السلام عليكم ....
أنا عندي سؤال هو طب القصر العيني بيقبل كام طالب ؟؟

السؤال هنا طب القاهرة هتاخد كام

الحد الادنى ليها يعني

أنا مش بسأل علي المجموع لأ أنا بسأل أن الدفعه بتبقي كام طالب ..؟

اعتقد 1500

ياه كتير أوي أمال عين شمس بتاخد كام طالب ...
هو الرقم بعد الزياده ؟

أنا كتبت القاهرة الأول بس يا رب تيجي

انا كمان

ان شاء الله ح تيجى يابنى انت مجموعك ما شاء الله فوق الممتاز :022yb4:

اسمى :كاريمان ((ليه معزة خاصه عندى اصله ))
لسه مسجله من شويه
انا جايبه 99.15%..وانتى ؟
ان شاء الله هنكون مع بعض انا برضه حاسه انى مقطوعه من شجرة كلهم دخلين صيدله فم واسنان اعلام او اقتصاد واحصاء
والله هبقى مبسوطه لو لقيت حد معايا واكيد يشرفنى ويسعدنى انه يكون انتى

يا رب ان شاء الله ليك وليا
بس هي نتيجة النتسيق هتطلع أمتي ؟
وأنت جيبه كام ؟

هو الرد نزل متاخر كدة ليه ؟؟؟
عامه الكلام ليكى fantazia22

اعتقد نتيجه التنسيق بكرة او يوم السبت بالكتير

اقتباس:

المشاركة الأصلية كتبت بواسطة كاريمان (المشاركة 3755436) اسمى :كاريمان ((ليه معزة خاصه عندى اصله ))

واااااااااااااااااااااااااو


نفس مجموعى بالظبط :022yb4:


انا بالدرجات 406.5 ( مظلومة والله ف 3 درجات بس يللا كل شىء نصيب والحمدلله انها جت ع قد كدة :( )


ويـــــــــــــــــــارب نكون مع بعض ان شاء الله :022yb4:


بقولك ... انتى شوفتى الموضوع ف منتدى دفعتنا اللى هو ده .... هناااااااااااا

حلو اوى يا جماعة ياللى داخلين القصر العينى ... اينعم انا اتعقدت شوية ولسة مقرتش فيه صفحتين بس يعنى مفيد بجد فعلا ;)


وربنا يوفقنا جميعا :)

والله بيقولوا الجمعة الوزير ح يعتمد النتيجة , يبقى هى السبت ان شاء الله ع اقل تقدير

وان شاء الله خير

وانا جايبة زى كاريمان 99.15% ,, والحمدلله ع كل حال

وانا نفس الحكايه اتظلمت السنه اللى فاتت والسنه دى بس بصراحه ماقدرش انكر انى فرحانه بالنتيجه اوى طبعا والحمدلله ...اعرف ناس ممتازين اتظلموا فى درجات بالهبل

انا قريت ال29 صفحه اللى فى الموضوع ...وعرفت ان الموضوع صعب اوى ..بس احنا قدها ولا انتى ايه رايك
اة وحملت اطلس اناتومى كان صاحب الموضوع ربنا يجازيه كل خير حطه ..بصراحه حلو جدا

اه طبعا ان شاء الله احنا قدها وقدود B)

وبجد انا مبسووووووووووووووووطة جدا انه حاطط اطلس اناتومى لانى كنت لسة بسأل بابا عنه فعلا :022yb4:

شكرا انك عرفتينى :022yb4:

العفو ..
انتى برضه الوحيدة من صحابك اللى قررت طب ميش كدة

لا الحقيقة صحابى منقسمين لقسمين :

الاول : مجموعه لسة تحت رحمة التنسيق .. يعنى زى مثلا 403 او 403.5 ... همة عايزين طب ويارب التنسيق ينزل عشان يلحقوها يااارب :frown:

التانى : مجموعه كويس جدا الحمدلله . لكن داخلين طب فـ جامعات تانية زى المنصورة وقناة السويس والزقازيق



فانا ادعو الله التنسيق ينزل عشان الناس اللى تعبت دى تفرح بجد بتعبها :redface:

ان شاء الله ربنا ميش هيضيع تعب حد
لا انا الوحيدة اللى ناوياها رغم ان فى اعتراضات كتير عندنا
والاعتراضات نوعين
نوع رافض طب اصلا
والتانى عايزنى ادخل عين شمس عشان فى ليا قرايب طلبه فيها

اقتباس:

المشاركة الأصلية كتبت بواسطة كاريمان (المشاركة 3755824) ان شاء الله ربنا ميش هيضيع تعب حد

انا فى الاول كنت كاتبة عين شمس قبل القاهرة .. لأنى من سكان شرق مدينة نصر ... وبالتالى هى اقرب لى كتيـــــــــــــــــر ... القاهرة بالنسبة لى شبه سفر اكتر من ساعة لو ربنا ميسرلى الطريق اصلا


بس انا صليت استخارة وسألت قرايبى اساتذة جامعة نصحونى بالقاهرة اكتر . فعدّلت الرغبات للقاهرة والحمدلله انى عملت كدة فعلا حبيتها اوى لما قريت عنها

واسع يا عبد وانا اسعى معاك :blush:

__________________________________


جزئية رفض طب ... فعادى عدد مش قليل من الناس بيرفضوها للبنات عشان طول الدراسة

وغالبا بتبقى مرتبطة بالخوف من العنوسة :006et4:

اهى بقى افكار مصرية موروثة :p

بس سيبك انتى .... محدش بياخد غير نصيبه :d

ههههههه والله عندك حق .
تعرفى انى لحد مدة قريبه طب مكنتش فى دماغى ..كنت عايزة فنون جميله او تطبقيه
سبحان مغير القلوب