|
جالى صيدلة وملحقتش طب ولا اسنان انا هاجاوب بس لما افوق من الصدمة
|
ياااااااااا الله ... 98.8 و مالحقتش حتى طب اسنان
ربنا معاك و باذن الله الخير هايكون ف صيدلة و ربنا عمره ما هايضيع اجر حد ابدااااااا |
موضوع جميل جدا
بس الولاد اختفوا في ظروف غامضة :( |
ممتــــــآز
|
اقتباس:
ياريت حضرتك تشارك في الموضوع عشان نستفيد من تجربتك في الثانوية:rolleyes: |
بسم الله الرحمن الرحيم السلام عليكم ورحمة الله وبركاته اليوم وبعد ان تلقيت صجمة التنسيق اشارك فى هذا الموضوع رقم جلوس 443318 وعشان محدش يتعب دى درجاتى الإسم احمد ابراهيم محمد عبدالمهيمن سعدة المدرسة كشك الثانوية العسكرية بنين الإدارة زفتا المحافظة الغربية الشعبة علمى علوم المجموع بدون المستوى 402 النسبة المئوية 98.05 % المجموع بالمستوى 405 بالمستوى % 98.8 نتيجة التنسيق صيدلة طنطا اجابة الاسئلة ايه اكتر مادة بحبها؟ الاحياء لانى شايف انها مادة الواحد يستمتع بدراستها على الرغم من انها طويلة وناس بتسترخمها بس انا شايف ان الموضوع يبقى شيق لما تدرس معلومات عن جسم الانسان والاجهزة المختلفة اكتر مادة بتكرهها ؟ العربى لانها مادة مش منظمة ومليانة عالفاضى والادب بتاعها تقيل ورخم وملهاش لازمة بعد كده بالاضافة لى انها المادة السبب فى انى محققش كلية طب او اسنان اللى انا كنت بحلم بيهم الحمد لله على كل شئ يعنى انا جايب فيها سنة تالتة 27.5 والمفروض اجيب 29.5 او 29 بالكتير اوى ادينى عامل تظلم وباخد بالاسباب كمان المستوى الرفيع لغة عربية ودانى فى داهية انا ترتيبى عالعلمى من غير المستوى 7الاف وشوية انما بالمستوى وده طبعا اللى بيتعمل بيه التنسيق ترتيبى ال10 الاف وشوية ومنهم لله المدرس بيقول لى انهم مش كانوا بيقروا فى المستوى حاجة منه لله كنترول المنصورة كله السؤال ده طول شوية وبان منه كرهى للعربى انقل بقى على السؤال اللى بعده نفسى اطلع ايه ؟ كان نفسى ادخل طب او اسنان بس دلوقتى بقى مصيرى صيدلة فنفسى اتفوق فى الكلية واثبت لنفسى انى مش فاشل عشان معرفتش احقق حلمى بأيد موضوع السهر؟ مش ضده بس فى نفس الوقت مش شايفه افضل وقت للمذاكرة بذاكر حوالى كام ساعة ؟ هو موضوع وقت المذاكرة بيختلف من طالب لاخر ومن وقت لاخر انا عن نفسى كنت بزود وقت مذاكرتى تدريجيا عشان مزهقش بسرعة وامل فى الوقت المهم بس برده مش كنت من اللى بيذاكروا كتير يعنى اقصى وقت مذاكرة جبته كان ايام الامتحانات 6 ساعات فى الوقت اللى ناس كانت بتذاكر مش اقل من 14 ساعة ايه اكتر وقت احب اذاكر فيه ؟ وقت الفجر انا شايف ان الوقت ده ابرك وقت وافضل وقت للماكرة الدنيا هادية وربنا يبارك للواحد فيه ايه اكتر مشكلة بتقابلنى فى المذاكرة؟ الزهق والتوتر ساعات كتير بزهق من المذاكرة والتوتر احياانا كان بيخلينى ابطل مذاكرة وضيع وقت كتير مكان المذاكرة المناسب عندى مش مكان محدد بس عموما اى مكان هادى فى الشقة ومفيش فيه حد وانا عن نفسى كنت بغير المكان من فترة لفترة اخرى ايه اخبار اصحابك بيشجعوك ولا لأ؟ الحمد لله ربنا رزقنى باصحاب محترمين واكتر واحد فى اصحابى كنا بنتفق مع بعض عالمذاكرة وعلى فكرة احنا الاتنين جايبين نفس المجموع بالظبط 98.8 ايه هى هواياتى ؟ الكورة والتنس مشاهدة طبعا مش ممارسة والنت اكيد ايه هو طموحى وحلمى ؟ طموحى انى اتفوق فى المكان اللى انا فيه وابقى فرد لى مكانة محترمة فى مجتمعى مش شخص تافه يحمل شهادة دراسية دون اى فائدة اقتراحى عشان التعليم يتغير؟ انا زهقت من منظومة التعليم كلها الوزير والمصججين والدروس الخصوصية و للاسف اصبحت عادة عند اولياء الامور وصار الاعتماد عليها ليس لدى اقتراح انما آمل ان النظام الجديد يحسن المنظومة ولو تحسن تدريجى ايه اللى نفسى يتغير فى مصر ؟ نفوس الناس لانها بجد بقت وحشة وهى السب فى اللى احنا فيه دلوقتى وصراع المصالح والفئات المختلفة اختار العضو اللى بعدى بصراحة انا مش مختلط باعضاء المنتدى اوى ومش عارف حد منهم فانا سايب موضوع الاختيار ده لنور بس يا ريت يبقى ولد عشان نزود نسبة المشاركة شوية وفى النهاية ارجو الا اكون صدعت دماغكم واتمنى ان اكون افدتكم ويا رب بالتوفيق للجميع وان شاء الله نشوف الشباب اللى داخل ثانوية احسن مننا و يدخلوا اللى نفسهم فيه ويحققوا طموحاتهم |
مفيش تفاعل ليه كلامى مش عجبكم !!!
|
اقتباس:
|
بس انا فيه حاجة مستغربلها شوية يعنى ايه عدد اللى فى طب القاهرة من محافظة القاهرة 304 طالب بس ومن كل المحافظات 1254 هو مش فيه حاجة اسمها نطاق جغرافى يخش كليه قريبة منه ..... وحاجة تانية ازاى طب اسنان القاهرة فيه برده من القاهرة 83 بسسسسس ومن مصر كلها 191 معلش يعنى هى كلية ولا مدرسة دى حتى لو مدرسة بتبقى ..... اما بقى للهبل الاكبر صيدلة حلوان يا عالم واخدة 6 بس من القاهرة ومن كله 32 ازاااااااااى ..... ما هى حاجتين يا اما انا مش فاهم حاجة فى التنسيق يا اما فعلا عايزين يشغلوا الخاص ..... يا ريت حد يرد عليا ويعمل موضوع فيه الكلام ده لانى مش عارف المواضيع بتتعمل ازاى (كل النتايج دى ماخوذة من موقع الأستاذ)
|
هو الوزير كان قال ان الاعداد المقبولة هتزيد عن السنة اللى فاتت بنسبة 10% بس اللى حصل العكس الاعداد قلت بنسبة تتراوح بين 10% ل15% السنة اللى فاتت كان مقبول 8000 السنة دى المقبول 7100
وبالنسبة لحكاية الاعداد دى انا عامل مقارنة بين اعداد السنة اللى فاتت والسنة دى المقبولة على الاكونت بتاعى عالفيس بوك وهانقلها هنا قريب اما للتوزيع الجغرافى هما بيحددوا مثلا اعلى 7000 عالعلمى علوم وبيوزعوهم عالكليات حسب التوزيع الجغرافى وعدد الطلاب اللى الكلية محتاجاهم بس ممكن مثلا نلاقة طب طنطا محتاجة 500 ياخدوا اعلى 500 كاتبين طنطا رغبة اولى بعد كده يتفضل جزء من الطلبة من المحافظة بس هما من اعلى 7000 كاتبين طب فبيوزعهم على الكليات التانية من المحافظات المختلفة |
اقتباس:
|
هو غالبا طب قاهرة وعين شمس بيبقوا الاقل لانهم الكليات اللى بتاخد اكتر اعداد من الكليات التانية ومتخفش من ارتفاع المجاميع كل سنة بتختلف من سنة لأخرى هو الخوف من انهم يقللو الاعداد السنة اللى الجاية زى السنة دى
ربنا هيسترها ان شاء الله شد انت حيلك بس والخير ربنا هيكتبهولك |
يا رب ان شاء الله ادعيلى انت بس وربنا يسهلها
|
اعمل انت بس اللى عليك وان شاء الله ربنا هيوفقك ولا قدر الله لو مجاش وانت عملت اللى عليك يبقى ربنا شايلك الاحسن فى مكان تانى وارضى باللى ربنا كتبهولك
بس بإذن الله تنول اللى فى بالك |
اقتباس:
|
اقتباس:
ربنا يوفقك يا دكتور و معلش قدر الله و ما شاء فعل |
اقتباس:
وربنا معاكى فى سنة تالتة ان شاء الله |
اقتباس:
|
معلش يا دكتور
الخيرة فيما اختارها الله يمكن تتوفق في صيدلة اكتر بكتير مما كنت هتتوفق في طب ربنا معاك |
اقتباس:
|
اقتباس:
و احب اقول لحضرتك على حاجة .. ربنا قال ( و عسى ان تكرهوا شيئا و هو خير لكم و عسى ان تحبوا شيئا و هو شر لكم و الله يعلم و انتم لا تعلمون ) صدق الله العظيم انا بالنسبة ليا صيدلة اجمل كليات علمى علووم و مستقبلها جمييل و لا تحط ف دماغك ان ( صيدلى = الشغل ف محل ) لالالا خااالص مجالات الشغل بتاعتها كتيييير و بما ان حضرتك ولد ف ممكن تشتغل ف شركة ادوية لانها مش بتناسب البنات و دى مرتباتها عاالية جداا و بتاخد عربية يعنى ااخر تظبيطة ;) لكن طب بشرى انا بنت عمتى متخرجة منها من 10 سنين و حاليا بتشتغل ف مركز طبى بمرتب ضعيف جدا و مش مستريحة خاالص و طب اسنان ماتعرفش تكاليفها ازاااااى لما تفتح عيادة الجهاز الواحد ممكن يكلف 100000 :excl: لكن صيدلة كويسة جدا و باذن الله الخير فيها يا د\ احمد معلش انا طولت .. و بخصوص انى اختار واحد ف انا معرفش ولاد هنا ممكن مثلا .. THE coder يارب يوافق و يدخل عشان يفيدنا :) |
نورتوا كلكوا يا
عواطف و احمد و كاريماد نورتوا الموضوع بجد .. تسلموا :) |
اقتباس:
وفى انتظار اللى عليه الدور |
بس اخركلام يا دكتور
كليات القمة مبقتش زي زمان زمان كان كفاية بس تقول انا خريج هندسة او صيدلة عشان تلاقي شغلانه حلوة دلوقتي العدد بقي في الليمون فحتي الكلية اللي انت متخرج منها متضمنش وظيفة كويسة لازم تبقي متميز فيها انا عندي محاسب شاطر و فاهم شغله احسن مليون مرة من دكتور عادي ملهوش ميزة محددة و عشان كده اخترت اكمل علم رياضة لاني شايف نفسي متميز في الرياضة و الفيزيا مع ان ناس كتير قالتلي كمل علوم عشان تدخل طب و الحمد لله انا داخل هندسة القاهرة- و سبت بترول- عشان بختار اللي شايفه متوافق مع ميولي ربنا يوفقك و تبقي احسن دكتور صيدلي :) |
اقتباس:
|
اولاً انا مجموعي 94.27% ومجبتش 95% ولكن نور الايمان طلبت وانا اجبت
"ﺍﻳﻪ ﺍﻛﺘﺮ ﻣﺎﺩﺓ ﺑﺘﺤﺒﻬﺎ ﻭ ﻟﻴﻪ ؟" اكتر مادة بحبها الرياضيات بعدها الفيزياء ، لا الرياضيات بتعبر عن تفكير الانسان في ابسط صورة ليه وطبعاً فيها تشغيل دماغ كتير وانا مش غاوي حفظ علي اي حال ( حتي تقريباً قوانين الرياضة نفسها مش بحفظها ) "ﺍﻳﻪ ﺍﻛﺘﺮ ﻣﺎﺩﺓ ﺑﺘﻜﺮﻫﻬﺎ ﻭ ﻟﻴﻪ ؟" اكتر مادة بكرهها هي الفرنساوي .....لاني بكرة اللغات ماعدا العربي لانه لغتي ولانجليزي لاني محتاجه غصب عني فمينفعش اكرهه ....اضافة لاني بكره الحفظ علي اي حال والعربي مش بحبه كمادة دراسية لاني لما اطلعت علي قصايد شعر كتيرة وكده لقيت ان الشعر اللي عندنا بالنسباله ركيك وفي حاجات احلي بكتييييييييير جداً منعرفش عنها حاجة ...مثلاً لو قارناه بمناهج الكويت او السعودية فعلاً هنكتشف ان اللي عندنا نكش فراخ بالنسباله ....في الكويت بيدرسوا علم العروض في العربي وفي السعودية بيدرسوا "عفت ذات الاصابع فالجواء" قصيدة في غاية الروعة لحسان ابن ثابت ... وفي الكويت القصيدة بتاعت صوت صفير البلبل ودي من روائع الادب العربي واحنا قاعدين ندرس المقامة الحلوانية ونصوص تانية اقول وصف ليها انها تافهة وركيكة ( الا قليل منها) "ﻧﻔﺴﻚ ﺗﻄﻠع ﺍﻳﻪ ﻭ ﻟﻴﻪ ؟" ده سؤال اجابته طويلة جداً بس عموماً نفسي اكون دكتور في الفيزياء في جامعة القاهرة ( اشمعني القاهرة؟ ) عشان انا هدفي اني اعمل تغيير في عقول الشباب بشكل كامل وشايف ان الموقع ده افضل موقع عشان اعمل اللي في دماغي "ﺑﺘﺄﻳﺪ ﻣﻮﺿﻮﻉ ﺍﻟﺴﻬﺮ ؟" مش بحب السهر وان كنت بسهر كتير "ﺑﺘﺬﺍﻛﺮ ﻋﻠﻰ ﺣﻮﺍﻟﻰ ﻛﺎﻡ ﺳﺎﻋﺔ " ﻣﺎﺗﺨﺎﻓﺶ ﺍﺣﻨﺎ ﻫﻨﺎ ﺍﺧﻮﺍﺗﻜ ﻤﺶ ﻫﺎﻧﺤﺴﺪﻙ " ؟" بصراحة ده سؤال بتسئله طول السنة واجابته محددة في الطبيعي ايام الدراسة مذاكرتي لما اصفيها من الدلع واللكاعة بتصفصف علي ساعتين او تلات ساعات غالباً بعمل فيهم واجب الدرس بتاع تاني يوم ....اما الرياضيات فعشان انا بحب اطول واشتغل بدماغي ممكن اخد فيها تمن ساعات مثلاً :d "ﺍﻳﻪ ﺍﻛﺘﺮ ﻭﻗﺖ ﺑﺘﺤب ﺗﺬﺍﻛﺮ ﻓﻴﻪ ؟" بعد العشاء بالذات احلي وقت بالنسبالي لغاية الفجر "ﺍﻳﻪ ﺍﻛﺘﺮ ﻣﺸﻜﻠﺔ ﺑﺘﻮﺍﺟﻬﻚ ﺍﺛﻨﺎﺀ ﺍﻟﻤﺬﺍﻛﺮﺓ ؟" معنديش مكاااااااان للمذاكرة ودي كارثة فظيعة ومؤثرة جداً ....يعني مرة عالسرير ومرة عالكنبة ومرة عالارض ...بس بعد ما انتقلت للعيش عند عمتي لقيت مكان مناسب للمذاكرة (السرير برضه) "ﻣﻜﺎﻥ ﺍﻻﻣﺬﺍﻛﺮﺓ ﻋﻨﺪﻙ ﻣﻨﺎﺳﺐ ؟" مذاكرة السرير مش حلوة اوي لان الطبيعي ان البني ادم يذاكر بورقة وقلم علي الاقل في الرياضة والسرير لا يتيح ذلك بصورة مثالية "ﺍﻳﻪ ﺍﺧﺒﺎﺭ ﺍﺻﺤﺎﺑﻚ ﺑﻴﺸﺠﻌﻮك ﻭ ﻻ ﺍﻳﻪ ؟" ممممم يعني مش دايماً بس لما كنت انشغل بموضوع علمي خارج المهج كان صحابي اللي في كليات بيشجعوني عليه وكده ..... بصراحة قليل اوي اللي كان يشجعني علي منهجي ﺍﺭﺗﺎﺣ ﺷﻮﻳﺔ ﻛﺪﺍ ﻭ ﺧﺪ ﺩﻭﻭﻝ *" ﺍﻳﻪ ﻫﻰ ﻫﻮﺍﻳﺎﺗﻜـ ؟" هواياتي كتيييييييييير ومنها : القراءة (الفيزياء والرياضيات وبعض مواضيع التاريخ والشعر ) والكمبيوتر واشتغلت فترة في البرمجة وبحب الرسم وكتابة الشعر (محدش يطلب حاجة انا لسه مبتدئ :p ) والرياضة و.... تقريباً كده هوايتي اي حاجة كويسة والحمد لله :) *" ﺍﻳﻪ ﻃﻤﻮﺣﻜـ ؟ ﻭ ﺍﻳﻪ ﻫﻮﺍ ﺣﻠﻤﻜـ ؟" عندي 3 اهداف محددة كنت عاملهم في توقيعي لفترة كده 1- حلمي اني اوفر للعرب والمسلمين كلهم الدرجة او السلمة الاولي من كل العلوم الاساسية زي الفيزياء والرياضيات والكيمياء واللغة و.... بحيث تكون القاعدة الاساسية اللي يحتاجها اي طالب علم بالعربي ومن ثم اوفر كتب متخصصة ليهم بحيث يصبح ان اللي عايز يتعلم مش هيحتاج غير اجتهاد وعزيمة 2- بعد ما احقق اول هدف بفكر في شئ يقوي شوكة المسلمين سواء كان سياسي او اقتصادي او عسكري ... اياً كان يعني 3- بعد الهدف التاني احلم ان شاء الله ان اكون ساعداً من السواعد التي ستمتد لتحرير القدس إن شاء الله ولي في ذلك نظرة "اقـتـﺮﺍﺣﺎﺗﻜـ ﻋﺸﺎﻥ ﺍﻟﺘﻌﻠﻴﻤـ ﻑ ﻣﺼﺮ ﻳﺘﻐﻴﺮ ؟" ده مشروعي ان شاء الله التعليم في مصر عامل نجاحه الاساسي هو المدرس...وبما ان المدرس اصبح في الدرس فقط فأنا لو وفرت مدرس بيشرح صح بطريقة مسلية للطلاب هبقي كده كسبتهم باختصار بفكر في نظام تعليم الكتروني موازي لنظام التعليم الحكومي بس يكون الالكتروني مشتمل علي المنهج الدراسي لكن مشروووووح بطريقة صح علمياً في هذه الحالة ممكن لما الطالب يفهم هو بيدرس ايه هيستفيد من ثانوي بعيداً عن هو دخل كلية ايه وموضوع الكلية ده بقي بيحتاج تغييرات جذرية في النظام الحكومي عشان يتصلح وكنت مرة في الوزارة ( صحابي عملوا مظاهرة قدام الوزارة ودخلوني :d ) وكلمت الاستاذ محمد سعد مساعئ الوزير تقريباً والاستاذة نسيبة وكيلة وزارة التربية والتعليم ووضحتلهم وجهة نظري فيما يخص التعليم وده تحقق جزئياً في النظام الجديد *"ﺍﻳﻪ ﺍﻟﻠﻰ ﻧﻔﺴﻜـ ﻳﺘﻐﻴﺮ ﻑ ﻣﺼﺮ ؟" نفسي المصري يبطل يفتي ويتكلم بدون علم .... ولو سكت من لا يعلم لقل الخلاف وساد الهدوء لو ينفع اختار العضو اللي بعدي هختار اينشتاين ... عايز اسمعه هذا العبقري |
اقتباس:
ربنا يوفقك ان شاء الله وتبقى دكتور فيزيا فى جامعة القاهرة |
اقتباس:
وان شاء الله ده اكييييييييييييد خير ليك ربنا معاك يا دكتور :) وبجد حوار لطيف جداااا وجميل |
اقتباس:
وشكرا على تعليق حضرتك |
اقتباس:
لكن ماعرفناش حضرتك حاليا ف هندسة و لا علووم قسم فيزيا و بخصوص اينشتاين يارب يدخل لاننا حاولنا ف الاول قبل حضرتك و مادخلش هانحاول مرة تانية و للمرة التانية بجد اشكر حضرتك جدا ع المقابلة الجميييييلة دى :) |
فى انتظااااار العضو
اينشتاااااااااااين يارب يدخل |
بسم الله الرحمن الرحيم
مجموعى 204.5 يعنى 99.8% اكتر مادة بحبها : هو مش هقول مادة لان المواد بتتذاكر اى بتتحفظ لكن لو تقصدى اكتر علم بحبه هو الفيزياء - التكامل - الجبر - بعض مواضيع علم الاحياء اكتر مادة بكررها العربى لاننا احنا بنحفظة وخلاص وانا عن نفسى كنت حافظ الكتاب كله مكنتش فاهم ولا كلمه الا القصه والنصوص والنحو انما القراءة معملتش بيها حاجة ولا فهمتها من اصله نفسى اطلع ايه : انا نفسى ابقى دكتور الفيزياء النظريه فى AUC وممكن دكتور التحليل المركب فى نفس الجامعه لكن دة مش هيحصل لانى علمى علوم لكن تفكيرى انى بعد ماجمع الفلوس لكل دة ادخل اتعلم العلوم دى على حسابى فى جامعه خاصه او ادخل الAUC على حسابى بردو السبب لان الفيزياء والرياضيات هما الطريق الى معرفه الله لكنى بردو نفسى الاقى علاج لمرض السرطان فى المراحل الاخيرة حتى من بدء انتشار المرض موضوع السهر نسبى فيه ناس بتحب تتعلم بالليل وفيه ناس بتتعلم بالنهار لكن انا شخصيا كنت بحب اتعلم بالليل اكتر بذاكر كام ساعه : بردو مش هقول بذاكر هقوللك بتعلم كام ساعه انا بتعلم طول حياتى لكن لو تقصدى المذاكرة بتاعتنا انى امسك الصفحه واحفظها زى ما كنت بعمل فى العربى هقوللك انا بحفظ بسرعه ممكن تخلص حاجات كتير جدا فى 3 ساعات واعد فاضى باقى اليوم فى الوقت دة ممكن طلبه تانيه تعد10 ساعات على ماتحفظ لكن انا الحمد لله بحفظ بسرعه اكتر وقت بحب اذاكر فيه والناس نايمه سواء بالليل بقى ولا بالنهار المهم تكون الناس نايمه والاغلب بيبقى بالليل اكتر مشكله : هم مشكلتين واحدة مينفعش اقول عليها والتانيه انى ممكن وانا بذاكر اقرا السطر مثلا اول مرة محسش بحاجة تانى مرة وتالت مرة احس ان السطر بيشدنى لحاجة تانيه يعنى ممكن انسى الصفحه كلها وانسى انا ورايا ايه واعد ابحث على النت فيما يتضمنه السطر دة وبكدة احيانا مش بقدر اخلص كل حاجة لكن لو حصلت ممكن اسهر ساعتين ولا حاجة اخلص كل حاجة يعنى اقصد مشكلتى انى بدور كتير وانا بقرا مكان المذاكرة : المطبخ مووضوع اصحابى لا محدش بيشجعنى غير 2 بنت وولد بسسسسسسسسس مفيش حد تانى بيشجعنى غيرهم هواياتى : احل رياضه كتسليه - العب بلياردو - شطرنج طموحى : كتير يعنى مثلا نفسى الاقى علاج للسرطان - نفسى ابقى دكتور فيزياء نظريه او دكتور تحليل مركب ودة رياضه يعنى حلم بقى غريب شوية : نفسى اسرق بنك leumi زى ناجى عطا الله :P اللى نفسى يتغير فى مصر : نفسى الناس تبطل تشتم فى بلدها - نفسى الناس تبطل تلبس قناع الدين - نفسى الناس تهتم بالعلم زى ماهم طول الناهر بيتكلموا فى الدين وبيفتوا فى الدين ونفسى الناس اللى مش متخصصين يبطلوا كلمه حرام او حلال - نفسى الناس يبقى عندها ضمير وصبر - نفسى الناس تحب بعض - نفسى نبطل نتكلم عن الغرب وكانهم هم العباقرة وكانهم هم شعوب الله ونحن الاغبياء الضعفاء - نفسى منقولش ان تعليمنا بايظ الا لما نخلى الطلبه اللى عندنا يحبوا التعليم الاول لان الطلبه مبتحبش التعليم - نفسى العدل ينتشر ونفسى نحترم اللى ينتقدنا وينتقد االاخر بس كدة الحقيقه بقى معرفش اعضاء كتير هنا عشان اختار فاختاروا انتوا اللى تحبوووووه شكرررررررا على موضوعكم الجميل |
اقتباس:
ربنا يكرمك يا اينشتاين و رينا يحققلك حلمك ان شاء الله |
اقتباس:
مشاركة جميلة وتمنياتى بالتوفيق وتحقيق كل الاحلام |
اقتباس:
اجابات حلوة ماشاء الله وبجد عجبني تفكير ان التعلم بيكون طول العمر مش بس في فترة معينة واحلامك كبييييييرة اوووي ربنا يقدرك و يوفقك لتحقيقها وربنا معاك يا دكتور :) |
يااااااااااااااااااااااااااه ده موضوووووووووووع عظييييييييم اووووووووووووووووووى بجد تسلم ايديكو كلكو ع الموضوووووووع الجميييييل ده يلا بقى اختااااااااروا العضو الجااااااااااى عاوزه اعرف باقى التجارب منكم نستفييييييييييد
|
اقتباس:
ما شاء الله الله اكبر على حضرتك و الله ذا كودر احسن الاختيار فعلا باختيار حضرتك فعلا عقلية رااائعة الله اكبر تعرف لو الكل فكر زى حضرتك التعليم فعلا هايتحصلح اجمل شئ فى المقابلة الراائعة دى طموح حضرتك الرااائعة و الكبييرة و اللى نفس حضرتك يتغير ف مصر ان شاء الله نشوف حضرتك السنة الجاية مع منى الشاذلى و اوائل الجمهورية ** و بالنسبة للعضو الجاى .. كفااية ولاد بقى و هاختارر العضوة .. اللى كانت هاتممشى الانسة الدكتوورة صاحبة اللون الزهرى :d yooma |
اقتباس:
ماشاء الله ربنا يكرمك بجد الواحد منبهر اوى |
اقتباس:
خلصت خلاص أي خدمه |
اقتباس:
مشاركة جميلة وبالتوفيق دائما ويا رب تبقى صيدلانية كبيرة جدا ويا رب كل واحد يتفوق فى المكان اللى هو فيه ومنتظرين اللى عليه الدور |
اقتباس:
ومستنين العضو اللي بعدك :) |
ربنآ يوفقگم ي متفوقييييين :d
|
اقتباس:
عجبنى طبعا مشكوره والسلام عليكم |
اقتباس:
نورتى يا جميييل |
اقتباس:
ما شاء الله عليكى يا دكتورة مى طموحك جميييييلة و اللى نفسك يتغير ف مصر اجملل نورتى بجد يا جمييييل و اختيارك للباشمهندس خالد اختيار موفق ان شاء الله |
اقتباس:
طموح ما شاء الله و الله اتشجعك ع الرياضة 2 و الفيزيا من كلام حضرتك بس نفسى افهم ايه اللى جاب الزى المدرسى ف تطور التعليم :d و اختيار نونا موفق باذن الله و منتظرينها .. |
اقتباس:
إللى جاب الزى المدرسى إننا كطلبه مش بنحب نتقيد بحاجه خصوصا ف مرحله الثانوى لازم نبقى ع راحتنا عشان نحب التعليم والمدرسه ومن ثم التعليم حيطور أر يو أندر إستاند مى ؟؟؟؟؟؟ :):):) |
ماشى ياخالد تدبسنى كدا
ماشى ماشى |
اقتباس:
يلاااااااااااا ي ختتتتتتتتتتى م يوووما دبستنى قبلك هههههههههههه |
اقتباس:
:av4056bb7jp3::av4056bb7jp3::av4056bb7jp3::av4056b b7jp3: |
| جميع الأوقات بتوقيت GMT +2. الساعة الآن 01:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.