|
اقتباس:
هكتبلك نصاً ما ورد من الادارة القانونية بالمديرية :- "على ادارة شئون العاملين بادارة **** التعليمية اعمال وجه التعليمات نحو النظر في اجراءات تثبيت الشاكيه على وظيفة معلم مساعد اذا ما استوفت الشروط المتطلبة لشغل الوظيفه وذلك بناء على الفصل الوارد بمذكرة ادارة الفتوى ملف رقم 16 / كادر / 2013 واعمالاً لها . الفصل الوارد بمذكرة ادارة الفتوى هو "احالة طلب المعروض حالتها الى مديرية التربية والتعليم بكفر الشيخ للنظر في اجراءات تثبيتها على وظيفة معلم مساعد اذا ما استوفت الشروط لشغل الوظيفة وذلك بناء على التفصيل الوارد بالمذكرة " وبناء لى ذلك قامت الادارة بعمل اعادة عرض على وكيل الوزارة لبيان كيفية التنفيذ . وفي انتظار الرد وقول يا رب |
اقتباس:
الكلام ده إيه علاقته بإن المنقطعين ممكن يضموا المدة ويتثبتوا أعتقد مالوش علاقة خالص |
موضوع الشكوى هو اضافة مدة العمل السابقه للشاكيه وتثبيتها كمعلم مساعد.
الفتوى هي احالة طلبها للمديرية للنظر في اجراءات تثبيتها. رد المديرية للادارة هو تثبيتها اذا ما كانت فعلاً مجموع مددها عدت 27 شهر. رد الادارة للمديرية هو كيفية التنفيذ لان للشاكيه لها اكتر من 60 شهر الآن وبناء عليه عملت الادارة اعادة عرض على وكيل الوزارة لبيان كيفية التنفيذ "يعنى من الآخر يثبتوها بأثر رجعي مع اول دفعه اتثبتت ولا يطلعولها قرار جديد" وكمان لبيان موقف اللي مثلها لان الشاكية طلبت في شكوتها ان تسوى حالتها هي وكل اللي زيها "المنقطعين". |
اقتباس:
طب ممكن حضرتك تتابع لنا هذا الموضوع و لو جد اى جديد ياريت تكتبه لنا فى هذا الباب و خصوصا رد وكيل الوزارة على هذا الموضوع و لك جزيل الشكر |
طلبوا صورة العقد من ضمن الاوراق |
السلام عليكم
هل فى جديد اخت فريال؟ و هل هناك جديد بخصوص الاخت التي قامت بالشكوي و ما مدي التأثير على المنقطعين عموما؟ نأمل التواصل و الاهتمام بهذا الموضوع شكرا |
اقتباس:
و عليكم السلام و رحمة الله و بركاته لو فى اى جديد ان شاء الله هكتبه فى الباب فورا و بالنسبة للاخت التى قدمت الشكوى بصراحة انا أول مرة اسمع هذا الكلام من الاخ اللى كتب المشاركة لكن لو تحقق ذلك فعلا و تم الموافقة لها فبالتأكيد سوف يعود ذلك على جميع المنقطعين بالايجاب و يتم تثبتنا جميعا ان شاء الله و على فكرة مركز التدريب بالادارة ارسل للمدارس عايزين اسماء المنقطعين و كل من لم يدخل الدورة التدريبية الخاصة بالكادر اعتقد و الله اعلم انهم ناوين يدخلونا هذه الدورة بمجرد نزول الكود لنا ان شاء الله |
شكرا للمتابعة استاذة فريال
هل فعلا صورة العقد مطلوبة و تقديم هذة الاوراق كما قالوا ابتداء من 7-4 هل التقديم الان عادي ولا اية؟ |
اقتباس:
قدم عادى من الان هم كانوا الاول رافضين يستلموا الاوراق الا فى الموعد المحدد لكن الان وافقوا و بستلموا الاوراق و بالنسبة لصورة العقد هم فعلا طلبوها انا كنت قدمت بدون صورة العقد و لما علمت انها مطلوبة ذهبت و ارفقتها بالملف اللى سبق وقدمته اللى بيخلص ورقه من الموجه و الادارة بيذهب يقدم فورا فى الاحصاء و على فكرة صورة العقد لازم تختم صورة طبق الاصل تمنياتى بالتوفيق |
عندنا الموضوع مختلف تماما عندنا ما طلبوش صورة العقد عندنا استلموا من كذا واحد وبعد كده قالك الأكاديمية وقفت الموضوع عندنا سعادة الوزير بتاع الإحصاء اللي في الإدارة بيقول ما ينفعش أخد الاستمارة من واحد بس لازم أخد من المدرسة علي بعضها الكلام ده كله في إدارة الحامول التعليمية حاجة تجنن فعلا |
اقتباس:
عندنا بيستلموا الاوراق و من قبل الموعد المحدد فى الاول كانوا رافضين لكن دلوقتى بيستلموا الاوراق من اى واحد و طلبوا صورة العقد لان تقريبا المنقطعين اللى لسه لم يوقعوا على عقود عملوا مشاكل و عايزين يقدموا اوراقهم هم كمان فتقريبا سمحوا لهم ايضا بتقديم اوراقهم منعا للمشاكل لكن تقريبا و الله اعلم مش هيرسلوا اوراقهم و علشان كده طلبوا صورة العقد مننا |
الحمد لله اخدوا الاوراق لكن فعلا تم التشديد على صورة التعاقد طبق الاصل مختومة من الادارة
بالتوفيق للجميع |
عايزين نشترك فى النقابة الان قبل بداية شهر 6 لان من بداية شهر 6 الرسوم هتزيد من 90 الى 135 جنية عن كل سنة و الدفع هيكون من 22 سنة بدلا من 25 سنة حتى السن الحالى |
الجديد بقي في إدارة الحامول التعبانة بيقولوا إيه الأكاديمية وقفت إستلام الأوراق من المنقطعين وبتاخد من المثبتين الأول تاني حاجةي بيقولوا أخصائي التطوير مالوش تسجيل في الأكاديميةلازم تكون مدرس مادة ياريت اللي عنده الفاكس يا جماعه يرفع صورته بس تكون صورة حلوه عشان أطبعها وأحطها في عينهم أنا قرفت من الإدارة دي والله |
اقتباس:
دى ادراة تعبانة فعلا الكلام دا مش موجود عندنا فى ادارتنا و الجميع بيقدم الان دا حتى الدبلومات يقال انهم هيقدموا ايضا لكن بداية شهر مايو (بالرغم ان الدبلومات ملهاش فى الكادر لكن بيقولوا علشان التثبيت و الله اعلم ) و بالنسبة للفاكس انا سبق و كتبت اللى موجود فيه فى احدى مشاركاتى لانى معرفتش ارفعه و كمان موجود فى كل مدرسة من مدارس ادارة بيلا و ايضا موجود فى المكتبة اللى بجوار الاحصاء فى بيلا |
إدارة فوه التعليمية خارج الخدمة
عفوا زملائى من الإدارات التعليمية بكفر الشيخ فنحن إخوانكم الذين نحمل لقب المنقطعين الدفعة الأولى مؤهلات عليا لم يصل إلينا أى شىء مما تتحدثون به وقد ذهبت لأسئل الأستاذ أجمد الغزولى مدير شئون العاملين فقال بالنص " أنتم بتألفوا من دماغكم مجلناش حاجة عنكم" فما ادرى هل إدارة فوه التعليمية إدارة حرة مستقلة عن الإدارات التعليمية بكفر الشيخ أم ماذا
|
السلام عليكم
الاخت فريال لو عايزة تتطلعي كارنيه النقابة بسرعة مفيش غير الاستاذ علام فى النقابة فى كفرالشيخ رجل محترم جدا لو محتاجة رقم موبايله قوليلى هيقولك هتدفعي كام و تدفعي على حساب النقابة فى بنك مصر و نصيحة لما تسلميه الوصل قوليله انك عايزاه مستعجل بيخلص فى نفس الاسبوع و التكلفة 51 جنيه انما العادي 13 جنيه و يوصل يقال بعد شهرين شكرا |
اقتباس:
شكرا جزيلا لحضرتك انا ناوية ان شاء الله اقدم فى فرع النقابة عندنا الشهر القادم و لو لقيت اى مشكلة هبقى اذهب اقدم فى كفر الشيخ لكن اعتقد ان شاء الله مش هيكون فيه اى مشاكل و مرة اخرى اشكرك جدا |
اقتباس:
مرحبا بحضرتك عن نفسى و ادارتى احنا الدفعة الثانية من المنقطعين يعنى استلمنا بعدكم و المفروض اللى يمشى على ادارة يمشى على باقى ادارات المحافظة احنا عملنا العقد منذ شهر 7 الماضى و اعتقد جميع ادارات المحافظة عملوا نفس العقد فى نفس التوقيت و عملنا بطاقة التأمين الصحى و منذ عدة ايام و صل فاكس الى جميع المدارس التابعة لادارة بيلا التعليمية ان المنقطعين يقدموا اوراقهم للاحصاء للحصول على الكود و الباسورد و عن طريق ذلك هيكون لنا صحيفة احوال و فى مشاركة سابقة فى هذا الباب كتبت نص الفاكس المرسل الى المدارس التابعة لادارة بيلا ياريت حضرتك تقول للاستاذ اللى بيقولكم انكم بتألفوا من دماغكم ان دى حقيقة و يسأل قسم الاحصاء فى ادارة بيلا لان قسم الاحصاء فى بيلا بيستلم الان الاوراق من جميع المنقطعين ( مؤهلات عليا ) و قالوا لنا ان الكود و الباسورد هينزلنا على شهر 5 ان شاء الله |
اقتباس:
بخصوص ادارة فوه اللي بتسأل عليها اكيد سؤالك لمدير شئون العاملين هو فهمه غلط يعني مفيش تعليمات بخصوص اي حد فعلاً ولكن اللي حصل نصاً هو اشارة تليفونية من مديرية التربية والتعليم بكفر الشيخ بُلغت لكافة الإدارات بتقول يجب تسجيل كافة المؤهل العالي من المعلم المساعد والمؤقت وتسجيل النصاب القانوني من الحصص لكلاً منهم . وبناء عليه كل قسم من اقسام الاحصاء بيطلب اللي هو محتاجه من المدارس او شئون العاملين او وحدة التعاقدات او حتى المدرسين نفسهم زي ما بيتم في بعض الادارات . يعنى مثلاً عندنا في ادارتنا يتم التسجيل من واقع الملفات الموجوده في وحدة التعاقدات بالإدارة مباشرة دون الرجوع للمدارس او المدرسين نفسهم يعنى من غير ما حد يعرف وبعد التنظيم بيطلب من الكل انه يقدم ورقه علشان المرجعه مش أكثر . في العموم بعد فتره بسيطه هتلاقي اسمك نزل على قاعدة بيانات مدرستك الحاليه او مدرستك السابقه لو ان الموجه نقلك او اي حد نقلك وما حطش جوابك الجديد في ملفك والقصه دي بتتحل لما يتعمل الاحصاء الاستقراري للمدرسين. اللي بيتسجل دلوقتي هو كل المؤهل العالي ايا كان مسمى التعاقد بتاعه وبعد ما يتظبط المؤهل العالى هيتم تسجيل المؤهل المتوسط وفوق المتوسط بالنسبه للي فاكر ان هما عاملين القصة دي علشان الكادر ارد عليه وأقوله لا طبعاً القصه دي قصة اكثر ما تكون تنظيمية ولبيان العجز والزيادة والتوزيع للمدرسين . بالنسبة للكادر المستهدف اول حاجه بعد تثبيت المعلم المساعد اللي قبل 31/03/2011 هو 02/05/2011 وبعديهم 27/06/2011 "01/07/2011" اللي هما اتثبتوا بنظام ال27 شهر اول دفعه واتعدل قرارهم ليكون اعتباراً من 27/06/2011 علشان يقدروا يخشوا الكادر اللي جاي . ولو فتحت الاكاديمية يبقى الدفعه اللي بعدها وهكذا . دور المنقطعين في القصة دي حالتين 1- في حالة عدم ضم المدد السابقه هيتم تثبيتهم بنظام ال 27 شهر كمعلم مساعد وهيطروا يستنوا سنتين علشان يخشوا كادر. 2- في حالة ضم المدد السابقه "وهو ده الطلب الأصلى اللي لازم كلنا نجري وراه" ممكن يتم التثبيت بنظام ال 27 شهر وتوزيع المنقطعين حسب دفعتهم الاصليه من ال 27 شهر الحاليين او يتم عمل قرار خاص بالمنقطعين |
السلام عليكم
يا جماعة لازم نتابع موضوع الاخت الشاكية لضم المدة و يكون دا مطلبنا الاساسي |
اقتباس:
طب هى تبع ادارة ايه و اللى عايز يسأل عن الموضوع دا و يتابعه يسأل فين الاخ اللى كتب عن هذا الموضوع لم يوضح اى شئ حتى انا طلبت منه فى احدى مشاركاتى متابعة هذا الموضوع و لم يرد على المشاركة |
ذهبت لفرع النقابة علشان اعمل عضوية هناك لكن للاسف رد المسئول و قال مجاش لنا تعليمات بخصوص المنقطعين انهم يعملوا اشتراك فى النقابة وانهم ارسلوا مذكرة للنقابة للاستفسار بخصوص المعلمين المنقطعين قولتله ازاى الكلام دا طب ليه بتخصموا من مرتبنا اشتراك نقابة منذ ان وقعنا على العقد المهم قال طب احنا ممكن ناخد اوراقكم و نركنها عندنا الى ان يأتى الرد من النقابة عموما انا ناوية ان شاء الله فى اقرب فرصة اذهب لفرع النقابة فى كفر الشيخ و نشوف الموضوع دا |
على فكره المنقطعين فى بلطيم عملو كارنيه النقابه من فتره
|
اقتباس:
طالما ادارة اخرى فى نفس محافطتنا عملت يبقى المفروض يطبق ذلك فى باقى ادارات المحافظة عموما انا ناوية ان شاء الله اخلص أوراقى و اقدمها فى فرع النقابة بكفر الشيخ طالما النقابة اللى عندنا عايزة تاخد الورق و تركنه عندها |
لكن كنت عايزة أعرف هل فرع النقابة فى كفر الشيخ بيفتح مساءا مثل اللى عندنا و كنت عايزة عنوانها و رقم تليفونها |
لو سمحتي يا اخت فريال عاوزه اعرف ايه اهمية الاشتراك في النقابه
انا منقطعه من الشرقيه و يا ريت لو حد من محافظة الشرقيه يعرفنا هل ممكن نشترك في نقابة المعلمين و لا لا؟ |
السلام عليكم
اخت فريال بالفعل عملنا كارنيه النقابة من فترة لكن الموظفين فى بيلا الله يسامحهم. على العموم لسرعة عمل الكارنية عليكى الاتصال بالاستاذ علام سكرتير النقابة رجل فى منتهي الاحترام خلصي الاستمارة اولا ثم اذهبي الى كفر الشيخ حتي يحدد لكي المبلغ و يعطيكى رقم حساب النقابة فى بنك مصر. بعد ما تدفعي صورى صورة الوصل و تروحي تاني كفرالشيخ نصيحة قولى له انك عايزة الكارنية مستعجل ب 51 جنيه هيطلع فى نفس الاسبوع الاستاذ علام موجود بالليل دا رقم موبايله 01271720799 بالتوفيق |
اقتباس:
و عليكم السلام و رحمة الله و بركاته ألف شكر لحضرتك و جزاك الله كل خير انا معايا الاوراق و بعد لما اخلصها من المدرسة و الادارة سوف اتصل بالاستاذ علام و اسافر كفر الشيخ خلال هذا الشهر ان شاء الله و اعمل الكارنية مستعجل تحياتى |
اقتباس:
احنا كلنا بنحاول نشترك فى النقابة خلال هذه الايام لان ابتدا من شهر 6 القادم سوف تزيد رسوم الاشتراك و هيكون 135 جنية عن كل سنة بدلا من 90 جنية و هينزل السن من 25 سنة الى 22 سنة الاشتراك فى النقابة به كثير من الفوائد فبالاضافة الى معاش النقابة يوجد مصايف و الكشف عند كبار الاطباء و حاجات كتير يعنى هى مفيدة لنا و بعدين بيتم خصم اشتراك للنقابة شهريا من مرتبنا منذ ان تم توقيع العقد لنا فى شهر 7 الماضى فبنحاول ندفع السنين اللى فاتت منذ سن 25 سنة الى تاريخ توقيع العقد و نطلع الكارنية ان شاء الله |
طب ممكن يا أخت فريال تقولي لينا إيه الأوراق المطلوبة بالظبط لعمل الكارنيه بانتظار الرد |
استمارة فقط ن النقابة و صورتين شخصيين
|
اقتباس:
اقتباس:
هم استمارتين نملى فيهم البيانات و نخلصهم من المدرسة و الادارة واحدة طلب الحصول على بطاقة عضوية و التانية طلب قيد عضوية و كل استمارة ندبس عليها صورة شخصية و ايضا مطلوب صورة شخصية اخرى مختومة من الخلف يبقى المجموع 3 صور شخصية 2 مختومين من الامام بختم النسر و الثالثة مختومة من الخلف ايضا بختم النسر و الاستمارات دى بتخدها مجانا من فرع النقابة اللى عندك انا اخذتهم من فرع النقابة اللى عندنا لكن لما اخلصهم هقدمهم ان شاء الله فى فرع النقابة بكفر الشيخ |
تمام استاذة فريال عذرا انا عملته من شهرين تقريبا نسيت المطلوب بالتحديد
ربنا يوفق الجميع |
هو معاش النقابه في حدود كام يا جماعه؟؟
|
السلام عليكم ورحمة الله أنا من محافظة الغربية ادارة بسيون مكافأة شامله 11/2011 مرتبنا 203جنية وسمعنا والله أعلم ان فية كلام على التثبيت شهر 5 القادم
|
السلام عليكم
هل من جديد اخت فريال؟ |
اقتباس:
و عليكم السلام و رحمة الله و بركاته حتى الان لا يوجد جديد بالنسبة لنا انما المعلمين اللى استلموا مؤخرا ( الرياضيات و رياض الأطفال )بيكتبوا عقود الان فى الادارة لكن الراتب اللى مكتوب فى عقدهم مختلف عن راتبنا راتبهم 180 جنية فقط حتى المعلمين المنقطعين اللى استلموا مؤخرا برضة بيكتبوا عقود الان و ايضا الراتب اللى مكتوب فى العقد 180 جنية فقط |
اقتباس:
و عليكم السلام و رحمة الله و بركاته ربنا يوفقكم لكن اعتقد ان طالما مكافأة شاملة يبقى المفروض يمر 3 سنوات للتثبيت يعنى على 11/2014 و الله أعلم |
اقتباس:
120 جنيهًا شهرياً و اعتقد انه طبعا هيزيد ان شاء الله و ايضا النقابة بتدرس زيادة مكافأة نهاية الخدمة للمعلمين، من خلال رفع المبلغ المقدم من صندوق الزمالة من 15 ألفًا إلى 20 ألف جنيه. |
صحيفة الاحوال الالكترويه للمعلم المساعد فقط ؟
وهل المعلمين المنقطعين المفروض يعملوها و لا ملهمش ؟ و ايه اهميتها؟ يا ريت لو حد من مقطعي الشرقيه عملها يرد |
شكرا اخت فريال علي الرد انا سمعت ان الشرقيه هتعمل عقد مميز قريبا للمنقطعين
يا رب متطلعش اشاعات |
السلام عليكم ورحمة الله وبركاته
ياجماعه انا عندى مشكله ومش عارف اعمل ايه ياريت اى حد من اصحاب الخبره يفيدنى انا معايا بكالوريوس تربيه رياضيه دفعة 2000 واشتغلت بالمكافاه الشامله 3 سنين سنة 2002 2003 2004 لكن من دون اى فايده طبعا لاتثبيت وقتها ولا يحزنون ومعايا افاده من مديرية التربيه والتعليم بكفرالشيخ بكده المهم انى سافرت فى 2005 الامارات وكنت بنزل مصر من وقت للتانى لكن دلواتى حصلتلى ظروف قهريه تمنعنى انى ارجع الامارات تانى هل فى اى حل انى ارجع من تانى شغلى انا سالت فى الاداره التعليميه قالولى مفيش قدامك اى حل غير انك ترفع قضيه وانا مش عارف اعمل ايه ياريت حد يفيدنى ياجماعه اعمل ايه ؟ |
السلام عليكم استاذ ايهاب
يبدوا المحافظ اغلق هذا الموضوع ، لي اصدقاء مثلك و لم يعدوا فى محامي كويس اسمه رامي من كفرالشيخ دا الموبايل 01005001208 |
منقطع
شكرا جزيلا لحضرتك ع اهتمامك بموضوعى انا فعلا بدور ع محامى عشان يرفعلى قضيه وعرفت ان اكيد رجوعى باذن اللهبس الموضوع بياخد وقت تقريبا سنه بس السؤال هل لو المحكمه حكمت برجوعى عملى هل هرجه تانى بالمكافاه ولا هيكون عقد ولا تعيين ولا ايه مع العلم انى كملت بالفعل 3 سنين بالمكافاهمن 2002 ل 2005
وشكرا مره تانيه ع اهتمامك |
اقتباس:
لو كنت اشتغلت 3 سنوات متصلة و كنت حاليا على راس العمل كنت هتتثبت لكن حاليا لو رفعت قضية وكسبتها هتتعامل معاملة المنقطعين يعنى عقد مثلنا و الله أعلم |
اقتباس:
عندنا بيقولوا حتى لو لم يتم تثبينا فى 7 القادم المرتب هيزيد و يصبح حوالى 540 جنية |
اقتباس:
احنا فى محافظتنا بالفعل قدمنا اوراقنا للحصول على كود و باسورد اللى من خلالهم بنحصل على صحيفة أحوال و بالفعل الان اصبحنا على قاعدة البيانات فى مدرستنا و اخذنا الكود و فى انتظار الباسورد هنخده من الاحصاء خلال الشهر القادم ان شاء الله و عندنا لازم بنقدم صحيفة أحوال عند دخول تدريبات الكادر |
اقتباس:
|
اقتباس:
فى بيلا أخدوا الاوراق و بالفعل الاكواد طلعت و نحن فى انتظار الباسورد لية مش راضين ياخدوا منكم فى دسوق بالرغم اننا محافظة واحدة ؟؟؟؟ لا تسكتوا على حقكم و اذهبوا لوكيل الوزارة فى المديرية و اسألوا اشمعنا ادارة بيلا اخدت الاوراق من المنقطعين فى بيلا و دسوق مش راضية تاخد |
| جميع الأوقات بتوقيت GMT +2. الساعة الآن 02:27 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.