامتحانات دا ..بصي حبيبي انسي الدرجه بتاع الامتحان تمامااا طالما ذاكرتي كويس جدا للامتحان و طالما عملتي اللي قولتلك عليه خلاص انتي كدا perfect👌 عادي انا كنت مره امتحنت فيزيكس ونقصت فيها 12 درجه وفي اخر السنه نقصت درجه واحده |
بالنسبه لمسائل الفيزيا عشان تتحل كويس
1-النظري لازم يتفهم كوويس جددددا و يتحفظ كويس جدا 2-القوانين تتفهم وتتحفظ كويس جدا جدا 3-شوفي المستر بيحل المسائل ازاي وتابعي معاه ف الحصه 4-لما تروحي حلي كل الامثله المحلوله اللي بتبقا بعد الشرح دي 5-بعد كدا ادخلي على المسائل ...وحلي بالترتيب كدا شوفي هو طالب ايه ..اكتبي كل القوانين اللي بيها ممكن نجيب اللي هو طالبه ..شوفي ايه اللي عاطيهولك ف المسئله ممكن يساعدك في المطلوب ..وواحده واحده مع المسائل خديها كانها لعبه كدا وبالراحه جدا ف الحل ..وامشي بالعقل والمنطق ومتتسرعيش |
اقتباس:
|
اقتباس:
جزاكى الله خيرا شكرا ليكى جدا :022yb4::022yb4: |
اقتباس:
|
اقتباس:
شرح النص عمره ما بيتحفظ ابدا ..دي الحاجه اللي بتعبري عنها بفهمك واسلوبك افهمي المستر وهو بيشرحه كويس .. بعدين لما تذاكريه اقراي الشرح من المصدر اللي بتذاكري منه ايا كان لما تذاكري النص تاني وتالت و تقراي الشرح هيعلق ف ذهنك و هيبقا اسلوبك قريب جدا من الكتاب بس لما تيجي تكتبي الشرح خلي اسلوبك لبق و دخلي مفردات اللي بتوع العربي بيحبوها دي 😄 افصلي بين العبارات بفصله مثلا .ابدأي شرحك بعبارة حلوه احفظيها على طول زي مثلا (أجاد الشاعر التعبير عن كذا ) وهكذا |
جميع الأوقات بتوقيت GMT +2. الساعة الآن 12:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.