بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   اجتماعيات طالب (https://www.thanwya.com/vb/forumdisplay.php?f=112)
-   -   مذكرات طالب فاشل (https://www.thanwya.com/vb/showthread.php?t=151477)

dr\villa 09-09-2009 05:14 AM

اقتباس:

المشاركة الأصلية كتبت بواسطة hopeless sara (المشاركة 1578162)
gamela awiiiiiiiiiiiiiii bgd teslm edek ..w fe3ln wallahy kol dah kan m3aya bardo fel dros ..bs ana makontsh ba7b el dros bta3t el sob7 d wel modarsen kano 3arfen keda f kano by5alony b3d el dohr aw blel welly by3ml dars el sob7 kont baro7 anam fel 7esa w odamo :D:D:D:D ...ma7dsh kan mtwake3 eny ang7 7ata l2ny makontsh wa5daha gad 5ales
ana kan sab7 3alya emt7an 3arby bta3 a5r el sana w ana a3da atfarg 3al tv :D:D ..w kont bashof el 7agat l awl mara abl el emt7an 3ala tool :D:D
bs ana kont zaik ba7b el fizia f kont bazkerha shwaya


msa 3lek gamela awiiiiiii ..mstanya el 7al2a elly gayaaaaa


thank you very much

a7med_156 09-09-2009 05:24 PM

الثانوية هى اكبر عقبة فى حياتى اهئئئئئئئئئئئئئئئئئئئئ
نفسى اخلص علشان ادرس برة بقة
واء واء اهئئئئئئئئئئئئئئئئئئئئئئئئئ

محمد عزت الهادى 10-09-2009 01:40 PM

يا عم خدها إيزى ومتعصبش نفسك كله هيبقى تمام و الله
قدامك ناس كتير كلهم بيتمنوا أيام الثانويه دى ترجع تانى


صح يا رجاله ؟؟؟؟؟؟
:giljotiiniug3:

Dalia010 10-09-2009 02:23 PM

السلام عليكم و رحمه الله و بركاته

الحلقات كتير جميله ومتابعه بقيت الحلقات

إذا سمحت طبعا

شكرا و تحياتي لحضرتك .....

dr\villa 10-09-2009 04:08 PM

اقتباس:

المشاركة الأصلية كتبت بواسطة dalia010 (المشاركة 1584188)
السلام عليكم و رحمه الله و بركاته

الحلقات كتير جميله ومتابعه بقيت الحلقات

إذا سمحت طبعا

شكرا و تحياتي لحضرتك .....


وعليكم السلام
شكرا لمرورك وتشجيعك

محمد عزت الهادى 10-09-2009 11:10 PM

يا عم يا بتاع الطب انت فييييييييين الحلقة السادسة ؟؟؟؟؟؟؟؟

dr\villa 11-09-2009 01:17 AM

الحلقه السادسه
 
الحلقه السادسه:
نكمل بقي بقيت اليوم في المدرسه طبعا صاحبي اللي اتروق عند الناظر زعل اوي مننا في اليوم ده ( بصراحه كان باين اللي الناظر كيفه اوي ) وصراحه كان ليه حق يزعل لان كلنا قولناله ولا نعرفك ومن الاخر طلعنا عيال في الموقف ده نيجي بقي لحصه مستر الانجليزي ده هو بصراحه مكنش حد بياخد معاه درس فكان عايز يعرفنا امكانياته وانه مدرس كويس وهو عكس كده طبعا لدرجه ان واحد صاحبي شاطر اوي في الانجليزي كان ممكن يدرسله المهم احنا كنا حاسين ان هو قدنا في السن ومش قادرين نقبله كمستر ممكن نثق فيه ونسأله وهو كان عارف كده وصراحه كان بيقرفنا اوي لانه شاب فاهم ايه اللي يضايقنا يعني مثلا حواره في الفصل

المستر : يا (م) تعالي هنا
(م): نعم يا مستر
المستر: فين كشكولك
(م) في سره: كشكول ايه يا حبيبي العب بعيد
(م): حضرتك انا عامل كشكول للمواد كله
المستر في سره: طب كويس لقيت سبب اضربك عشانه
المستر: ايه التسيب ده افتح ايدك عشان تضرب
(م): لا انا حضرتك ما بضربش
المستر : نعم
طب يا (ح) روح وديه للناظر يروقه
(ح): اوكي يلا يا(م)
(م) : ( بعد ما خرج من الفصل) ايه هتوديني عند الناظر بجد
(ح) : عيب عليك احنا هنروح
(م): ازاي؟؟؟؟؟
(ح) : ربنا يخلي عم رشيد هنشتري منه سندوتشين وهيفتحلنا البوابه و لو قفلت خالص ربنا يخلي السور انت مش بتعرف تنط؟؟؟؟؟؟
(م): اه طبعا انت بتكلم في ايه يلا بينا

وبعد كده المستر يكلمنا بقي شويه عن الاسماعيلي ( لازم كل مستر يدخل نكلم شويه في الكوره) وكان اسمعلاوي اوي ودي احسن حاجه فيه بصراحه وعلي فكره هو بقي صاحبنا اوي بعد كده وجه معانا ماتش الاسماعيلي والاهلي في اسماعيليه اللي ساعتها الاهلي كسب بجون محمد بركات اللي الحمار اللي اسمه جونسون اداله الكوره ما علينا هو احنا ما ورناش غير المستر ده ولا ايه المهم انا النهارده مش هكمل كل حصص المدرسه انا هامشي في الفسحه وطبعا البوابه مش هتتفتح في الفسحه بس ربنا يخلي السور المهم بعد ما اطلع من المدرسه بكون في قمه السعاده كأني كنت في سجن وخرجت وبعد كده بنروح انا وصحابي نقعد علي اي قهوه نشرب حاجه ( وطبعا الحاجه بتختلف من شخص لشخص) يعني انا كنت بشرب بيبسي دايما واحد صاحبي ممكن يشرب سيجاره واحد تاني شيشه عادي جدا !!!!! انتوا ممكن دلوقتي تستغربوا ازاي ان دول صحابي بس هي دي الحقيقه وكمان في البيت كانوا رافضين كده؟؟؟؟؟؟؟ بس انا وجهه نظري ان طالما صاحبي رجل معايا يبقي خلاص مش مشكله !!!!! انا مش عارف ايه رأيكوا في الموضوع ده ؟؟؟؟ بس اي حد عنده رأي يقوله لانهم صحابي اوي لحد دلوقتي؟ المهم بعد كده بروح وطبعا المره دي مش مصدع ولا حاجه ومش محتاج انام فبروح اجيب اخواتي من المدرسه اصل انا كل اخواتي صغيرين واحده في تانيه ابتدائي وواحده تانيه في رابعه ابتدائي ؟ احسن برده مفيش حد كبير غيري يعني اتحكم فيهم براحتي !!!! يا سلام شعور جميل
وطبعا بعد كده بروح الدروس عادي وبرجع اذاكر شويه وانام
بصراحه كان يوم ممل اوي مفيهوش اي حاجه كله مدرسه وهروب من المدرسه ودروس ومذاكره ما هي ثانويه عامه بقي!!!!!!!!
يتبع..................

محمد عزت الهادى 11-09-2009 01:48 AM

إيه الجمال ده معلش أصل أنا كنت نايم ساعه ما كتبت المشاركه اللى قبل كده وهصلحها....
وخلاص متحطش فى بالك ماتش الاهلى و الاسماعيلى ما هم لسه هيلعبوا تانى و تالت و رابع و برضه الاهلى مش هيتغلب أبداً
و المهم الاصحاب يكونوا رجاله كل واحد له مزاياه وعيوبه ندله على عيوبه و نحاول نصلحها معاه و نسامحه و برضه نتقبله كما هو صح و لا ايه ؟

dr\villa 11-09-2009 01:57 AM

اقتباس:

المشاركة الأصلية كتبت بواسطة محمد عزت الهادى (المشاركة 1586267)
إيه الجمال ده معلش أصل أنا كنت نايم ساعه ما كتبت المشاركه اللى قبل كده وهصلحها....
وخلاص متحطش فى بالك ماتش الاهلى و الاسماعيلى ما هم لسه هيلعبوا تانى و تالت و رابع و برضه الاهلى مش هيتغلب أبداً
و المهم الاصحاب يكونوا رجاله كل واحد له مزاياه وعيوبه ندله على عيوبه و نحاول نصلحها معاه و نسامحه و برضه نتقبله كما هو صح و لا ايه ؟





اولا شكرا علي متابعتك وتشجيعك
ثانيا الاسماعيلي هو الافضل نسيته اغماءه ابو تريكه في القاهره في ماتش تلاته صفر المهم سبنا من الحوار ده اصل انا متعصب اوي
ثالثا ده رأيي في الاصحاب وشكرا ليك

محمد عزت الهادى 11-09-2009 02:07 AM

يا مان انت ممكن تحاول تنزل المواضيع بالنهار علشان المشاركات تبقى احسن من كده ؟
وبلاش تتعصب يا سيدى بس الاهلى هيغلب برضه

dr\villa 11-09-2009 02:35 AM

اقتباس:

المشاركة الأصلية كتبت بواسطة محمد عزت الهادى (المشاركة 1586361)
يا مان انت ممكن تحاول تنزل المواضيع بالنهار علشان المشاركات تبقى احسن من كده ؟
وبلاش تتعصب يا سيدى بس الاهلى هيغلب برضه



هحاول بس اعتقد صعب لاني ببقي مشغول في الوقت ده

dr\villa 11-09-2009 03:03 AM

علي فكره يا جماعه اللي عايز يكتب مذكراته يكتبها عادي الموضوع بتاعه

MuHaMeD kHaLeD 11-09-2009 03:22 AM

مشكوووووووووووووور اوي

بجد انت بتضحكني مع اني كنت مسترخم الموضوع ف الاول

بس بجد
انا ضحكت لما قريت

عييييييييب عليك احنا هنروح هي دي المرجله

محمد عزت الهادى 11-09-2009 06:16 AM

صح كده
و علشان كده انا هعمل مذكراتى فى صفحه تانيه خالص
(( انا بهزر ))
:039uw8::022yb4:

Dalia010 11-09-2009 12:04 PM

السلام عليكم و رحمه الله و بركاته


الحلقه كانت بجد كويسه معقوله دي ثنويه :slap1qk6:


فعلا لو كان صاحبك راجل معاك يبقي مش مشكله


شكرا علي الحلقه الجميله دي


تحـــــــــــــياتي لحضرتك .....:078111rg3:

dr\villa 11-09-2009 12:55 PM

اقتباس:

المشاركة الأصلية كتبت بواسطة dalia010 (المشاركة 1587410)
السلام عليكم و رحمه الله و بركاته


الحلقه كانت بجد كويسه معقوله دي ثنويه :slap1qk6:


فعلا لو كان صاحبك راجل معاك يبقي مش مشكله


شكرا علي الحلقه الجميله دي


تحـــــــــــــياتي لحضرتك .....:078111rg3:


شكرا علي متابعتك وتشجيعك

وردة بلدنا 11-09-2009 07:48 PM

كاني انا اللي بتكلم
انا لا كنت بذاكر ولا حاجة ( ما عدا عالامتحان طبعا )
وكانت ديما درجاتي زفت والحمد لله وجيت في القدرات نيلتها اكتر
انا كنت طالبة غير كل الطلبة ما حصلتش
بس للامانة في حل الواجب والكتابة لا احسد كنت اقعد احل واكتب طبعا بنقل الاجابة :av4056bb7jp3:

والله ايام لذيذة :d
بس انا لسة نتيجتي مش طلعت
خلينا نشوف اخرة اللعب ايه :blush:

مستنيين منك الباقي يا دكتور :d

وردة بلدنا 11-09-2009 09:53 PM

بجد الموضوع جميل :022yb4:
انا مش عرفة انت دخلت طب ازاي ما شاء الله عليك
انا كنت بلعب بس مش للدرجة دي :p


مستنيين الباقي :d

محمد عزت الهادى 12-09-2009 01:52 AM

بأمانه بطلوا قر على الراجل .. ما هو قال انه كان بيذاكر و مفيش حد فى الثانويه مبيذاكرش أساسا
كلنا كنا بنلعب بس أصل الصبيان دماغهم نظيف و بيفهموا و دى حاجه مش موجوده عند كل البنات طبعا __ مشكلتنا الوحيده اننا بنموت فى اللعب و البوظان---
:friendsxs3:

timo mido 12-09-2009 05:43 PM

جميل جدا مستنين الحلقات الجايه

devileyes921 13-09-2009 03:58 AM

begad el mozakerat dy tamam ya man.
eh el 7alawa dy.
mestany el hala2at el ba2ya.
and keep it up Dude.
or should i say Doc.

محمد عزت الهادى 14-09-2009 03:30 AM

يا دكتور فين الباقى ؟؟؟؟؟؟؟

هنستنى كتير ؟

koookywpas 17-09-2009 04:20 PM

بجد انااااا قريت الحلقاااااات من اولها لاخرهاااااا دلوقتى حلوة اوى

تسلم ايديك

و مستنيين الباااااقى

Mohamed_MA 24-09-2009 12:26 AM

انت فين احنا مستنين

timo mido 27-09-2009 05:20 AM

انت رحت فين؟؟؟؟؟ فين الحلقات الباقيه

eng_emy 29-09-2009 02:19 AM

:d:d:d
قصتك جميلة اوى اوى
وضحكتنى كتييييييييييييييييير:d:d:d
وبصراحة خلتنى اندم اوى اوى اوى اوى:(
على الايام اللى ضاعت منى:bosyht9:
فى الثانوية من غير لعب وهزار وضحك
اصل بعيدعنك
كنت من البنات اللى عايزين يدحوا وخلاص
وكنت مقضايها دح:p
وفى الاخر دخلت هندسة اهو:028ja7:
وفى برضه اللى لعب من صحابى ودخلها معايا :blush:
ازاى معرفش:wacko:
بس اصلى مش زيى الولاد اللى بيعرفوا يلعبوا ويذاكروا مع بعض
انا ياما العب يا اذاكر
شوفت الخيبة والوكسة بالويبة بقى;)

ده حتى فى الفصل كنت بذاكر
ومرضاش انام

ههههههههههههههههههههههههه
يالا بقى يا دكترة
نزل الباقى
وخلينى اضحك


ومتتاخرش علينا




eng_emy 29-09-2009 02:25 AM

اه صح نسيت اقولك
طالما صحاك رجالة معاك وبيحبوك وبتحبهم
خلالالالالالالالالالالالالالاص
مش مهم
وافضل متمسك بيهم

heba 77 29-09-2009 04:00 AM

7elwa awi awi awi
فعلا واقعيه بس بعد الشر عليا من مرواح المدرسه لا يا عم مدرسه ايه وبعدين درس ايه اللى اروحلوا الساعه 6 يولع ومادته يعنى هيقول الامتحان انا والله كان اهم حاجه عندى النوم ثم النوم ثم المذاكره انا سعات كنت بنام 13 ساعه ومااقلكوش على التهزئ اللى باخده بس وبرده ما بين الدروس لعب وشيبسى وكانز ونم على المدرسين (بنات بقى ما ينفعش نقعد على القهوه ) بس الصراحه كنت بذاكر للامتحانات اللى ما كنتش بتخلص وركزت فى الاخر
والحمد لله طب
وفعلا كنت استغرب اوى من الناس اللى كانوا بيذاكروا 24 ساعه دول ويطبقوا يومين يعنى هيعدوا ال 100 %
بس فعلا الثانويه دى ايام ما تتنساش
ومستنيه الحلقات يلا بسرعه

*ساسُّو* 29-09-2009 11:55 PM

بصراحة
معاك ربنا بجد
درس 6 صباحا؟؟؟؟؟؟؟؟
انا كنت بتعذب من الدرس يوم الجمعة 10 الصبح
مذكراتك حلوة وضحكتنى كتير
مستنية الباقى ان شاء الله ياريت مش تتاخر

Nefert 30-09-2009 11:42 PM

استاذنا الكريم
كمل بقى عشان اعرف حضرتك عملت ايه

Dr/yara 30-09-2009 11:43 PM

اذيك يا جماعه
عادى يعنى انا كنت باخد برده درس كمياء 6 الصبح وعاده كنت بطبق اصل لو نمت يبقى مش هروح الدرس والله الحلقات جامده جدا وكمل بقى يا دوك انت يعنى لازم تشوقنى
انا بقى كنت من الجماعه اللى بيتقال عليهم بتوع المذاكره بس انا كنت احسن وحده تهزر فى الفصل وسواعى كنت بطرد بس طبعا مكنتش بهرب اصل مكنتش بعرف والله لو كنت بعرف كنت اعملها عموما كنت بروح اقعد فى فصل تانى او فى المكتبه كنت بقضيها يعنى
وعلى فكره طالما اصحابك رجاله معاك خليك معاهم بس من غير ما تقلدهم فى الحاجات اللى مش كويسه هو الواحد بيلاقى كل يوم صديق بجد وشكرا على الحلاقات مره تانيه

طالبة حزينة 02-10-2009 09:07 PM

هههههههههههههه

:):) رووووعة:) :)

:040vk0:منتظرين المزيد في أسرع وقت :040vk0:

EMINEM - the teen version 04-10-2009 09:47 PM

يا طالب طب انت فين مختفى من 11/9

dream.alone 04-10-2009 10:36 PM

الحلقات بجد هايله يادوك قريتها كلها
ومستنيه البقيه

طالبة حزينة 05-10-2009 08:13 PM

:040vk0::040vk0:اللى بعده

يلا مستعجلييييييييين:040vk0::040vk0:

timo mido 22-01-2010 10:17 AM

هههههههههههههه علي فكره انا قريت الحلقات دي في الاجازه وعرفت انه معايا في اسماعيليه وعرفته لوحدي

هو بصراحه بيحب يقضيها وبينفض وكده بس تقريبا في فترات الامتحان بيركز كويس بس كويس ان في حد كده معانا بدل ما نقعد كلنا كده دحيحه مع بعض مفيش حد يسلينا

علي العموم هتصل بيه وهخليه يكمل المذكرات

dr\villa 22-01-2010 10:57 AM

iam here now

smsm.com 25-02-2010 08:57 PM

لو
سمحت
تكمل
الحلقات
رووووووووعة

smsm.com 27-02-2010 03:09 PM

يا
طاااااالب
طب؟

timo mido 28-02-2010 12:09 AM

انت يالا ما تيجي تكمل البتاعه دي.......... او هاتلي الكشكول الحمضان بتاعك ده معاك الكليه وانا هكتبهم يا عم المهم

ahmedkuwit 02-03-2010 08:31 PM

اقتباس:

المشاركة الأصلية كتبت بواسطة timo mido (المشاركة 2017254)
انت يالا ما تيجي تكمل البتاعه دي.......... او هاتلي الكشكول الحمضان بتاعك ده معاك الكليه وانا هكتبهم يا عم المهم


هههههههههههههه

dr\villa 27-06-2010 12:14 PM

انا هنا دلوقتي
فيه حاجتين :
اكمل المذكرات دي ولا ابدأ مذكرات اولي جامعه
هااااا ؟؟؟

MatreX50 27-06-2010 01:42 PM

اللي تشوفه سيادتك بس ابدأ يالحاجة اللي فيها هلس اكتر
سلاموووووووووووز

asmaa232 28-06-2010 08:53 AM

هههههههه والله حلقات زى العسل
مستنيين الباقى

lovely-girl5100 28-06-2010 03:58 PM

فين بقيت الحلقات

fatakat400 28-06-2010 05:49 PM

والنعمه شكله بيحنسنا
ياعم احنا شايفينك اصلا عشان تقول دى ولا دى
لا كمل فلا الثانويه اول وبعدين اقلب على طب

dr\villa 28-06-2010 06:35 PM

هبدأ جامعه دلوقتي وهكمل الثانويه بعدين
 
الحلقه الاولي
بعد الثانويه والامتحانات والقرف ...الواحد بقي يلحق يظبط نفسه قبل النتيجه اصل شكلنا هنترفع :049gc0:بس يعني يظبط نفسه ايه ده هما اسبوعين عمي بين الامتحانات والنتيجه ..ده من تعب الامتحانات الواحد ممكن ينامهم ...المهم لعبنا كوره وروقنا نفسنا شويه وجاااااااااااء اليوم الموعود يوم النتيجه ...طبعا كله قلقان (وانا بعد قليل هههه) والوحيد اللي مش قلقان بابا ويقول لماما منتظره ايه من واحد فاشل زي ده هو كان بيفتح كتاب ....ياريت بس يجيب بيطري ولا صيدله (كلها كام ساعه وتشوف الوحش هيعمل ايه هههههههه) المهم النتيجه ظهرت كنت عند ابن عمتي (عشان يجبهالي قرفان من البيت هههههه) المهم كتبنا رقم الجلوس وهندوس بقي اوك عشان النتيجه تظهر (تخيلوا الشعور ههه) والاقي نفسي يا جدعان جايب 403 ولسه ما حسبتش المستوي الرفيع ....ايه ده يا جدعاااااااان هههه وانا شفت الدرجات دي من هنا وبلمت من هنا ما قولتش كلمه ولا ضحكت ولا فيه اي تعبير وابن عمتي يبصلي وميت علي نفسه من الضحك ....المهم ضحكنا شويه وهزرنا ...زبعدها بربع ساعه كده بابا اتصل (ما رضتش اتصل بيه ...سيبه كده هههههه) بيقولي هااااااااا جبتها ؟؟؟؟
اه جبتها
عملت ايه ؟؟؟
407
تخيلوا هيقولي ايه ؟؟؟؟؟!!!!!
407 !!!!!!! بس (انا قولت انك فاشل ههههههههههههههههه) والله ده اللي حصل )
كنت مشغل الاسبيكر وموتنا علي نفسنا من الضحك بجد


المهم كتبت طب اسماعيليه اول رغبه طبعا ونفضت بقي ما انا كده كده داخل ....وبعد كده قدمت واستنيت
الدراسه بقي

اول يوم كليه :
انا رايح كليه الطب (في دماغي بقي عيال دحيحه وناس محترمه ....محدش بيهزر عيال خنيقه وشغل مرض )
رايح وفي دماغي هلاقي عيال نضيفه بقي كلهم ولاد ناس مش العيال السيس (سوري في الكلمه ) اللي كانوا معايا في المدرسه!!!!
طبعا كله بيقولي اول يوم روح بدري عشان تتوه براحتك هههههه (اتوه مين ..مش انا )
اول يوم ...روحت جايب الهدوم الجديده ومحتار اروح بأيه !!!ههههه مفكر هقابل انجلينا جولي هناك ههههه
وبعد عناء شديد قررت هلبس التيشرت اللي بيبين العضله اللي حليتنا (عشان العيال تخاف من اول يوم كده ههه )
المهم لبست وضربت الجيل والبيرفان ومظبط نفسي ومفكر نفسي اروش واحد في الكليه دي (والله انا خساره في الكليه دي هههههه)
علي فكره كله بيبقي مفكر نفسه اروش واحد حتي لو رافع البنطلون لحد بطنه ههههههههههههه
المهم وعلي غير اللي اتحكالي ما توهتش والحمد لله وروحت علي طول :av4056bb7jp3:
داخل علي الباب لقيت واحد بيقولي سنه اولي ؟؟؟
ايوه
ثانويه ولا شهاده معادله ؟؟؟
(وبعدين في ابن الرغايه ده ) ثانويه يا باشا ....هتفرق يعني ؟؟؟ (بغلاستي ههه)
طب ادخل هنا
ودخلت يا جدعان لقيت بشر وامم وناس كتير اوي (ياااااااااااااااااااااااااه كل دول في طب ...كل دول جايبين فوق 98 وانا اللي كنت بترسم علي صحابي ههههههههههه ما الناس اللي جايبه مجاميع كتير اهي ) بس انا برضه ثقتي في نفسي ما اتهزيتش هههههه انا لسه شخص مش عادي رغم ان فيه بشر وامم جايبين مجاميع عاليه زيي ماعلينا هههههههههههه
دخلت وابص علي الناس الاقي كله ضارب الحته اللي علي الحبل وجاي يقابل فتاه احلامه ....والبت برضه مأجره فستان وضاربه ميك اب من اللي بيتباع علي الرصيف وعامله نفسها جايباه من بيوتي سنتر وجايه تلفت نظر فتي احلامها (مش مشكله هعمل نفسي مصدق انه من بيوتي سنتر ههه)

هكمل اليوم ده بعدين
يتبع ..
.

fatakat400 28-06-2010 06:58 PM

soooooooooooooooooooooooooo nice
يضحك جامد بس كان نفسى تكمل ثانوى اصلى داخله تالته
ومنفضه طول السنين اللى فاتت عوزه اعرف اكملها تنفيض ولا احرت
بس
ولا يهمك يا دك انا معاك

dr\villa 28-06-2010 07:25 PM

شكرا علي المرور والتشجيع
اكيد هكمل الثانوي ...بس هكتب دلوقتي الكليه عشان لسه فاكر الاحداث فأكيد هكتبها احسن

dr\villa 29-06-2010 02:29 AM

الحلقه التانيه
نكمل بقي اول يوم في الكليه ....داخل من باب المدرج وكله الناس كانت قاعده والجميع يحدق (حلوه يحدق دي ايه الهبل اللي انا بقوله ده ) قصدي يعني بيبصوا بغباء ما علينا وانا داخل ادور بقي علي انجلينا جولي امال انا تاعب نفسي ومبين العضله ليه وادور مفيش ....ادور مفيش .....طب دور تاني مفيش برضه ....ايه ده هي البنات كلها وحشه ولا ايه ؟؟؟؟ مش مشكله الحلاوه حلاوه الروح رررررررررررررررررررررروح (ميلودي تتحدي الملل ....عااااااااااااااااااااشق للافيهات ههههههههههههههههه طير انت ) ادور علي واحده روحها حلوه مفيش ...ايه كميه التناكه دي !!!! ما علينا ما تحترم نفسك بقي انت جاي تتعلم ولا جاي تخطب ؟؟؟؟
بصراحه انا جاي اخطب ههههههههه المهم ادور علي مكان اقعد فيه ...ده باين مش هصاحب حد كلهم عيال خنيقه وباردين .... شوفت اي مكان ورحت راشق فيه وجت واحده كده في سنه تانيه وقال ايه هتفهمنا نظام الكليه ( ارغي يا حاجه ) وبترغي وبترغي فعلا والغريب انها منفضالي بتتكلم مع المجموعه كلها ومنفضالي ( شكلنا مش هنعمر في الكليه دي ) جه واحد شافني لوحدي (ليه مش واحده يا جدعان انا قرفان من العيال صحابي هههه ) ما علينا حاجه تسلي علي ما كله يبقي اشطه ...جاي بيقولي ايه يا كابتن ...قاعد لوحدك ليه ... قولتله اصل انا معرفش حد واللي اعرفه زمايلي معرفهمش اوي ....قالي متعرفش تتعرف وراح ضاحك هههههههههههههه ( ايه الواد الغلس ده ) طيب اسمك ايه ؟؟؟ ومن فين ؟؟؟ من اسماعيليه
المهم اتعرفت علي شويه ناس وكله تمام
ولحد دلوقتي لسه مصدوم مفيش ولا بت حلوه هههههه ده بنات ثانوي كانوا نعمه يا جدعان يلا مش مشكله ممكن يكون الحلوين مجوش اول يوم ولو الدنيا ضاقت اهو احنا في الجامعه وربنا يخلي تجاره بقي ههههههههه

هكمل بعدين
يتبع ....



جميع الأوقات بتوقيت GMT +2. الساعة الآن 07:48 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.