اقتباس:
واحلى حاجة كمان امتحان الديزين ال 10 ساعات وغيرها من المواد التانية ساعتها لازم تحس انك فى بيتك:d |
اقتباس:
وكمان بيقعد 20 ساعة يعنى على يومين بس فى مشاريع اعمال السنة العادية :] فنون جميلة بيتك الاول وليس الثانى |
بالله عليكو يا جماعه حد يساعدني يقولي اعمل ايه؟ انا دلوقتي النهارده كان عندي امتحان فيزيا وبعدين مش عارفه جرالي ايه في الامتحان اغمي عليا ومعرفتش اركز خالص ومعرفتش اعمل حاجه المهم يعني هشيل الفيزيا ومش قادره اتكلم ولا انطق ومش عارفه اعمل ايه يمكن دا لاني منمتش ولا اكلت بقالي كام يوم بسبب توتري من الفيزيا واهلي زهقوا معايا وانا مش كان جيلي نفس لاي حاجه وكنت قاعده بذاكر جيت النهارده مش افتكرت ولا كلمه وحيات ربنا ومش عارفه اقول لاهلي ايه ؟دول كانوا يروحوا فيها لانهم تعبوا اوي معايا طول السنه المهم دلوقتي انا اعمل ايه محتاجه حد يقولي ؟ طيب والدور التاني دا بناخد دراجته كلها ولا ايه النظام ولا اعيد السنه كلها؟؟ انتم رايكم ايه؟؟؟ |
اقتباس:
بالنسبة انتى ممكن تدخلى دور تانى وتقدنى خاص لو هينفع الدور التانى بيحسبلك من نص الدرجة وبس يعنى لو جبتى 48 من 50 بتبقى 24 من 25 انا بعتلك رسالة خاصة وركزى فى اللى جى وانسى الفيزياا دى نهائي |
السلام عليكم :)
اانا المفروض يعني طالبة في اولى طب اسكندرية حالياً :) ، بس بافكر اني السنة الجاية أحوّل من الكلية إما صيدلة أو فنون جميلة ، و لما شوفت موضوع حضرتك لاقيت ان قسم ديكور فكرة كويسة ، خاصة إنه يميل للهندسة و انا بحبها جداً :d بس ليا شوية أسئلة كدا ، أولاً : أنا كدا المفروض لو حولت حادخل على تنسيق السنة اللي فاتت ؟ و لا حاخد موافقة إني أحوّل على طول و خلاص ؟ أنا جايبة أصلاً 100.24% ، و هل في التنسيق الداخلي حيُحتسب إني قضيت سنة في طب و بالتالي الأولوية لدفعة 2014 ؟ ثانياً : هل لازم ادخل برضو امتحان القدرات قبل ما أقدم للكلية ؟ ثالثاً : مواد الكيميا و الفيزيا دي بتتاخد بالعربي و لا الانجلش ؟ وشكراً جزيلاً :) |
و معلش نسيت أسأل على حاجة كمان ..
شوفت كومنتس عن ان اليوم ممكن يكون عدد ساعات كبيرة اوي !! فـ هل كدا كل الايام ؟ بمعنى الجدول بيكون ازاي ؟ من الساعة كام لكام يعني ؟ و عدد الطلاب في السكاشن بيكون كام برضو ؟ والدفعة كلها بيكون عددها كام ؟ بعتذر عن كتر الاسئلة معلش :) |
اقتباس:
الحقيقة مش عارف الوضع بالظبط بس اعتقد سهل تحولى فى اسكندرية لازم قدرات طبعا المواد بتتاخد بالعربى والانجلش حتى ورقة الامتحان بتيجى نسختين فمتقلقيش :) |
اقتباس:
الجدول مش كل يوم واصلا السكاشن العدد فيها قليل لان الدفعة كلها متعديش 150 طالب بالكتير اوى بتكون غالبا 110 هو بس وقت التنفيذ بيطول ل 7 بليل :) وساعات ل 5 على حسب العملى |
اقتباس:
هو انا فى اعدادى ديكور اسكندرية وداخل اولى انشاء الله فانا هكلمك على الوضع فى اسكندرية فقط هو عدد ساعات العملى بتبقى كبيرة وده حسب الجدول ورغبة الطالب انا شخصيا بعض المشاريع كنت بشتغلها فى البيت لان احيانا جو الكلية بيبقى غير مناسب ماعدا المشاريع الاجبارى بس فى السنين التانية سمعت ان لازم الشغل يبقى فى الكلية فعدد الساعات اللى فى الكلية بتبقى كبيرة عدد الدفعة 300وحاجة كدة اما السكاشن فهى 50 تقريبا حسب عدد الباشمهندسين والدكاترة اللى احنا بنتوزع عليهم اما بالنسبة لمادة الفزيا فالدكتور منتدب من كلية علوم واغلب الشرح انجلش وهى على فكرة فزياء بصريات اما الكيميا فهى كيمياء صناعية وهى مادة موجودة فى هندسة زى مادة الرسم الهندسى اللى احنا بندرسها عشان كده الدكتور بيشرح بالعربى الا فى المعادلات و جو الكلية جميل كلنا بنساعد بعض ويارب اكون افادتك :) |
يااااااااااااااااااه يا استاذ بهاء .. والله بدور على واحد زيك بقالى فتره
صلى بينا ع النبى بقى :d انا احمد خريح تجاره 2013 كنت ادبى وجبت 88 واكتشفت انى مش هعرف امشى فحاجه غير الديكور لانى بعشقه دلوقتى بقى ايه الوضع؟ هل فى جامعه مفتوحه لفنون جميله ديكور ؟؟ او دورات كويسه بتقدمها الكليه سواء جميله او تطبيقيه وهل لو ماليش تعليم ف ديكور اساسا حضرتك ترشحلى كورسات ايه اخدها بس تكون ممتازه بحيث اكون زيى زي اللى دارس |
ويا ريت يا باشا بالمره رقمك ع الخاص لان شكل حضرتك مش بتدخل كتير هنا
|
اقتباس:
هى للاسف فنون مش بتقبل تحويلات سابقة لكن ليك انك تعمل دراسات حرة او تقدم تربية فنية وتقوى نفسك بكورسات فى الجرافيكس والديكور :) اتعلم فوتوشوب ولاوتوكاد واى برامج تصميم وانت وشطارتك :) |
اقتباس:
ثانيا ايه افضل كورسات ديكور موجوده؟؟ |
يا جماعه السؤال مش للاستاذ بهاء بس طبعا
اللى يقدر يفيدنى ميبخلش الله يعزكو شكرا |
اقتباس:
|
اقتباس:
|
اقتباس:
ولو عايز تعرف معلومات اكتر عن التعليم المفتوح اذهب الى ادارة التعليم المفتوح فى كلية الفنون الجميلة اللى فى جانكليس فى الاسكندرية وربنا يقدم اللى فى الخير :) |
طب دى ازاى .. انا لما رحت ملقتش غير فنون وعماره ,, اختربت عماره ونجحت بس مجموع ى مجبهاش ( الكلام ده السنه الى فاتت ) وكنت جايب 92.8
|
يا جماعة انا أدبي ينفع ادخل قسم ديكور ؟!! انا سمعت ان جامعة اسكندرية ينفع فيها و يا ريت لو حد يعرف اعمل القدرات امتى ؟! انا بتصل عالجامعة و محدش بيرد عليا
|
اقتباس:
|
هو يوم 20-7 ده يوم الامتحان و لا يوم هسلم فيه الاوراق و اقدم و اعرف معاد الامتحان امتى ؟ و ازاي اعرف الحاجات اللي همتحن فيها و اذاكرها منين ؟! و فيها نظري و لا لأ ... انا كنت ناوية اروح حلوان بكرة ان شاء الله انا من الدقهلية كده هروح عالفاضي ؟ .. و لا اروح اسكندرية ؟ انا حرف الألف و ادبي و عايزة ادخل ديكور اسكندرية ان شاء الله ..
|
اقتباس:
|
لو سمحتم انا عايزة اسال عن الدراسات الحرة قسم ديكور؟ هل كويسة فى ان الواحد يقدر يحترف التصميم وايه الكورسات اللى مفروض اخدها بعد كده؟
|
انا دلوقتى معايه الدبلوم نظام ال3 سنين وجبت 75% فا انا عايز اخش فنون جميله قسم الديكور ارجوكم سعدونى هل ينفع اخش وله لا ولو ينفع يارت حد يسعدنى ازاى اخشها انا من القاهره يارت تسعدونى
|
اقتباس:
فنون لا تقبل الا نظام 5 سنوات واقسام خاصة كمان وبتقبل عمارة بس |
اقتباس:
تقدرى تطورى نفسك بكورسات ثرى دى ماكس واوتوكاد :) |
لو سمحت انا علمي رياضة وجايب 381 وجالي فنون حلوان كده لو حولت اسكندرية ممكن ادخل قسم ديكور ولا لأه هو اسكندرية السنة دي اخدت من 382
|
انا جايب 90%ادبى وجتلى فنون حلوان وعاوز ادخل ديكور اعمل اية عشان ادخل القسم دة
|
انا جايب 90%ادبى وجتلى فنون حلوان اعمل اية عشان نفسى ادخل القسم دة وتقريبا حلوان مبتخدش ديكور من ادبى ياريت اعرف اية الحل احول المنيالة اية ياريت الرد.شكراااا
|
اقتباس:
يعنى تقضى ال5 سنين وكمان التنسيق الداخلى ف اول اسبوع دراسى انت ممكن تبقى ف حلوان وتدخل قسم جرافيك شبيه لديكور :) |
اقتباس:
انت قدم فى فنون جميلة حلوان وكدة بتدخل ديكور من اعدادى من غير اى اجراءات اكتب بس ع الدوسيه انك عايز اعدادى ديكور مش اعدادى فنون :) |
لو سمحت انا بسمع ان ادوات الكلية بتقى غالية اوى و الترابيزة كمان و الحاجات دى ممكن اعرف المصاريف دى كلها بتبقى فى حدود كام كدة
|
اقتباس:
بتاع 300 جنيه فى الاول وبعدها المصاريف هتقل متخافش فيه اسعار لكل الفئات وعلى حسب مهارتك فى استخدام الادوات يعنى ممكن حاجة رخيصة بس عايزة مهارة اكتر وهتطلع شغل ممتاز :) متقلقش من الاسعار |
السلام عليكم
انا طالبة ثانوية عامة مصرية في الكويت .ميولي كلها فنية لكن كلية فنون كانها كلية دون المستوى في العيلة عايزة اعرف ايهم افضل تخصص عمارة ولا ديكور !!! عايزة كلية اعرف اثبت فيها نفسي وان اختياري للفنون مانش خطا واحقق طموحي اتمنى القى رد :") |
جزاك الله كل الخير وجعل هذا العمل فى ميزان حسناتك
|
اقتباس:
مشكلة ديكور بس انه لحد دلوقتى مش تبع نقابة المهندسين ولكن بنعمل محاولات لكدة وفيهع شعبتين عمارة داخلية اللى هو تصميم داخلى وفنون تعبيرية اللى هى تصميم ديكور سينما ومسرح وتليفزيون وازياء وعرايس متحركة وانا كاتب توبيك ف المنتدى عن كل الاقسام كلية فنون جميلة فعلا هتكون كويسة بالنسبالك وهتحققى طموحك باذن الله واى سؤال احنا فى خدمتكم :) |
انا قريت الموضوع بتاعك ومحتاجة اعرف حاجات كتير عن القسم داة لو تقدر تساعدنى :rolleyes:
|
اقتباس:
|
انا عايزه اعرف لو سمحت هو لازم عشان ادخلل ديكور ادخل من علمي
|
اقتباس:
لكن ممكن تدخلى اى كلية فنون ادبى وتدخلى قسم تصميم الجرافيكس :) قسم ممتاز |
انا تالته ثانوى نظام قديم من الاقصر ونفسى ادخل فنون جميله وعايزه اعرف الحد الادنى من المجموع الى ممكن يدخلنى وفى اى جامعه بالظبط مع العلم ان انا علمى رياضه
|
انا علمى رياضه ونفسى ادخل فنون جميله قسم ديكور وعايزه اعرف الحد الادنى للمجموع الى ممكن يدخلنى
|
ارجوكم حد يرد عليا عشان انا بجد مش عارفه اى حاجه عن اى حاجه
|
طيب انا دلوقتي 3 ثانوي علمي علوم و عايزة ادخل فنون جميلة ديكور..اعمل ايه عشان انجح في اختبار القدرات؟؟
و لو في كورسات ايه هي مواعيدها لو سمحت ؟؟ |
اقتباس:
عمارة 94 93 على حسب تنسيق اى سنة ف لازم تراجعى مكتب التنسيق ولازم تكونى لائق فى السنة القديمة |
اقتباس:
بصى فيه كورسات الكلية وفيه كذا مكان بيوفر كورسات منها صفحة تبع الكلية تقريبا اسمها كورسات امتحان فنون لازم تتمرنى ف الرسم على التمثال والتصميم الابتكارى وتشوفى حد كويس يقدر يساعدك فى دة :) حد يكون خريج الكلية او من الكلية لكن مش مدرس رسم وخلاص :) بعتلك رسالة بخصوص الكلية |
شكرا جزيلا وجزاك الله خيرا على هذه المعلومات المهمة .
|
جزيل الشكر والتقدير لحضرتك
مجهود طيب جزاك الله خيرا وبارك الله فيك |
السلام عليكم
اولا انا ادبي وعايزه ادخل قسم ديكور ان شاء الله وانا سمعت كتير ان جامعة اسكندريه بتاخد من ادبي بس مش عارفه لحد دلوقتي ولا لاء .. بس كنت عايزه استفسار عن حاجه هو انا ينفع ادجل اول سنه في جامعة اسكندريه وبعد كدا احول على حلوان ولا مينفعش و جامعة اسكندريه دلوقتي بتقبل من كام من ادبي وشكرت :) |
اقتباس:
لا التحويل مينفعش خالص حتى لو تالت او رابع سنة او حتى لو بتقدير بسبب موضوع الادبي حوالى 89 90 او 88 على حسب لان دة موضوع متغير جدااا وبالتوفيق |
جميع الأوقات بتوقيت GMT +2. الساعة الآن 06:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.