|
1 مرفق
اقتباس:
الله يوفقك |
ذكريات
اقتباس:
|
اقتباس:
انا اساسيات النجاح عندي كانت .. على رأس القائمة طاعة ربنا وطاعة ابويا وأمي .. وبرضو لازم قراءة ورد من القران يوميا .. وكان الدعاء سلاحي في الرخاء والشدة .. يعني كنت بدعي ربنا في كل وقت .. والبعد عن المعصية كان مهم جدا .. بعد كده كنت بحدد هدفي من المزاكرة .. انا هعمل ايه وهزاكر ايه .. وكنت بعمل جدول ومكنتش مديها .. بس كنت ماشي بنظام اني ادي كل حاجة حقها .. يعني هزاكر ازاكر صح .. هالعب نص ساعة يبقى العب نص ساعة .. مش اخلط الدنيا في بعضها .. وكنت متبع سياسة الثواب والعقاب .. يعني مثلا لو كنت معملتش حاجة في الجدول .. اليوم اللي بعده منمش الا خمس ساعات .. وبدون قيلولة في الضهر .. ومن صعوبة العقوبة .. كنت بعمل كل اللي في وسعي علشان متعاقبش .. وكان من اهم عوامل نجاحي .. زميل ليا .. هوا معايا في الكلية دلوقت .. وكنا بنشجع بعض .. وكنا زي من صغرنا الاخوات وما زلنا .. وكنت بزاكر تقريبا كل الوقت في اليوم .. وكنت بقل من الدروس .. او بمعنى اصح بخلص في الاجازة .. علشان الوقت ميضعش .. ومكنتش ليا علاقة بحاجة اسمها نت .. انا تقريبا متعلقتش بالنت الا في اول سنة في الكلية .. وكنت بدل ما اتفرج على التلفزيون .. بقرا اي حاجة مفيدة .. حتى لو رواية .. او حاجة علمية .. وللكلام بقية |
* دكتور أحمد عاوزة حضرتك تعمل جدول ليا ولصحبتى هيا عضوة هنا عشان احنا محتاسين وشغالين نعمل جدول ومش بننجز فحاسة اننا مش مظبين الجدول مع الدروس او في حاجة غلط زى اننا مش مظبطين مواعيد مذاكرة كل مادة
* واحنا الاتنين عاوزين نخلص المناهج العلمية ( فيزيا - كيميا - احياء - جولوجيا ) يوم 30- 1 يعنى على شهر 1 اما العربى والانجليزى واللغة التانية عاوزين نخلصها يوم 30- 2 يعنى على شهر 2 جدول دروس NANA-KH السبت .. عربى من 6 الى 9 الأحد .. احياء من 6 ل9 او 8ونص الاتنين .. كيميا من2 ل6 التلات .. فرنش من 5 ل8 الاربعاء .. مفيش الخميس .. جيولوجيا من 3 ل5 وفيزياء من 6 ل9 الجمعة .. انجليزى من 12 ل4 __________________ جدول دروس yasmeena.r السبت .. كيميا من 9 لـ 11 ص ،، أحياء من 7 لـ 9 م الاحد .. انجليزى من 6:30 لـ 9 م الاتنين .. فاضى الثلاثاء .. فيزيا من 5 لـ 7 م ،، عربى من 8 لـ 10 م الأربعاء .. المانى من 4 لـ 6 الخميس .. فاضى الجمعة .. فاضى مش باخد درس جولوجيا __________________ وحاول حضرتك تشوف موضوع عندى مشكلة وتقراه محتاجين نصيحة حضرتك هناك وايه اللى مخلى جدولنا مش مظبط او يومنا مش مظبط معلش هتعب حضرتك معانا وكله في ميزان حسانك جزاك الله خيرا |
1 مرفق
اقتباس:
أهو ومعلش يا NANA-KH .. علشان دروسك كتيرة بحاول اضبطه مع الدروس دعواتكم |
اقتباس:
جزاك الله خيرا جدول جميل جدا ومتنوع بس عايزة افهم معلش ليه يوم الخميس والجمعة الجدول خلصان من 7 او 8 ايه قصد حضرتك في الساعات الباقية وان شاء الله فى انتظار الجدول التانى |
اقتباس:
قصدي ممكن في مواد متلحقيش تخلصيها في اليوم بتاعها .. الساعات الباقية علشان كده .. او تراجعي وتحلي فيهم .. دعواتك |
اقتباس:
تمام كدا فهمت متشكرة جدااا وربنا يجازيك خير في اللى بتعمله وان شاء الله في ميزان حسناتك بس استفسار بسيط انا في مواد مذكراها تمام بس بدون حل هل ارجعها عشان انا نسيتها ولا احل علطول وخلاص تانى حاجة ايه كتب المراجعة اللى اجيبها عشان انا هجيبها من القاهرة وللأسف مقدرش استنى براحتى لما اخلص اللى معايا فتنصحنى بأى كتب في المواد في المراجعة |
اقتباس:
ممكن اخلى الاحيااء الخميس |
اقتباس:
|
اقتباس:
|
ربنا يجزيك خير بس ازاى اختار المدرسين الكويسين
|
اقتباس:
اهم حاجة تفاعله معاك في الدرس ووجهة نظرك انتا في لان في مدرس ممكن يعجبك وميعجبش زميلك تاني حاجة تمكنه من المادة ويكون بيراجع علطول ويهمه انك فهمت ولا لا مش بيشرح وخلاص مش مهم عندو انك تفهم ويكون عاجبك اسلوبه ومرتاح معاه وعاجبك طريقته على فكرة في مدرسين باسلوبهم الكويس بيخلوا الطلبة يحبوا المادة انتا ركز على اللي اسلوبه كويس |
اقتباس:
|
رووووووووووووووووووووووووووووووووووووووووووووووووو وووووووووووووووووووووووووووووعة
|
التعامل مع ورقة الامتحان
بسم الله الرحمن الرحيم
اولا انا بتمنى من المشرف على المنتدى تثبيت الموضوع نظرا لاهميته ثانيا انا هاتكلم على التعامل مع ورقة الامتحان طيب احنا المواد عندنا 7 مواد هتكلم عليهم كل مادة لوحدها وتعمل ايه في امتحانها بس فيه كام قاعدة نتفق عليهم في الاول :: 1- وانا داخل الامتحان اكون رايق كده ومزاكرش لان اللي فات انتهى خلاص انتا رايح تحل .. 2- ابعد عن التوتر خالص احنا مش رايحين نحارب .. 3- ملكش دعوة باي حد تاني .. يعني لو دخلت هتلاقي ناس بيقولوا ده سهل وناس بيقولو ده صعب .. ملكش دعوه .. في اليوم ده مش هتقدر تساعد حد او حد يساعدك .. 4- اياك والغش .. لان الغش ممكن هتعدي بيه وممكن تقفل كمان .. بس شوف ايه اللي هيترتب عليه .. فلوسك بعد كده حرام .. وظيفتك حرام .. اكلك وشربك حرام .. كل حاجة حرام .. لانها كانت حق واحد غيرك .. 5- لو فيه اسئلة اختياري اختار دايما الاسئلة الاسهل حتى لو طويلة بس لازم تكون متأكد منها .. هنبدا في الاول بمادة اللغة العربية .. التعبير .. في الابداعي .. اختار المقال .. لانه اسهل من القصة .. ولو متمكن من القصة اكتب القصة مع ان الاحسن في المقال .. القراءة .. والقراءة دي اتجاهين هوا طالبهم اتجاه المعلومات واتجاه اللغة .. واعرف معنى الكلمة من السياق الأدب .. خلي الاجابة مرتبة البلاغة .. اقرأ الابيات كويس جدا .. النصوص .. في برضو اتجاه معلوماتي ولغوي .. وبرضواعرف المعنى من السياق .. النحو .. اقرا القطعة كويس جدا .. وحل وراجع مرة واتنين وتلاتة .. الاسئلة الاختيارية متحلهاش الا لو خلصت الاسئلة كلها .. يعني لو باقي فيه وقت وانتا راجعت وخلصت .. حل الاختياري .. ان شاء الله باقي المواد قريبا دعواتكم |
بالنسبة للغش يا دكتور
ودى ظاهرة شائعة اوى بسمع ناس كتير تقول لابنائها لو شاطر غششه فكره بس لو كان ناسى دا يعتبر غش ولا لا ؟؟؟؟ |
اقتباس:
|
ايه الفرق بين واحد بدا من اول السنه جد وحل من كتب كتير وواحد تانى كان بيذاكر قبل الدرس بساعتين ومش تاعب نفسه بس دلوقتى عايز يشد حيله ونفسه يدخل طب بس خوفه من ان مش هيلحلق اللى سبقه احبطه """؟؟؟؟
|
اقتباس:
|
موضوع هايل للتشجيع بس بعد اذن حضرتك نفسي اكمل بقيت الجمله مش بتريق بجد موضوع هايل دول بيدوا كورسات لتاهيل النلا انجح هات مجموع عالي وادخل كليه اتصدم بالواقع جوه
|
اقتباس:
|
شكرا علي النصايح الجميلة ديت
|
ذاكر الكيمياء في 20 يوم
السلام عليكم ورحمة الله وبركاته انا هاتكلم عن الكيميا بس في الأول عن ازاي تزاكرها حتى لو متعرفش حاجة عنها الباب السادس : الحساب الكيميائي والتحليل الكمي اليوم الأول : من حجم الغاز والكتلة الجزيئية إلى نهاية المول والمحاليل الأيونية .اليوم التاني : مراجعة اليوم الأول وحل + من أول التحليل الكيميائي إلى نهاية التجربة ( تقدير محلول مجهول التركيز لهيدروكسيد الصوديوم ) اليوم التالت : من أول التحليل الكمي الوزني إلى اخر الباب + مراجعة الباب كامل وحل عليه . الباب السابع : الاتزان الكيميائي اليوم الرابع : حل على الباب الأول + من أول الباب إلى قانون جولدبرج وفاج والتجربة . اليوم الخامس : من أول تأثير درجة الحرارة على سرعة التفاعل إلى اخر قاعدة لوشاتيليه + حل . اليوم السادس : من أول تطبيقات قانون فعل الكتلة إلى نهاية حاصل الإذابة + حل . اليوم السابع : التحليل المائي إلى نهاية الباب + مراجعة وحل على الباب . الباب الثامن : الكيمياء الكهربية اليوم التاسع : من أول الخلايا الالكتروليتية إلى تجربة تحضير فلز الألمنيوم من خام البوكسيت + الحل . اليوم العاشر : من أول قانون فاراداي إلى نهاية فكرة عمل الخلايا الجلفانية + الحل . اليوم الحادي عشر : من أول القنطرة الملحية إلى نهاية الباب . اليوم الثاني عشر : مراجعة كامل الباب . الباب التاسع : الكيمياء العضوية اليوم الثالث عشر : من أول الباب لاخر الهيدروكربونات الأليفاتية مفتوحة السلسلة + الحل . اليوم الرابع عشر : من أول الهيدروكربونات الأليفاتية المشبعة إلى اخر الالكينات + الحل . اليوم الخامس عشر : من أول الألكاينات لنهاية الهيدروكربونات الحلقية + الحل . اليوم السادس عشر : من أول مشتقات الهيدوركربونات إلى نهاية المركبات عديدة الهيدروكسيل . اليوم السابع عشر : من أول الفينولات إلى نهاية الباب + الحل . اليوم الثامن عشر : مراجعة كامل الباب . ياريت بقى واحنا بنزاكر اعتبر ان امتحانك بكرة ودي اخر واول نظرة للمعلومة يعني زاكروا بضمير . دعواتكم وربنا يوفقكم .. |
اقتباس:
جدول ممتاز صراحة ربنا يكرمك :) |
اقتباس:
|
جميييييييييييل جدا
جزاك الله خيرا |
اقتباس:
حلووو اوي مشاء الله وكويس اني دخلت انهارده وشوفته لاني كنت عايزة اذاكرها من الاول ومش عارفه ابدأ فيها ازاي بس انا ان شاء الله هبدأ من العضويه الاول واخلصها واكمل في الابواب الاولي وربنا يعيني جزاكمـ الله خيـراً .. ربنا يكرمك يارب |
اقتباس:
|
اقتباس:
|
اعتبروا المشاركة دي تحديث للموضوع
لقلة التفاعل في القسم .. احنا دلوقت تقريبا في منتصف شهر واحد .. يعني باقي وقت كفاية انكم تجيبوا مجموع عالي .. مش كده وبس انتو ممكن تاخدوا ترتيب على الجمهورية كمان .. انا ان شاء الله يومين تلاتة وهكون معاكم لغاية الامتحانات .. واي استفسار او مساعدة انا موجود .. واتنظروا المشاركات الجديدة في الموضوع مني اللي هتكون عن المزاكرة ازاي في الفترة دي ... وهنتكلم عن كل مادة لوحدها .. |
اقتباس:
|
ربنا يكرمك يا دكتور احمد
ربنا يجازيك كل خير يارب انا قراءت كل كلام حضرتك اللي فات بجد اسلوب حضرتك روعة وكلام حضرتك جميل جداااااا انا ف تالتة ثانوي طبعا انا عندي مشاكل مش مشكلة واحدة واتمني حضرتك تساعدني ؟؟ اولا اول السنة كنت ماشية كويس والحمد لله زي اي حد بادئ بحماس جيت فترة مرض والدي شهر11 وبعد كده توفاه الله لحد النهارده وانا مش منتظمة مش مقتنعة بحالي ولا راضية عن نفسي حاجات كتير مذاكرتهاش وحاجات ذاكرتها ومحلتيش عليها وفي اللي ذاكرته ومش فاكراه نهائي دلوقتي حاليا انا مش قادرة انظم وقتي خالص بقيت بنام كتيييييير جدا معنديش وقت محدد للمذاكرة ساعات برده اغيب من الدروس لو مخلصتش الحاجات اللي ورايا انا مش عارفة اعمل ايه ؟؟؟ خايفة اضيع حلمي وحلم والدي الله يرحمه ممكن حضرتك تقولي اعمل ايه ؟؟؟ |
اقتباس:
دعواتكم ... |
اقتباس:
وبعدين مش اللي بيحب حد لازم يعمل لراحته .. ووالد حضرتك - الله يرحمه - هل هيكون مرتاح بوضعك ده .. احمدي ربنا في ناس اسوأ من حالتك دي .. أنا أعرف شخص والدته - الله يرحمها - توفت في آخر شهر في السنة .. وكان والده متوفي .. وهوا الوحيد .. اكيد اول حاجة هتيجي على بالك انه قعد زعلان ومكتئب .. بالعكس ده هوا كان بيشتغل من نار .. لانه حسب الحكاية صح .. حكم عقله مش عاطفته .. وحاليا هوا في سنة تانية طب أسنان .. لو الشخص ده كان استسلم لليأس كان هيكون عمل حاجة .. كان هيكون صفر على الشمال .. الموت قدر علينا كلنا .. والحزن بشكل عام كده .. لكن مش معنى كده اننا نستسلم ليه .. لان الماضي مش هنقدر نعدله .. انا مش بقول ان اننا منحزنش على موتانا .. لكن منخليش ده يأثر علينا بشكل سلبي .. وبعدين نزود الاحزان علينا .. انتي دلوقت لازم تحولي شعور الحزن والكآبة ده .. لشعور الاجتهاد .. او بمعنى اصح تحطي في بالك انك عايزة تخلي والدك - الله يرحمه - يكون فخور بيكي .. وادعي علطول سواء بصلاح حالك أو بالرحمة لوالدك .. الدعاء ده وسيلة تحقيق كل حاجة .. يلا بئا عايزين نشوفك دكتوره قد الدنيا .. ربنا يوفقك .. دعواتكم .. |
اقتباس:
|
بجد و الله الله يكرمكم
ياريت تكمل الموضوع احنا في اشد الحاجة اليه |
انا الحمد لله لما بيبقي عندي ارادة بزاكر بس مش عارفة من ساعة ما الشتا بدا وانا بدأت اكسل
وبنام كتير نفسي اوي اقوم اصلي الفجر وازاكر او اصحي بدري ازاكر بس صعب اوي في البرد دا انا ادبي ونفسي ادخل السن اوي مش عارفة انا بحاول احفظ اللي باخده في نفس اليوم بس مبراجعش علي اللي فات والفرنساوي بنسي قواعده ومش عارفة اظبطها ازاي :( |
بسم الله الرحمن الرحيم .. والصلاة والسلام على أشرف الأنبياء والمرسلين .. وبعد ::
أنا كنت كتبت الموضوع ده السنة اللي فاتت .. ويارب تكونوا استفدوا بيه .. وان شاء الله هكمل الموضوع وهضيف عليه .. وان شاء الله تستفيدوا بيه أكبر استفادة .. واعذروني يمكن الموضوع جه متأخر لكن احنا لسه في شهر واحد يعني ممكن تحصل المعجزات في الفترة دي باذن الله بس خليك / ي معايا .. المرحلة الثانوية دي تعتبر من اهم فترات حياتك كمصري .. لكن هيا مش محتاجة خوف وتوتر وقلق .. الحكاية عايزة توكل على الله وتنظيم .. ومجموعة من العوامل اللي هتكلم عنها في الموضوع .. لكن عايزك تنتبه لحاجة .. انتا في بلد زي مصر .. تعتمد اعتماد كلي على الكلية .. أنا مش بخوفك .. لكن أعذرني ده الواقع .. وده خطأ في العقلية المصرية .. إن هيا بتعامل اللي مش مهندس أو دكتور فاشل .. مع إن سبب بليغ لتأخر بلدنا .. ما علينا .. لكن اللي عايزه منك انك تبذل أقصى جهدك في الفترة دي .. وبعدين دي كلها سنة مش أكتر .. وقبل ما أدخل في الدروس عايزك تكون صريح مع نفسك .. ولازم تعرف انك لو مش بتزاكر لدلوقت مستني ايه .. مستني ندخل في شهر خمسة ونقعد نقول انا هأجل وهعمل .. احنا لسه فيها .. اكيد لازم تعترف انك قصرت الفترة اللي فاتت ولازم تعوض كده .. بص ياعم انتا تقوم تصلي ركعتين على التقصير اللي فات وتتطلب من ربنا يسامحك على الأمانة اللي معملتش حقها .. وتدعي ربنا انه يوفقك في الفترة اللي جاية وتحقق اللي تتمناه .. الموضوع هيكون مقسم لعدة دروس .. نبدأ على بركة الله الدرس الأول .. الثانوية العامة دي رحلة .. وانتي وشطارتك لازم تاخد الحاجات اللي توصلك لبر الأمان .. الموضوع في إيدك بامكانك تاخد حاجات تكفيك وزيادة وبامكانك متخخدش حاجة وتقف في نص الطريق ويا وصلت يا موصلتش .. الدرس الأول بيتكلم تحديدا عن طاعتك لربنا .. أقولكم على قصة كنت قريتها في منتدى والله مش فاكره .. القصة دي بتتكلم عن طالب اسمه (م.ن.س) كان في ثانوية عامة زيك كده .. كان طول الينة مقضيها خروجات ولعب .. وعايش حياته ومبسوط .. ومكنش بيصلي وعلاقته بربنا أقل من إني أتكلم عنها .. وبيعاكس في البنات .. وتاعب أهله في البيت .. من الآخر كان فاشل بمعنى الكلمة .. أخينا ميم ده كان بيجي في ليلة الامتحان ويجي فاتح الكتاب يقلبه على السريع وبقدرة قادر كان بيدخل يلاقي الحاجات اللي قراها .. وجاب 97% ودخل هندسة عين شمس .. ( طبعا كلكم صدقتوا الحكاية دي ) دي حاجات بتحصل في الخيال بس .. مش أكتر لأن لكل مجتهد نصيب وزي ما تزرع هتلاقي .. هتزرع شوك هتلاقي شوك .. هتزرع مانجا هتلاقي مانجا .. مش هتزرع حاجة مش هتلاقي حاجة .. المهم .. المغزى من القصة اني عايز اقولك ان فترة الثانوية العامة دي مش محتاجة مزاكرة وبس .. لا .. في حاجات تانية ممكن تكون سبب في توفيقك ونجاحك أكتر من المزاكرة نفسها .. وبما إننا بنتكلم عن الجانب الديني .. في بعض الحاجات المهمة لازم اتكلم عنها .. 1- اتوكل على الله .. لان من توكل على الله كفاه .. ومش معنى انك تتوكل انك تقول مش هزاكر وهنجح .. لا زي ماربنا بيقول ( وعلى الله فليتوكل المؤمنون ) ربنا قال برضو ( إن الله لا يضيع أجر من أحسن عملا ) .. لازم تاخد بالأسباب وتتوكل على الله .. لان لو هتتوكل بدون أسباب ده اسمه تواكل .. صحيح ان ربنا أمرنا بالتواكل لكن ربنا مأمرناش بالكسل .. بالعكس الإسلام دين العمل .. وادعي ربنا بجد .. واتذلل لربنا واخلص ف الدعاء .. والدعاء سلاح مش هتعرفوا عظمته إلا لما تتحقق دعوتك .. لان ربنا وعد المؤمن باحدى 3 حاجات لما بيدعي ومنها تحقيق الدعوة .. والحوا على الله في الدعاء .. واحسن وقت اخر الليل خصوصا الثلث الأخير .. والدعاء في كل وقت طبعا .. 2- حافظ على الصلاة .. والتزم بالعبادات .. ولو ملتزم بالحاجات دي التزم .. ومتقولش انا دلوقت وهفتكر ربنا .. هفتكر ربنا في وقت الشدة بس .. واسمع !! انك تفتكر ربنا دلوقت احسن متفتكروش خالص .. واعتبر الصلاة دي فسحة يعني .. تشم شوية هوا وانتا رايح وانتا جاي .. تشوف الدنيا على الأقل .. وحاول متتكلمش مع حد بعد الصلاة .. أو اتكلم مع زمايلك .. بس مش تخلي الحكاية حكايات وزمايل ونضيع وقتنا .. لأ .. أنا مش بقولك خليك انعزالي ومتكلمش حد .. لأ خليك اجتماعي .. بس في حدود مصلحتك .. 3- حسن علاقتك بوالديك لو كانت سيئة .. ولو كانت كويسة حاول ترضيهم أكتر .. لان والله بر الوالدين ده سبب في التوفيق .. وأنا عن نفسي باعتبروه أهم من المزاكرة .. مش معنى كده منزاكرش .. لأ .. احنا قلنا ايه ؟؟ ناخد بالأسباب .. قولهم يدعولك .. خاف على زعلهم وخاف على زعلهم أكتر وانتا بتزاكر .. انك تحاول تجيب مجموع وتدخل كلية حلوة علشان ترضيهم .. وياريت ميكونش البر ده علشان الامتحانات والمزاكرة وكده .. حاول تخليه أسلوب حياة .. لانك لو عملت غير كده وزعلت والديك وتعبتهم .. اعرف انك بتعمل كبيرة من الكبائر .. وعقاب فاعلها في الدنيا قبل الآخرة .. 4- استغفر ربنا كتير .. خلي أوقات فراغك كلها استغفار .. لان الاستغفار بيكتر الرزق .. ويشرح الصدر .. ومن أسباب التوفيق .. 5- ابعد عن كل حاجة حرام بتعملها .. وعلى راس كل ده الأغاني .. ايوه الاغاني حرام لو متعرفش .. بل بالعكس الاغاني سبب لضيق الصدر وسبب للهموم .. ابعد لنفسك ولآخرتك قبل الامتحانات والدراسة والكلام ده .. اصلا لو انتا هتعمل كده علشان الامتحانات المزاكرة .. كانك بتقول انا يا ربي بعمل كده علشان أن محتاج توفيقك ومساعدتك .. مش لأن ده واجب وفرض عليك .. لأ انتا لازم تحط في بالك انك بتعمل كده علشان ربنا يرضا عنك وهتكون كده علطول .. لأن أنا عارف ان ممكن بعد ما تخلص هتجيلك نزعة انك ترجع للحاجات الوحشة تاني بحجة انك بقيت في بر الأمان .. وده غالبا هيحصل .. لكن ان شاء الله ميحصلش .. 6- اتجنب أصحاب السوء ودي هتكلم عنها من منظور ديني في الدرس ده .. لكن هتكلم عن جوانبها التانية كل درس بما يخصه .. تتجنبهم ليه .. لان باختصار مشيك معاهم ذنوب .. والذنوب ظلمة للقلب وتعب لنفسيتك .. وأصحاب السوء مش هتستفيد منهم أكتر من كده .. بالعكس انتا متضرر .. على سبيل المثال انتا لو ماشي مع ناس وحشين هل ممكن حد يقول يلا نروح نصلي .. أو يلا كل واحد يروح يزاكر .. أو ( ودي النقطة اللي هتكلم عنها بعد كده ) ممكن لو شافوا بنت ماشية قدامكوا هيبصوا بعيد .. ولا تلقائي هيبصوا ليه بكل بجاحة ( ده ان جت على كده بس ) .. فلازم تبعد عنهم بأي وسيلة .. واحذر منهم ... 7- اقرا قرآن .. ولو عايز تعرف أهمية القران في التوفيق والنجاح باذن الله .. اسألوا المتفوقين من طلبة الأزهر وشوفوا ردهم .. وانا مقلتش اقرا خمس أجزاء .. اقرا ولو حتى ربع .. ووالله القرآن ليه دور في مهم في راحتك النفسية .. 8- اخلص النية .. انتا عارف ان ممكن تزاكر وتاخد أجر .. مزاكرة وأجر مع بعض .. مش ممكن !! .. لأ ممكن .. انتا لو حطيت في نيتك انك بتزاكر علشان تخدم بلدك ووطنك وأمتك هتكون بتاخد أجر .. انتا عارف انك وانتا رايح الدرس بتاخد أجر في الطريق .. الرسول صلى الله عليه وسلم بيقول : ( من سلك طريقا يلتمس فيه علما سهل الله له طريقا إلى الجنة ) .. وبالطريقة دي هتكون مزاكرتك عبادة .. كده أكون انتهيت من الدرس الأول وانتظروا بقية الدروس إن شاء الله .. وأي سؤال أو مساعدة أنا تحت أمركم .. مش طالب منكم غير حاجة وحدة دعوة بظهر الغيب .. ربنا يوفقكم .. |
كلام حضرتك رائع جدا و مفيش شك انه هيفيد ناس كتير وانا قرأت كلام حضرتك بتاع السنه اللي فاتت و عندي استفسار بسيط بالنسبة للمراجعه ازاي ممكن لطالب انه يذاكر منهج 3 مواد في اسبوع واحد و يخلصهم تماما و خصوصا ان العربي لوحده فروعه كتير .. بالنسبالي انا شيفاها حاجه خياليه . . تاني حاجه انا عندي مشكله مع المذاكرة او مع الثانوية العامة و مع اني مقتنعه ان مفيش حاجه في حياتي هتتغير غير لما انا اقرر و يبقي عندي القوة اني انفذ قراري ده بس بردو عندي امل ان ممكن ربنا يجعل كلام حضرتك سبب في حل المشكله.. . مصيبتي باختصار اني مش خايفة مش قلقانه ولا متوترة ولا حاسة ان الوقت اللي بيعدي دا مهم يعني بعد ما كنت مبعرفش انام من القلق في الاجازة بقيت في قمة البرود اللي وصلني لعدم تحمل المسؤليه بشكل صح طريقه تفكيري بالنسبة للكليه اتغيرت تماما بعد ما كنت فاكرة ان ممكن يجرالي حاجه لو مدخلتش طب بقيت مبعرفش اشوف نفسي فيها يعني زي ما اكون نمت و صحيت لقيتني مش لاقيه حلمي اللي كان جوايا او زي ما اكون مبقتش بعرف احلم .. مش عارفة .. مبقاش فارق معايا حاجة نسبياً بذاكر بس من اول السنه بس مش ربع اللي كنت متخيلة نفسي في الاجازة اني هذاكرة و انا بذاكر مبفكرش انا بذاكر ليه لاني يمكن لو فكرت مش هذاكر لاني حاسة ان مش فارق معايا حاجه مش بتمني غير ان الوقت يقف و يوم النتيجة دا ميجيش كنت فاكرة ان عشان طول عمري متعودتش اذاكر كتير و اني هتعود علي المذاكره بالوقت بس بردو مفيش فايدة و مع اني حاسة بالتقصير و عارفة اني طرقتي دي كلهاااا غلط بس بردو مش عارفه اخد الخطوة اني اتغير زي ما يكون في حاجة مكتفاني ... حاسة بتناقض رهيب في جوايا معلش رغيت كتير بس اتمني ان مشكلتي يكون لها حل .. :redface: |
اقتباس:
انا اولى ثانوى لسه وعندىى نفس المشكله دى...فى الاعدادى كنت من الاوائل على المدرسه بس من ساعة ما دخلت الثانوى وانا نايمه طول عمرى كان حلمى انى اكون مهندسه كمبيوتر واشتغل فى شركة مايكروسوفت كمبرمجه وفى الفرع الرئيسى كمان ههههه لكن دلوئتى هدفى ده طار حتى انى بئيت بكره الهندسه بعد ما كانت اكتر حاجه بحبها....وضربت فى دماغى ادخل طب واكون جراحة قلب...ولو مش جراحة قلب يبئى بلاها طب خالص....اهلى فى البيت بيقلولى مجنونه...وماعدتش مسؤوله زى الاول وحتى تقريبا مش بذاكر مذاكره تنفع احنا بنمتحن دلوئتى ...وانا حاسه انى مش بحل كوويس وبرفض اراجع مع اى حد بعد الامتحان عشان خايفه يطلع عندى اخطاء...زمايلى بيقلولى ان الامتحان سهل وان مستحيل ان يطلع عندى اخطاء بس انا حاسه ان انا حاله نص الامتحان غلط مع ان الامتحان فعلا كان سهل....اهلى بيقلولى اراجعع عشان ارتاح وانا بقولهم لا انا عايزاها تبئى صدمة النتيجه مره واحد مش صدمتين...بجد انا بئيت مستفزه وبارده بدرجه رهيييبه...ومش عارفه اعمل ايه فى اللى حصلى ده...مع العلم ان علاقتى بربنا مش قريبه اوى...يعنى ماقدرش اقول انى من الملتزمين ...انا عايزه حل يطلعنى من برودى ده....هو بس لو طلعت من البرود ده كل حاجه هترجع زى الاول واحسن ................ اسفه انى رغيت كتير ياريت تفيدنى |
الدرس التاني :: الحمد لله رب العالمين والصلاة والسلام على أشرف الأنبياء والمرسلين ، وبعد ::في الدرس الأول اتكلمنا عن الجانب الديني ، والدرس ده هنتكلم عن جانب النفسي .. وهوا الجانب المهم في الدروس اللي جاية .. في حاجة عايز أتكلم عنها هيا الثقة بالنفس .. ودي بداية الطريق .. لانك لو مش واثق من نفسك .. هيكون فكرك كلو سلبي وهينعكس على مذاكرتك .. أنا مش هقولك اقعد كلم نفسك وقول انا طبيب ناجح وانا بتاع .. وان كانت الحاجات دي مهمة .. بس أنا مش بعتبرها كده .. اول سبب من أسباب عدم الثقة هما الأهل .. يعني فرضا لو أخرت من الدرس خمس دقايق .. في بعض الأهالي هيقولوا كمية مهولة من كلمات تكسر الضهر ( يا فاشل .. وعمرك ما هتنفع .. الخ ) انتا هيكون ردك ايه .. اكيد هتقول اي حاجة علشان تسكتهم .. وتكدب ليه !! انتا هتجاوب بصراحة .. يا بابا أو ماما أنا كنت مع زمايلي .. واتاخرت شوية .. او لعبت .. وتقولهم اعذروني المرة دي .. ومش لازم الكلام ده .. وبرضو يا اباء ويا امهات .. ارحموا أولادكم شوية .. انا عارف انكم عايزينهم يتفوقوا ويجيبوا درجات عالية .. لكن طريقة عن طريقة تفرق .. حاجة تاني بيعملوها .. وهتسمع كلام زي كده ( فلان ابن عمو فلان جاب 98% ودخل طب .. وفلانة بنت عمو علان جابت كزا ودخلت صيدلة ) .. متركزش مع الكلام ده وخليه دافع ليك وقول في نفسك أنا ان شاء الله هجيب أعلى منهم .. وقولهم هما اجتهدوا وربنا وفقهم وانا ان شاء الله هجتهد ومش هخيب ظنكم .. وانتا ليه متكونش واثق من نفسك ؟؟ أنا عارف ان جواك أفكار سلبية .. وبتقول ازاي هنجح وانا مش بزاكر .. ايوه الغلط أهو .. واكيد بتقول ازاي هجيب مجموع زي اللي بيزاكروا من اول السنة .. أحب أقولك ان في ناس دكاتره حاليا جابو مجاميع عالية في شهر واحد بس .. لكن عرفوا غلطهم وأخلصوا في مزاكرتهم .. سبب تاني من أسباب قلة الثقة بالنفس .. انك بتقارن نفسك بغيرك .. ده فلان ابن فلان بيزاكر 75 ساعة .. وعلان بيزاكر 50 ساعة وانا بزاكر مش عارف ايه .. ومقضي يومك مقارنات .. احب اقولك انك بتضيع نفسك كده .. انتا مالك بغيرك .. صح ان الانسان بيحب التميز .. لكن التميز مفروض يخليك تشتغل على نفسك صح .. وتزاكر أكتر مش نقضيها مقارنة .. تاني حاجة عايز أتكلم عنها .. كن نفسك .. متحاولش تقلد حد .. متحاولش تزاكر زي حد .. انتا تاخد نصايح من غيرك لكن وتضيف اضافاتك .. لانك لو حاولت تقلد حد في اي حاجة .. هتكون زي ما قال الدكتور ابراهيم الفقي ( هتكون نموذج بشري فاشل ) .. انا مبقولش ميكونش ليك قدوة .. خصوصا ان في الفترة دي اغلب الطلاب بيحاولوا يقلدوا ناس اكبر منهم في كليات كويسة في المزاكرة وغير المزاكرة .. فاهم حاجة ان يكون ليك قدوة لكن مش تكون كوبي بست .. لازم يكون ليك شخصية مستقلة وفكر مستقل .. تالت حاجة .. حدد أهدافك .. وتحديد الاهداف انا بقسمه لقسمين اهداف المدى البعيد واهداف وقتية .. اهداف المدى البعيد انك عايز تكون كزا وتحقق كزا .. وانك تدخل كلية حلوة علشان تفرح بابا وماما وترضيهم .. اما الاهداف الوقتية .. فهيا دي تعتبر اهم من بعيدة المدى لانها بوابة ليها .. الهدف الوقتي هوا انك تحدد اللي انتا عايز تنجزه في فترة معينة صغيرة يوم او اسبوع او شهر او ترم .. ودي ازاي تحققها بكفاءة عالية .. بسيطة عن طريق الجداول .. الجداول مهة جدا ليك كطالب ثانوية عامة وكانسان بشكل عام .. انتا لما تكون عايز حاجة لازم يكون قدامك جدول يفكرك بيها علطول .. لان المخ مش هيفتكر مع تراكم الحاجات .. يبقى اول مرحلة في تحديد الاهداف ( بعد توفيق ربنا ) هيا الجداول .. ولازم تكون ملتزم بالجداول .. مش تقعد تعملي جدول ساعتين وفي الآخر متمشيش عليه .. رابعا .. حب المزاكرة .. ايه !! ايوه حب المزاكرة .. لانك لو محبتهاش مش هتتفوق فيها .. ولنفرض مثلا .. انك بتحب تلعب كورة .. لو قلنا في تدريب هيكون لمدة سنة .. بس فيه خمس كتب لازم تزاكرهم عن الرياضة واصابات الملاعب ... الخ .. اكيد هتزاكر ونفسك مفتوحة للمزاكرة وهتزاكر بسعادة شديدة .. ولو قلتلك انك لو جبت امتياز في المواد دي هتلعب في النادي الفلاني بالعقد الفلاني .. طيب لو قلتلك ان الكتب والملازم دي هيا اللي بينك وبين كل حاجة .. هيا اللي بينك وبين انك تكون شخص محترم .. ليه متعتبرش الكتب دي هيا طريقك باذن الله للحاجات دي .. ده انتا تاخد الحكاية تحدي بينك وبين الكتب .. واحنا مقلناش ارفع جبال .. انا بقولك زاكر حاجات بسيطة جدا بس البساطة دي متقوفة على نظرتك انتا .. انتا عبارة عن شخص لابس نضارة .. لو عايز عدسات بيضا هتكون بيضا ولو عايزها سوده هتكون سوده .. فالسهولة والصعوبة متوقفة على نظرتك .. خامسا .. اعرف انك المستفيد الوحيد والخسران الوحيد .. ايوه يعني الحكاية منك واليك .. زي ما تزرع هتحصد .. لان لو جبت مجموع حلو انتا اللي هتستفيد الأول .. ولو جبت مجموع وحش انتا اللي هتخسر برضه .. سادسا .. افتكر يوم النتيجة .. كل ماتيجي تزاكر اتخيل يوم النتيجة .. هل انتا نفسك ترجع من المدرسة منزل راسك في الارض ومش عايز ترجع البيت .. ومكسوف من نفسك .. ومكسوف تقول للناس على مجموعك .. ولما حد يسألك عن مجموعك تتكسف تقوله .. طيب بص معايا الناحية التانية .. وشوف نفسك وانتا جاي من المدرسة .. وكلك فخر بمجموعك وفرحان بتوفيق ربنا ليك وجهدك اللي بذلته .. وعايز توصل البيت بسرعة علشان تفرح أهلك .. وكل ماحد يقابلك تقوله مجموعك وكلك فخر ورافع راسك .. وانا كانت اسعد لحظات حياتي لما شوفت فرحة والدي ووالدتي بمجموعي .. كانت لحظة مش ممكن انساها .. فانتا لازم تشتغل علشان اللحظة دي .. لازم تكون محضر لليوم ده كويس .. والحاجات مفروض تديك دفعة للمزاكرة .. سابعا .. شوف نفسك بعد 15 سنة .. شوف نفسك بعد ما تخلص كلية .. هل عايز تشوف نفسك طبيب أو مهندس أو صيدلي أو أي حاجة حلوة .. وعايش حياة كريمة ومتوفر ليك كل حاجة .. ولا عايز تكون عبارة عن شخص عاطل ومكانك الرئيسي هوا القهاوي .. وعايش بدون هدف .. ونظرتك دي هيا اللي بتحدد مصيرك اعتمادا على جهدك .. ثامنا .. تفاءل .. أيوه .. لان الرسول صلى الله عليه وسلم ( تفاءلوا بالخير تجدوه ) .. انتا لازم تحط في بالك ان هتكون طالب متفوق وانك هتكون من الاوائل على الجمهورية .. وانك هتكون وهتكون .. مش تكون كل افكارك انا هفشل انا هأجل أنا مش هعدي .. وعايز تتفوق .. لكن انا عايز منك حاجة .. انا عارف ان جواك كمية ضخمة من الافكار السلبية .. ليه متحولش الافكار السلبية دي لافكار ايجابية .. ازاي !! اقولك ازاي انتا هتقنع نفسك ان الافكار دي ممكن تكون حقيقي .. وممكن تحول مجرى حياتك لجحيم .. واقولك الحاجة الابلغ من كده ان الافكار اللي بترددها كتير دي احتمال كبير انها تتحقق لان اقدار الناس تجري على ألسنتهم .. فانتا لازم تحول افكارك دي لحاجات لحاجات حلوة علشان توصل للحاجات الحلوة دي .. وفي طلبة بيكرروا الفكر السلبي ده وبيرددوه فبيتحول لاعتقاد .. يعني هيعمل حاجة مسلمة مش هتتغير بعد كده الا بصعوبة .. تاسعا .. صدق نفسك .. اعرف ان عندك قدرات مهولة .. وان بامكانك تستغلها في حالة وحدة بس .. لو اشتغلت صح .. اعرف ان الناس اللي اتفوقوا يومهم كان 24 ساعة .. وساعتهم 60 دقيقة .. لكن هما عرفوا قيمة الوقت ده .. وقدروا الثانية .. عاشرا .. متضيعش وقتك في الندم .. يعني متقعدش تقول ان النظام التعليمي فاشل والنظام فيه وفيه .. انتا اعمل اللي عليك .. ولازم تعرف ان ده مفروض عليك مش بمزاجك .. ولما هوا فاشل ازاي دكتور أحمد زويل اتخرج من النظام ده واخد جايزة نوبل .. وازاي دكتور فاروق الباز اتخرج من النظام ده وبقي عالم فلك كبير .. وغيرهم كتير .. هما عرفوا ان النظام الفاشل ده هوا بوابتهم للنجاح .. فلازم يجتازوا البوابة دي .. وامش بمقولة (الناجح هو الذي يحقق نجاحه في أقصى ظروف الفشل ) .. ايوه يعني لازم تصنع من ظروف الفشل دي ظروف نجاح ان شاء الله .. الحادي عشر .. ابتعد عن العلاقات العاطفية .. ايوه .. لان ده مش وقته لا ليك ولا ليها .. واعذروني اني هتكلم بصراحة شوية .. الشباب اللي داخلين الحكاية من اوسع ابوابها وعاملين علاقات عاطفية في وقت مينفعش يكون فيه حاجة زي كده .. اول حاجة لان الشيء ده حرام .. ومتقوليش احنا اخوات .. انتو اخوات ماشي مختلفناش .. لكن اخوات لما يكون في طابور كله شباب وانتا تساعدها علشان متحتكش بيهم .. مش معنى انكم اخوات انكم تتكلموا 36 ساعة في اليوم .. فرجاء ابعتد عن الحاجات دي .. لان اخرها انفصال ونادرا مبتكمل حاجة زي كده .. واغلب اللي بيكونوا كده بيكون معندهمش هدف في العلاقة دي .. وحاجة تاني هل انتا ترضى كده على اختك .. وهما زي الاخوات برضه !! اشمعنا زعلت .. فمالا ترضاه على نفسك لا ترضاه لغيرك .. الثاني عشر .. خلي غاياتك عالية .. ايوه يعني مش يكون هدفك انك تجيب 98 علشان طب بتقبل من كده .. لأ انتا مفروض يكون هدفك انك تجيب 100% .. لانك لو فكرت كده هتحقق حاجة قريبة من كده ده اذا محققتهاش هيا نفسها .. ويكون رغبتك ملهاش حدود .. الثاني عشر .. اياك والتسويف .. لان التسويف ده حلقة مفرغة .. عايز تزاكر قوم زاكر متقولش المشهد ده ولا الحلقة دي .. لازم يكون فيه عزيمة عندك لأي حاجة .. بحيث انك لو نويت تعمل حاجة يبقى خلاص لازم تعملها .. واياك تكون من الناس اللي بيكون ليهم يوم معين يخططوا عليه .. يعني انا اعرف ناس يقولك يوم الخميس الجاي هزاكر .. لو انتا عايز تزاكر فعلام قوم دلوقت .. ومتسوفش .. بكده اكون خلصت من الدرس التاني .. ان شاء الله تكون استفدتوا .. دعواتكم .. |
اقتباس:
|
انا مشكلتي اني مذاكرتش خالص الي الان ومش عارف اذاكر من الاحباط هو معقول اخلص 7 مواد في ال4شهور الي فاضلين وحاسس اني محتاج معجزة
|
يادكتور احمد ممكن تعملي جدول امشي عليا وانا هقولك ع دروسي وانا علمي موادى فقه توحيد حديث ميراث تفسير ونحو وصرف وبلاغه وادب ونصوص وانجلش وكيمياء وفيزياء واحياء ورياضه ومواعيد دروسي في الاجازة السبت من 9:11 كيمياء و 12.30:2.30 احياء والاحد ساعات بيكون فيه رياضه 11:2 او 3 والاثنين معي فيزياء من 4:6 بس المشوار بيكون ساعه قبله وساعه بعده والتلاتاء كيمياء من 4:6 والاربعاء والخميس بيبقي رياضه بردوا مش علطول بمزاج الاستاذ من 10 او 11 :2او3 وبس بس حضرتك عايز الجدول ضروري قوي وجزاك الله خيرا
|
اقتباس:
|
اقتباس:
انا بعتذر عن التأخير .. انا هاخد تعليق حضرتك نقطة نقطة .. بالنسبة انك تقدري تخلصي 3 مواد في أسبوع .. ده متوقف على المواد نفسها .. يعني لو ممكن نقول الكيميا والفرنساوي والجيولوجيا .. ممكن جدا في أسبوع .. وممكن عربي وانجلش لكن بتركيز شديد .. وليه تضغطي نفسك كده .. متندفعيش أوي علشان متمليش .. لكن انك تزاكري 3 مواد في اسبوع ممكن جدا .. لكن الحكاية عايزه تركيز .. ومش حاجة خيالية ولا حاجة .. انا معاكي ان التغيير لازم يكون من داخلك انتي .. واحسن طريقة لتقوية العزيمة والارادة .. هي طريقة الثواب والعقاب .. بمعنى انك تحطي لنفسك خطة معينة تمشي عليها .. ويكون مع الخطة دي عقاب قوي .. يعني ولنفرض انك هتزاكري يونتين انجلش أو فصل كيميا .. ولو مخلصتيش الحاجات دي تحطي العقاب مثلا انك تزودي عليهم حاجةاصعب منهم ولنفرض زيادة فصل كيميا ويونت انجلش في نفس اليوم .. وتعاملي مع الوقت ان الامتحان بكره .. وان الحاجة دي بتشوفيها لاخر مرة .. نيجي بقا للحكاية المهمة .. عدم ادراكك بأهمية الوقت .. انا قبل اي حاجة هطلب منك اعترافك بالتقصير .. تاني حاجة عايز اطلبها منك انك متقعديش تكرري انك قصرتي وانك وانك .. الماضي خلاص مش هيرجع .. ولسه معاكي 4 شهور .. ممكن تحصل فيهم المعجزات .. وعلى فكرة اغلب الناس في ثانوية عامة بيبدأوا مذاكرة صح من شهر واحد .. وانا بصراحة عاجبني عدم القلق ده .. لكن اللي مش عاجبني هوا عدم ادراك اهمية الوقت والمرحلة .. طيب الحل !! انا عايزك تتخيلي نفسك بعد 10 سنين وانتي بنفس جهدك ده .. هل من الممكن انك تكوني طبيبة .. هل من الممكن تكوني اي حاجة حلوة .. بنفس مستواكي ده .. مظنش .. عايزك تتخيلي يوم النتيجة .. هيكون شعورك ايه وانتي رايحة تقولي لاهلك انك جبتي مجموع وحش .. هيكون منظرك ازاي وانتي بتقولي كده .. اظنك اتصدمتي من التفكير بس .. فما بالك لما تعيشي اللحظة دي .. احنا مش عايزين نوصل لكده .. نقفل الشباك الكئيب ده .. تخيلي نفسك يوم النتيجة وانتي جايبة المجموع اللي بتحلمي بيه .. ورايح تقولي لاهلك على درجتك .. ووالدتك فرحانه هيا ووالدك وبيقولو بفخر بنتي رفعت راسي وجابت المجموع الفلاني .. وامش بالزمن شهر كمان وانتي بتكتبي استمارة الرغبات .. وبتحطي كل كليات الطب في الجمهورية وتكتبي الكلية اللي نفسك فيها بقلب جامد .. تخيلي بعد 10 سنين برضو .. وانتي دكتوره بتحضري ماجستير واسمك مكتوب على العيادة بتاعتك .. وليك وضع اجتماعي مميز .. مش نفسك تكوني كده .. طيب ازاي هتكوني كده وانتي متعرفيش قيمة الوقت وقيمة الساعات اللي بتعدي وقيمة المرحلة اللي انتي فيها .. زي ما تزرعي زي ما هتحصدي .. اشتغلي بجد وباخلاص .. اعملي المستحيل .. زاكري باقصى قدرة ليكي .. وخليكي متتوتريش .. التوتر مش حلو لكن الوحش صح هو عدم الاحساس بالوقت .. واحسن طريقة علشان تحسي بالوقت .. هيا الجداول .. وتكون كل حاجة بالثانية حتى النوم حتى الأكل .. انا مقصدش تكوني آلة لكن أقصد تكوني ملتزمة بالجدول .. وعلى العموم بعتذر من التأخير أولا وعن اللهجة القاسية ثانيا واي استفسار او مساعدة انا تحت امركم |
بصراحة موضوع جميلة جدااا وانا استفدت منه كتيييير
بس انا عندى كل مشكلتى فى النوم وبزات احنا فى الشتا كل ماجى اقوم الجو بيكون برد فى الصبح وبكسل ومش بصحى ز اول السنة كنت بصحى الساعة 4 وكنت بنام احيانا 6 او 7 ساعات ودلوقت بنام 13 واكتر والله وبعدين هو ينفع ابدأ مراجعة فى المواد من دلوقت ولا بدرى عشان احنا خلصنا معظم المواد ونفسى اخلصهم وخايفة انساهم شكرااااا يا دوكتور :) ربنا يبارك فيك |
اقتباس:
واحسن ابدأي راجعي من دلوقت .. واعملي جدول انك تراجعي 3 او 4 مرات على الاقل لكل مادة .. بالتوفيق .. دعواتك .. |
اقتباس:
وبتعذر مرة تاني عن التأخير .. اما حكاية ماشية بالبركة دي متنفعش لازم نظام واساس نشتغل عليه .. ولازم الجداول ولو حتى تكون بعيدة المدى .. والملل من المزاكرة علاحة بسيط .. هوا تغيير مكان المزاكر باستمرار .. يعني يومين جنب السرير وتلاتة عند الشباك .. واسبوع في الصالون .. لكن اهم حاجة يكون فيه طرابيظة او مكتب تزاكر عليها .. يارب اون فدتك .. ربنا يوفقك .. دعواتك .. |
| جميع الأوقات بتوقيت GMT +2. الساعة الآن 04:41 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.