طيب استاذ / استاذة ***star***

انا عندي كام سؤال كدة فأرجوا انك توسع صدرك معايا شوية

انا كريم طالب اولي ثانوي لسة وداخل علمي ان شاء الله

1_ هل كلية العلوم بتاخد من علمي علوم ولا علوم ورياضة ولا اقسام ( ارجوا التوضيح )
2_ بالنسبة للعمل بمجال البترول هل هو متوفر ام انة حلم كما يقول الاغلبية . وان هندسة بترول افضل ؟
3_ هل كلية العلوم افضل ام الهندسة (بصفة عامة ) من ناحية العمل . المرتب . الدراسة . المجموع . الخ الخ

وانا بسأل الاسئلة دي لأن في ناس كتيير قالولي بلاش علوم وحرام تضيع اربع سنين وكأنك معملتش حاجة
او بمعني اصح ( كسروا مجاديفي )

في انتظار الرد .

بالنسبه لعلمي علوم تقدر تدخل منها بيولوجي وجيولوجي.....اما بالنسبه لعلمي رياضه تقدر تدخل منها علوم جيولوجيا او رياضيات بس....


هو هندسه بترول افضل شويه انما بصراحه لو لقيت فرصه شغل في المجال ده كويسه....يمكن تبقي في يوم احسن من واحد في هندسه بترول بكتير...

مفيش حاجه اسمها كليه كذا افضل من كليه كذا صدقني.....طيب كليه الطب ماهو الواحد هيتخرج منها بمرتب قليل جدا اما يشتغل في مستشفي....وحلني بقي عقبال مايعمل اسم ويشهر نفسه....وبالنسبه للمرتب دي مقدرش اضمنهالك في اي حاجه ...هي وظروفها.....

خلص انت بس وسيبك من حكايه المرتب دلوقتي..وان شاء الله تدخل كليه حلوه وتكون جايب مجموع احلي:).... وربنا يوفقك

بعد اذنك يا معلم اسلام ..
لازم يعني نعرفه ان علوم طبيعية اللي هو من علمي رياضة بيدخل فيزياء و كيمياء و حاسب.
لامؤاخذة ..
شكرا

سلام عليك ياشباب لو سمحتم انا كنت عاوز اعرف ايه برنامج او قسم جيولوجيا البترول دة اللى موجود بجامعه القاهرة كليه العلوم وهو ياترى بمصاريف دة ولا ايه وبيقبل من علمى رياضه ولا لا
انا اسلام 3 ث رياضه وكنت عاوز حضارتكم تفيدونى يعنى

ولو سمحتم ياجماعه هو ممكن خريج علمى رياضه يلتحق بقسم العلوم الجيولوجيه والجيوفزيائيه ولا لا بكليه عين شمس او القاهرة

شوف يا ريس .. انا معرفش النظام في جامعة القاهرة .. بس برنامج جيولوجيا البترول موجود عندنا في جامعة اسكندرية.. و هو بمصاريف 10000 جنيه في السنة...و بيقبل من علمي رياضة

اكيد ممكن.. انا اعرف في تلات اربع جامعات انه ممكن اكيد برضه عين شمس ممكن..و القاهرة اكيد.

شكرا يامان على ردك
بس كنت عاوز اعرف من حضرتك هو القسم دة ممكن الواحد يروح صندوق التكافل الاجتماعى ويعمل بحث ويتعفى بجزء من المصاريف ولا ملهومش دعوة ولازم تدفع اصل بصراحه يامان المصاريف عاليه اوى
ارجو الرد منك يافوكس اخوك فى الله اسلام

فعلا المصاريف دي كتير اوي يا معلم .. الحقيقة انا معرفش موضوع التكافل الاجتماعي ده في الكلية و معرفش يمشي ولا لا...بس اعتقد ما ينفعش لانك قدامك اقسام تانية ببلاش.
احنا عندنا لما نتيجة الترم الاول طلعت .. الاول شالو عنه المصاريف .. و التاني شاله عنه 75%منها.. و التالت50%
بس انا عايز اقولك ان في اقسام تانية حلوة اوي زي الجيوفيزياء انا كنت هغير رأيي و ادخله بس جت معايا طبيعية..و بعيدا عن الجيولوجيا انت عارف طبعا الكيمياء اكتر قسم ليه مجالات عمل.. بس مدام انت رامي عالجيولوجيا فزي ما قولتلك بالاضافة لجيولوجيا البترول في الجيوفيزياء و تخصص الجيولوجيا نفسه.

يعنى يامان ممكن لو مدخلتش جولوجيا البترول دى ممكن اخش قسم جولوجيا اوجيوفيزيا واتخصص جوة بقى
وليا طلب تانى معلش انا كنت عاوزك تعرفنى ايه نظام التشعيب اللى على الموقع دة
http://sci.shams.edu.eg/InformationF...ents_index.ASP
مع العلم يامان انى علمى رياضه ممكن تقولى ايه الاقسام اللى ممكن اخشها وممكن لا ؟
وايه احلى الاقسام بالنسبه لفرص العمل وازاى باختار القسم اللى انا عايزة

ش فاهم يعني ايه تتخصص جوه ..هو لو دخلت مثلا جيوفيزياء هتتخرج بتخصص جيوفيزياء.
بالنسبة لللينك انا هدخل و احاول اشرحهولك .. بس لو انا فهمته اصلا
و زي ما انت عارف انا علوم اسكندرية

ايه يامان بص يافوكس انا كنت عاوز اقولك بمعنى اصح انا ينفع يعنى اخش جيوفيزيا ولا لا اصل كل ماسال حد يقولى انتا عشان رياضه مينفعش تخش جيو انتا علوم طبيعيه فقط دة صحيح ولا لا؟

لا مش صحيح ..علمي رياضة يدخل جيولوجيا و جيوفيزياء

لو سمحت يافوكس هو ايه الفرق بين قسم الكميا فقط وقسم الكميا والفيزيا معا وهل خريج علمى رياضه ينفع يخشه ولا لا ؟ ارجو الرد من حضرتك:049gc0:

في حاجة اسمها بكالوريوس خاصة و دي بياخدها اللي دخل شعبة خاصة اللي هي مثلا كيميا بس و بنسميها كيميا سبيشيال و البكالوريوس العامة دي بياخدها اللي دخل شعبة عامة زي كيميا/فيزيا و بنسميها كيميا جنرال و في الحالة دي بيبقى الكيميا اسمها تخصص رئيسي و الفيزياء تخصص فرعي.
الفرق ان اكاديميا الكيميا سبيشيال احسن لان اللي بيدخلها عدد قليل و هم الاوائل على دفعتهم و بيبقى ليها شروط في التقدير.
الكيميا فيزيا بيدخلها اللي كانو عايزين يتخصصوا في الكيميا بس مقدروش يدخلو سبيشيال.
بالنسبة للمواد الكيمياء سبيشيال بيدرسوا كيميا بس بمعنى كل انواع الكيمياء حيوية و تحليلة و فيزيائية و عضوية و غير عضوية.
الجنرال بياخدو انواع كيمياء اقل من سبيشيال في مقابل انهم بياخدو مواد فيزياء.
انا اسمع ان كيميا فيزياء بيبقوا مطلوبين اكتر في الشغل بس برضه كلنا بنسعى اننا ندخل سبيشيال لان غالبا بياخدو منها المعيدين.
و بالنسبة لسؤال علمي رياضة ينفع يخشه ولا لا .. احب اقولك ان قسم الكيميا سبيشيال ينفع يدخله اي حد في كلية العلوم بس يطلع منن الاوائل زي ما شرحتلك .. اما قسم كيميا/فيزيا فاحب اقولك ان علي رياضة بس هم اللي بيدخلوه و عموما اي حاجة فيها فيزياء يبقى علمي رياضة و طبعا قسم الفيزياء مينفعش يدخله غير علمي رياضة بس يكون دخل علوم طبيعية مش جيولوجيه.
لو دخلت جيولوجية ممكن تبقى كيميا سبيشايل بشروطها او تبقى كيميا/جيولوجيا.

السلام عليكم انا هاجر فى 3ث رياضة وكنت عايزة اطلع عالمة فضاء وسمعت عن قسم فللك وارصاد جوية فى علوم القاهرة فكنت عايزة اسال عن تخصصاته وهل القسم دا موجود فى علوم الاسكندرية
وايه الدبلومات اللى اقدر اعملها علشان اتخصص فضاء
او من الاخر انا مستعدة اعمل اى حاجة علشان اطلع عالمة فضاء ومش اعمل ايه؟؟؟؟؟؟؟؟؟؟؟؟؟

صباح الفل يا ستاااار ..... !!!!!

انا عندي كام سؤال كده

السؤال الاول ... الموبايل اللي في ايدك ده نوعه ايه و بكام !!!!!

السؤال الثاني .... عايز اعرف ايه هو افضل اقسام علوم بيولوجي


عشان ان ناااوي ادخل علوم السنادي .... !!!!

دعواتكم يا جماعه .... !!!!!

:p

قسم علوم الفضاء المفروض انه كان هيتفتح اول سنة في جامعة اسكندرية لطلبة المستوى الاول 2008/2009 اللي انا منهم .. لكن العميد قال ان التجهيزات لسه مخلصتش و انه ممكن يبقى متاح للدفعة اللي بعدنا.
بالنسبة للدبلومات مش عارف لانه لسه مفتحش.

طيب هو القسم دا موجود فى اى جامعة تانية فى مصر حتى ولو كانت جامعة اسوان

طبعا يا هاجر اسالي في القاهرة وعين شمس

علوم اسكندريه مجمعها كام

بتختلف من سنة لسنة وبتختلف اذا كنتى علمى علوم ولا علمى رياضة

سنتى انا كانت علمى علوم علوم طنطا 95 وعلمى علوم اسكندريه 93 وعلوم من علمى رياضة كانت 87
ودة طبعا بيختلفوا في الاقسام مش بيبقي للعلمى رياضة اقسام غير الرياضة والفزيا وبعض الكليات بيبقي ليهم الحق في انهم يدخلو قسم كميا
انما علمى علوم بيبقي ليه الحق في انه يدخل اي قسم من اقسام الكليه

السنة اللي فاتت كانت علوم طنطا من علمى علوم كانت 90% ومن علمى رياضة كان 88

وعلي فكرة بعد ماهتدخلي الكليه هتلاقي ناس معاكى جايبين 96 و97 حتى لو التنزيل كان نازل لانهم بيكتبو ترتيب الرغبات فبيجلهم طب بيطري فيحولو من بيطري لعلوم عشان التحاليل وعشان من وجهة نظري ان افضل كليتين في مصر هم الصيدله وعلوم

ما مزيا قسم علوم الحاسب جامعة الزقازيق وهل هذا القسم افضل من قسم الفيزياء ام لا

السلام عليكم ورحمة الله بداية احب ان اشكرك علي هذا الموضوع الرائع واريد ان استفسر منك عن الفرق بين المواد اللي بيدرسها طالب علمي علوم (في الثانوية) بعد التحاقه بكلية علوم وطالب علمي رياضة ومجالات التوسع في الدراسة والشغل (بعد التخرج باذن الله ) بتبقي متاحة لمين اكتر

فيه فرق شاسع بين طالب علمى علوم وعلمى رياضة في كليه العلوم

علمى علوم متاح له جميع انواع الاقسام في الكليه زى قسم الكميا وقسم الميكروبيولوجى وقسم الكميا والميكروبيولوجى وقسم الكميا الحيوى اللي هم اصلا اساس التحاليل الطبيه وبيطلع بعدها بياخد دبلومة 7 شهور وبيبقي دكتور تحاليل وكمان ممكن يشتغل في شركة ادويه زيه زى الصيدلي او بترول او بلاستك او اسمنت او اي حاجة داخله فيها كميا وممكن يشغل مديكال ريب برضة زى الصيدلي وبمرتبات عاليه جدا 2000 جنيه وبيدولك عربيه بعد 4 شهور

اما علمى الرياضة له قسم العلوم الطبيعية اللي بيتدخله قسم رياضة او فزيا او حاسب وبعض الكليات تسمح للمتفوقين في علمى رياضة واللي جايبين جيدجدا في سنه اولي بدخول قسم الكميا وقسم الجيلوجيا

لو سمحتم عاوز معلومات عن قسم علوم الحاسب الي من شعبة فيزيا رياضة

هو لازم اللى يدخل كلية علوم يبقى كان علمى فى الثانوى مينفعش ادبى

انا فى 3 ثانوى حاصل على 93%
هل ممكن الحق علوم(المنصورة)
هل دخول القسم مرتبط بدرجة الاحياء ولا المجموع الكلى
درجة الاحياء37.5
وياريت اعرف احسن اقسام الكلية

طبعا بالتاكيد لازم يكون علمى

ان شاء الله تلحق علوم وتحققكلك كل احلامك

وبالنسبه لدخول الاقسام كل كليه لها نظامها
وبالنسبة للاقسام الكليه والتعريف بالكليه

.................................................. ................................
كليه العلوم


لو عايز تدرس طب ومواد طب فسيولوجى وانسجة وخليه وتحاليل كميائيه وطبيه الخ وتشتغل دكتور تحاليل طبيه في الستشفيات والمعامل يبقي مكانك في كليه علوم
لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه يبقي مكانك عندنا
لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم
لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم
لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم
لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا
لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم

هى الكليه التى يدرس بها كل العلوم الحيه والغير حيه الخاصه بالطبيعه والدراسه طبعا فيها باللغه الانجليزيه في كل الجامعات المصريه
والدراسه على اربع سنوات(نقطة نقاش)




اقسام الكليه الرئيسيه



1- قسم الكمياء الخاصة( special chemistry)
وتدرس فيه كل فروع الكميا من


الكمياء الحيويه

( وتدرس فيها جميع التفاعلات الخاصه بالكائن الحى وخصوصا جسم الانسان
وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه
وهى غير موجوده فى كل الكليات كأقسام ولكن تتدرس كمواد في قسم الكميا الخاصة زى الكميا العلاجيه وزى الكميا الحيويه 1 وكميا حيويه 2

الكمياء التحليليه

( ويدرس فيها كل مايخص التحليل الكميائى لاى شئ بالقوانين والمعادلات والنظريات
وتاتى فى المرتبه الثانيه من الكمياء لارتباطها الشديد بالاجهزه التحليليه
ويكون المتخصص فيها قدر على استخدام شتى الاجهزه


الكمياء العضويه


( ويدرس فيها كل مايخص العضويه من تفاعلات خارج الجسم وفى التربه وفى الطبيعه
وهى مرتبطه كثيرا بالصناعه فى مختلف المجالات )


الكمياء الصناعيه


( ويدرس فيها المواد الصناعيه مباشره وبعض المؤثرات والعلاقات فى الصناعه )زى industrial chemistry- اللي بتدرس فيها الصناعات الكميائيه زى صناعة الكميائيه للدهانات والخشب والزيوت

وهناك مواد اخرى كثيره ولكن لن اعرف وصفها بالعربى او حتى اسمها مثل
spectroscopy- sterochemistry- inorganic chemistry - physical organic- quantm- natural product - and more

2 - قسم البيولجى ويندرج تحته اقسام


قسم microbiology الميكرو بيولجى

وده مهم جدا زى الكمياء الحيوى ويختص بدراسه الكائنات الدقيقه (بكتريا وفيروسات وفطريات وطحالب)

قسم zoology علم الحيوان


وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه


قسم Botony علم النبات

ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا

بدراسه الفيروسات

قسم entomology الحشرات

ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
بمقاومه الافات والحشرات ( الجراد)

قسم الكميا الحيوى ( موجود في بعض الجامعات وليست كلها

وتدرس فيها جميع التفاعلات الكميائيه الخاصه بالكائن الحى وخصوصا جسم الانسانة وتدرس فيها الكميا العلاجيه زى المسكنات وخافضات الحرارة وزىمضادات البكتريا والفطريات والفيروسات والطفيليات
وهى من اقوى الفروع فى الكمياء وتتخصه من بيولوجى وتفتح مجا لات عمل
للمتخصصين فيها مثل التحاليل والادويه

قسم علوم وبحار والاسماك
ودة بتدرس فيه كل ما يتعلق بعالم البحار وانواع الاسماك
ودة طبعا شغله في المزارع السمكيه ومجال البحث العلمى



قسم الكميا والميكروبيولوجى
وهو قسم مهم جدا بيملكلك العصايه من النص يعنى انت كميائي وفي نفس الوقت microbiologist
تدرس فيه كل فروع الكميا السابقة (حيويه وعضويه وتحليله وفزيائيه ) وايضا تدرس فيه كل فروع الميكروبيولوجى السابقة (البكتريا والفطريات والطحالب والفيروسات)

قسم الكميا والحيوان
وهو قسم هجين بين الكميا والحيوان وتدرس فيه علوم كل فروع الكميا وكل فروع الحيوان من الطفيليات والفسيولوجى والامراض الوراثية والانسجة وعلم الخليه الخ

قسم الكميا والنبات
هو قسم هجين بين الكميا والنبات وتدرس فيه كل فروع الكميا وكل فروع النبات من امراض نباتيه ووراثيه

قسم البيوتوكنولوجى (قسم موجود في بعض الجامعات فقط)
تدرس فيه DNA وماشبه الخ
والخ

3-قسم الجولوجيا



وهوقسم يختص بدراسه سطح الارض ومافيها من معادن وغيره


4-قسم الفيزياء



قسم خاص بالتجارب والقوانين والعلاقات الرياضيه والدوائر الكهربائيه


5-قسم الحاسبات والرياضه


وهوقسم تدرس فيه كل فروع الرياضيات والحاسبات



6-قسم الفلك والارصاد الجويه (موجود في بعض الجامعات وليست كلها)
تدرس فيه كل ما يتعلق بالفلك والنجوم والكواكب والارصاد الجويه

اذيكو ياعباقر
عايز ادخل علوم بس قلقان
اية رايكم

اي احسن مكان

هو الكميا الحيوى زى الكمياء الحيوية

يا عم star انا بفكر فى علوم اية رايك
على فكرة انا شايفك جامد وفاهم

جزاك الله خيرا على مساعدتك
وانا طالبه شويه معلومات عن قسم علوم الحاسب
انا طالبه علمى رياضه
وكنت عايزه اعرف هل القسم ده جزء من قسم الرياضه
بمعنى ان هل الطالب فى هذا القسم يقوم بدراسه الرياضه البحته والتطبيقيه الى جانب علوم الحاسب
وهل هو بينزل منفصل فى التنسيق ولا لازم يقبل فى قسم رياضه وبعد كده بيكون فى تنسيق داخلى ؟
وجزاك الله خيرا

بص لازم تكون واخدها تحدى من اول يوم في الكليه وماتقلقش ادام انت بتعمل اللي عليك

بالنسبه لسؤالك افضل كليات العلوم بص معظم كليات العلوم حلوه انا درست في تلات جامعات وكلهم كويسين

وبالنسبة للفرق مافيش فرق في الكلمه ذات نفسها
لكن الفرق في ان الكميا الحيوى الاولي تتاخد كمواد تابعة لقسم الكميا ودة بيدرس كل انواع الكميا
انما الكميا الحيوى الثانى هو قسم كامل موجود داخل بعض كليات العلوم اللي فيه بيدرسو مواد كميا حيويه بس

بصراحة معنديش معلومات عن القسم لانى كنت علمى علوم
بس اللي اعرفة ان فيه قسم حاسب خاص موجود عندنا هنا في طنطا
بس بتدخلي اولي علوم فزيائيه وبعدين بتتخصصي بعد كدة
دة علي حد معلوماتى

i so so so sorry Mr. zezo

the first thing im a doctor not mr
لان كلمة دكتور لا تطلق الا علي من حمل دكتوراه لكن تطلق مجازا علي اي واحد بيشتغل في المجال الطبي ومعاه بكالوريوس
عشان كدة انا دكتور تحاليل طبيه(اخصائي تحاليل طبيه)

والكارنيه في النقابه مكتوب فيه اخصائي تحايل طبيه لان الدوله مش بتفرق بين خريج طب اخصائي تحاليل طبيه وبين خريج علوم اخصائي تحاليل طبيه والاتنين ع نفس الدرجة
فانت لو زاكرت شويه وحضرت ماجستر ودكتوراه هتبقي استشاري تحاليل طبيه بردو زى الطبيب

تانى حاجة لا توجد وجه مقارنه اساسا بين علوم وتمريض لا في الدراسه ولا في الشغل ولا في اي حاجة تانيه
زى ماقلت ممكن تبقي دكتور تحاليل وتفتح معمل باسمك ممكن تبقي كميائي وتشتغل في شركات الادويه زيك زى الصيدلي
ودلوقتى شركات الادويه بقيت بتجيب كميائئين وعشان كدة الصيادله عامليين حمله ضد الكميائيين عشان الشركات بقيت بتطرد الصيادله وبتجيب كميائيين
وممكن وممكن الخ
اقل مافي علوم تشتغل ميدكال ريب ودى بيشتغلها علوم وصيدله وطب وبالميت هتاخد1000-1500 جنيه وعربيه ع الزيرو
قولي بقي تمريض بيشتغلوا ايه.....................

نو انا خريج جامعة جنوب الوادى 2008
دبلومة كميا حيوى وفسيولوجى من جامعة قناه السويس فرع الاسماعليه 2009
وان شاء الله هسجل ماجستير ميكروبيولوجى جامعة طنطا

مين اللي قال كدة كل اللي متخرجين من تمريض قاعديين في البيت + نظرة المجتمع لهذة الطبقة +عدم وجود فرص عمل ليهم
ع العموم لو هتدخل تمريض هتتخرج وهتشوف