بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية التجارة (https://www.thanwya.com/vb/forumdisplay.php?f=162)
-   -   لطلبة كلية التجارة - جامعة القاهرة (ضع استفسارك هنا) (https://www.thanwya.com/vb/showthread.php?t=342144)

ميدو ميد 14-08-2011 03:39 AM

يا استاذى انا دلوقتى جالى تجارة السويس جامعة قناة السويس ولسة مستنى نتيجة تقليل الاغتراب

بس انا عارف انى مش هقبل فى ولزم اعد سنة صح ؟؟؟؟؟؟؟؟؟؟؟؟؟؟؟؟؟؟ ممكن تفيدنى ممكن اعمل اية بعد ما تقليل الاغتراب مش يقبل :(؟؟؟؟؟؟؟؟؟؟؟؟؟؟؟

bosy@ 15-08-2011 06:23 AM

انا عايزة اعرف اذا كان مجال شغل القسم الاكتوارى كتير و متوفرة ولا لا عشان فى ناس كتير بتقولى محاسبة احسن و هتلاقى شغل كتير معلش هتعبك معايا

rana r 16-08-2011 04:40 PM

لو سمحت انا جايبه 92% علمي رياضه وجاتلي تجاره واداره اعمال حلوان وكنت عايزه احول لتجاره القاهره ومش عارفه احول ازاي انا رحت مكتب التنسيق ومعرفتش احول ممكن تقولي ينفع احول ازاي وايه الافضل ليا تجاره انجليش ولا تجاره عربي اناكنت جايبه 41.5 في الانجلش ورياضه 2 جبت فيها 46.5 بس انا حاسه لو دخلت تجاره انجلش مش همشي فيها

مرموور 16-08-2011 05:35 PM

لو سمحت يا استاذvampire1188
ياريت حضرتك تطمن عن النتيجه
ليه متأخره كده شويه يقولوا نص الاسبوع ده
وشويه يقولوا آخر الاسبوع
الواحد زهق وقلق من التأخير ده
ياريت كلام اكيد فى الموضوع ده
وكمان المجموعه المميزه اتلغت فعلا ولا لأ؟
واهم الكورسات اللى المفروض الواحد ياخودها
غيرالICdl والانجلش!!
وهل ينفع لو جبت تقدير ادفع فلوس واحول تجاره انجلش
ولا ده كلام!!!
مع العلم انى فى تانيه تجاره ورايحه تالته..

sallyaa 16-08-2011 08:38 PM

لو سمحت انا عيذه اعرف ضرورررررررررررررى
ايمها افضل تجاره تعليم مفتوح او معهد تعاون ؟؟؟؟؟؟؟؟؟؟؟؟؟

vampire1188 16-08-2011 09:18 PM

اقتباس:

يا استاذى انا دلوقتى جالى تجارة السويس جامعة قناة السويس ولسة مستنى نتيجة تقليل الاغتراب

بس انا عارف انى مش هقبل فى ولزم اعد سنة صح ؟؟؟؟؟؟؟؟؟؟؟؟؟؟؟؟؟؟
العمل عمل ربنا بقى .. ساعتها هاتبقى في موقف لا تحسد عليه

vampire1188 16-08-2011 09:26 PM

اقتباس:

ياريت حضرتك تطمن عن النتيجه
ليه متأخره كده شويه يقولوا نص الاسبوع ده
وشويه يقولوا آخر الاسبوع
الواحد زهق وقلق من التأخير ده
ياريت كلام اكيد فى الموضوع ده
والله علمى علمك .. النتيجة دلوقتى لسه فيها تعديلات

والتأخير اللى حاصل فيها بسبب الافتكاسات اللى الكلية بتعملها ورفع نسب النجاح والحاجات الغريبة دي !!

ادينا حاطين ايدنا على خدنا ومستنيــــيــــن

اقتباس:

وكمان المجموعه المميزه اتلغت فعلا ولا لأ؟
اتلغت للمستجدين بتوع السنة دي وبتوع السنة اللى فاتت

حاليا انتى عندك فيه تقريبا 3 دفعات مميزة ..

دفعة اتخرجت السنة دي اهي ودفعتين واحده طالعه تالته وواحده طالعة رابعة

فابالنسبالك تقدري تحولي لو الشروط توافرت فيكي .. اما غير كدا خلاص

ونصيحــة .. خليكي في مجموعتك زي مانتى وفكك من التحويل عشان وجع الدماغ

اقتباس:

واهم الكورسات اللى المفروض الواحد ياخودها
غيرالicdl والانجلش!!
ركزى على اي لغة تانية انتى حاباها بالتزامن مع كورسات محاسبة

وفيه عندك برده منحة الاديو ايجيبت هاتظبطك حلو اوي في الانجليش وهاتعمل معاكي فرق جامد

اقتباس:

وهل ينفع لو جبت تقدير ادفع فلوس واحول تجاره انجلش ولا ده كلام!!!
مستحيــــل تحولي من عربى لانجليش الا في حالة قسم اكتواري فقط

مرموور 16-08-2011 09:58 PM

اقتباس:

والله علمى علمك .. النتيجة دلوقتى لسه فيها تعديلات

والتأخير اللى حاصل فيها بسبب الافتكاسات اللى الكلية بتعملها ورفع نسب النجاح والحاجات الغريبة دي !!

ادينا حاطين ايدنا على خدنا ومستنيــــيــــن

ما يعلموا بما يرضى الله من الاول وخلصونا
بجد حسبي الله ونعم الوكيل..
الترم الاول عملوا مظاهرات وعازين درجاتنا
وفى الاخر ناس متستاهلش رفعوا درجاتهم
وهما كانوا جايبن 5و6 وبيقولوا الحمدلله
بجد حاجه تحرق الدم!!!
اقتباس:

ونصيحــة .. خليكي في مجموعتك زي مانتى وفكك من التحويل عشان وجع الدماغ

يعنى ده رأيك؟!
اصبر وخلاص!!
اصلى كنت انتساب وحولت انتظام
وبصراحه السكاشن بتبقا بالضرب
اقتباس:

وفيه عندك برده منحة الاديو ايجيبت هاتظبطك حلو اوي في الانجليش وهاتعمل معاكي فرق جامد

طب دلوقتى انا اخدت الIcdl
وامتحنت ومستنيه الشهاده
والانجلش عندىtest
تحديد مستوى فى الجامعه الامريكيه يوم19 الجى!!
مفيش عند حضرتك اى معلومات تفيدنى فى الtEST ده
ممكن اعرف بقا الاديو ده هيظبطنى انجلش بس
ولا ايه؟!

مرموور 16-08-2011 10:03 PM

معلش سؤال اخير
عايزه حضرتك تكلمنى اكتر عن اقسام التخصص
وليه كل الناس بتخصص محاسبه؟
انا نفسى اتخصص اداره
مش عشان مبحبش المحاسبه
لأ بس سمعت ان اداره شغلهم كويس
مرتباتهم عاليه!!
عايزه حضرتك تقولى مميزات وعيوب كل قسم؟!
معلش تعبت حضرتك!

rana r 16-08-2011 10:13 PM

لو سمحت انا جايبه 92% علمي رياضه وجاتلي تجاره واداره اعمال حلوان وكنت عايزه احول لتجاره القاهره ومش عارفه احول ازاي انا رحت مكتب التنسيق ومعرفتش احول ممكن تقولي ينفع احول ازاي وايه الافضل ليا تجاره انجليش ولا تجاره عربي اناكنت جايبه 41.5 في الانجلش ورياضه 2 جبت فيها 46.5 بس انا حاسه لو دخلت تجاره انجلش مش همشي


ممكن ترد عليا لو سمحت

ahmed610 16-08-2011 10:32 PM

فامبير انا عندى امتحان هويبت بعد العيد ياريت لو انت دخلت الامتحان دة تقولى شكلة اية :excl:..........شكرا مقدما

vampire1188 18-08-2011 01:10 AM

اقتباس:

ما يعلموا بما يرضى الله من الاول وخلصونا
بجد حسبي الله ونعم الوكيل..
الترم الاول عملوا مظاهرات وعازين درجاتنا
وفى الاخر ناس متستاهلش رفعوا درجاتهم
وهما كانوا جايبن 5و6 وبيقولوا الحمدلله
بجد حاجه تحرق الدم!!!
طب انتى في تانية ومحروق دمك .. انا بقى ياللى مزنوق في الجيش ومستني النتيجة اعمل ايه ؟!!!

اقتباس:

يعنى ده رأيك؟!
اصبر وخلاص!!
اصلى كنت انتساب وحولت انتظام
وبصراحه السكاشن بتبقا بالضرب
انا شايف دا احسنلك واريحلك .. وانتى ليكي القرار الاول والاخير

اقتباس:

طب دلوقتى انا اخدت الicdl
وامتحنت ومستنيه الشهاده
والانجلش عندىtest
تحديد مستوى فى الجامعه الامريكيه يوم19 الجى!!
مفيش عند حضرتك اى معلومات تفيدنى فى الtest ده
ماهو على حسب كونفيرسيشن او جينرال

لو جينرال هاتقعدي على كمبيوتر وتعيشي حياتك في الاسئلة اللى قدامك

لو كونفيرسيشن هاتقعدي مع واحد وهايكلمك وتكلميه زي انترفيو كدا

اقتباس:

ممكن اعرف بقا الاديو ده هيظبطنى انجلش بسولا ايه؟!
الاديو ايجيبت برنامج شامل متقسم على سنتين

سنة تالته بتاخدي فيها انجليش بس .. وبيبقى تبع معهد بيرلتز للغات ..

من انضف واغلى المراكز اللى بتدي كورسات في مصر

يكفي ان الليفل الواحد بـ 1000 جنيه .. بس بيجيب من الاخر وبيعلمك صح

في سنة رابعة بقى بتدرسي حاجات تانية بس لغة الدراسة فيها بالانجليش برده

فاهاينمي الانجليش اكتر عندك .. زي حاجة ادفانسد كدا

اقتباس:

معلش سؤال اخير
عايزه حضرتك تكلمنى اكتر عن اقسام التخصص
وليه كل الناس بتخصص محاسبه؟
انا نفسى اتخصص اداره
مش عشان مبحبش المحاسبه
لأ بس سمعت ان اداره شغلهم كويس
مرتباتهم عاليه!!
عايزه حضرتك تقولى مميزات وعيوب كل قسم؟
فيه بوست ان شاء الله كاااااامل هانزله عن ازاى تختار القسم بتاعك في سنة رابعة

vampire1188 18-08-2011 01:15 AM

اقتباس:

لو سمحت انا جايبه 92% علمي رياضه وجاتلي تجاره واداره اعمال حلوان وكنت عايزه احول لتجاره القاهره ومش عارفه احول ازاي انا رحت مكتب التنسيق ومعرفتش احول ممكن تقولي ينفع احول ازاي
لو من انجليش لانجليش ماينفعش .. لكن لو عربى لعربي اوكي ينفع

ازاااى بقى ؟؟ اديني فرصة يومين اتأكدلك واجيبلك المفيد عشان ماديكيش معلومات غلط

اقتباس:

وايه الافضل ليا تجاره انجليش ولا تجاره عربي
انجليش .. بس لو انتى من هواة المذاكرة والاطلاع ممكن تخشي عربى

وبجانب عربى تذاكري مقررات انجليش كثقافة ليكي

لان مشكلة طلاب تجارة انجليش انهم مابيبقوش فاهمين اي حاجة في محاسبة عربى

لكن على العكس .. طلبة عربى لو ذاكرو انجليش هايمشو فيها

اقتباس:

بس انا حاسه لو دخلت تجاره انجلش مش همشي
كل اللى دخلو تجارة انجليش قبلك كانو خايفين زيك كدا ومقلقين وفاكرين ان العملية هاتبقى صعبة اوي

بس بيمشو فيها عادي وبينجحو وبيجيبو تقديرات كمان .. خليكي واثقة في نفسك وواثقة في قدراتك

vampire1188 18-08-2011 01:16 AM

اقتباس:

فامبير انا عندى امتحان هويبت بعد العيد ياريت لو انت دخلت الامتحان دة تقولى شكلة اية ..........شكرا مقدما
انا بعتلك رسالة برايفت .. ابقى اقراها

hazenhazen 18-08-2011 02:42 AM

انا جايبة 95.12
وفضلت تجارة انجلش عن كل كليات القمة مع ان كان نفسي ادخل سياسة واقتصاد
بس الحمدلله بقي
انا دخلت تجارة انجلش جامعه بنها بس سمعت ان هى بقت صعبة ودخلولها مناهج عين شمس
انا عايزة اعرف تجارة انجلش بنها صعبة ولا اية عشان انا قلقانة اوى اوى
ارجو الررررررررد

rana r 18-08-2011 04:27 AM

ميرسي اوي عالنصيحه اصل انا حاسه اني مش همشي في انجلش عشان انا كنت في مدرسه عربي فاكيد اللغه عندي هتبقي مدمره ومش هفهم حاجه بس انا ام شاء الله لو دخلت عربي كده كده هاخد كورسات انجلش باذن الله عشان احسن اللغه عندي وانا قلقانه اوي اني معرفش احول القاهره بصراحه حلوان مشوار صعب عليا اوي وميرسي تاني علي اجابتك

freetigerf 18-08-2011 06:23 AM

طب بالنسبة لخريجى جورجيا دول بيبقى نظامهم فى الشغل ايه هل هما مطلوبين ولا عادى ولا ايه النظام اصلا

محمود محسن مصطفى 20-08-2011 07:34 AM

ممكن حضرتك تقولنا ازاى نختار التخصص وعلى اى اساس واهمية كل تخصص واحتياج سوق العمل لة بالنسبة لتجارة انجليزى
معلش سؤال تانى انت بتقول ان عدد تجارة انجلش 400 او 500 طالب وبيقسموهم مجكموعات صغيرة مع ان السنة دى احنا فى جامعة القاهرة عددنا 1096 يبقى ازاى كدة هيقسمونا

koko_220 21-08-2011 11:48 PM

السلام عليكم الاول انا عايزة اعرف ينفاع احول لى تجارة انجلش مكتب التنسيق جابنى تجارة القاهرة بس عربى و لما سألت ينفاع احول رد عليا الراجل رد رخم كدا قالى لا ممكن اعرف احول ازاى

vampire1188 22-08-2011 07:13 PM

اقتباس:

ميرسي اوي عالنصيحه اصل انا حاسه اني مش همشي في انجلش عشان انا كنت في مدرسه عربي فاكيد اللغه عندي هتبقي مدمره ومش هفهم حاجه بس انا ام شاء الله لو دخلت عربي كده كده هاخد كورسات انجلش باذن الله عشان احسن اللغه عندي وانا قلقانه اوي اني معرفش احول القاهره بصراحه حلوان مشوار صعب عليا اوي وميرسي تاني علي اجابتك
بالنسبة لموضوع التحويل .. كنتي سألتيني قبل كدا على التحويل

وقولتلك سيبيني يومين اسألك واجيبلك الخبر اليقين

دلوقتى عشان تحولي من حلوان للقاهرة هاتعملي الاتى ان شاء الله

1- هاتضطري انك تفضلي في حلوان في سنة اولي بس بشرط انك تنجحى وتجيبي جيد

او على الاقل تطلعي صافى وماتشيليش اي مواد

2- هاتروحي مكتب التحويلات بتاع جامعة القاهرة ودا هاتلاقيه في مدينة الطلبة

وتسألي اذا كان هايتقبل تحويلك ولا لاء

3- لو اتقبل يبقى ساعتها بتسحبي ملفك من حلوان وتسلميه لمكتب التحويلات ويبقى كدا خلاص خلص الموضوع

يعنى كل الشغل مع مكتب التحويلات مش مع الكلية خاااالص

vampire1188 22-08-2011 07:15 PM

اقتباس:

انا جايبة 95.12
وفضلت تجارة انجلش عن كل كليات القمة مع ان كان نفسي ادخل سياسة واقتصاد
بس الحمدلله بقي
انا دخلت تجارة انجلش جامعه بنها بس سمعت ان هى بقت صعبة ودخلولها مناهج عين شمس
انا عايزة اعرف تجارة انجلش بنها صعبة ولا اية عشان انا قلقانة اوى اوى
ولا صعبة ولا حاجة .. كل الكليات زي بعض فيما عدا بعض الفروض البسيطة

اللى بتتمثل فى غباوة الدكاترة مش اكتر ..

لكن المنهج معظمه واحد او بمعنى اصح الاساسيات واحده عمرها ماهتتغير

واللى بيتغير اسلوب الدكتور وطريقة شرحه ودماغه .. بالاضافة لمستوي رخامته سواء في الشرح او التصحيح

هوا مشكلته انه منتشر شوية في عين شمس عشان كدا الناس بتتعقد من عين شمس

لكن صدقيني هيا كلها واحد

vampire1188 22-08-2011 07:17 PM

اقتباس:

طب بالنسبة لخريجى جورجيا دول بيبقى نظامهم فى الشغل ايه هل هما مطلوبين ولا عادى ولا ايه النظام اصلا
يا باااشا انت وتقديرك وشطارتك .. ماهو مش عشان انت معاك شهادة امريكية يبقى هاتعيش في الدور وتأنتخ

وانا زي ما شرحت في التوبيك واثبت بالدليل القاطع ان جورجيا مش هيا الأملة اللى الناس مفروض تجري وراها يعنى

vampire1188 22-08-2011 07:21 PM

اقتباس:

ممكن حضرتك تقولنا ازاى نختار التخصص وعلى اى اساس واهمية كل تخصص واحتياج سوق العمل لة بالنسبة لتجارة انجليزى
فيه بوست ان شاء الله هانزله عن التخصصات وازاى تتخصص وكل شئ بالتفصيل

ماتستعجلش خالص .. كله هايبان مع الوقت باذن الله بس تابع انت معايا

انا اليومين دول بس مزنوق في حوار الجيش دا عشان كدا متأخر شوية في الكتابة

بس المعلومات الاساسية اللى المفروض اي طالب مستجد يعرفها انا قايلها باستفاضة والحمدلله

اقتباس:

معلش سؤال تانى انت بتقول ان عدد تجارة انجلش 400 او 500 طالب وبيقسموهم مجكموعات صغيرة مع ان السنة دى احنا فى جامعة القاهرة عددنا 1096 يبقى ازاى كدة هيقسمونا
هاتتقسمو على جروبات اكتر شوية .. يعنى الطبيعي انه بيبقى من a لحد f

ممكن بقى يقسموكو مثلا من a لحد i ودي حصلت فعلا في دفعة 2007 لانها كانت 1500 طالب

vampire1188 22-08-2011 07:24 PM

اقتباس:

السلام عليكم الاول انا عايزة اعرف ينفاع احول لى تجارة انجلش مكتب التنسيق جابنى تجارة القاهرة بس عربى و لما سألت ينفاع احول رد عليا الراجل رد رخم كدا قالى لا ممكن اعرف احول ازاى
طالما قالك لاء يبقى لاء .. اولا لان انجليش دي شعبة مش كلية

ومش عشان هما نزلوها في التنسيق في رغبة مستقلة تبقى كلية لوحدها بل هيا ما زالت تبع كلية التجارة

بس هما نزلوها في رغبة مستقلة منعاً لحوار التدبيس بتاع تجارة عربى دا

ثانيا انك لو دخلت على تقليل الاغتراب وبصيت في الرغبات مش هاتلاقي تجارة انجليش اصلا

ودا دليل واضح انها مش موجودة على خريطة التحويلات من اساسه .. فهمــت ؟؟

koko_220 23-08-2011 08:02 PM

مش فى امال خالص انى احوال يعنى دى اول سنة يعملوا كدا تجارة انجلش كانت بتاخد من مجموع تجارة و كانت بتتوقف على مجموع الانجليزى بس يا رب بقى

koko_220 26-08-2011 06:52 PM

معلش سؤال تانى ليا واحدة صاحبتى فى تجارة طنطا بقلها سنتين و عايزة تحول لى القاهرة بس هى تجارة انجلش ينفع تحول دالوقتى ولا اية

$ Hager $ 26-08-2011 11:23 PM

انا عايزة اسأل طلاب كلية التجارة
عن دبلومة ادارة الاعمال
ازاي بيتم التقديم ليها
و ياريت لو حد عارف مواعيد التقديم

amrbardana 28-08-2011 11:53 PM

لازم جامعة القاهرة بس؟؟؟؟؟؟؟؟؟

vampire1188 01-09-2011 03:53 PM

اقتباس:

معلش سؤال تانى ليا واحدة صاحبتى فى تجارة طنطا بقلها سنتين و عايزة تحول لى القاهرة بس هى تجارة انجلش ينفع تحول دالوقتى ولا اية
لاء ماينفعش بأي حال من الاحوال التحويل من تجارة انجليش في جامعة لتجارة انجليش في جامعة تانية

vampire1188 01-09-2011 03:59 PM

اقتباس:

انا عايزة اسأل طلاب كلية التجارة
عن دبلومة ادارة الاعمال
ازاي بيتم التقديم ليها
بتروحي شئون الدراسات العليا أسفل مدرج هـ في الدور الارضي

وتقوليلهم عايزة اعمل دبلومة ادارة الاعمال .. وساعتها بيقولولك على مواعيد التقديم

واعتقد ان مواعيد التقديم تقريبا شغاله دلوقتى .. روحي واسألي بنفسك احسن

بس لازم تكوني جايبه تقدير جيد عشان تقدري تعملي الدبلومة دي

دا غير ان يكون فات سنة على تاريخ حصولك على البكالوريوس + ان يكون معاكي شهادة خبرة مدتها سنة

ومدة الدبلومة سنتين

ولو عايزة تكملي وتعملي ماجيستير لازم تجيبي في التقدير العام بتاع الدبلومة جيد جدا

فانتي احسنلك تروحي تسألى الاول في شئون الدراسات العليا وبعد كدا لو تمام يبقى تحضري ورقك وتقدميه

منى عاشقة الكيمياء 05-09-2011 10:34 AM

شكرا لمعلوماتك

منى عاشقة الكيمياء 05-09-2011 12:06 PM

تمام جدا جدا

التؤمان 05-09-2011 08:41 PM

السلام عليكم ورحمة الله وبركاتة
انا كنت عاوزة اسال عن منحة iti كان فى موضوع قبل كدا كنت حضرتك عملتة يا استاذvampire1188 كنت عاوزة اسال حضرتك اخدتها ولا اية والانتر فيو دا لازم اكون واخدة كورس انجلش قبلها ولا لأ وهل المنحة دى بتاثر على الدراسة ولا اية وبتاخد وقت اد اية علشان المفروض ان ميعاد التقديم قرب وانا خايفة من التقديم ومن الانترفيو جداااااااااااااااا وجزاك الله خيرا

vampire1188 05-09-2011 11:49 PM

اقتباس:

انا كنت عاوزة اسال عن منحة iti كان فى موضوع قبل كدا كنت حضرتك عملتة يا استاذvampire1188 كنت عاوزة اسال حضرتك اخدتها ولا اية
اه .. وأخيـــــــــراً خلصتها قبل العيد بيومين بعد سنتين عناااااااااء

اقتباس:

ة والانتر فيو دا لازم اكون واخدة كورس انجلش قبلها ولا لأ
انتى اكيد قصدك على انترفيو بيرلتز بقى

هوا الانترفيو بالنسبة للناس اللى واخده على انها تتكلم انجليش على طول هايبقى بالنسبالهم قمة الهبل

يعنى لو جيبتى واحد بعد ماخلص منحة سنة رابعة (مش تالته) وقولتيله خش انترفيو بيرلتز هايقولك بلاش هبل !

انا مش بقولك كدا عشان انا اقلل من شأن اللى بيخشو الانترفيو .. لاخاااااااالص لان انا دخلت الانترفيو دا قبل كدا زيكو

بس انا بقول كدا عشان اوضح قد ايه المنحة هاتفرق معاكي في الانجليش فرق شااااااسع زي السما والارض

بس اني واي .. حاولي من دلوقتى تدربي نفسك على الانجليش ككلام

فكك بقى من حوار الجرامر والبريزينت سيمبل والكلام الدش ووجع الدماغ اللى خدناه في ثانوي واعدادي دا

انتى اه كل دي بيزيكس انتى بتاخديها .. دا شئ كويس مش وحش خالص

بس هل بتعرفي تطبقي الجرامر الصح دا وانتى بتتكلمي ؟

يعنى اه انا عارف انك عارفه البريزنت سيمبل بيتكون من ايه

بس اثناء الكلام انا ابصم بالعشرة انك هاتغلطى وهاتدخلى زمن في زمن تانى خالص وانتى مش واخده بالك

زي مثلا تقولي he go to school .. طبعا دا غلط شاااااااائع فحت للناس اللى لسه بتقول يا هادي في الكلام

لو جيبتهالك على ورقة وقولتلك صححي هاتقوليلي لا طبعا غلط لان الصح he goes to school

لكن في الكلام هاتقولي زي ماكانت مكتوبة في الاول .. ولو قولتلك انتى قولتي كدا هاتقوليلي لا انا ماقولتش !!

وكلناااااااااااا كنا كدا .. بس مع التدريب والتمرين والرغى الكتير والروول بلاي

وان فجأة مرة واحده يقوم الترينر مديكي عنوان ويقولك عايزك تتكلمي فيه بالانجليش لمدة دقيقتين حالا ودلوقتى

كل دا مفيد جدا .. هوا ساعتها هاتبقى مش طايقة نفسك وحاسة بالاحراج ..

بس بعد كدا هاتقولي ان الناس دي كانت صح الصح وياريتنا كان بيتعمل فينا كدا من واحنا صغيرين

فعموما .. الانترفيو محتاج انك تدربي نفسك قبلها كويس

وتسمعي تراكات انجليش كتيرة .. واسمعي اغاني انجليش وكرري وراها

يعنى تشغلي الاغنية وتشوفي الـ Lyrics بتاعتها وكرري وراها عشان تحسنى من النطق عندك

لغاية ما واحده واحده هاتلاقي النطق عندك بدأ يتظبط شوية

والغلطات الشائعة بتاعة انك بدل ماتنطقي كلمة زي the تنطقيها za .. و father تنطقيها fazar

كل الكلام دا هايتلغى مع التمرين والتدريب .. بس اهم حاجة تاخدي بالك من نفسك وانتى بتتكلمي

والعملية فشلت يبقى تعملي ريكورد لصوتك وتتكلمي وبعد كدا تسمعي انتى قولتي ايه بعد ماتخلصي

وماتقوليش انا هابقى شكلي اهبل لما اسمع نفسي .. لا خالص دا الصح

ولو سمعتي نفسك ولاقيتي نفسك انك راضية باللى بالنطق بتاعك يبقى انتى تمام

لو مارضيتيش يبقى تدربي تانى وتعيدي الريكورد تانى لغاية ماتوصلي لمستوي الرضا اللى انتى عايزاه

اما بالنسبة لغلطات الجرامر فادي بالتمرين .. بس تحاولي تطبقي النظري عملي بقى

وانا اديت مثال صغير في اول الكلام .. وبناءا عليه طبقى في الباقى بقى

اقتباس:

وهل المنحة دى بتاثر على الدراسة ولا اية
لا خاااااااالص

اقتباس:

وبتاخد وقت اد اية
المنحة مقسومة نصين على سنتين .. تالته ورابعة

سنة تالته بيبقى دراسة انجليش بس .. ودا بيبقى تبع معهد بيرلتز

سنة رابعة بتدرسي حاجات بعيدة عن الانجليش بس لغة الدراسة انجليش

اقتباس:

وانا خايفة من التقديم ومن الانترفيو جدااااااااااااااا
لا ماتخافيش .. اهم حاجة زي ماقولتلك النطق دا مهم جدااااااااا

لان تقريبا بيبقى عليه 40% من توتال التقييم

لانك حطي نفسك مكان الانترفيور اللى بيعمل الانترفيو معاكي

انتى دلوقتى قاعدة وجالك شخص وقولتيله Introduce urself

واول كلمة نطقها غلط !! .. انطباعك الاولي عنه هايبقى ايه ؟! زفــت

وبما انه زفت .. يبقى ارزعه ليفل وان دا ان مستواه جاب ليفل وان اصلا

وبالمناسبة .. المنحة بقت تاخد من ليفل 2 بس

ايام زمان كانو بياخدو ليفل 1 .. بس عشان الاعداد بقت كبيرة لدرجة ان مابقاش فيه تمويل

فقررو ياخدو من اول ليفل 2 .. يعنى لو طلعتي ليفل 1 يبقى انتى كدا ريجيكتد رسمى ..

يعنى شكرا على حسن تعاونكم معنا :D

Ahmed Samy 22 06-09-2011 02:08 AM

انا عندي سؤال يا استاذ فامبير بخصوص قسم اكتواري ........... انا كنت قريت في جريدة المصري اليوم ان الشخص بعد ما بيتخرج من القسم ده بيحتاج انه ياخد دكتوراة من انجلترا او بريطانيا علشان يشتغل في المجال ده و طبعا ده مكلف جدا ...... و ان مفييش تمييز بينك و بين زمايلك اللي متخرجين معاك من كلية التجارة إلا اذا اخدت الدكتوراة الكلام ده حقيقي و لا كلام جرايد

التؤمان 06-09-2011 03:33 PM

شكرا يا فاميبر كتييييييييييييييييييييييير جدا بس انا مش هلحق ادرب زى ما حضرتك بتقول كدا لان التقديم المفروض انة بكرة وهو ممكن ناس متدخلش الانترفيو دا وتاخد المنحة بردة ولا لازم تحديد المستوى دا وهو انا اول لما اقدم بيبتدو الانتريو والحاجات دى ولا بيبقى فى وقت للتدريب على الانجلش معلش اسالتى كتير

التؤمان 06-09-2011 03:40 PM

وعايزة اسال اية الورق اللى هما بيطلبوة علشان التقديم

vampire1188 06-09-2011 07:05 PM

اقتباس:

انا عندي سؤال يا استاذ فامبير بخصوص قسم اكتواري ........... انا كنت قريت في جريدة المصري اليوم ان الشخص بعد ما بيتخرج من القسم ده بيحتاج انه ياخد دكتوراة من انجلترا او بريطانيا علشان يشتغل في المجال ده و طبعا ده مكلف جدا ...... و ان مفييش تمييز بينك و بين زمايلك اللي متخرجين معاك من كلية التجارة إلا اذا اخدت الدكتوراة الكلام ده حقيقي و لا كلام جرايد
هوا حقيقي .. وفي نفس الوقت كلام جرايد

قولي ازاااااااااااى يا معلم :d

هوا حقيقي اه بس في حالة واحده بس ..

وهيا انك تبقى بتنشن على شغل من ابو ساليليري 7 او 8 الاف وانت طالع

كلام جرايد اه .. لان فيه الاف خريجين من تجارة وبيشتغلو زي اللوز وفي حتت كويسة

ومرتباتهم معقولة .. اي نعم هيا مش تحت .. بس في نفس الوقت تقدر تقول انها معقولة

فانتا بص ماتحطش في دماغك الشغل اوي دلوقتى عشان ماتعقدش نفسك

انت واحد لسه فريش وداخل سنة اولي زي اللاب توب اللى لسه ماتفتحتش كرتونته

بالتوكيل يعنى :p .. فعشان كدا فكك من الكلام دلوقتى وماتحطش في دماغك

وخلي في دماغك حاجتين

1- الشغل والارزاق دي بتاعة ربنا .. ولو ربنا رايدلك شغلانه في حتة هاتشتغلها غصب عن التخين

2- ظبط نفسك في اللغة حلو اوي .. وبعد كدا ابتدي ركز على الكورسات المتخصصة

سواء بقى في اكتواري او محاسبة او وات ايفر وربنا ان شاء الله يجيب اللى فيه الخير

vampire1188 06-09-2011 07:18 PM

اقتباس:

شكرا يا فاميبر كتييييييييييييييييييييييير جدا بس انا مش هلحق ادرب زى ما حضرتك بتقول كدا لان التقديم المفروض انة بكرة
التقديم بكرة اه .. لكن الامتحان بكرة ؟! .. اشــك الا اذا هما قالولك بقى

وبعدين اللى اعرفه ان مافيش حاجة اسمها انترفيو على طول

فيه امتحان بيتعمل في الاول في معهد الاي تي اي فى مدينة نصر

وبعد كدا اللى بيعدي فيه بيتعمله انترفيو مع بيرلتز ولو نجح بيخش المنحة

لو حصل اي تغيير او مستجدات يبقى قشطة ..

بس دا اللى حصل معايا لان معلوماتي مش اب تو ديت اوي يعنى في حكاية منحة سنة تالته دي

اقتباس:

وهو ممكن ناس متدخلش الانترفيو دا وتاخد المنحة بردة
لا طبعاااا مستحيل .. انتى عمرك هاتشتغلى في مكان من غير انترفيو ؟!

لو قولتي اه فيه دليني عليه والنبــى :d

اقتباس:

وهو انا اول لما اقدم بيبتدو الانتريو والحاجات دى ولا بيبقى فى وقت للتدريب على الانجلش
زي ماقولتلك انا الى اعرفه انك بتقدمي وبعد كدا بيتحددلك معاد امتحان في معهد النظم في مدينة نصر

يعنى بيبقى فيه فترة تظبطي نفسك فيها .. وبعدين انا مش شايف العملية محتاجة تهويل يعنى

بدل ماتقعدي تسمعي في اغاني وفيس بوك وتشات ..

لا سيبك من دا مؤقتا وعيشي نفسك في جو الانجليش دا

لو انتى جدعة فعلا .. فيه روومز بتبقى موجودة على الان سبيك والبال توك بتبقى بتاعة اجانب

ياسلاااااااام بقى لو دخلتى بالمايك ودربتى نفسك واتكلمتي معاهم .. تبقى ميه ميه

بس هوا عشان مشكلة انك بنت فادي هاتعملك ازمة

الكلام مع الاجانب لما بتتكلمي لأول مرة بتبقى قلقانه اوي وخايفة لاحسن ماتفهميهومش وكدا

بس ثقى تمااااما ان هاييجي عليكي يوم باذن الله انك هاتتكلمي مع اجانب

وهاتبقى بتفهميهم وتكلميهم احسن من نفسهم !!

اقتباس:

وعايزة اسال اية الورق اللى هما بيطلبوة علشان التقديم
ايام زمان كان اللى بيجيب جيد بيترشح تلقائيا وماكنش بيتسمح لاي حد خارج الاطار دا انه يترشح للامتحان

وكان مجرد ترشيــــح للامتحان مش اكتر !

بس العملية خفت شوية ووسعو نطاق الترشيح للامتحان وبقى لأى حد

بس يستحسن انه يكون جيد او صافى .. شيل المواد دا بيبقى حاجة صعبة شوية يعنى

فانتى محتاجة اثبات قيد من شئون الطلبة انك مقيدة بالفرقة التالته

وحاصلة على تقدير كذا .. اهم حاجة التقدير بس عشان مايبقاش فيه فرصة لانهم يتكلمو معاكي في الاي تي اي

وفيه بعض الناس سمعت كدا انهم بيقولو تطبعو النتيجة من خدمة المجتمع واديهالهم وخلاص

بس مش تراست من الكلام دا بصراحة .. هوا اثبات القيد دا اللى شور منه

التؤمان 06-09-2011 08:17 PM

شكرااااااااااااااااااا ليك جدااااااااااا معلش تعبتك معايا جزاك الله خيرا

Ahmed Samy 22 06-09-2011 10:32 PM

اقتباس:

المشاركة الأصلية كتبت بواسطة vampire1188 (المشاركة 3935506)
هوا حقيقي .. وفي نفس الوقت كلام جرايد

قولي ازاااااااااااى يا معلم :d

هوا حقيقي اه بس في حالة واحده بس ..

وهيا انك تبقى بتنشن على شغل من ابو ساليليري 7 او 8 الاف وانت طالع

كلام جرايد اه .. لان فيه الاف خريجين من تجارة وبيشتغلو زي اللوز وفي حتت كويسة

ومرتباتهم معقولة .. اي نعم هيا مش تحت .. بس في نفس الوقت تقدر تقول انها معقولة

فانتا بص ماتحطش في دماغك الشغل اوي دلوقتى عشان ماتعقدش نفسك

انت واحد لسه فريش وداخل سنة اولي زي اللاب توب اللى لسه ماتفتحتش كرتونته

بالتوكيل يعنى :p .. فعشان كدا فكك من الكلام دلوقتى وماتحطش في دماغك

وخلي في دماغك حاجتين

1- الشغل والارزاق دي بتاعة ربنا .. ولو ربنا رايدلك شغلانه في حتة هاتشتغلها غصب عن التخين

2- ظبط نفسك في اللغة حلو اوي .. وبعد كدا ابتدي ركز على الكورسات المتخصصة

سواء بقى في اكتواري او محاسبة او وات ايفر وربنا ان شاء الله يجيب اللى فيه الخير

شكرا جدا على ردك ......... بجد الواحد بيحمد ربنا انه رزقه بشخص يعرفه الطريق الصح

منى عاشقة الكيمياء 07-09-2011 06:51 AM

بجد استفدت جدااااااااااااااااااااااا جدااااااااا جدااااااا

Mohamed A. Attia 08-09-2011 06:09 AM

اولا انا لسه جديد هنا فى المنتدى و بجد استفدت من الموضوع جدا جدا فاحب اشكرك على الموضوع ده

ثانيا انا طالع تالته وكنت فى تانيه علمى بس جبت 86% يعنى بالدرجات (176.5)

وحولت ادبى فهل لو شديت حيلى شويتين الحق تجارة انجليش قاهرة ولا خلاص ضاع الامل:(

محمود محسن مصطفى 11-09-2011 02:27 PM

ممكن اسال سؤال يا استاذ فامبير
انا سمعت ان تجارة انجليزى افضل من عربى وان كلها مميزات حتى بعد التخرج فهل دة حقيقى

HOSSALI 18-09-2011 04:41 PM

ممكن سؤال يا فامبير
انا دلوقتي حاسس نقسي ف مشكله انا قدمت وكل حاجه وعملت اثبات دفع واداني ورقتين واحده ادتها لشئون الطلبه معاهم ف الدوسيه بتاعي وواحده معاياا بس اللي معاياا ضااعت هل انا دلوقتي فلوسي راحت لعيا وكأني مدفعتش حاجه ولا انا اعمل ايه دلوقتي؟؟

vampire1188 19-09-2011 11:28 AM

اقتباس:

اولا انا لسه جديد هنا فى المنتدى و بجد استفدت من الموضوع جدا جدا فاحب اشكرك على الموضوع ده

ثانيا انا طالع تالته وكنت فى تانيه علمى بس جبت 86% يعنى بالدرجات (176.5)

وحولت ادبى فهل لو شديت حيلى شويتين الحق تجارة انجليش قاهرة ولا خلاص ضاع الامل
أولاً نأسف على التأخير الشديد في الرد

ثانياً .. شد حيلك جاااامد اوي السنة دي ونشن على 95 %

وماتقلقش ادبي اسهل من علمى بكتير وباذن الله هاتجيب مجموع بس ذاكر وماتأنتخش

vampire1188 19-09-2011 11:31 AM

اقتباس:

ممكن اسال سؤال يا استاذ فامبير
انا سمعت ان تجارة انجليزى افضل من عربى وان كلها مميزات حتى بعد التخرج فهل دة حقيقى
السؤال دا اتسأل عشروووووووميت مرة

هوا اه فيه فرق وفيه مميزات حتى بعد التخرج

بس والله العظيم تلاته انت اللى تقدر بنفسك وبمذاكرتك وباطلاعك وباجتهادك انك تبقى احسن من خريج انجليش بمرااااااحل

يا جماعة بطلو بقى تعملو الفروق اللى بينكو وبين انجليش دي !!

مش كل من دخل تجارة انجليش يبقى يفتكر انه جاب الديب من ديله يعنى

وكذلك مش كل من دخل تجارة عربى يفتكر انه تعبان ومالوش لازمة

vampire1188 19-09-2011 11:33 AM

اقتباس:

ممكن سؤال يا فامبير
انا دلوقتي حاسس نقسي ف مشكله انا قدمت وكل حاجه وعملت اثبات دفع واداني ورقتين واحده ادتها لشئون الطلبه معاهم ف الدوسيه بتاعي وواحده معاياا بس اللي معاياا ضااعت هل انا دلوقتي فلوسي راحت لعيا وكأني مدفعتش حاجه ولا انا اعمل ايه دلوقتي؟؟
لو انت عملت اثبات الدفع في الشئون واديتهم صورة يبقى تماااام اوي ومافيش ادنى مشكلة

لكن لو خدت الوصولات وماعملتش اثبات دفع اصلا في الشئون يبقى كدا اللى انت دفعته دا ذهب مع الريــح

koko_220 19-09-2011 03:22 PM

انا لسا هدخل اولى هو فيها حاجة لما مش اروح الكشف الطبى و عايزة اعرف جدول المحضرات هينزل امتىو اروح اول يوم امتى بعد اذنكم يعنى

vampire1188 19-09-2011 10:39 PM

اقتباس:

انا لسا هدخل اولى هو فيها حاجة لما مش اروح الكشف الطبى
هوا عادي بيـــس يعنى .. بس يستحسن تروحي

اقتباس:

بى و عايزة اعرف جدول المحضرات هينزل امتى
خلال الاسبوعين الجايين ان شاء الله ماتقلقيش لو اتأخرت يعنى

لان فيه سنة من السنين الجدول نزل النهارده وكان بكرة اول يوم دراسة !!

بس هوا في جميع الاحوال الجداول بتنزل قبل الدراسة انشالله قبلها بيوم حتى بس المهم انها بتنزل

اقتباس:

اروح اول يوم امتى بعد اذنكم يعنى
براحتك .. انسى خلاص نظام الثانوية العامة .. اعتبريه من النظام البائـــد :d

لو عايزة تنزلي كل يوم انزلي ماحدش هايقولك حاجة

بس الطبيعي انك بتنزلي في اوقات المحاضرات بتاعتك

يعنى بكرة مثلا اول محاضرة عندك من 12 ونص لـ 2 الظهر .. يبقى تظبطي نفسك ع الميعاد دا وتنزلي

وهكــــذا


جميع الأوقات بتوقيت GMT +2. الساعة الآن 09:20 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.