|
متسربعين على ايه الله :d
اولا سلام عليكم ثانيا اسف على التأخير الكهربة النهاردة كانت مجنونة فصلت يجى ستاشر مرة ومش عارف حتى افتح الجهاز :d ثانيا شكرا على شوية البكش دول يا مريم حاولى تزوديهم شوية :d ربنا يكرمك وبراحة علينا شوية يا جماعة هنرد اهو بس قبل ما ارد بحب اشكر محمد واميرة بجد لقائهم كان كويس تحس فى كلامهم ان الدنيا لسة بخير :d وهبدأ ان شاء الله فى الرد اللى جاى دمتم فى رعاية الله |
اقتباس:
عايزن نشوفك بقى شكلك كنت شقي زي اللورد يلا في انتظار متتاخرش |
سلام عليكم ازى حضراتكم يارب تكونو بخير .. هحكيلكم الحكاية من البداية اقتباس:
]ياللا نقول واحد هقسم الحكاية على فقرات وهبتدى اول فقرة بعد نقطتين .. صرخة حياة كانت البداية فى 30/9/1989 .. العصر تقريبا اتولد اخويا واول مانزل صرخ زى باقى الناس ما بتصرخ اول ما بتتولد .. بعدها بخمس دقايق تقريبا انا اتولدت ..... بس الغريب فى الامر انى مش زى باقى الاطفال لانى مصرختش اول ما اتولدت طبعا الكل افتكرنى ميت وركنونى على جمب واهتمو باخويا .. بعدها بشوية الدكتورة او الداية مش هتفرق شافتنى ففضلت تضرب فيا _ ربنا يسامحها _ ونتيجة للضرب دا مقدرتش اكمل استعباط واعمل فيها ميت .. فقومت صارخ مرة واحدة ودى مش صرخة الحياة انا صرخت لان الداية كانت اديها تقيلة شويتين .. الحمد لله خلاص صرخت وجيت دنيا جديدة بدل دنيا الظلام اللى انا كنت فيها من المعروف ان التوأم بيبقا نازل واحد فيهم شادد حيله وواحد هزيل انا بقا وبلا فخر كان حيلى مقطوع ... واخويا اللى نزل شادد حيله .. كنت نازل تعبان شوية المهم بعد صراع مع الدكاترة والحقن والايام الكحلى دى عدا التعب عى خير وبقيت كويس فى وقت التعب دا كانو لازم هيسمونى اسم .. فاتفقو انهم يسمو اخويا " محمد " اما انا فاحتاورو فى تسميتى انقسمت الاسرة لفريقين الفريق الاول عايز يسمينى باسم جدى والفريق التانى عايز يسمينى محمود المهم جه حكم مابينهم وقال احنا نتذاكى على الواد ده .. احنا نسميه محمود ونندهه باسم جده المهم استقرو على تسميتى فى شهادة الميلاد محمود كبرت شوية بشوية وسط اهلى اسرة متوسطة الحال ومش عايز اقول عددنا علشان متتخضوش كبرت بقا عندى سنة تقريبا .... فى الوقت دا جالى مرض ومش عايز اقوله علشان مش ناقص تريقة من حد ومحدش يسأل ويقول ايه :d المرض دا فضل فترة كبيرة ودكاترة ومستشفيات وادوية وسرنجات كانو بيقولو الواد ده اتولد علشان يموت ( ودا بعدهم طبعا ) .. بس انا فضلت صامد للتعب دا وفضلت كطفل مناضل لحد ما عديت منه بستر ربنا لانى كان مكتوبلى انى اعيش ...... وبكدا تكون اول فقرة انتهت يارب تعجبكو للمزيد تابعونى فى الفقرة اللى جاية هتكون بعنوان تشرد بائس :: دمتم فى رعاية الله |
اقتباس:
دنا كنت ملاك نازل من السما عموما ادينى رديت بس هرد بصورة متقطعة فوتتكو بعافية :d |
ههههههههه
ايه النضال ده كله ما شاء الله غريزه البقاء بقا مستنين بقيه الحلقات ......... |
هههههههههههه
لا بجد فعلا نضال فظيع اقتباس:
هههههههههههه حلوه اووي الحته دي فعلا الممرضات دول ربنا يسمحهم ياارب اقتباس:
في رعاية الله |
الموضوع خلاص قلب تراجيدى :d اقتباس:
اقتباس:
ايه العناوين دى يا طه حسين .. :d |
اقتباس:
شوية يفتح وشوية لا اوك سلام والرد ف الاخر متاااااااااااااااااااااااابعة |
هههههه لحد كدة كويس والحمد لله حضرتك كنت زي ما بيقولوا ماسك في الدنيا بايديه وسنانه:d مستنين لما نشوف التشرد البائس:d |
اها كمل
شكلها هتبقى طفولة بائسة بس أكيد متابعينك يا باشمهندس |
اقتباس:
لازم نناضل من اجل البقاء ادينى قاعد على قلبهم :d اقتباس:
شكرا على المتابعة لسة اللى جاى اسود :d دمتم فى رعاية الله اقتباس:
الا هيا ترااجيدى دى يعنى ايه :d امال يابنتى طه حسين مين منا اسمى محمود طه ...( خمسين اسم ) وبعدين فى النهاية حسين:d فوتتك بعافية اقتباس:
سلامة جهازك الف لا بأس عليه :d شكرا على المتابعة اقتباس:
ايون الحياة حلوة:d هو مش بائس اوى يعنى تابعينا بس:d اقتباس:
ان شاء الله هكمل دلوقتى دمتم فى رعاية الله |
نأسف على هذا العطل الفنى والى حضراتكم هذا التقرير:D :::::::::::: تشرد بائس وبما انى فافى من يومى :d كنت عايش على لبن بودرة والسيرلاك والحاجات اللى مكانتش ظهرت على ايامى دى كنت هزيل شوية بس كان شعرى طويل ونازل على عينى:d ولو حد عايز يشوف الصور يبعتلى ونا اوريهاله بس يشخلل جيوبه :d .... المهم عدت مرحلة الرضاعة وبدائيات الحياة دى كانو مدلعنى شوية على سبيل الشفقة :d وبدأت مرحلة التشرد كان عندى تلات سنين تقريبا .. وقولت اسيب البيت والتفت لمستقبلى وانزل الشارع العب مع العيال الصغيرين .. فى اول الامر كنت غلبان كدا وكنت بتفرج على العيال وهيا بتلعب شوية بشوية لعبت معاهم كانو بيسطعبطونى شوية :d علشان انا كنت غلبان بقا طالع من عند بابى ومامى ودلع وبتاع شوية بشوية فهمت الدنيا :d وفهمت اللعب دا ماشى ازاى من الاخر اتكحرت فى الشارع واتأثرت بالعيال دى وبعد ماكنت هادى بقيت شادى وابراهيم واحمد فى بعض وبقيت زى ماتقولو بلطجى ... مكنتش بسيب حد الا لما اضربه وكل يوم كام خناقة .. وبما ان مرحلة الدلع انتهت فكان مع كل خناقة علقة تمام المشكلة فى العلقة دى انها بتتكرر فى اليوم اكتر من مرة وبنفس النمط انضرب مرة من بابا ومرة من الحجة ماما ومرة من اخويا الكبير بالاضافة الى اخواتى البنات .. وساعتها كنت ملطشة اللى ايده بتاكله يجى يضرب فيا اكمنى هادى :d وطبعا ولاكان فى دماغى لانى اتعودت على الضرب :d واستمريت فى اداء عملى فى الشارع كطفل متشرد اضرب دا واشتم فى دا لسانى كان طويل بشكل :d .. الطريف فى الامر واللى توصلتله من فترة ان الانسان فى بلاد برا بيفضل طفل لحد مايوصل خمستاشر سنة وفى مصر بيفضل طفل لحد مثلا سبع سنين او اقل شوية او شويتين انما انا مرحلة الطفولة عندى انتهت بمجرد مانزلت الشارع الطفولة والبراءة دى اتمحت من الذاكرة :d .. وبكدا تكون تانى فقرة خلصت تابعونى مع تالت فقرة فى الرد التالى وهتكون بعنوان مواقف فى حياة طفل وهتكون الجرعة كبيرة شويتين :d دمتم فى رعاية الله |
:blush: بجد يا بشمهندس قصتك حلوة أوي و جميلة جداا و مستمتعة بقراءتها و متشوقة لرؤية التكملة ;) |
اقتباس:
حاسس بنوع من التريقة على الكمية اللى بتنزل بس عموما هزود الكلام شوية شكرا يا مريم دمتم فى رعاية الله |
مواقف من حياة طفل فى الفقرة دى هحكى شوية مواقف كدافاكرها اول موقف -1- سرنجات وتسمم من المعروف انى دكتور من يومى .. وبما انى مكنتش زى باقى الاطفال اللى بتلعب بالكور والدباديب والكلام الأطفالى ده اختصرت على نفسى انا وشلة المتشردين زمايلى كنا بنلعب بالسرنجات نحط فيها مية ونرش او نملاها بهواء ونطير السرنجات(شوفتو الهبل ) فضل الامر ماشى تمام يومين تلاتة بدون خساير فى الارواح .. ولكن حصل اللى حصل كنت عند المراجيح فى الوقت دا خلاص اتمرجحت وبقيت تمام وبدأت العب بالحقن:d كنت انا واتنين تلاتة كدا كان فيهم واحد اسمه عبد العزيز .. بيلعب بالحقنة عادى ملاها هواء وجيت لحظة الانطلاق ضغط على الحقنة فالابرة لقت هدف الهدف داكان ايد حضرتى ... طبعا عيطت شوية ومكان الابرة نقطتين دم الكلام دا كان قبل المغرب علطول .. وبعدين روحت غسلت ايدى وشىء طبيعى انى مقولش لحد على اللى حصل علشان معرضش نفسى للضرب كالعادة:d .. المهم كتمت على اللى حصل ونمت على امل ان ايدى هتبقا تمام لكن لما صحيت مكنتش حاسس بايدى ولقيتها حاجة كبيرة كدا وضخمة ومش قادر استحمل الالم بتاعها جرى على اخويا الكبير شافنى اتخض حكيتله اللى حصل .. بعدين على المستشفى علطول اتضح ان عندى تسمم:d وكنت خلاص هتكل على الله بس ربنا ستر وبعد علاج ومراهم وادوية وسرنجات برضو :d خفيت الحمد لله وربنا ستر كل اللى اقدر اقوله فى الموقف دا اننا كنا هبل بطريقة فظيعة :d كنا بنلعب بحاجات غبية ........................... -2- استهبال احم موقف تانى من مواقفى المميتة فى يوم من الايام وكالعادة بشبط فى اى حد رايح فى اى مكان فى اليوم دا اختى كانت راحة عند عمتى وطبعا مش عايزة تاخدنى معاها علشان شقاوتى ونا راسى والف خنجر انى لازم اروح .. دا يضربنى الم التانى المين وخبطة يمين وخبطة شمال:d المهم عملت نفسى هديت ومش هروح معاها هيا خرجت من هنا مفيش دقيقتين واتسحبت من وراهم وخرجت ورا اختى لحد ما وصلت لطريق العربيات نديت على اختى اللى كانت اطمنت خلاص انى مش هروح معاها المهم اذبهلت منى كدا وقالت دنا لسة سايباك فى البيت وفضلت تقولى ارجع مرجعش.. يا حبيبى ارجع بردو مفيش فايدة المهم عايزة ترجعنى بالعافية ونا اجرى منها ونا بجرى بقا كان فى عربية ماشية ولقت هدف الهدف دا كنت انا بردو :d المهم خبطتنى خبطة خفيفة كدا وربنا ستر لان العربية مكانتش سريعة المهم شوية خدوش والم بسيط فى رجلى المهم خفت من اختى بقا لانها كانت مستحلفالى:d فقولت اجيب الحكاية فى السواق فاستعبطت انا وعملت نفسى وكأن رجلى اتكسرت ودمعتين كدا بعد عصر عينى مرارا وتكرارا فى الوقت دا اختى نسيت اللى حصل وكان همها انها تروحنى علشان تشوف رجلى وشالتنى كمان :d والسواق خاد الواجب بتاعه من الناس اللى كانت واقفة:d .................................. -3- معلش يا جدو الموقف دا لسة معلم فى جتتى :d كان يوم جدى دخل البيت وقعد كدا ومدد ماشاء الله وكان لابس شوز ساعتها :d المهم نام وهو لابس الشوز بردو فقومت انا رابط رباطين الشوز فى بعضهم ونمت جمبه المهم جدى بعد ما صحى فبيمشى كدا هههههه هوب راح واقع ونا صحيت على صوت وقعة جدى ( الله يرحمه) وطبعا الكل كان مقتنع تمام الاقتناع بأن مفيش حد غيرى يعمل كدا فطبعا انا كنت واقف اضحك وهايص بسبب الى حصل:d وطبعا الكل كان مذبهل بسبب الى حصل بس بعد ماعرفو ان انا اللى عملت كدا كل اللى ايده بتاكله ضرب فيا شوية:d العجيب فى الامر بقا انى جدى الطيب ده هو اللى حاش عنى وكان بيضحك هو كمان :d تابعونا مع مواقف تانية دمتم فى رعاية الله |
هههههههه
هههههههههههه بجد طفولة كلها اصابات بس فعلا ضحكت ضحكت استمروا |
اقتباس:
هههههه و الله و أنا كمان :lol: اقتباس:
أنا عن نفسي و الله ما بتريق بالعكس شكلها حلقات جميلة أوي بس مش هاعلق عليها و "أتريق" إلا لما تخلص :d يللا مستنيين البقية و مش هتريق خاااالص :d |
هههههههههههههههه بجد موضوع تحفه ويوميات الاعضاء ما شاء الله طفولة مشرقة كنت بحسب اخوية شقي ....بس جنب محمود ميجيش حاجة:p:p |
اقتباس:
دى كانت طفولة بريئة :d بس زمن البراءة راح بقا وكل سنة وانتم طيبين اقتباس:
الكلمة اللى بين قوسين دى مشوفهاش بالفعل :d عموما ادينا لسة بنحكى اقتباس:
فين الشقاوة دى بس هو فى اهدى من كدا :d منورة يا تسابيح النجوم استنونا بعد الفاصل دمتم فى رعاية الله |
ههههههههههه
لا بجد طفولة ياعيني كلها امراض وتعب الاطفال اللي زى كده بيصعبوا عليا أوى بس سؤال بجد جاوب عليه : إيه المرض اللي جالك ومش عايزنا نتريق عليه ؟؟؟؟ |
ورجعنالكو مرة تانية وبعض المواقف العصيبة ملح فى الشاى= سم فى العسل . والموقف دا جابلى املاح يا جماعة الله لا يوريكو :d فى يوم ماما كانت فى المطبخ بتعمل شاى وطبعا قالتلى ادخل يا .... (بتدلعنى ) حط سكر فى الكوبايات وطبعاانا ماصدقت الاقى حاجة اعمل بيها مشكلة فطبعا اكمنى هادى كان فى كيس ملح جمب السكر فقولت احط ملح واللا سكر ... فقولت بذكائى اما اخليهم يجربو طعم الشاى بالملح علشان زمانهم زهقو من السكر دا :d .. وطبعا كوبايتى الصغيورة معروفة فقولت انا مزهقتش من السكر فهحط فيها سكر بردو واحطلهم ملح :d .. المهم حطيت ليهم ملح فى الشاى.... وجيت لحظة التذوق بعد ما ماما من غير ماتاخد بالها قلبت الكوبايات وودتها لبابا واخواتى .. احساس جميل جدا لما تلاقى اللى قدامك حسو بقرف او شىء غريب :p ومع كل بخة بق شاى من بق كل واحد من طعمه :d .. احساسى بالمتعة كان بيزيد .. اللى ساب كبايته وقعت اتكسرت واللى .... طبعا ماما شافت كدا قالتلى عملت ايه فى الشاى يا ......( بتدلعنى بردو ):d ... طبعا عملت فيها برىء ونا حطيته من غير ما اخد بالى اصل السكر بنفس لون الملح:006et4: .. بس اتغابيت فى حتة شربت من كوبايتى ومعملتش حاجة فماما قالتلى هات كوبايتك كدا يا ابن ال .... ( بتشتم المرادى ):d فلقيته بطعم السكر عادى وطبعا كالعادة ... اتضربت بعدد اللى كانو بيشربو شاى واللى ايده بتاكله يجى يضربنى بردو :d كنت هادى اوى انا :d ... ::::::::::::::::::: برىء يا بيه ... بما انى اخر العنقود:006et4: اكيد كان ليا اخوات اكبر منى :p .. طبعا اخويا خالد اكبرهم فى الوقت دا كان فى التعليم لسة .. مش فاكر كان فى سنة ايه و مرحلة ايه كان فى كتاب كدا كل يوم يذاكر فيه اعتقد انه رياضة فقولت ايه بقا .. امااشوف الكتاب دا .. واتفرج على الصور اللى فيه ملقيتش فيه صور :d .. فقولت انا هخبيه اصله وحش;) وطبعا اخويافضل يدور على الكتاب وكان هيتجنن ويقول انا بحطه هنا كل يوم راح فين النهاردة .. المهم انا كنت بدور معاه :d لقيته مرة واحدة كدا بصلى وقال يا حودة ويا ميدو والكلام الاهبل دا فين الكتاب؟ .. ونا اقولله منا بدور معاك اهو لما الاقيه هقوللك وطبعا لانه عارف انى هادى جدا:d قاللى فين هدومك احم :d .. طبعا قولتله عايز هدومى ليه دى صغيرة عليك:006et4: قاللى ملكش دعوة .. راح فتح الدولاب وبيقلب لقا الكتاب مستناش لحظة كان ماسك الكتاب فى ايده الشمال انما ايده اليمين بوم على وشى :d .. وضرب بقا واهانات العيلة دى هرتنى ضرب :d ياللا ربنا يسامحهم بقا لو انا كنت شقى كنت علمتهم الادب:p تابعونا بعد الفاصل .. بس مش عارف هقول مواقف لسة واللا هدخل فى مرحلة الابتدائية لانى ...... هتعرفو بعد شوية :d .. دمتم فى رعاية الله |
اقتباس:
ميصعبش عليكى غالى حسستينى انى كنت تعبان :d وبعدين منا قولت محدش له دعوة بالمرض ده:d احتمال اقوللكو فى الاخر :d شكرا على المتابعة دمتم فى رعاية الله |
ههههههههههههههههه ايه الحلاوه دى يا عم محمود سردك للمواقف جميله اوى وده كله ومش شقى امال لو شقى ع العموم مش تتأخر متااااابع |
ايه ده :angry2::angry2: دول أطفال دول :(:( دا الاطفال بيكونوا ملايكه:wub: مش زيكم كده :abdoog8: بس مجربه يا عينى كان عندى أخت كده بتعمل فيا عمايل :stickjo4::stickjo4: لحد دلوقتى عملالى عاهه مستديمه فى العمود الفقرى ربنا يسمحك يا *خوخة*:bosyht9: طبعا مش أنتى مش أنتى :p:p |
قصة جميلة بجد كمل يا محمود أنا برأي دي من أفضل الحلقات اللي عدت و اللي لسة هتعدي على الموضوع ده كله منتظرة التكملة :) |
هههههههههههههه الله يكون في عون اهل حضرتك مش عارفة كانوا مستحملين كل ده ازاى بس برضه مكنوش بيسيبوا حقهم وببخدوه بالضرب كالعادة:d |
اقتباس:
ربنا يسهل واقدر اكمل شكلى مش ناوى اكمل :d ربنا يسهل اقتباس:
لا اختك هادية طالما مفيش خساير فى الارواح مش مشكلة عاهة مستديمة :d منورين يا جماعة اقتباس:
ربنا يجبر بخاطرك انا قولتلك زودى البكش مش تبالغى فيه :d عموما متشكرين وجارى التكملة دمتم فى رعاية الله |
اقتباس:
لازم يستحملونى دنا كنت هادى جدا لو مستحملونيش امال هيستحملو مين يعنى امال هيضربو مين غيرى :d فوتتكم بعافية |
هههههههههههههههه
بجد مابطلتش ضخك وعجبني اووي موقف جدو والشاي ههههههههههه بجد بحب انا الحركات دي اوووي :d وبحب اشوف رد الفعل اووي بعد الموقف :d مستنين الباقي ان شاء الله متابعه اكييد في رعاية الله |
اقتباس:
طب الحمد لله انى قدرت ارسم البسمة على شفاهكم لا مهما موقفين اصلا يموتو من الضحك انا عن نفسى مت من الضرب :d والمشكلة ان رد الفعل بيبقا اقوى من الفعل نفسه :d شكرا على المتابعة دمتم فى رعاية الله |
ههههههههههه
جميله قوي مواقفك يا محمود .. ايه يا ابني الشقاوه دي .. وقال بتقول انت الهادي .. لما كده وهادي امال اخوك اللي مش هادي يبقى ايه بقى ؟ لا بجد ضحكت .. ضحكت قوي .. برغم الظروف اللي زي العسل اللي هنا .. معلش بقى معرفتش اتابع من الاول .. بس انا ذاكرت اللي فاتني .. يستحسن تكمل بدل ما ي***وك .. انت اصلك عليك اقبال رهيب منهم .. استمر في التشرد .. (تعمل كده في جدك يا جبار ؟؟) استمر استمر .. دووومت .. |
اقتباس:
دنا اهدى وا حد فى العيلة :d لا اخويا ملوش فى كدا خالص لا بجد هادى جدا الحمد لله انكو اتبسطو اصل مفيش حاجة فى الزمان دا تضحك اصلا :d ولا يهمك يا اميرة المهم تكونى ذاكرتى كويس :d الامتحانات على الابواب ههههه حاضر هكمل عارف انى اتأخرت بس والله مشغول فى حاجات كتير والطلبات عليا زادة والكمية اوشكت على النفاذ :d جدى دا طيب اوى هو اللى اخدنى عليه اعملله ايه يعنى :d دا اقل حاجة عملتها فيه :d وحاضر هكمل انتو تؤمروا دمتم فى رعاية الله :d |
ههههههه
بجد ضحكت ضحك فعلا حضرتك كنت هادى ونادى خالص واكيد ولسه مستنين |
ورجعنالكم مرة تانية بعد الفاصل جات لنا اس ام اسز كتير وبيقولولى كمل :d حاضر يا جماعة هكمل اهو وتكملة للمواقف """""""""""""""" المسروق طعمه احلى ( ومحدش يعلق ):d .. دا موقف مش هنساه يا جماعة لان الكوكتيل لسة بينقح عليا :d كان فى اخر الشارع عندنا واحد عنده بيت ادام البيت دا جنينة فيها يوسفى :d وجوافة وحاجات من دى المهم الجنينة دى مكانش حواليها سور .. فطبعا انا وشلة المتشردين مبنسيبش حاجة كدا الا لما نعلم عليها :d ايام طرح الجوافة كنا بنخرج فى وضح النهار وعلى مرئى ومسمع من الجميع نطلع الشجر ونجيب منها الجوافة .. وطبعا وبما اننا هاديين جدا مكناش بنجيب ونمشى لا بنادى على صاحب البيت كان اسمه ميمى .. طبعا فى بداية الامر بنادى ونقول يا استاذ ميمى ميردش نقولله يا ميمى ميردش اعمله ايه :d نقولله يا واد يا ميمى ( لسانى كان طويل قولتلكوو ) .. طبعا على ما يخرج يبص م البلكونة ويشتم فينا وحنا بردو مبننزلش الا لما ينزل اوام ننط من الشجر ونجرى وطبعا كعادة كل يوم يروح يقول لماما او بابا او حد من العائلة الكريمة ماما تقوللى يبنى ما كل الفاكهة هنا اهى قول اللى انت عايزه ونا اجيبهوله ونا اقوللها لا المسروق دا طعمه حلو :d .. المهم تقول لاخواتى او لبابا فطبعا يقومو بالواجب وطبعا بردو مكونتش بهمد .. المهم فى يوم .. طلعنا على الشجر وندهناله بردو ( يا واد يا ميمى) وكالعادة يطلع يشتم بس المرادى حصل حاجة ونا بنزل من الشجرة البنطلون شبك فى فرع ومعرفتش انزل :d .. احاول انزل معرفش وطبعا ميميى باشا ما صدق فراح نازل بسرعة ونا طبعا مرعوب بسرق من شجره وبشتمه كمان :d .. فى الوقت دا اخويا الكبير كان معدى فقام ميمى باشا ندهله .. ومسكنى متلبس ومعايا دليل ادانتى جوافة خضرا وزن ربع كيلو مرة المزاق لا تسمن ولا تغنى من جوع :d .. وكما عودناكم فى السابق ان كل موقف بينتهى بعلقة متينة :d اخويا قام بالواجب على مرئى ومسمع اللى فى الشارع وفى النهاية ولا اثر فيا وكملت ....... :d .. بس خلاص كبرنا بقا على الحاجات دى :d ::::::::::::::::: هقول اخر موقف علشان ندخل فى مرحلة التعليم بقا :d نوم العافية يا حبايبى .. من المعروف عند كل الناس ان كتب زمان كان في الفة بينها وبين الانسان اللى بيذاكر .. الألفة دى كانت عندى اخواتى وهما صغيرين كل واحدة فيهم تمسك الكتاب بالليل والالفة تشتغل .. مفيش نص ساعة والنوم يكبس :d .. طبعا انا كنت مذبهل واقول بينامو ازاى ونا مش عارف اصلا هما بيعملو ايه وطبعا كل مرة بقوم بدورى .. حيث انى توليت امرهم ومع كل نومة عميقة فى كوباية مية واقوم بدورى كرجل اطفاء النوم واخماده والاستعاضة عنه بفوقان وروقان:d .. وطبعا اخواتى بيحبونى فيقومو علطول يروحو لبابا ويقولوله ابنك دا بيرش علينا مية وحنا بنذاكر :d .. وطبعا اقولله دول كانو نايمين وبصحيهم يقوم ضاربنى ويقوللى متقعدش معاهم علشان بيذاكرو وكدا وطبعا انا مش بسيب حقى .. فقولت لازم اكشفهم .. ففيوم كانو بيذاكرو وحصلت الالفة بردو ونامو :d فقومت رايح لبابا وقولتله تعالى شوف ولادك وطبعا دخل عليهم لقا الالفة شغالة تمام:d .. فصحاهم طبعا وكلمتين تهزيق علىى اهانتين على مش عارف ايه ونا اضحك بقا اخدت بطارى ههههه:av4056bb7jp3: وياريتنى ما اخدت:( .. بعدا ما بابا ادالهم اللى فى النصيب قامو بالواجب معايا انا .. مفتريين اخواتى دوول :d :::::::::: """"""""""""""""""""""""""""""""""""" هكتفى بشوية المواقف دول بس فى حاجة حاسس انى طولت فى البتاع ده والناس زهقت وعايزين حد جديد .. فنا بقول لو عايزنى اكمل هكمل ولو مش عايزين يبقا شكرا على المتابعة لحد كدا ونتفرج على شقاوة حد تانى واكيد بردو انا متابع .. :d دمتم فى رعاية الله |
ههههههههههههههههه ايه الشقاوه دي كلها
لا بجد كنت شقي جداا واكيد طبعا مستنين حضرتك واظن ان الكل مستني حضرتك تكمل :slap1qk6: مستنين الباقي ان شاء الله عايزين نشوف باقي المواقف مفيش موقف مش يكون نهيته علقه كده :d ربنا يوفقك يارب يلا احنا مستمتعين والله في رعاية الله |
بجد موضوع تحفه
جميل بجد وبعدين ايه الهدوء ال انتوا فيه ده ما شاء الله فاهمين الهدوء غلط على فكرة:blush: اقتباس:
|
لا لا لا لا كمل متابعين
دي طفولة بريئة خالص والله صعبان عليا من كتر الضرب ده |
بجد الموضووووووووووع جااامد
والصراحة التلت طفولات ال تعرضوا يعنى بجد طفولتهم جامدة اوى ومتابعة ان شاء الله |
ههههههههه إيه الشقاوة دي يا بشمهندس جميلة أوي و من أفضل الحلقات بجد اقتباس:
أنا بقول بجد لا ببالغ و لا بكش :blush: اقتباس:
و الله كويس إنك كملت عما أنا رجعت بقى و أختار جديد ممممم هو انا دبست واحدة هنا بس لو كسفتني ليلتها فُل :d يللا هي تدبيسة و لا أكتر هستنى شوية يمكن تدخل لو مدخلتش هاعلن افلاسي :d |
اقتباس:
ايون حد يقدر يقول غير انى هادى:slap1qk6: شكرا على المتابعة وان شاء الله الضيف الجديد يكون اجمل دمتى فى رعاية الله اقتباس:
خلاص بقا كبرنا على الشقاوة وبقا عندنا عشريييييين سنة :d كان نفسى حاجة تعدى من غير ضرب بس فى مقولة كويسة الخير دايما بينتصر :d ربنا يكرمك ان شاء الله الضيف اللى جاى يكون افضل دمتى فى رعاية الله |
بجد موضوع تحفه
جميل بجد وبعدين ايه الهدوء ال انتوا فيه ده ما شاء الله فاهمين الهدوء غلط على فكرة:blush: لا هودا المعنى التقليدى للهدوء عندنا تحسى كدا ان الدنيا لسة بخير :d اقتباس: المشاركة الأصلية كتبت بواسطة mahmoud_taha http://thanwya.com/vb/life/buttons/viewpost.gif المسروق طعمه احلى ( ومحدش يعلق ):d حعلق:d وماله علقى :d وطبعا وبما اننا هاديين جدا مكناش بنجيب ونمشى لا بنادى على صاحب البيت كان اسمه ميمى كونت بعمل كده زمان انا واصحابى الهادين بردوا بس عمرها ما وصلت اننا ننادى على صاحب البيت الكلاب كانت بتكشفنا من غير مننادى:( لا الكلاب كانت بتحرسنا احنا دنا كنت اولع فى الكلاب وفى الشجر وفى صاحب البيت :d .. طبعا فى بداية الامر بنادى ونقول يا استاذ ميمى ميردش :o ايه الاحترام ده استاذ مرا وحده دا فى البداية بس :d نقولله يا ميمى ميردش اعمله ايه :d نقولله يا واد يا ميمى ( لسانى كان طويل قولتلكوو ) عندك حق هو الغلطان مش بيسمع لا هو كان بيسمع وينفض علشان منعملهاش فيه زى كل مرة:d بس فى حاجة حاسس انى طولت فى البتاع ده والناس زهقت وعايزين حد جديد لا لا بجد ياريت تكمل مواقف جميله وتضحك بجد:d حاسس انى بلياتشو مش عارف ليه :d تقريبا انا كدا خلصت بناءا على رد مريم الاخيران شاء الله تابعو العضو الجديد يارب تكون حلقة خفيف خفيف كدا:d شكرا على المتابعة ودمتم فى رعاية الله اقتباس:
عموما ربنا يكرمك ان شاء الله انا كدا خلصت اتمنى بس انى كنت ضيف خفيف عليكو كدا شكرا على المتابعة ودمتم فى رعاية الله |
اقتباس:
شكرا على المتابعة والرد الجامد ده :d دمتم فى رعاية الله اقتباس:
ونا متابع ان شاء الله شكرا على حسن المتابعة واستحمال رغييى على مدار اربع ايام فى انتظار الضيف الجديد دمتم فى رعاية الله |
شكراً يا محمود قدمت الحلقات و أفضل حلقات بس كده الغيرة هتبدأ تشتغل أربعة أيام بقى :d عموماً كنا سعداء بقصتك الجميلة :blush: احم .. احم بسم الله هنعلن عن التدبيسة الجديدة :d تم بفضل الله تدبيس العضوة الجميلة الأمورة الرخمة :mad: لأني زعلانة منها بس يللا أهو انتقام و تدبيس :slap1qk6: معانا مين يعني :romarioxp6: هتكووون نهولتي و لا خسارة الدلع نهال Nothing :av4056bb7jp3: يللا مستنيينك لو إنها قصة مشردة من أولها :bosyht9: |
منتظرينك يارونة
لما نشوف حكايتك ايه ياجميل |
اقتباس:
اقتباس:
طب ابقي شوفي مين هيحييلك حفلات تاني .. :040vk0: مستني انا .. :) متعوقيش بقى .. متعيــــــــــــــــــــنا :) |
اقتباس:
ميرسى ع التقديمه الجميله دى بس مش مشرده اوى يا مورا والله يعنى كنت طفله هاديه زى ما قولتلك:bosyht9: |
يلا يا قمر مستنيينك
منورة |
اقتباس:
هههههههههه هاديه برده زى محمود كده :redface: مش تتأخرى متاااااااااااااااابع |
بتقولى مين ؟؟ انا بشبة على الاسم دة حاسس انى اعرفة هيا دى نهال ولا انا مش لابس النظارة دا انا هتريق تريقة يلا يا حاجة نهال ورينا جمال طفولتك على غرار ( لغة عربية اهوة :bosyht9:) جمال خطوتك :d متابع يا نهال شكلة هيبقى برنامج طحن يا مرمورة يلا متابع ان شاء الله فى رعاية الله |
احم انا جيت اهو يا جماعه
بصوا من اولها مش عاوزين تريقه ها ياباشمهندس منك ليه وكمان اينعم يا استاذ محمد انا كنت هاديه وناديه ف نفسى كده:blush: متفقين نو تريقه لغايه لما اخلص او اخلص عليكوا:d |
| جميع الأوقات بتوقيت GMT +2. الساعة الآن 10:33 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.