|
اقتباس:
اما بالنسبة للمواد ف بص على حسب استيعابك انت و وقتك .. ممكن ف يوم تلاقى نفسك مش قادر تذاكر غير مادة واحدة و ممكن يوم تانى تلاقى نفسك مفتوحة للمذاكرة و لما بتمسك حاجة بتخلصها ف تنقل ع المادة اللى بعدها .. مش هتبقى قاعده يعنى .. حسب قدرتك انت على المذاكرة و استعدادك ليها ف كل يوم لا شكر على واجب .. انتو اخواتى و انا بتمنالكو كل خير منقلبي و الله :rolleyes: |
ممممممممممممم مش شرط عدد محدد من المواد فى اليوم اللى تقدر تزاكرو وخلاص اهم حاجة متقفلش مادة وانت مكروتها :)
زاكر صح ولو هتفضل ايام فى نص صفحة !! هو يوم واحد بس فى 3 ثانوى كلها اللى قدرت ازاكر فيه ال 5 مواد الصراحة بس كان يوم مرهق ومتكررش :d يعنى انا كنت واخدة المزاكرة بالمزاج شوية يعنى لو ليا مزاج ازاكر بزاكر مليش خلاص بقا مبعافرش يعنى بقفل الكتاب واعمل اى حاجة تانية بقا يعنى ايام كتير كنت بفضل قاعدة عالنت اليوم كلو مع انى ممكن يبقا ورايا مزاكرة كتير اوى بس خلاص طالما الدماغ قفلت ^^ ربنا يوفقكو ومتشدوش اعصابكو والله الموضوع ف الاول وف الاخر نصييييييييييييييييب :) |
لو سمحتوا كنت عايزة رأيكم في أحسن ملخص في العربي شرح
وايه رأيكم في الرسالة ولو فيه ملخص مش بترشحوه يا ريت تفسرو ايه الوحش فيه وكدا يعني وايه احسن في الانجليزي senior ولا gem والكيميا هل اكتفي بالامتحان ولا اجيب معاه حاجة كمان وهل اذاكر اكتر من ملخص ولا اركز على واحد بس وخصوصا في العربي والانجلش معلش رقى استحملونا السنة دي:D |
اقتباس:
ربنا يوفقكو:):):rolleyes: |
شكرا على الاهتمام ,ريحتيني جدا :))
خلاص هبأه اذاكر من الأضواء ولا الرسالة ينزل حل هجيبه طيب والأدب اذاكره من ايه ؟ وايه اقرب كتاب خارجي للكتاب المدرسي في الأدب ؟ ..... |
بالنسبة لمواعيد النوم انا فى عندى ايام االدرس مثلا 8 بليل اخلص ع 10 وارجع البيت ع 10.15 كدة بضطر اكل واستريح شوية وانام واصحى الساعة 3 علشان التهجد وقراءة قرأن يحد الفجر وانزل للصلاة واطلع افطر وابدأ اذاكر ده فى فترة الاجازة حاليا . عاوز اعرف المواعيد دى مناسبه كدة للنوم وولو مشيت ع المواعيد دى فى الدراسة مع العلم ان فى مدرسة هتبقى كويسة ولااحاول اقلل معاد الدروس من الليل مثلا وانام ع 9 كدة واصحى ع 2 واذاكر ل 3 واكمل بقيت اليوم ... ؟ ارجو الافادة فى موضوع وقت النوم :( :(
|
اقتباس:
العفو يا حبيبتى ;) بصى يا ستى الادب انا كنت بذاكره من مذكرة المستر .. كان عاملى كل درس على هيئة سؤال و جواب كنت بذاكره منه بعد ما بقرا الدرس من كتاب المدرسة عشان اتاكد ان مفيش اى حاجة مش موجودة فى الملزمة بيتهيالى ان مفيش و ا كتاب خارجى تثقى انك تذاكرى منه الادب بقلب جامد يعنى .. كل كتاب بيحب يحط التاتش بتاعه :p .. يزود حاجات ينقص حاجات يصيغ الكلام بطريقه مختلفة .. كدة يعنى .. اهم حاجة بالنسبة لك كتاب المدرسه .. شوفى انتى الكتاب اللى يريحك و ذاكرى منه بس اتاكدى فى كل درس انه مش معدى حاجة من كتاب المدرسه |
اقتباس:
لا كدة حلوووو اووووى ما شاء الله حاول تظبط على كدة ف الدراسة حتى لو فى مدرسة ده هيفيدك كمان ف الدراسة لان انت هيبقى معاك ساعتين مثلا او 3 ساعات قبل ما تنزل المدرسة تنجز فيهم حاجة و لو بسيطة .. و بعدين هترجع من المدرسه على الساعه 2 مثلا تنام لحد 5 .. تقعد لحد معاد الدرس ممكن برضه تنجز حاجة .. اما بقى الايام اللى هتغيب فيها من المدرسه هتبقى هى احسن اياااااااام بالنسبة لك هتننجز فيها بجد .. تقعد من بعد الصلاة لحد الساعه 2 مثلا اللى هو الوقت اللى كنت بتقضيه ف المدرسة تاخده مذاكرة و لو نمت ساعتين هيبقى برضه لسه معاك وقت .. اوووووووووعى تتخلى عن صلاة الفجر و لا القران .. مش عشان الثانوية و لا اى حاجة .. عشان ربنا و عشان علاقتك انت بربنا تزيد و تقوى " لا تعبدوه ليعطى و لكن اعبدوه ليرضى .. فاذا رضى فاجئك بعطاءه " .. يا رب اكون كاتبه المقولة كدة صح :d ربنا يعينكو ;) |
طيب بالنسبة للبلاغة ..........اذاكرها من كتاب المدرسة ولا من فين؟
انا حاسس نفسى ضعيف فيها شوية |
اقتباس:
|
اقتباس:
كل ما تحل قطع بلاغه كتييييير كل ما تقوى فيها و يزبد تمكنك منها .. طبعا هتلاقي قطع بلاغه عقيمة من الشعر الجاهلى و الكلام ده .. حلها كنوع من التدريب مش اكتر .. لكن الامتحان بتجيلك فيه ابيات مفهومة ماتقلقش :) |
اقتباس:
ربنا يثبتك و يبعد عنك شيطانك و تستمر على كده يااارب ان شاء الله |
كنت عاوز اخد رأى حضرتك فى الكتب اللى هذاكر منها فى كل مادة
الكيمياء ( كتاب المدرسة - مذكرة المستر - كتاب الامتحان حل ) الفيزياء (كتاب المدرسة - مذكرة المستر - كتاب الامتحان حل وشرح اراجع بعد ما اذاكر من كتاب المدرسة) الاحياء (كتاب المدرسة - مذكرة المستر - كتاب الامتحان حل وشرح بعد كتاب المدرسة ) العربى ( كتاب المدرسة - مذكرة المستر - كتاب الامتحان حل) الانجليزى ( مذكرة المستر - surprise - thebest) الالمانى ( بريمير - مذكرة المستر) الجولوجيا (كتاب المدرسة - مذكرة المستر - الامتحان شرح اراجع عليه وحل منه ) لو تنصحينى ازود كتب تكون اية وفى انهى مادة ولا دول كفايه؟ |
اقتباس:
اظن كدة كويس و مايتهياليش هتحتاج كتب تانى الا اذا كنت حابب تراجع و انت بتحل .. بمعنى انك مثلا خلصت 3 فصول فيزيا و عايز تفتكر اول فصل ذاكرته كدة او تراجع عليه فهيبقى احسن حل انك تمسك كتاب تانى و تحل على الفصل ده منه اما بالنسبة للانجلش لو مذكرة المستر فيها اسئلة تمام يبقى كدة كويس .. لكن لو مفيهاش ممكن تجيب كتاب تانى مع دول .. انا صراحة ماشتغلتش من the best لا ف تانية و لا ف تالتة فمعرفش مستواه ايه .. لكن انت عموما جرب نفسك ف اول شهر دة و شوف لو حسيت انك محتاج تحل تانى قولي و انا اقلك على اسامى كتب انجلش كويسه ;) بالنسبة للجيولوجيا فدى انا مافيدكش اوى فيها عشان احنا مخدنهاش زى ما انت عارف .. بس هسالك صحابي اللى كانو ادبي ;) على فكرة الامتحان فيزيا اسئلة بس مفيهوش شرح .. عشان تبقى عامل حسابك يعنى اظن كدة الكتب دى كفايه الا لو زى ما قلتلك حبيت تراجع و انت بتذاكر ف نفس الوقت ملحوظة صغننه : انا اكبر منكو بسنة واحدة بس .. فمفيش داعى لــ " حضرتك " دى :d .. ما تحسسونيش انى عجوزة :) الله يعينكو ;) |
اقتباس:
|
اقتباس:
السلام عليكم .. في الاول انا معاك السنادي في الثانويه .. وممكن يكون نصيحتي ليك مفيهاش الخبره زي نصيحه الاخت الي ردت عليك لاكن عن تجربه كتاب senior كتاب ممتاذ جدا افكاره كويسه هتلاقي فيه اسئله كتير توقفك وتروح تسأل الاستاذ فيها علشان تتاكد علي عكس surprise الي اسئلتة عقيمه الي حد ما ممكن تخلص حل يونيت كامل في الكتاب ومتلاقيش مثلا غير جملة واحده ولا اتنين الي وقفوك وشاكك فيهم للغلم . انا دلوقتي مذاكر وحالل unit 1 و unit 2 من كتاب senior و surprise و مذكره المستر الي هو قايلنا ان هو مجمع اسئلتها من كتب تانية ( للأمانة الاسئلة مش مكرره ) اقدر اقولك من بعد التجربه انك لا بديل علي انك تحل الكتابين + مذكره استاذك ليه بقا ؟ في نقط كتير مش موجوده في surprise وموجوده في senior ونقط موجوده في senior مش موجوده في surprise وهقولك حاجه المستر بتاعي دايماُ بيقولها وانا علي اقتناع بيها اسئلة كتاب surprise والي احنا بنشوفها سهله دي هو ده فكر الامتحان واسلوب 80% من اسئله الامتحان اما بقا 20% الي باقين دول بيجيبهم من اسئلة فيها فكر زي كتاب senior ويارب اكون افدتك بحاجة بالنسبة ل the best انا مشتغلتش منه ولا في تانية ولا في تالتة بس احتمال ولو بسيط لحد دلوقت اجيبه في المراجعه النهائية مع سيربرايز وسنيور ويارب يوفقنا كلنا ان شاء الله بالمناسبة انا علمى علوم |
انا بقا هسأل سؤال وياريت الناس ترد عليا
انا الي محتار فيه لحد دلوقتي ومشترتش الكتب بتاعته هو العربي أولا المدرس بتاعي ممتاذ وبيحل معانا كتير اوي اوي اوي .. وامتحان كل حصه وكل حاجه بس لا بديل عن كتاب خارجي انا علطول بشتري كتاب الامتحان وهو بيعجبني جدا جدا جدا .. واسئلتة ممتاذه اوي اوي اوي وشرح كمان كان حلو :/ بس دلوقتي السنادي ميفش شرح .. هو اسئلة بس ودي حاجه قرف يعني أنا كنت بحب اذاكر الماعني بتاعت الكلمات منه خصوصا ان اي مدرس مش بيكون لامم الكلمات كلها انا المستر بتاعي لحد دلوقتي مأخدنا غير ادب ونصوص .. يعني لسا مخدناش قرأه واكيد برده هتفضل مشكلة المعاني دي فانا فكرت في حل اني اشتري الاضواء .. والامتحان مع بعض اذاكر من الاضواء .. واحل من الامتحان رئيكم ايه في الموضوع ده المشكلة بالسبالي هي في معاني الكلمات ياريت بقا الناس ترد علينا :) |
اقتباس:
|
اقتباس:
|
اقتباس:
بس انت بتقول هتذاكر من كتاب المدرسة ؟ ازاي بس .. ده مفيش فيه معاني خالص الا ما رحم ربي يعني معناين او تلاتة علشان نكون منطقين .. كتاب المدرسة يتذاكر منة ادب بس وعلشان كده بقول هشتري كتابين .. الاضواء علشان المعاني والشرح والامتحان علشان الاسئلة بس بأكد عليك تاني لازم تشتري senior :D |
اقتباس:
|
اقتباس:
بص انا ذا بست زى ما قلتلك مجربتوش .. بس اللى انا ممكن انصحك بيه top student .. bit by bit .. gem التلاته دول انا مجرباهم و التااته حلوين اووى صراحه .. توب ستيودنت بس مستواه عالى شويه و ساعات بيجيب اسئله كده نحسها فوازير .. بس حلو و انت هتبقى محتاج تتدرب على نوعيه الاسئله دى .. و برضه بيت باى بيت حلووو اوووى و متكامل صراحه .. فيه كل المستويات .. و جيم كان بيجيب اسئله مستويات عليا ف ركن كده لوحدها .. شوف اللى انت تفضله منهم و هاته .. التلاته احسن من بعض الصراحة |
اقتباس:
بالنسبة لنقطة المعانى فانت بتفكر صح ما شاء الله .. المعانى دى ناس كتير بتستهون بيها و تخليها كده بالفهم او الاحساس و للاسف بينقصو فيها كتير .. الكتب اللى هتلاقب فيها معانى هى الاضواء و الرساله و الوسام .. التلاته بيحطو الدرس بمعانيه .. ما عدا الرساله ف القصه بيحط ملخص للفصل مش الفصل نفسه و كمان مابيحطش كل المعانى على الفصل بيحطلك اهمهم .. بس ميزته انه بيجيب الجمع و المفرد و المضاد اللى مفيش كتاب بيجيبهم .. كل الحاجات الغريبة هتلاقيها فيه و اللى غالبا مابتبقاش موجوده فى غيره ممكن تعمل اللى انت فكرت فيه ده اللى هو انك تجيب الاضواء تذاكر منه و تحل من الامتحان .. دى ممكن تبقي فكرة كويسه |
اقتباس:
بالعكس نصايحكو لبعض يمكن تكون افيد من نصايحى انا .. اللى ايده ف الماية مش زى اللى ايده ف النار زى ما بيقولو .. انتو اكتر ناس هتحسو ببعض :) بص بالنسبة لسنيور ف انا استخدمته شرح و مراجعه ف تانيه .. و مراجعه بس ف تالته .. بص صرتحة محبتوش .. هو مهتم اووى بالالوان و شكل الكتاب اكتر من محتواه من الاسئله .. دة مجرد رأيي :) طبعا انا معاك ف ان اسئلته بالنسبة ل سيربريز اسئله مستويات عليا .. لان سيربريز مباشر الى حد كبير .. بس برضه سينيور فيه اسئله و حتجات كتير خارج النص .. برة نطاق منهجك بمعنى اصح .. بس هو مش وحش .. استخدمه عاااادى جداا و كمل بيه لان كده كده الانجلش انت محتاج فيه حل كتير .. مش هيفرق بقي هتحل سهل و لا صعب يلااا يا سيد اهو فى كتاب كمان ظهر ف الصورة اهوو :) ربنا يقويكو يا شباب :) |
اقتباس:
بص من الاخر كده .. كتاب المدرسه فى العربي تصم فيه حاجتين و تركن فيهم كل الكتب الخارجيه .. الادب .. و التعليق اللى ورا كل نص من النصوص .. و التعليق ده بالذااااات تحفظه زى اسمك و تركن اى كلمه زياده مكتوبه ف الكتب الخارجيه على التعليق ملحوظة : التعليق حاجه و مظاهر الجمال حاجة تانية .. مظاهر الجمال برضه خدها من كتاب خارجى .. التعليق ده حاجة تانيه لازم تحفظ كل اللى فيه :) |
اقتباس:
الي قاهرني وحارق قلبي انهم شالوا اهتمامهم بالالوان وشكل الكتاب وجابولنا ورق لحمة معفن كده:mad: ... بس انا حبيتة علشان لقيت فيه جمل توقفني كتير وومكن اشتري توب ستيودنت بس لو لقيتة عندنا :d |
اقتباس:
دة الكتاب كان ملياااااان الوان و فونتات و حاجات كتييييييييرة كدة .. يلا اتعود بقى على ورق اللحمة من دلوقتى ;) |
اقتباس:
|
اقتباس:
|
انا بس عايز انوه على حاجة انتوا ياجماعة اتناقشتوا حوالين كل المواد ونسيتوا ان الفرنساوى بقا فى تالتة وانا بالنسبالى لا يعلى على برافو بجانب شرح المسيو واتمنى تفيدونى
اللهم اكتب النصر لمصر.... |
ممكن أهم أفكار مسائل الفيزياء الفصل التاسع ؟!!!
__________________________________________________ ___________________________ اللهم صلى على محمد وعلى آل محمد كما صليت على إبراهيم وآل إبراهيم إنك حميد مجيد |
اقتباس:
لا بديل عنة كتاب ممتاذ من جميع الجوانب شرح اسئلة مراجعه .. الوان وكل حاجة وربنا يوفقك يارب |
اقتباس:
|
اقتباس:
|
شكر
اقتباس:
|
السلام عليكم ورحمة الله وبركاته
دكتورة انا عملت زى مقولتى فى حكاية انى اقارن الكتاب بالملزمة او الملخص الفيزياء قارنتها الكتاب بتاع الفيزياء حلو ومنظلم لحد دلوقتى ومعايا وذاكرت منه وسبت الملزمة الكيمياء قارنت فى حاجات تمام زى كلام المستر بالظبط وفى حاجات المستر مختصرها خالص فى كام نقطة وبرموز ساعات مش باسم الرمز زى فى الكتاب وبصراحة حفظ الكتاب فى الحاجات دى اسطصعبته ومحتارة خايفة الاجابة مش بالنص تنقصنى هل اختصر زى المستر ولا اذاكر زى الكتاب وخلاص حاولت الخص فى الكتاب برضه مش متلخص الاحياء لقيت كتاب الامتحان شبهه اذاكر منه وخلاص ولا ايه ،،،، وجزاكى الله خيرا |
اقتباس:
بصي يا كوكو .. بالنسبة للفيزيا حلو انك شايفه ان كتاب المدرسة منظم و كويس و مستريحه فيه .. حافظى على كده بقى .. و لو اضطريتى انك ترجعى للملزمة قارنيها زى ما قلتلك الاول بكتاب المدرسه بالنسبة للكيميا لاااا التزمى بكتاب المدرسه .. عارفه انه ملعبك و سايح على بعضه و حالته حاله .. بس معلش حاولى انتى تنظميه على اد ما تقدري .. ابعدى عن الحتجة الملخصه تمااااامااااا ..لو انتى عاجبك اسلوب او تنظيم الملزمة ممكن تعملى حاجة لطيفه اووى .. لما تبجى تلاقي السطرين دول مثلا من كتاب المدرسه مش مكتوبين ف الملزمة .. شوفى من الملزمة هم تبع انى جزء و اكتبيهم تحت الجزء ده ف الملزمة .. تكنك بتكملى الناقص يعنى .. كده اضمنلك و الله لانك متعرفيش اللى هيحط الامتحان ان شاء الله تفكيره عامل ازاى .. ف امتحانا اللى هو 2012 جاب سطرين من درس و كانو مستخبيين كده و معليهمش اسئله خاااالص و لا حد بيعبرهم على مدار امتحانات الثانوية كلهاااا .. قام كتبهم ف الامتحان و حط عليهم مساله :) فاللى مقراش كتاب المدرسه و معداش عليه السطرين دول معرفش المساله فكرتها ايه او هو عايز منها ايه .. الله يخليكى التزمى بكتاب المدرسة ضروووورى اما الاحياء ففعلا الامتحان شرح مطابق تقريبا لكتاب المدرسه .. بس لما تيجى تحلى كده اسئلة كتاب المدرسة ابقي اقري الفصل منه الاول " من كتاب المدرسة " من باب المراجعه يعنى و الاطمئنان ان مفيش اى اختلاف و لا اى حاجة واقعه كدة و لا كده :) جزانا و ايااااكى يا حبيبتى .. و الله العظيم انا لسه كنت بفكر فيكى و بقول بقالها كام يوم مختفيه من ع الجروب .. بس عذرتك بالمذاكرة :) ... ربنا يقوييييكى :) |
انا بدخل يادكتورة بشوف الجديد نصايحك حلوة اوى
استفدت جدااا ـــ الكيمياء ساعات بحسه منظم وكويس بس فى حاجات حكاوى وغير كدا ورقه مش ابيض زى الفيزياء هههههههههههه الاحياء حكاوى خالص بس هعمل زى مقولتى افدتينى ربنا يبارك فيكى وتبقيلنا دكتورة شاطرة كدا وعقبالى ياااارب ادخل طب وكل طالب وطالبة يدخل اللى يتمناه يارب حقق امنيتنا واهدينا ____ المذاكرة بقا مش عارفة فى بعض المواد تزهق ربنا يصبرنا ابشرك ولا جدول من اللى قولتوهولك طبقته انا المذاكرة اول باول مش بعملها اول اسبوع كنت ضايعة تانى اسبوع مادتين يارب تالت اسبوع المواد كلها اول باول مش عايزة حاجة تانى اذاكر اول باول زى مقولتى واحل حلو خالص ____ يارب اجى السنة الجاية وكل اللى فى الجروب ومجتهد داخلين اللى فى نفسهم ___ متابعة معاكى بإذن الله واى سؤال هقولك ___ |
اقتباس:
مش قلتلك الجداول دى افلاطونيه شويه :) .. بصي زى ما قلتلك .. ذاكرى اول باول و اوووووعى تدخلى حصه و انتى مش مذاكرة الحصة اللى قبلها .. لو تهاونتى اسبوع هتلاقي الاسابيع كلها جررررت بعضها و هتحتاسي على ما تعرفي تقفى على رجلك تانى :) .. ذاكرى درس بدرسه و حلى على اللى تذاكريه على طول .. و لما تيجى تحلى ماتحليش نص التمرين و تقولى هحل الباقي بعدين .. لاااا .. الحاجة اللى هتنجزيها هتخلصي منها و ترميها من على ضهرك .. التمرين اقعدى عليه هاتيه لحد ااااخر سؤال .. يلا يا حبيبتى ربنا يقويكى و يعيييينك كده و افرح بيكى على طول كده :) |
حد عنده اخبار عن الاخر في الثانويه بتاعتنا دي ؟
في ناس بتقول الجيلوجيا هتبقي اختياري !!! وناس مبتقولش كده وناس بتقول السبت هيكون دراسة الله يباركلكم الي عنده خبر يقولهولنا منهج الاحياء هيذيد ؟ انا دماغي شتت :| |
يارب تفرحى بيا وافرح بيا واهلى
،،،، انا جب في كل المواد الامتحان الانجليزى جيم وسربرايز ترشحى ايه تانى بالذات العربى والانجليزى والعربى شرح عشان الامتحان اسئلة ربنا يبارك فيكى |
اقتباس:
الانجلش انا كنت جايبة جيم و سيربرايز ز بيت باى بيت و توب ستيودنت .. كانو كويسين الصراحة اووى كلهم و يبارك فيكى يا رب و يفرح اهلك بيكى يااااارب ان شاء الله :) |
السلام عليكم
ازيك يا دكتورة lally انا بحبك جدا والله وبتابع كلامك من زمان :) وجى الوقت اللى استغلك فيه (اختى الكبيرة طبعا) انا بصراحة كنت عايزة اطنش الدروس السنة دى واذاكر لواحدى وهوضحلك الاسباب وياريت لو تنصحينى لانى خايفة اخد قرار واندم عليه انا اولا مكنتش باخد دروس السنين اللى فاتت غير السنة اللى فاتت 2ث درس رياضة بس وانا علمى علوم ثانيا حال البلد المتوتر وانا منتقبة فشكلى اخوان خالص وناس كتير اعرفهم بيضيقهم موضوع النقاب وكده ونا قلقانة بصراحة ربنا يعديها على خير يارب ويصلح حال بلدنا لما يحب ويرضى ثالثا المدرسين اللى قدامى كلهم مش جامدين يعنى مستواهم عادى والناس الجامدة مقفلة جرواتها من السنة اللى فاتت تخيلى انا بقى كنت ناوية ان شاء الله اعمل النظام الاتى : اتابع البرامج التعليمية على قنوات النيل اتابع الدروس والمراجعات اللى على موقع كايرو دار ممتازة جدااااااا اتابع برامج قناة الرحمة التعليمية وانتظم فى المدرسة انا مدرسينى الحمد لله كويسين معايا واشترى اكتر من كتاب فى كل مادة العربى اجيب الامتحان والرسالة لو لاقيته او الاضواء الانجليزى سبرايز وسينيور الفرنش ميرسى وبرافو الفيزيا الامتحان والمثالى اوالوسام اللى الاقيه كيميا الامتحان والمثالى ومندليف احياء الامتحان والاول والجيولوجيا لسه معرفش حاجة كويسة فيها . ياريت لو عندك اى تعقيب تقولى هولى واى نصيحة وبصراحة انا بردو خايف احل غلط مين هيصحح لى الغلط لو استمريت عليه وياريت لو تقوليلى دلي تقويم الطالب اجيبه منين واسعاره ايه وتفاصيل اكتر عن الشيئ المجهول ده اصل مسمعتش عنه غير من هنا :) |
اقتباس:
بصى يا حبيبتى .. اولا احييكى جدا على تفكيرك و جرأتك .. انا اعرف بنوتة هنا على المنتدى كان اسمها yolanda تقريبا .. مكنتش بتاخد دروس .. و ما شاء الله عليها جابت بتاع 99% و كسور يعنى و تقريبا دخلت طب .. انا مش متاكدة اوووووى .. بس اللى اعرفه انها مكنتش بتاخد دروس و ان الحمدلله ربنا كرمها .. شوفى يا ستى .. انا هرد على كلامك نقطة نقطة .. اول حاجة انتى بتقولى انك مكنتيش بتاخدى دروس قبل كدة .. انا برضه مكنتش باخد دروس خااااالص طووووول عمرى .. المدرسين مدخلوش بيتي غير ف تانية ثانوى بس .. طول عمرى مقتنعه ان الدروس دى تضييع وقت و ان انا اقدر الم و اذاكر لوحدى و كدة .. و اتاكدت اكتر ف السنتين دول ان فعلا وجهة نظرى ف موضوع الدروس دة كان صح .. و انها فعلا مضيعه للوقت .. بس مقدرش انكر ان انا استفدت منها كتييير جدااا تانى نقطة اللى هى النقاب .. بصى بجد ربنا يبارك فيكى انك اخدتى الخطوة دى على طول جدا .. ربنا يااااارب يثبتك و يقويكي و يحفظك " معلش بقى واحدة هتموت و تلبس النقاب و اهلهامش راضيين :bosyht9: " .. ما تقلقيش من النقطة دى خاااالص .. انتى كلها سنة ان شاء الله و هتنزلى الكلية و هتبقى تقريبا كل يوم ف الشارع .. يعنى هتنزلى بالنقاب .. و اللى يكلمك حطى صباعك ف عينه .. محدش له عنددك حاجة .. انا بلبس ملحفة و خمار و محدش يقدر يقولى تلت التلاتة كام .. شيلي النقطة دى من دماغك خاااااالص .. مش هتحبسي نفسك ف البيت عشان انتى منتقبة و لا خايفة من حد .. اما بالنسبة للمدرسين .. فمش مهم ان المدرس يكون جامد .. المهم ان المدرس يكون فاهم مادته و بتاع شغل .. و الاهم انه يكون بينزل لجان تصحيح .. و سبب ده هقولك دلوقتى .. شوفى يا ستى .. قبل ما اقولك رأيي ف الجدول الجميل اللى انتى عاملاه ده .. انا بس حابة اوضحلك مميزات و عيوب الدروس .. عشان انتى تبقى حاطة كل حاجة قصادك .. اولا العيوب .. زى ما قلتلك بتسرق وقت كتييير اووى .. اينعم الدرس بيبقى كله على بعضه ساعتين و لا 3 ساعات بالكتير بس برضه .. هتلاقيه سرق منك ما لا يقل عن 5 ساعات .. قبل و بعد الدرس .. ثانيا لو اضطريتي تحطى درسين ف يوم واحد .. كدة اليوم دة اتضرب بالنسبه لك ف المذاكرة .. و لو ذاكرتى هتبقى حاجة بسيييييطة اوووووى .. انا بالنسبة للمميزات بقى .. ف انا هقولك ده منواقع تجربتى انا الشخصية .. و خدى بالك .. تجربتى مع الدروس هتلاقيها مختلفة عن تجربة فلان عن تجربة علان .. لان كل واحد ظروفه مختلفة عن التانى من جميع النواحى .. الدروس فادتنى ف ايه .. اول حاجة .. المدرس ملزم معايا بكل كلمه بحلها .. يعنى مثلا انا ف سنة تانية حليت ف الانجلش 7 كتب مراجعه و شرح على بعض .. غير دليل التقويم و ملازم المس و الكلام ده .. عايزة اقلك ان المس مصححالى ال 7 كتب .. سؤال سؤال و نقطة نقطة .. ف دة مش قادرة اقلك فادنى اد ايه تانى حاجة انا كنت داخلة تانية ثانوى مثلا شايفة نفسي كويسة ف الانجلش على سبيل المثال .. لانى زى ما قلتلك مكنتش باخد دروس خااالص قبل كدة ف كنت انا بالنسبة لنفسي طالب و استاذ و اب و ام و كل حاجة .. ف كنت شايفة نفسي كويسة فيه يعنى او مستوايا مش بطال .. اول ما المساشتغلت معايا ف اول السنة .. صدمتنى بحقايق كتييييييير جداا كانت غايبة عنى .. و نقط ضعف كتييييير جدااا فيا انا مكنتش واخدة بالى منها .. و بدات تعالج معايا نقطة نقطة منهم " على فكرة انا جايبة 25 من 25 ف الانجلش ف السنتين الحمد لله :) " مع ان المس ف اول سنة تانية دى قالتلى انتى لو فضلتى على كدة ماتجيبيش اكتر من 20 .. اللى اقصده من دة ايه .. ان ممكن تكون نظرتك انتى لنفسك خداعه .. دة بسبب نقص الخبرة و ان انتى مابتقارنيش نفسك بحد .. لكن المدرس بقى .. هيقارنك بكل الطلبة اللى مرو عليه طووووول عمره .. هيعرف يحدد نقط ضعفك كويس اوووووى ... و كمان هيقولك تعالجيها ازاى .. و هيبقى فوق دماغك .. دة طبعا بسبب الخبرة اللى عنده و انه ياما ورد عليه .. الحاجة التالتة اللى استفدت منها ف الدروس ان كل المدرسين اللى كانو معايا من بعد ما خلصت المنهج و بدات ف المراجعه كدة بداو يركزو كل شغلهم معايا على ازاى احل ف كراسة الاجابة .. عشان كدة قلتلك لازميكون مدرس بينزل تصحيح .. بيبقى عارف لجنة التصحيح بيحصل فيها ايه .. بيتبص على ايه و بيتعدى ايه .. طب لو شكيت ف اجابتين اعمل ايه .. طب ايه اول سؤال اعمله ف الامتحان .. طل سؤال زى التعريفات مثلا احله ازاى .. و انا قلت سؤال التعريفات بالذاااااااات لان ده اكتر سؤال عذبنى ف السنتين بتوعى .. انا كنت طول عمرى مقتنعه بفكرة روح الاجابة .. انى ماشي هحفظ الكتابة و كده بس هكتبها باسلوبى .. لجنة التصحيح و نموذج الاجابة مفيهومش الكلام ده .. و التعريفات بالذات لااازم تبقى محفوظة صم زى كتاب المدرسه .. حتى لو حستيها تقيلة .. المعلومة دى عرفتها من المدرسين ف الدروس .. مش كدة و بس .. لادول كانو بيتابعو اجابتى بقى من امتحان لامتحان .. انا كان ممكن احفظ نص التعريف زى كتاب المدرسة و اكتب بقيته باسلوبى و اشوف ده انجاااااز و انا كدة بت مفيش منى .. هم بقى اللى كانو بيكسرو الحتة دى .. لا كدة مش مظبوط .. لا احفظى عدل .. لا اتكى ع النقطة دى .. و خدى بالك 90% من امتحانك ف معظم المواد العلمية " كيميا - فيزيا - احياء - جيولوجيا " معتمد على اللى بقلك عليه ده ف المذاكرة اللى هو انك تظبطى اجابتك على كتاب المدرسه .. و ف نفس الوقت كانو بيقلولى على فنيات الامتحان .. يعنى انا منساش مستر الكيميا لما كان يتخانق معايا عشان انا كنت اعمل مثلا انبوبه الاختبار على شكل زاوية قائمة بالمسطرة .. ويقولى التنيه دى لازم تعمليها بايدك عشان لو خليتى الزاويه باينة كدة ينقصك عليها نص درجة :blush: .. تخيلي بقى بيتلككو على ايه ف التصحيح !!! و احنا ف عرض النص درجة الحاجة الاخيرة ان انا كنت باخد ساعه من بداية كل حصه ف كل المواد تقريبا اسئلة بس .. انا اللى بسال المدرسين .. دى معرفتهاش و دى مفهمتهاش و دى انا عارفة اجابتها بس مش عارفه اصيغها ازاى .. و الاسئلة دى هى اللى نفعتنى فالامتحان .. كمان .. كنت حتى لو حاسة انى كسلت .. تعبانة .. مليش مزاج للمذاكرة .. افتكر على طول ان عندى درس بكرة .. اقعد زى الجزمة ع الكتاب ماتنقلش الا لما اخلص اللى ورايا .. فلولا كدة الله اعلم كان ممكن يحصل ايه :d انتى بقى الجدول اللى انتى عاملاه ده ممتااااز جداااا .. بس انا مش عارفة انتى جربتى تتفرجى ع الحاجات دى قبل كدة و لا لا .. يعنى انتى مستوعبة فكرة ان البرامج التعليميه دى تجيب شلل اطفال من اسلوب الشرح العقيم اللى بيستخدموه .. مستوعبه فكرة انهم بيخلصو المناهج متاخر جدااااااا .. لانهم بيشرحو كل حلقة بتاع صفحة و لا صفحتين عشان وقت الحلقة ؟؟ .. انا كنت اتفرجت قبل كدة على الفيزيا من قناة الرحمة .. هو حلو و كل حاجة .. بس محبتوش اووى .. حسيته بيدخل الدنيا ف بعضها .. كل حاجة عليها مثال واحد بس .. معرفش ان كان عيب مدرس و لا هو مضطر يعمل كدة عشان الوقت الله اعلم خليكي عارفة حاجة كويسة اوووووى .. اللى انتى عايزة تعمليه ده مخاااطرة و مغامرة كبيرة و كبيرة اووووى كمان .. و انتو كمان عندكو الغلطة بفورة .. يعنى احنا كنا اللى مايظبطش نفسه ف تانية عنده فرصه يلحق نفسه ف تالتة .. لكن انتو مفيش الكلام دة عندكو م الاخرررر كدة عشان انا عارفة انى طولت عليكى و انى رغاااية ااااووووى :d انا شايفة انك لو مخدتيش دروس هتبقى مغامرة كبييييرة اووووى .. و مخاطرة مش محسوبة .. انا شايفة انك ممكن تاخدي دروس عادى بس تحاولى تنظمى وقتك بحيث انها ماتبقاش على مدار الاسبوع .. بحيث انك تفضي لنفسك وقت على اد ما تقدرى للمذاكرة .. بس لو اخدتى دروس و مش هتستفادى من و لا نقطة من اللى انا اتكلمت فيهم دول يبقى قلتها احسن دليل التقويم بتجيبيه ف شهر 2 كدة تقريبا او 3 .. هتلاقيه ف المدرسة او ف قطاع الكتب عندك .. مهم اووووى على فكرة و لازم تجيبيه :d يلاااا يا حبيبتى الله معك .. و لو احتاجتى حاجة او عايزة تستفسري على اى حاجة انا ف الخدمة |
ازيكوا يا شباب
ازيك يا دكتورة يا رب تكونوا بخير :) كان عندى سؤال الاضواء عربى كويس فى الشرح ولا اجيب المعلم ولا الرساله الافضل فيهم ايه وحد بدأ الجولوجيا دى او جاب فيها كتب ؟؟ |
السﻻم عليكم ورحمة الله وبكاته
بشطرك جحا يا دكتور فعﻻ انا كنت حاسة انها مجازفة كبيرة واقتنعت تماما بكﻻمك خصوصا نقطة تصحيح اﻻخطاء دى ربنا يكرمك يارب ويجعله فى موازين حسناتك وانا الحمد لله طبقت كلامك ورحت النهأردة درس انجليزى وطلع كويس بكحعيلك والله دايما انتى وبنت خالتى عشأن تعباه معايا كده بردو وربنايديكى الخير كله يارب ;-) وعحين لكى زىنتى عايزة خحكى راحتك عاﻷخر ده احنا فى عرض نصيحة ومعل عندى اكيد تخطا كتير ﻻنى بكتبلك من موبايل |
اقتباس:
بص المعلم انا معرفشعنه حاجة غير انى جبته مراجعه نهائية عشان كان جايب نماذج الاجابة الرسمية اللى الوزارة نزلتها على كل امتحان من امتحانات الثانوية .. ف معرفش نظام ايه ف الشرح الرسالة ازمته الوحيده " معرفش ان كان صلحها السنة دى و لا لا " هى القصه .. الرسالة مفيهوش النص الاصلي للقصه اللى هو بتاع كتاب المدرسة .. جايب ملخص كدة لكل فصل و بعده كام معنى .. مش شاملة الفصل كله يعنى .. لكن فييما عدا ذلك ف هو كويس جداااا و اسئلته حلوة الاضواء بقى في حل المشكلة بتاعت الرسالة .. لانه بيحط فصول القصة و دروس القراءة و الكلام دةزى ماهى بالظبط.. و بيجبلك كل المعااانى اللى موجودة عشان تسهل عليك .. هى اسئلته يمكن تكون عقيمة شوية بس اهى شغاله يعنى مش وحشه |
اقتباس:
ربنا يا رب يوفقك و يكتبلك كل خير .. و يسعدك و يثبتك على نقابك يااااارب و يرزقك من واسع كرمه ..:d ابقى طمنيني عليكى كل شوية و لو احتاجتى اى حااااجة اسالى على طول ربنا معااااكو يا شباب :cool: |
اقتباس:
عشان خاطر الجيولوجيا اللى مجنناكو دى واللى انتو مش عارفين فيها حاجة و لا عارفين تعملو فيها ايه .. و اللى انا وضعى فيها مش افضل منكو كتير .. لانى برضه معرفش فيها حاجة :d و عملا بقول الله تعالى " فاسألوا اهل الذكر ان كنتم لا تعلمون " ... فانا كلمتلكو اتنين من صحابى اللى كانو ادبي و اخدو جيولوجيا ف تالتة " Salma mohamed ,, Donia sayed " دى اساميهم عشان امانة النقل بس .. هم مش اعضاء هنا ف المنتدى بس اصحابي و انا سالتهم و ادونى قدر لا باس به من المعلومات .. هنقلهالكم زى ما هى ..و اى اسئله بقى عايزينى اسالهالهم قولوها طبعاااا و انا هنقلكو الاجابة على طول :d مبدئيا كدة .. Salma mohamed : - اول حاجة الكتاب اللى هى وصت بيه كتاب الامتحان .. قالت ان هو جزئين .. جزء شرحو جزء اسئلة .. و ان الاتنين احسن من بعض .. الشرح وافى و منظم و جميل و الاسئلة منطقيه و حلوة ثانيا قالتلى على كتاب اسمه كشكول الاول .. هى ما اشتغلتش فيه كتير لان هو اسئلة بس من غير شرح ..و كان بيجيب الاسئلة على الفصل كله على بعضه .. مش بيقسم الفصل زى كتاب الامتحان .. بس قالتلى ان قليل اووى من اسالته اللى فيه فكرة و ان ناس كتيييير قالو عليه وحش .. بس قالت ان فى مدرسين ممكن يطلبوه منكو عشان فيه جزء للامتحانات .. و ان فى ناس جابت الجزء دة بس و مجبوش الكتاب نفسه يعنى ثالثا قالتلى على كتاب المدرسه انه مهم جدا جدا جدا .. هى طلبت من مدرسها يجبهولها مخصوصبعد ما كتابها ضاع .. دة طبعا لاهميته :d .. قالتلى بغض النظر عن الشرح اللى فيه .. لااااازم يركزو فيه على الرسومات و الاسئلة بتاعته .. لان لعب الامتحان بتاع السنة اللى فاتت انه جاب رسمة و شقلبها .. ف ناس كتير احتاست ومبقتش عارفة دى رسمة ايه اصلا :d رابعا .. قالتلى ان دليل التقويم مهم انكو تجيبوه دة بالنسبة لنقطة الكتب .. - الحاجة بقى اللىقالتلى انبهكو ليها هى .. ان الجيولوجيا مقسومة لنصين .. نص جيولوجيا اللى هو 6 ابواب .. و نص علوم بيئة اللى هو 3 ابواب .. قالتلى ان ال 3 ابواب بتوع علوم البيئة دول سهلين الى حد ما .. و ان اول بابين ف الجيولوجيا سهلين برضه .. ال 4 الاخرنيين بقى هم اللى فحت و ردم " على حد تعبيرها :d " .. فالغلطة اللى هى غلطتها انها كانت مركزة اوووووى على ال4 ابواب دول .. و مديالهم جزء كبييييير من وقتها و مجهودها .. فى حين ان الامتحان جه شامل الابواب كلها .. السهل و الصعب .. اللى فالاول و اللى ف الاخر .. فقالتلى انبهكو انكو ماتركزوش ع الصعب و تسيبو السهل .. لان الامتحان بتاعهم داس على الفصول الاولانيه السهله - تانى نصيحة بقى .. انكو ماتحفظوش الرسومات زى ما هى ...لا اقعدو فننوا فيها و اقلبوها و اعدلوها و كدة .. لان لو هى مكنتش عملت كدة السنة اللى فاتت كان طار منها سؤال كامل - و كمااان .. فى حاجة عندكو اسمها "العصور " .. دى قالتلى ان اسمائها غريبة و متشابهه .. فلازم انتو تعملو حاجة مع نفسكو عشان تفرقوهم عن بعض - كماان بتقولوكو بلاااااش تستهيفو المادة .. لانها مش سهله - كمااان بتنصحكو انكو تشوفو مدرس كووووويس .. لان اهم حاجة المدرس ..لان كل ما المدرس كان متمكن من المادة كل ما دة هيوفرلكو وقت ف المذاكرة - كمان بتقولوكو فكرة حلوة .. من اول السنة تعملو كراسة فيها الرسومات .. تجمعوها فيها يعنى و حاجة كمان هى كانت بتعملها .. كانت جايبة كشكول و الجزء اللى تذاكره تحل فالكشكول ده كل اسئلة الامتحانات اللى جت عليه .. فهتلاقو الكشكول ده ف اخر السنة لامم كل الاجزاء و كل النقط المهمة و هيوفرلكو وقت ف حل الامتحانات عشان هتبقو واخدينخلفيه عنها تمااااام .. دة كدة الجزء الخاص ب Salma mohamed .. هنزلكو الجزء الخاص ب Donia sayed ف مشاركة تانية .. على فكرة .. دنيا جايبة 50 ف الجيولوجيا ف استنو كلامها و ركزو فيييييييه اووووى ربنامعااااكو;) |
يعنى يادكتورة انى كنتى بتلبسى ملحفة وخمار انى رايحة الدروس والمدرسة؟؟
سؤال يشغلنى يعنى هحكيلك ليه بس اشوف ردك يادكتورة مستنية ردك :) |
| جميع الأوقات بتوقيت GMT +2. الساعة الآن 03:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.