|
اقتباس:
بس مصر هاتفضل زى ما هى علشان ولادها سايبينها وماشيين كلو بيفكر اول ما يتخرج يسافر برة على طول |
اقتباس:
محدش بيفكر يسيب بلده بلدنا هى اللى سابتنا عارفه أنا قدمت مدرس بالحصه عارفه يعنى إيه بالحصه وأتحطيت إحتياطى رغم أن تقديرى جيد جداً علىالعموم هنلف نلف ونرجع لحضنها لأن نيلها بيجرى فى دمنا لون شعرنا حتى الملامح من أصل مصر أمنا |
اقتباس:
والدى نفسه حصلوا كدة بس ماسبهاش وسافر اتمنى من الله ان يهدينا الى ما يحب ويرضى وشكرا جزيلا لحضرتك |
اقتباس:
هو ده الكلام :friendsxs3: |
اقتباس:
ما سابكوش !!!! لكن انا شاب عصامى وعايز أتجوز عايز يبقالى ولاد وواحده تخاف عليا ما يا أما أتاجر فى المخدرات يا أما أشتغل فى اللى يغضب ربنا يا اما أروح شرم اللى اشتغلت فيها 3 شهور وكرهت الدنيا عشان اللى بيحصل فيها ويحصل ذى اللى حصل وانا سايبها شوية إعصار علىالماشى وعلى رأى الشيخ الشعراوى كما ظهرت فجأة ستنتهى فجأه أقولك الحمد لله على اللى انا فيه وهنلف نلف ونرجع لأمنا لمصر ام الدنيا |
يكفى مصر ذكرت فى القرأن الكريم وكله بيجرى ورا الفلوس أهم حاجه غنى النفس وده نعمة كبيره والحكمة من أكبر النعم ممكن يكون معاك ملايين الدنيا فى ثوانى يطيروا أما ممكن يكون معاك مثلا 100 ج مع الحكمه تعيش بيها ونفسك مطمئنه وتحمد ربك وأوعى ننسى أن ربنا موجود وهوه الى بيرزق ورزق كل واحد مكتوب له ولا هيزيد ولا هينقص أما موضوع الاهانه أحنا الى ساكتين عليها طيب نسيب أهلنا فى الاهانه ونسافر زى مابنقول ده كلام الفلوس هتحل المشكله أبد بل بالعكس هتزودها هاتبقا زيهم بتهين الى كان زيك ربنا موجود نحمده ونشكره على فضله الكبير سبحانه وتعالى |
اقتباس:
خاصة بعد الجملة الاخيرة لإنك حاولتي تفهمي المثال بربطه بهدفك محاولتيش تفهمي مغزاه |
اقتباس:
|
انا مش قادرة ارد على كل الناس لان كلامكم معظمكم متشابه
وانا لو رديت هاقول كلام واحد بيتكرر |
اقتباس:
وفى السماء رزقكم وما توعدون |
اقتباس:
وترجع بالسلامة |
اقتباس:
مش نفضل نكرر نفس الجملة متجاهلين اي كلام في المقابل احس إني كلامي ليه قيمة يعني حتى لو حيترفض بالمنطق ساعتها ممكن اتكلم صفحتين تلاتة بس لو في حد ممكن يسمع كان في مقولة شهيرة بتقول إن لم تكن جزءً من الحل فأنت جزءً من المشكلة دلوقتي انا لما جيت اقول لمدمن السجاير السجاير مضرة .... ما هو عارف قولتله الحل عشان ميجلكش السرطان إنك تبطلها ... ما هو مش قادر مفيش مدخن ميعرفش ده بس مش كل المدخنين عارفين ازاي يبطلو لازم نعرف إنه مفيش مشكلة ملهاش حل فملهاش لازمة إني أرشد المدخن لخطورة اللى بيعمله وافكره بالواقع الاليم وهو لا هو معاه الحل ولا انا معايا الحل يبقى مبعملش حاجة وبالمناسبة في حل تالت ... اوديه لمراكز علاج مفيش مصري بيكره مصر يمكن احنا بنشتم كل يوم في مصر بس لو بصينا مثلاً على احداث الجزاير الاخيرة شفنا ازاي مصر كلها كانت كقلب رجل واحد في دفاعها عن مصر فمينفعش نقول للمصري اللى بيتغرب وبيتعذب كل يوم عشان الغربة نقوله انت غير وطني زي بالظبط مدمن السجاير هو متاكد انه كاره السجاير ونقوله اصل انت اللى بتحب تشربها ! يمكن انتي كبنت مش فارقة معاكي بما إنك لا حتفتحي بيت ولا حتصرفي على اسرة لكن كرجل .... وعندنا 40% تحت خط الفقر و30% عند خط الفقر يعني يادوب يوم بيتعشى ويوم لأ ومش مطلوب منه يعمل حاجة اكتر من كدا !! حفيد بلدي بايه اذا مكنتش عارف ادبر نفسي الاول !! |
كلام جميل
يعنى نتناقش فى المشكله لكن لانبعث باليأس فى نفوس الشباب وقد رأينا نتيجة ذلك الشاب يلقى بنفسه فى ذورق مطاطى بالبحر المالح القاتل لتوغل الياس فى نفسه فى حين ملايين غيرهم يذهبون إلى بلاد عربيه بربع مايدفعوه من مال فى ذوارق الموت الكل يريد السفر إلى إيطاليا بالذات ليعود بعد عامين محملا بالمال والزوجه والسيارة مثل الشاب اللى كان راجع من إيطاليا فى فيلم حمادة هلال ( عيال ----) وهذا أخرة اللى مايسمعش كلام بابا وماما ويبطل يسمع أفلام عربيه وشكرا بالايطالى |
اقتباس:
انا موافقة على كلامك جدا وانا ماعنديش حل تالت انا مابعرفش افكر ممكن بقا حضرتك تقولى الحل التالت ده ايه |
اقتباس:
حضرتك شوفي الابحاث المركونه في مراكز البحوث ومحتاجه فلوس عشان يبدوا يعملوها بالرغم ان الابحاث دي لو اتعلمت هتدر ع الدوله مبالغ كتيره في صالح مين ده ده في نفس الوقت للي الرئيس بيقابل فيه الممثليين ونقيب الممثليين للدفاع عن حقوقهم هتلاقي الخبر ده نازل في كل الجرايد الرئيس مع نقيب الممثليين وليلي علوي ومني زكي ويسرا ههههههههه حضرتك لما تروحي وتدخلي اي معهد للاورام او مركز بحوث شوفي مرتبات العلماء كم 200 جنيه اخر اجتماع لنقابه العلميين المصريين اتقالت صراحه من نقيب العلميين مصر بلد رقاصات وليست بلد علم حضرتك زمايلنا فيه للي منهم شغاليين ع ادويه للسرطان وفيه للي شغال علي انتاج مضادات حيويه جديده وفيه للي شغال علي انتاج امصال لامراض خطيره الناس دي محدش يعرف عنهم حاجه والناس مغيبه تمام عنهم ومتعرفشي لا ليلي علوي ويسرا وحسين فهمي وبعرور بلاش دي شوفي الناس للي بتشتغل ضد مصر وهما مسئوليين شوفي للي بيحطو العقبات ادام الشباب ازاي مصر تتقدم دي كلمه بتتقال بنضحك بيها ع الناس مصر عمرها ماتتقدم الا لو كان فيها فلوس كتير وتوفير الفلوس للباحثيين والعلماء وتوفير فرص عمل للشباب وده مستحيل يحصلبالاضافه الي ان مصر دوله علمانيه وليست مسلمه الدين مفصول عن الدوله فلايوجد نص واحد في الدستور بيقول ان مصر دوله اسلاميه وبالتالي مصر ليست دوله اسلاميه وعدم وجود الدين والعلم يؤدي الي الجهل والتخلف والفقر وهي دي الحاله للي احنا عايشين فيها دي |
ولهى انا شخصيا عياشه بره مصر من وانا عندى 3 سنين و ماشفتش مصر خلاص يعنى اسئل مجرب ولا تسئل خبير بالنسبه لموضوع ان المصرى بيتعامل بره وحش ده غلط دا انا بتعامل هنا احسن ما ممكن اتعامل فى مصر يعنى لو روحت تشترى حاجه من المحل و صاحب المحل عرف انك مصرى ممكن يديلك الحجات ببلاش :pو المصرين هنا ليهم احترام شديد من كل الناس اما بنسبه ان العرب شيفين مصر بلد متحرره دا كلو من التلفزيون دا نا شخصيا قربت اكره مصر بسبب الى بشوفو فى التلفزيون يعنى انا افتكر مره وحده جرتنا راحت مصر علشان تعمل عماليه و قعدت فى الاسكندريه يومين وبعد ما رجعت روحنا نزورها لقينها متجننه من الى شفتوا فى مصر و بتقول البنات مشين مع الولاد عادى و طبعا الكلام ده ما بيحصلش عندهم خالص بس هى كانت مبسوطه من التحرر الى فى مصر جدا و بعد كام سنه سمعنا انها سفرت تعيش فى مصر ومش رجعه تانى يعنى هما شيفين من وجهت نظر الاغلبيه طبعا ان دى حاجه حلوه:022yb4: مش وحشه و برغم من انى ماشفتش مصر الى انى نفسى اعمل حجات كتييييييييييير لمصر و نفسى لما انزل مصر اشارك فى العمل التطوعى او حاجه تفيد مصر :078111rg3:
|
اقتباس:
انا لو في ايدي الحل من زمان مكنتش حسافر (في المستقبل يعني :d) الوظائف التكرارية دي لن تؤثر في تقدم مصر من شيء يعني مثلاً الدكاترة مليين البلد لو سافر منهم حتى 10% مش حيبقى في مرضى زيادة ولا حاجة في دكاترة اكتر من عدد المرضى تقريباً :d المهم بعد كدا مصاريف الدكاترة ومصاريف علاج المرضى نفسهم اكيد الدكتور مش بيعمل العملية للمرضى بالسحر من غير اجهزة وزي ما وضحت مريم في الرد اللى قبلي ده اللى اقصد بيه انه الناس اللى بره بيخدمو مصر اكتر من بعض الناس جوه |
اقتباس:
عرفيهم يا مريم لأن محدش مصدقنى اقتباس:
أكتر دول الخليج العربى واخدين فكرة سيئة عن مصر بسبب الساده الممثلين والسيدات الأفاضل ;);) الناس مبتنزلش مصر بس بتتفرج عليها فى التلفزيون بزمتكم لما الناس تعرف مصر من السيد أبو حفيظه مش عيب علينا والله شكلنا بيئة أوى اقتباس:
وكلنا أتغربنا وأكيد هنرجع لبلدنا نفيد فيها ونستفيد نطلع كل خبراتنا اللى هنكتسبها واللى أكتسبناها المهم أننا هنكون إيه وهنطور إذاى مش المهم أقعد أحط إيدى على خدى وأستنى الوظيفه أم 200 جنيه اللى ما تقضى حتى دروس طالب فى الثانويه العامه ;);) |
الطيور الهاجرة تغرد
ترجعوا لنا بالسلامة بالتوفيق لكم |
اقتباس:
ولما جيت اقول مفيش حل زعلت وقولت مفيش مشكلة ملهاش حل يا نهار ابيض دى حاجة ملهاش حل قوللى بقا حضرتك نجيب منين حل |
اقتباس:
وبعدين مصر دولة اسلامية ومش من حق حد ينفى ده وبعدين ايه مصدر حضرتك من الكلام ده مفتى حضرتك يمهل ولا يهمل لا اله الا الله |
اقتباس:
لانك ما تعرفهاش وكل معرفتك بيها كلام سمعتيه من ناس بتكرهها سوى هنا او فى اى مكان |
اقتباس:
|
اقتباس:
مرة الاقيك معاهم عادى كدة ومرة تانى ضدهم وبشدة |
اقتباس:
ثانيا بالنسبه لمصر دوله اسلاميه او علمانيه فمصر من الدول العربيه العلمانيه ولا يوجد نص ينص علي ان مصر دوله اسلاميه والدين هنا مفصول عن الدوله زينا زي تركيا الازهر هو عباره عن عروسه تحركها الحكومه كيفما تشاء لمصالها واهدفها ونفس الكلام بتعمله مع الكنيسه وحضرتك مش مصدقه اقري الدستور المصري شوفي مصر دوله اسلاميه ولا مش اسلاميه او اقري جرايدامبارح واول امبارح هنا في مصر المسحيين عملوا وقفات احتجاجيه عشان مصر ماتبقاش دوله اسلاميه |
اقتباس:
'طالما قال أنا مصرى وبحب مصر وبتمنى لها كل خير وسأعود لها بإذن الله فأنا معاه داخل مصر أوخارجها وأظن بداية الموضوع كان تحامل على البلد وخلاص لكن دلوقتى وبعد مالكل قال اللى فى قلبه صبح التحامل مجرد عتاب وألم داخل كل إنسان يخصه هو وحده فهل نرفضهم ------------ هل نقول لهم مادمتم خرجتم منها رغم حبكم لها سنعدمكم بلاش السطحية فى الفكر وبلاش التصرع فى الحكم يامصرية لأن كلامك فيه إساءة فأنا أتابع تطورالحوارات قبل تكوين الحكم وكتابة الكلمات |
اقتباس:
هو انا قلت إنه دي مشكلة اصلا ؟؟؟ حضرتك اللى قلتي او افترضتي إنه دي مشكلة انا اثبتلك إني سواء جوه مصر او بره مصر مش حفيد في تقدم مصر بحاجة وعطيتك مثال بزويل وخدي المثال ده كمان لسه طازة :d افضل عالم رياضيات علي مستوي العالم في كليه علوم القاهره لكن لما اتكلم عن شخصي أنا مش حقدر اعيش في البلد دي ب200 جنيه ولا حتى 500 ولا 1000 كمان انا عن نفسي لو اشتغلت في مكان كويس جوه مصر وربنا رزقني بمرتب حلو اكيد مش حسافر ... محدش فينا بيحب الغربة طبعاً ولا بيكره مصر وعايز يهرب (مع إنه اسباب الهروب بقت كتير برده :d) لكن لو مرتبي ده يادوب حيكفيني اكل بس يبقى (حل) المشكلة دي إني أسافر بره وعمري ما قلت إنه سفري ده حيمثل (مشكلة) بالنسبة للدولة بتاتاً !! |
إحتراماً لكل الآراء السابقه هقعد فى مصر أعمل إيه أستلف عشان أتجوز :blush: ولا أبيع بانجو وحشيش ما أنا شايف الناس كل يوم فى ذل ومهانه وعلى كل الألوان فاكرين خالد سعيد :stickjo4: الله يرحمه ولا نسبة البطاله اللى تعدت 90 % من الشباب وابن الوزير بيبقى وزير وابن الغفير بيفضل غفير بلدنا بلد الكوسه والمحسوبيه بلد الظلم والله ما شفنا فيها حاجه هنيه |
اقتباس:
في حد يقول كده على بلده مهما كانت وبعدين العيب مش في مصر العيب فيكم يعني بلاد بره ايه الي طورها وخلاها متقدمه الا من اهلها وشعبها طااااالب بحقك اعمل حاجه عشان بلدك مش تعد تقول دي بلد الظلم وتعد ساكت والله مصر هيا الي مظلومه من اهلها:( |
يا جماعه والله لو حبيتو مصر بجد كل المشاكل هتتحل مصر مش محتاجه غير حبكم
فينننننننننننننننننننننننننننننننننكم يا اهل مصر مصر هضيع |
تعرفوا انا خلاص فقدت الامل فيكم
وبعترف انى اول مرة افشل انى اوصل حقيقة لاهلها ومش هاتكلم تانى حاسة انى مخنوقة من كلامكم وانى بأذن فى مالطة |
اللى بيحب حد مش بيقعد ينتقضه ويشتم فيه
لانه مش بيشوف فيه حاجة غلط وانا بحب مصر ومش شايفة فيها عيوب وفى موضوعى الجاى ان شاء الله هاتعرفو ليه انا مش شايفة فيها عيوب |
اقتباس:
أنا بتناقش فى مشاكل شعب كامل لما تكربى هتفهمى أسف للإزعاج |
كلام بن عم حديت
|
يلى عمالين تهتفوا باسم مصر وكل واحد عامل بطل
انتم منين عرفتوا مصر كل اللى بيدافع دلوقتى هيلاقى نفسه لسه مسئول من والده ووالدته يعنى لسه ما نزلش للحياة علشان يعرف مين هى مصر يلى بتتكلم عن مصر تعالى شوف ولادها شوف البطالة والجرائم اللى موجودة هتقولى دول قليل يا عم قليل قليل مين بس ربنا يهدى الشباب ويصبرهم بس برضه مش هقول اللزم ع مصر هقول اللوم على سلبية الشباب اللى سمح لليأس يتملك قلوبهم وعقلهم وبطالة يعنى ما دورش على شغل لا دور لو اى شغل المهم تشتغل بس برضه هى بلدى وبحبها اعمل ايه بقى مصرى مصرى اصيل يعنى مش هزار |
اقتباس:
لان مفيش حد يعرفها ويكرهها والظاهر ان كل الناس مش عارفاها |
اقتباس:
|
اولا : الموضوع جميل
واحب اشكرك ع الطرح ثانيا : انا رائيي ان الحكاية هو اللى عامل كده بنفسة الموضوع ده شبيه بحكاية المواطن اللى عايش في الريف اللى عايز يروح مصر ( القاهرة يعني ) حتى لو هيشتغل عند حد وهو كان صاحب ارض مثلا خلاص هو حر يستحمل عايز يعيش بره ويشوف بلاد بره هو حر انا مش ضد السفر بره بس لما يتاكد انه هناك هيحقق حلمة يعني يكون مثلا هو بداخله مقتنع باللى بيعمله ومخطط لنفسة هيشتغل كده مدة معينة وبعدين يوصل لهدفة لو كان كده يبقى هو انسان صح و ذكي واحنا اللى مش فاهمين وبكره يبقى حاجة مثلا زي د/ ابراهيم الفقي لكن ميكونش مسافر لمجرد بس عايز يخرج بره مصر زي ما قولت ده كان راءئي و شكرا ليكي |
اقتباس:
بمرورك العطر |
اقتباس:
|
تصدقى انك انتى الوحيدة اللى فاهمانى يا عاشقة
|
اقتباس:
:romarioxp6: |
لا اتبهدل في بلدي احسن مااتبهدل في بلد تانية وانا وفي وسط ناس معرفهاش هي مصر متاخرة بسبب ان فيها شباب مش عاوزين يشتغلوا فيها
موضوع رائع تقبلي مروري |
اقتباس:
كلامك صحيح يا حسناء |
اقتباس:
تقوووووووول لميييييييييييين!!!!!!!!!!!!!!!!! |
أنا بعشق بلدي بممووووت فيها عشق دي كلمة قليلة أصلا ومع ذلك فيه مشاكل كثير وناس نهبه البلد ... اللي بيحب حد لازم يصلحه ام اللي يشوف العيب في اللي بيحبه ومش يتكلم يبقي غلطان لانه بيقضي عليه انا شايفة انك شايفة الحياة وردي أوووي شوفي فيه ناس يابنتي مش للاقيين شغل أصلا ولا حتي عمال نظافة هنا في مصر وبتتعرض عليهم وظيفة بره البلد أكيد لازم يقبلوا اومال هيصرف ع نفسه ازاي هو هيقعد طول عمره مع أهله ام موضوع لما نسيب البلد مش اللي هيعمرها ياحبيبة قلبي أكيد مش معني اني هسيب بلدي يبقي انا مش بحبها بس لازم ابني مستقبلي يمكن في يوم من الأيام ابقي حاجة واغير البلد ام لو انا فضلت فيها هبقي محلك سر مع اني مش افضل السفر اوووي يعني بس بدل الظروف تحكم لازم نسافر |
وَسَلا مِصرَ هَل سَلا القَلبُ عَنها *** أَو أَسا جُرحَهُ الزَمانُ المُؤَسِّ
|
ويا وطنى لقيتك بعد يأس كأنى قد قد لقيتكبك الشبابا
وكل مسافر سيئوب يما اذا رزق السلامة والايابا ولو انى دعيت لكنت دينى عليه اقابل الحتم المجابا فأنا لو نفسى اسافر خارج بلدى ففسبيل بلدى وانى ارفع مكانتها باذن الله ولا اتمنى من الله الا ان اكون نافعة لبلدى ومجتمعى وانا اصلح ما اقدر عليه فى مجالى بالنسبة لبلدى فهذا اقل ولجب تجاه بلدى |
هناك الكثير من الخصال المحمودة وبخاصة حب الانسان لاخيه الانسان وحين يحب الانسان اخاه الحب الصادق الصحيح يتخلى التاجر عن غشه والظالم عن ظلمه والحاكم عن عسفه ويهتدى الكل الى طريق الخير والصواب انا لو احببت ما اذيتك ولا سلقتك بلسانى ولا غششتك بقولى ولا خضت فى عرضط وشرفك لو كنت احبك لكنت المؤمن الحق ولو كنت تحبنى لكنت المؤمن الكامل ولقد قال الرسول صلى الله عليه وسلم لا يؤمن احدكم حتى يحب لاخيه ما يحب لنفسه يا صاحبى لست انا بالمؤمن الحق حين قلعت من قلبى غرسة حبك ولست انت بالمؤمن الحق حين نزعت من قلبك غرسة حبى اغرس الحب اليوم وداوم علي رعاية ما غرست وانظر فيما بعد الثمر لا فى قلوب الناس وحدهم بل فى قلبك انت وقل لى بعد ذلك اتشكو من احد ؟وهل يشكو منك احد ؟ المقال ده عجبنى اوى وحبيت انقله لكم كتابة بيدى ممكن تعتبروا الصديق ده هو الوطن اللى يستحق الحب الصادق بجد وجربوا كده وصدقونى عمركم ما تشتكوا منها ابدا باذن الله |
الحب : كالبحر حين تكون على شاطئه يقذفك بأمواجه بكرم فائق يستدرجك بلونه وصفائه
|
| جميع الأوقات بتوقيت GMT +2. الساعة الآن 05:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.