عن نفسي .. اوافق ..
بس ليا تعليق مهم :
هو من الممكن انه يطبق على بعض الكليات زي الهندسة والفنون الجميلة والتربيات الرياضية والخ الخ .. من اللي ينفع فيهم اختبار قدرات اصلاً ..
بس حاجة زي الطب .. ازاي يعملو فيها اختبار قدرات ...
بس ده معناه ان هيكون في منهج قدرات للمزاكرة .... واكيد هيكون من خارج مناهج الثانوية العامة ..
لان الثانوية العامة لاعلاقة لها ب الحاجات اللي بيدرسوها ف الكليات والجامعات ..

الفكرة دي سلاح ذو حدين ممكن تكون وسيلة لان كل واحد يدخل اللي عايزه و بيحبه.
بس يا جماعة الموضوع ده مينفعش يطبق في جو الفساد اللي احنا فيه.
شوفوا اللي حاصل في الكليات اللي ليها اختبارات و اخص بالذكر كلية الشرطة بيحصل فيها وساطة.
و ده هيحصل لو اتطبقت الفكرة الخطيرة دي.
و بعدين الطالب مننا بيحزن او لما ميقدرش يدخل الكلية اللي كان عايزها و هو عارف انه ما اتظلمش في التنسيق و انه عادل مية في المية و مع ذالك في ناس بتبقى عايزة تنتحر.. اومال هيعملوا ايه لما يعرفوا انهم مدخلوش الكلية عشان اللي خد مكانهم ..
ابن استاذ في الكلية و لا ابن وزير ولا ابن ضابط ولا ابن مسئول ولا دفع مبلغ و قدره.
بعد كده ممكن في جداول نتيجة التنسيق اسم الكلية و جنبها السعر مش المجموع.
و بعدين على فرض ان مش هيبقى في كوسة .. ماهو المشاكل بتاعت الثانوية هتنتقل للاختبارات دي .. القلق و الدروس و الانتحار .. هي هي
بالنسبة للنظام في اوروبا اعتقد انه مينفعش يطبق هنا:
الطالب يخلص ثانوي و يختار بقى المجال اللي هو عايزه و لو كله اختار مجال واحد مفيش مشكلة لان التعليم مش مجاني يعني كل واحد بيدفع ثمن مكانه في الكلية.
هل بقى ينفع نخلي التعليم غير مجاني في مصر؟
الدول الاوروبية فيها دخول عالية و مستوى معيشة مرتفع .. احان لو عملنا زيهم محدش هيدخل كلية في البلد دي لان اكثر من 70% من الناس هنا مش هيقدروا على مصاريف التعليم العالي لو بقى غير مجاني.
ولا نخلي الناس تخلص ثانوي و تقف لغاة كده .. بدل ما نخلي الناس تتعلم اكتر عشان نعمل نهضة من الجهل اللي احنا فيه نقوم نقولهم خدو ثانوي و اشتغلوا بيها .. اذا كان اللي معاهم بكالوريوسات و ليسانسات مش بيشتغلو .. حد هيشتغل بثانوية عامة.
و بعدين هتمتحن الطالب في ايه .. هو اصلا المفروض يدخل يدرس المواد علمية او طبية او هندسية او اقتصادية او قانونية او ادبية.
هتمتحنه في الحاجات دي اومال هو داخل يدرس ايه في الكلية؟
و بعدين لما الوسايط و الفلوس تشتغل الشباب الصغير اللي طالع من ثانوي هصطدم بالفساد في سن صغير و يكره بلده في سن مبكرة.
التنسيق ده من الحاجات القليلة جدا في البلد اللي مش بتفرق بين ابن الوزير و ابن الغفير كمان هنبوظها.
خطر جدا ان الفساد يدخل المنطقة دي.
انا موافق ان نظام دخول الجامعات بيظلم بعض الطلبة اللي يستحقوا يدخلوا كلية معينة و لم يساعدهم مجموعهم و يكون في صالح اخرون اعتمدوا على الحفظ و الصم فحصلوا على مجموع يدخلهم الكلية.
لكن التنسيق مش هو اللي ظلمه التنسيق.اللي ظلمه هو المنظومة من اولها.
لو عايز تصلح بقى يبقى متجيش على التنسيق دي اخر مرحلة .. عالج الموضوع من الاول.
ولو عايزين فعلا كل واحد يدخل اللي بيحبه .. ده شيء جميل .. لكن لازم ندور على وسيلة مش ممكن يدخل فيها السلطة او المال.
و الا يبقى التنسيق بالمجموع هو الوسيلة العادلة الوحيدة.. لغاية ما نلاقي حل كويس.
الاختبارات دي بدل ما التعليم في النازل هتخلي مفيش تعليم اصلا.

موافق طبعا علي الموضوع
لان كليات القمة العلمية مش هيكون العامل الوحيد المحدد للقبول فيها هو " الدح " ولكن الفكر بجانب المذاكرة والتحصيل والنظام ده هيحسن كتير من مستقبل خريجي الجامعات

it will be better

انا بكرر يا جماعة ان دي هتبقى كارثة.
انتوا باصين بس للجزء الحلو .. لكن مش مشايفين الكوسة و الفساد و الرشاوى.

انا موفقه بس ياريت القرار ده يكون السنه ديه

شكلها هتبقى kosa for ever:stickjo4:

اكيد طبعا اوافق
اكيد طبعا اوافق

انا موافقة طبعا عشان بكدة كل واحد هيبقي داخل المجال اللى بيحبوا وبكدة هيقدر يبدع ويتفوق فيه

مش موافقه وده ظلم وخلاص
 

:angry2:لا طبعا مش موافقه ده قرار كله غلط وما فهوش اي حاجه لصالح المغتربين ده كله عك علشان يخلوا نسبنا اقل وما نعرفش نقول جايبن 100% ومش لاقين كلية وبعدين ده اختبار عامل زي الفوازير هو انا هعد ازاكر طول السنه واخد دروس وبعدين اجيب 100% بمجهودي وادخل اختبار القدرات ده او الي اسمه فوازير وما اجيبش فيه حاجه علشان ماليش في الفوازير ده بجد حرام وياسلام لو حد ليه واسطه تبقى امه دعياله واكيد هتكون بالواسطه وبعدين لو هما بيقولو ده بدل المستوى الرفيع الي اتلغى المستوى ده كان بيرفع المجموع لكن القدرات ده من نفس المجموع و30% ده كتير اوي ولو قالولنا احنا مثلا عندنا 50 طالب الكليه عايزه خمسه بس نعمل ايه ؟ نقلهم يعني الكليه دي من ستين سنه لما كانت عايزه خمسه كنتوا بتعملوا ايه وبعدين لو قفلت معاهم اوي في اقتراح حلو كل واحد يكتب الكليات الي هو عايزها ويختبر في الحاجه الي تخص الكليه يعني مثلا طب يختبر في الاحياء وعلوم وكده ولو هندسه يختبر رياضيات وهما يشوفو مين الي يستحق ولا بلاش كمان اختبار يرجعوا لنل المستوى الرفيع واحنا راضين بالظلم ده بس ما نتظلمش اكتر من كده

يا جماعة فكروا الاول لو كل الطلبة الي دخلوا جابوا اقل من 80% وده ممكن اوي اعلى ناس جابوا درجات هما الي هيدخلوا الكليات القمه تخيلوا لو انتوا طلعتوا بعد اعلى ناس بفرق واحد مثلا وعايزين تدخلوا كليه حتى لو خاصه هتروحوا بمجموع 75% 70% ده مجموع يدخل ايه

امتحان القدرات لشهادات المعادلة
 

بالنسبة لامتحان القدرات الذي نزل هل هو للجايين من السعودية فقط ولا حتى للموجودين في مصر
انا لي اخ في ثانية ثانوي في السعودية ومش عارفين نعمل اية ننزلة مصر علشان يكمل ثالثة ثانوي ولا نعمل اية مع العلم ان الدراسة في مصر صعبة جدا واكيد اخوي مش هيقدر يمشي في مصر
هل القرار دة فعلا هيطبق خلاص ولا لسة بيتناقشوا والله حرام حرام وظلم
ياريت اي حد من الاعضاء او اي حد يعرف حاجة عن الموضوع يفيدني علشان انا محتاجة للحل ارجوكم بسرعة وانا مستنية ردكم ومعذرة على الاطالة

انا ارفض وبشدة والله حرام حرام حرام

لية محدش رد على سؤالي ارجوكم انا مستعجلة على الرد
انا كدة هزعل منكم

يا اخى ما هى دى ليها برضو امتحان قدرات

لكن الاداب ولا الطب

ولا الحقوق هايكون قدراته فيها ايه

يا اخى والله دا نظام معمول
لحرمان معظم التلاميذ وجعل كليات القمه لمن يستطيع الدفع فى كليات خاصه

يرحمنا الله
وتكون مجرد روتين

مثل ملف الانجازكده----ولا امتحان الكادر

شكرا اخى عبقر على ماتبذله من جهد جزيتم الخير كله

هو النظام حلو وأوفق عليه قلبا وقالبا
بس المشكلة فى التطبيق
هتبقى كوسة
زى الحربية والكليات دى

الموضوع ده كارثة..
الكوسة هتبقى القاعدة و العدل هو الشذوذ

انا موافقه انى الواحد يمتحن امتحان قدرات قبل ما يدخل الجامعه بس انا عايزه اسفسر عن حاجه وياريت حد يرد عليا ويفهمنى انا عايزه ادخل فنون جميله وقالولى لازم امتحن امتحان القدرات هى فنون جميله بتقبل من كام من ادبى وايه نظام المتحان ياريت رد على سؤالى

لا اوافق لانها هى هى هيكون فى برده دروس ومفيش شى اتغير

لااااااااااااااااااااااااااااااااااااااااااااااااا اااا و ذلك الاسباب
1) المعلومات عن كل كلية لن يتوفر لكل شخص
2) الاماكن و عددها سوف تظل مبهمة حتى للاشخاص الغلابة
3) اين ابناء الكادحين اللذين لا يجدون حق الجريدة او السفر لمعرفة شروط كل كلية
4) الامتحانات حتى ولو سرية هناك انماط لكل كلية هل يستطيع الطالب معرفة النمط
5) اكيد هناك اناش شرفاء جدا لكن سوف يكونون على علم تام بمجريات الامور و الانماط واسهل الطرق و و سوف يسهل لهم كل شئ
6) المخاوف كثيرة و كفى هذا

الموضوع صورتة الخارجية جميلة لكنة فرصة جميلة لفتح الدرج وفتح مخك والباشا اتصل ويضيع الغلبان وتتحطم الامال اكتر املى ادخل سكرتارية عسكرية وعارفة ان الوساطة عائق فى طريقى وفكرت فى تربية رياضية لانى بطلة كاراتية لكن خايفة من هذا القرار يظلمن اسفة للتطويل بنفضفض يعنى باختصار موافقة لكن بدون واسطة ولا رشوة يعرفوا يعملوها اشك هههههههههههه

القرار نفسه كقرار حلو وجميل وكل حاجة

لكن مصر ونظام التعليم فيها مش مكان مهيأ لقبول فكرة زي ده

صحيح إنه الثانوية العامة مش مقياس لدخول الكليات ابدا
بس في الحكاية ده حيتظلم اكتر من اللى حيستفاد

اكيد طبعا اوافق

لا اوفق
انا اطالب مجتهدة

موافق طبعا لو مفيش اعتبار لمجموع الثانوية

بسم الله الرحمن الرحيم
انا من رأيى ان امتحان القدرات ده مش وقته خالص علشان المرحله القادمه دى مرحله فارغه وفهمها على قدها فياريت بلاش من امتحان القدرات والسلام عليكم ورحمه الله وبركاته
مع تحيات محمد عبدالحميد المنيا المرحله الاولى ثانويه عامه

بلاش امتحان قدرات يا جماعه مش كفايه مش عارفين نطلع من الثانويه العامه حرام حرام حرام وانا لا اوافقكم الراى

ارفض بشدة لان دخول الجامعة سيكون بالواسطة و المحسوبية

اهم حاجة
وانتم رايحين
اللي نظرة ضعيف
يعمل نضاره
واللي صقر زيي
يعمل نضارتين
:D
لاني اخروني عشان نظري خارق عن الطبيعه
لغايه ما رحت عملت نضاره
ومكنتش هلحق
:d

جزاك الله خيرا

موافق طبعاً

ما الهدف من هذا الامتحا ن انة مرفوض وبشدة من الجميع

طول مافى رشوة و واسطة ( والاتنين اخوات على فكرة) مش هينفع نظام القدرات

وانا مش موافقة اطلاقا اطلاقا وكمان اطلاقا

لا اوافق ولكن ذلك يدايه الفساد في العمليه التعلميه باكملها وهذه المقترحات مفصله لاولاد الذوات واصحاب النفوذ فقط اما الغلابه الممتازين فعليهم العوض واكبر دليل علي ذلك قبول المعيدين في الجامعات ةالقبول في كليات الشرطه واختيار وكلاء النيابه فيتم اختيارهم من اصحاب النفوذ فقط والغلابه عليهم السلام اذا اردنا لعمليه التوريث مثل الملكيه نقبل النظام الفاسد واذا اردنا التقدم بالدوله نعتمد علي التنسيق الذي لا يحابي احد حرام علي المسولين في الدوله ان يفصلوا قوانين وقرارات وفقا لرغباتهم ومصالحهم وهم هيروحوا من ربنا فين ولا نملك الا ان نقول حسبنا الله ونعم الوكيل

السلام عليك ورحمة الله وبركاتة
انا بالنسبة ليا مش موافقة على الاطلاق هى عقد وخلاص لالا التنسيق افضل من وجهة نظرى.

لااوافق لانه سوف يكون باب واسع للمحسوبيه

ربنا يستر يالا نثبت وجودنا

موافق بس يكون امتحانحقيقى ويكون على النت مباشرة حتى لايكون فية واسطة

أرفض بشدة هذا التقليد الاعمي للدول الاوروبية
لاننا لا نمتلك الامكانيات التي تؤهلنا لتقليدهم

بالنسبه لامتحانات القدرات لدخول الجامعه
 

والله دا نظام جديد فى مصر ونظام جميل يا ريت يتححق انا طالب جامعى وكنت اتمنى لو النظام ده كان مو جود فى السنين الى فاتت

يعني مش لازم نقلد الدول الخارجية وبس لاازم نشوف اللي يناسب مجتمعنا[/quote]

انا طبعا موافقه لان فعلا في ناس كتير بيبقوا مش فاهمين اي حاجه وبيبقوا جايبين مجموع فعلا لازم النظام ده يتطبق