|
اقتباس:
ويارب النت مايعملش عمايله بس :d |
اقتباس:
عماد أنا جيبت يا عمااااااااااااد :049gc0: |
اقتباس:
إزيك يا معلم عامل ايه |
اقتباس:
الحمد لله فل الفل أوي والله العيد جاي بس أنا زعلان على رمضان المهم انت عامل ايه ؟ مفيش أخبار عن الحكاية دي ؟ |
اقتباس:
أنا الحمدلله شوية برد وكحة مقرفة آخر الأخبار هو موضوع الإعتذار ده بس فيه كلام إنه مجرد أسف الإعتذار بيبقي رسمي وبيبقي معاه تقديم تعويضات أما الأسف فده بالبلدي كده خادونا في دوكة وضحكوا علينا وملوش أي لازمة رأيك إيه ؟ إيه الخطوة إللي المفروض نعملها اليومين دول ؟ |
رصد | رفع علم فلسطين فوق القنصلية الاسرائيلية بالأسكندرية ورصد تنفرد بالصورة من اعلى القنصليه ..
#RassdNews #Palestine #Israel #Gaza #Egypt #IsraelEmbassy http://www11.0zz0.com/2011/08/20/22/169293310.jpg وإن شاء الله علم مصر وفلسطين في القاهرة كمان اللهم لك الحمدلله علم مصر في القاهرة وفلسطين في إسكندرية |
اقتباس:
والله يا أحمد أنا من رأيي اننا نسرع بانتخابات الرئاسة واللي يمسك البلد المسلمون اللي على حق مش اليبراليون أو غيرهم ساعتها اعلم ان اليهود = زيرو والله أعلم القيامة قريبة جداً |
اقتباس:
من غير ما ندخل كلمة الليبرالية لإنها مش ضد الدين أصلا أو الإنسانية أو يكون ده مشروط بدولة يحكمها أهل الدين لإن ده بحس فيه تقليل من شأن الدين، ديننا الحمدلله قوي بقوانينه ومبادئه العادلة والرحيمة يقدر يفرض نفسه كطوق نجاة للناس كلها من غير ما نجيب أهل دين ونسميها دولة إسلامية عشان نفرض الدين علي الجميع |
عاجل / نزع العلم الإسرائيلي من أعلي عمارة السفارة في الجيزة
كتب – سامي مجدي: نجح واحد من المتظاهرين المحتشدين أمام السفارة الإسرائيلية بالجيزة، مع الساعات الأولى ليوم الأحد في تسلق العمارة الموجودة بها السفارة لتزع العلم الإسرائيلي من مكانه. وأطلق المتظاهرون على المتسلق، أحمد الشحات اسم ''سبايدر مان''. وسادت فرحة عارمة بين المتظاهرين فور انزال العلم، وحرقه تعليق علم مصري مكانه. وتواترت أنباء عن اعتقال الشاب الذي تمكن من انزال العلم، وسط هتافات من جانب المتظاهرين ''عايزينه.. عايزينه''. في الوقت الذي قام بعض المتظاهرين برفع علم لمصر أعلى العمارة المقابلة للسفارة الإسرائيلية. ويطالب آلاف المتظاهرون أمام السفارة بطرد السفير وإنزال العلم الإسرائيلي ردا على م*** ضابط مصري و4 جنود أخرين اثر قصف إسرائيلي داخل الحدود مصر الشرقية عند العلامة (79) بصحراء النقب شمال سيناء. واندلعت مظاهرات حاشدة في العديد من محافظات الجمهورية للتنديد بالاعتداء الإسرائيلي والمطالبة بطرد سفير إسرائيل. الله أكبر الله أكبر الله أكبر الحمدلله رب العالمين |
الشاب أحمد الشحات يسقط علم الكيان الصهيوني من اعلي سفاراتهم ف القاهرة . . صورة للشاب http://img651.imageshack.us/img651/1...8625928312.jpg ... فيديو لقاء مع الشاب هنــا |
|
لا حول ولا قوة الا بالله
يلا ورونا القوة يا مصريين يا شُهم |
جيل مبارك كان بيمشي جنب الحيط ... جيل الثوره بيمشي علي الحيط http://forums.zamalek.tv/images/smilies/clap.gif
|
اقتباس:
اقتباس:
الحمدلله إنتصار شعبي عظيم، وهي دي الثورة بقي يا فلول يا شمتانين يا أقذام |
وبرضه يحضرني هنا كلام رئيس وزراء إيطاليا لما قال بعد الثورة .."لا جديد فالمصريون صنعوا التاريخ كالعادة"
|
العلم الإسرائيلي نكس في نفس اليوم الذي أحرق فيه المسجد الأقصى يوم 21 أغسطس 1969
|
رصد | متابعات | حمدين صباحي على تويتر: إلى أحمد الشحات البطل الشعبى الذى أحرق علم الصهاينة بعد أن دنس هواء مصر 30 عاما: ارفع علمك فوق أنت مصرى .. يا أحمد المصرى .. يا أحمد العربى #rassdnews
|
لحظة تسلق أحمد الشحات و نزع علم إسرائيل - تصوير قناة الجزيرة
http://www.youtube.com/watch?v=UfRKhZiP_Kg |
أحمد الشحات للجزيرة مباشر مصر | رأيت جندي مصري يشاهدني
من وراء زجاج نافذة وأشرت اليه بيدي ولم يعترضني هـــــــــــــــــذا هــــــــو الجندى المجهــــــــــــول |
شبكه رصد اتشمعت دلوقتى
Profile Unavailable Sorry, this profile is not available at the moment. Please try again shortly. الصهاينة هيبتدوا يلعبوا لعبتهم القذرة ويشمعوا أهم المواقع نتابع منها الأخبار أو نتجمع عليها، زي ما عمللوا أيام الانتفاضة وقفلوا صفحة عمر بن الخطاب |
اقتباس:
|
اقتباس:
تبدأ إدارة شبكة رصد بث أخبارها الآن على الصفحة الإحتياطية للشبكة بعد توقف الصفحة الأصلية لأسباب خارجة عن إرادتنا .. برجاء نشر الصفحة قدر المستطاع لكي تصل الحقيقة كاملة وقت حدوثها |
ألف مبروووك علي الحركة البطولية إللى رفعت راسنا في السما ونتكلم في توابعها بكرة إن شاء الله
تصبحوا علي خير |
السلام عليكم يا باش مهندسين .... يارب تكونوا بخير انا متأسفة جداا يا باش مهندس احمد انى اتأخرت فى الرد على مشاركة حضرتك .... كمان مبرررررررررروك على ازالة العلم الاسرائيلى ..... واحنا عايزين افعال محترمة من دولة محترمة تليق بشباب محترمين زى اللى شال العلم وزيكوا وكدة ..... معلش انا لقيت الجزء ده من المشاركة ... اقتباس:
ربنا يشفيك يا باش مهندس ويعافيك من كل سوء والف سلامة على حضرتك .... |
الكاريكاتير البرازيلي كارلوس لاتوف يبدع من جديــــد .. ;) . . http://a4.sphotos.ak.fbcdn.net/hphot..._4900263_n.jpg |
اقتباس:
معلش انا ماعنديش معلومات يا عمرو عن الفنان ده :) .. هو مين الكاريكاتير اللى رسمها !! |
اقتباس:
دا فنان كاريكاتير برازيلي معلومات من ويكيبديا عنه من هنـــــــا http://images.abunawaf.com/2008/03/1...by_Latuff2.jpg ثورجي ;) دايما بيدعم غزة ويساندها وبيكره اسرائيل جداااا قبل ثورة مصر .. رسم مرتين لخالد سعيد - الله يرحمه - دي واحدة منهم http://a1.sphotos.ak.fbcdn.net/hphot..._5266611_n.jpg ....... من ساعة ما مبارك اتنحي وهو بيشوف مصر دايما عن قرب اووي وبيستني كل حاجة تحصل ويرسم عنها زي منتي شايفة مثلا ساعة اللي حصل ف العباسية رسم ورسم عن محاكمات الثوار العسكرية وكمان عن محاكمة مبارك وعن حاجات كتير اوووي .. دا لينك صفحة للفانز بتوعه ع الفيس هنــــــــا ....... والكاريكاتيرات عن مصــــــــر ف الالبوم دا ....... وبيرسم عن حاجات كتير مش عاجباه ف العالم :) |
اقتباس:
جميل جدااا ان الواحد يكون مالهوش هدف من قضية معينة ومش كسبان حاجة منها بس ينصرها رفعا للظلم .... ايجابية يعنى +111111111 شكرا يا باش مهندس على المعلومات دى ......... |
اقتباس:
|
اقتباس:
+1 مظبوط سيناريوهات كتيرة جداااااا مثلا حضرتك بتفترض ان ممكن ده يكون عمليه مدبرة من الجانب الاسرائيلى .. وانا هفترض ان الموضوع ده تدبير مسلحين .... وشخص تانى هيقول دى تمثيلية بايخة علشان المجلس يمد فى فترته وتالت علشان انتخابات تتم فى معادها ... كام سيناريو ؟ وفى غيرهم اكيد .. يمعنى اصح احنا كلنا بنقول أ ب سياسةوبنحاول نبسط الامور .. بس انا بحس انها معقدة جدااا مش عارفه ليه ؟!! يعنى ممكن حضرتك تعمل خطوة اتجاه عدوك والعدو يعمل خطوة ساذجة جداااا وبيها يفوز عليك رغم انه ما كانش فى باله ان دى ممكن تنقذه عوضا عن انها تخليه يفوز .....!!!! اقتباس:
حضرتك فى ايدك دليل ان رجل اسرائيل فى الموضوع . واسرائيل هترد بكل بساطة اننا بنأمن البلد بتاعتهم ... يعنى موال المستضعفين وان الشعب الاسرائيلى متربص بيه دايما وهيجيبوا موال سوريا فى الموضوع والمسلحين وكدة .... كل ده هتجره اسرائيل .. وهتقول انا ماليش رجل فى الموضوع ... !!! وزى ما قولت لحضرتك اوباما هيطلع ويكون بجانب اسرائيل كالعادة ويهدى فى الكلام ويثنى على التعقل المسئولية فى الجيش المصرى وكدة هو كسب اطراف كتير جداااا .... اقتباس:
فعلا هياخد موقف لكن الله اعلم بقوته .... وسيناريو يمد فى مدة الحكم مطروح بس احس انه ضعيف .. ايه اللى يخلى مجلس يمسك فى بلد تقريبا كلها مشاكل ويتعب دماغه ... يعنى يتهنن فى الحدود بعيد عن المشاكل الداخلية والمحاكمات ـــــــــــــ عفوا على التأخير .... |
اقتباس:
معلش هرد ع الجزئية دي بس ف كلامك يا هاجـــر سيناريو الحكم مطروح وبقوة وارجعي لتاريخ العسكر هتلاقيهم كلهم حرامية وبيعشقوا السلطة والنفوذ والمال انتي عارفة ان ثورة يوليو دي كانت هتسلم البلد لحكم مدني خلال 5 اشهر بحد اقصي وفعلا كان هيعمل كل دا محمد نجيب بس لما مجلس قيادة الثورة لقا كدا قال وازاي بقا :( لازم ندورله علي حاجة وجابوا الحته بتاعة ان سته سودانية دي واعتقلوه وقعدوه اقامة جبرية مدي الحياة في بيته .. اللي عاوز اقولهولك من فوق دا ان العسكر ملوش كلمة ممكن يغير كلامه 180 درجة عشان كدا لازم تاخدي منهم ضمانات التحويل للحكم المدني وتسليم السلطة باسرع وقت لازم حكومة مدنية منتخبة تعبر عن الشعب وتبقا طوع اشارته .. ماليزيا قامت بـ ثورة معانا ف 52 .. بس الحكم هناك بقا مدني مش عسكري شوفي هي فين دلوقتي واحنا فين هما بيصنعوا كل حاجـــة ومش بيستوردوا الا النادر جدا واحنا عندنا آلاف المناطق العشوائية ..... مافيش حاجة اسمها بلد مليانة مشاكل عادي يزيد مشاكلها شوية مش فارقة :) علي فكرة مهمة الجيش ف الدستور انه يأمن حدود الدولة + التدخل ف حالة التدهور الاجتماعي أو السياسي للبلاد يعني كان زمانه اتدخل من سنين ف حكم مبارك وعمل انقلاب عليه واعتقله بس زي ما قولتلك انه بميت كلمة يعني مثلا الرويني بصي الفيديو دا يوم 5-2 بعد معركة الجمل ---> Here .. وبيقول ع الثورة تمثيلية وسبحان ربك بعدهــا ب شهرين بقا عامل ازاي وانه مع الثورة وبيحميها --> Here ... معلش آسف مرة تانية لو دخلت ف الكلام بس كان لازم اوضحلك الجزئية دي يا هاجــر :) |
اقتباس:
تماااااام يا عمرو بس بجد مش كل الجيش كده .... وكمان حضرتك لو حبيت تبص على تاريخ اى نظام امنى سواء عسكر او شرطة هتلاقيه اسود يا باش مهندس .... يعنى مش ملون حتى ... مثلا فى بريطانيا دولة متحضرتك جداا وشوف بتتعامل ازاى مع الناس هناك .... حصل كدة فعلا .. بس اعتقد بعد اللى حصل فى البلد دى موضوع التوريث العسكرى صعب يطبق. نسبة كبيرة من الناس بتشكك فى المجلس العسكرى والقوات المسلحة دلوقتى اعتقد فى حركة اذكى يقدروا بيها يمدوا حكمهم بس مش بالطريقة دى ... يعنى لما المجلس هيحب يمد فى مدة الحكم هتلاقى فى ناس هتعارض وهيطلعوا على التحرير وليبيا تانية اي عمرو هتبقى فى مصر .... هى ممكن تحصل ..... بس هتبقى حركة دنيئة جداااا . اقتباس:
مظبطوووط مدنى مش عسكرى ...... لكن احنا بردو هيبقى فى مدنى ان شاء الله لكن امتى تحديدا ده فى علم الغيب يا عمرو ... يعنى ممكن تحصل حركة من الجيش يمد بيها مدة حكمه زى الطوارئ مثلا او كدة ...اللى بيحصل على الحدود والجواسيس ممكن يبقى باب للموضوع ده والله اعلم بردو .. اقتباس:
حضرتك بتكلمنى عن مشاكل .. زى مشاكل الاسرة مثلاااا ! :d ازاى يعنى يزود مشاكل ممكن هو يطحن فيها بعدين !؟؟؟ يعنى بمعنى اصح ليه يدخل نفسى فى مشكلة اناغنى عنها وممكن اكسب من بعيد جداا كل اللى انا عايزه ... فلوس ومنصب اقتباس:
كان مريح دماغه شوية ... يعنى نفس المنطق اللى قولت لحضرتك عليه .. اكسب اللى عايزه وبهدووووء . ;) وبعدين فى مصالح مشتركة بين الجيش وكمان مبارك .. انتظر بس المحاكمة اللى جايه والشهادات اللى هتبقى فيها وهنشوف بقى كل حاجة .. المشير هيفضح مبارك وموضوع قطع الاتصالات ومبارك هيكشف حاجات الله اعلم بيها ... اقتباس:
انا مع المصلحة سواء فى مواجهة الشعب او معاه اقتباس:
ما فيهاش حاجة يا عمرو انا بفهم منكم حاجات كتير بردو وكلنا بنستفيد من بعض :) والغرض من الكلام ده كله النقاش مش مع الباش مهندس احمد وبس لا مع اى شخص يحب يتناقش مع غيره ..... |
*eng.hagar معلش لما اراجع تاريخ عسكر والاقيهم وقفوا يتفرجوا ع الشعب وهو بيتذل وهو بيتهان وهو مش لاقي تمن رغيف العيش وهو شايف العشوائيات والبطالة والجريمة والتزوير والتدليس والوساطة والرشوة والمحسوبية والسرقة والكنافــة والكوسة ف البلد بالشكل دا وواقف يتفرج علينا وانتي بتقولي مريح دماغه يبقا انا من حقي اني ارفض حكمــه انا عندي ابقا ليبيا ولا اني لحكم العسكــر تاني زي ما قولتلك 60 سنة بالشكل دا مفيش تقدم ف اي مجال الزراعة واتدمرت الصناعة وخربانة ومش عارفين نعمل بيها حاجة التجارة وحالها واقف لانك مش بتزرع او تصنع ....... بعدين المجلس السمكري اذكي من انه يمد ف الحكم اكتر من كدا لانه عارف العواقب بس برضه هو حاطط ادامه انه ممكن يتحاكم بتهمة صفقات السلاح المضروبة والتطبيع مع نظام مبارك وغيره وغيره شوفي جيشك وصل لايه وانتي تعرفي ...... طنطاوي مش هيشهد ضد مبارك ف المحكمة وهبقا افكرك ولا واحد هيشهد ضد التاني طنطاوي استنا لما رجالة مبارك كلهم خلصوا ل الورق اللي عندهم وبعدين قالهم يالا تعالوا هنريح الشعب العبيط دا بس وترجعوا تاني القضايا كلها مطرمخة ف بعض والادلة تجيب البراءة مستريحين فين احراز الطلق الناري مفيش .. سمحوا لكا المدعين بالحق المدني بالدخول عشان يظهروا بالشكل دا ..... معلومة ليكي القناصة اللي ***وا المتظاهرين قبل 29 يناير كلهم ظباط داخلية عاديين او من وحدة 333 قطاع مكافحة ارهاب داخلي تابع لامن الدولة .. بعد اليوم دا كله كان حرس جمهوري وهو اللي مخطط ليوم معركة الجمل وكان بينظمها بعلم من طنطاوي اللي بتقولي انه هيشهد علي مبارك طنطاوي عارف ان الرئيس الجديد لما ييجي هيشيله عشان كدا عاوز ضمانات للجيش انه يبقا حامي مدنية الدولة زي تركيا كدا انه الجيش يبقا السلطة اولا واخيرا ف الدولة مفيش قناصة امن مركزي نزلوا لان ببساطة ابن عمي واحد منهم واقسملي بالله 10000 مرة انه هو والقطاع كله منزلش ولا واحد وابن عمي دا بيصلي وبيعرف ربنا جدااا عاوز اقولك قناصة الامن المركزي دول لو 50 واحد نزلوا منهم كانوا ***وا اضعاف اضعاف العدد دا بس لانهم مصريين مكنوش هيعملوا كدا لان دول بعيد عن الاحتكاك بالشعب اما ظباط الامن المركزي قوات مكافحة الشغب دول ف صدام مع الشعب علي طول ..... آسف ع الاطالة :) |
سلاموا عليكوا يا شباب، أخباركم إيه ؟
أنا بثبت حضوري بس وهرد إن شاء الله بعد الفطار، وألف شكر علي سؤالك يا باشمهندسة هاجر |
أنا بس عاجبني الخبر ده
====== نيويورك تايمز: الثورة نقطة تحول في علاقات مصر بإسرائيل نيويورك - أ ش أ اعتبرت صحيفة ''نيوريورك تايمز'' الأمريكية ان تصاعد التوتر بين مصر واسرائيل وصل أمس الى أعلى درجاته منذ توقيع اتفاقية كامب ديفيد قبل ثلاثة عقود، وذلك بسبب احداث ال*** التى شهدتها الحدود يوم الخميس الماضى. وأوضحت الصحيفة - فى تقرير بثته على موقعها الالكترونى اليوم الأحد - ان العديد من الدبلوماسيين من دول مختلفة تحركوا حثيثا لنزع فتيل الأزمة بين مصر واسرائيل الليلة الماضية، كما أعربت اسرائيل عن أسفها للحادث الذى أدى الى م*** 3 جنود مصريين. وأشارت الى بيان وزير الدفاع الاسرائيلى ايهود باراك الذي أعرب فيه عن أسف اسرائيل للحادث ، مؤكدة ان الحكومة المصرية رفضت البيان حيث لم يرد فيه تحمل مسئولية الحادث غير انها مازالت ملتزمة بتعهداتها نحو السلام. واختتمت الصحيفة بالقول ... "ان هذه الازمة كانت اشارة واضحة بأن الثورة التي أطاحت بالرئيس حسني مبارك في فبراير الماضى تعتبر تحولا فى العلاقات التى دامت ثلاثة عقود بين مصر وإسرائيل التي كانت حجر الزاوية في سياسة الشرق الأوسط ". |
اقتباس:
حصل كدا لان اللي كان بيجري مش ثورة ولا انقلاب دا تخريب وتعمد لكدا ودا لازم له التعامل ب*** ضد المخربين مشوفتش مثلا ناس اتظاهرت ضد اللي حصل م الشرطة لانهم بلد متحضر وعارف ان دا خراب للبلد ودمار ليها |
اقتباس:
مُعقدة إزاي؟ يعني إيه هي درجات التعقيد في الموضوع إللي قدامنا ؟ أعتقد إن التفسير الحقيقي للي حصل وإللي إسرائيل بتداري عليه هو لغز بسيط بالنسبالنا إحنا لكنه مش معقد، لإن التصرف سهل الإستنتاج من مواقف إسرائيل السابقة علي أقل تقدير ==== لأ من الأساس كده إحنا ماينفعش نكون رد فعل لرد فعل، أنا ليا ردي كنتيجة للفعل إللي هو إستشهاد ضباط علي الحدود وتوتر الوضع في سيناء، بفتح تحقيق وبتخذ إجراءات لازمة بدون إنبطاح أو تخاذل بغض النظر عن موقف الكيان الصهويني من الحادث، إنت مش هتأمن بلدك علي حساب أمن بلدي وتطلع تقول كلمتين الحكومة تداري عليهم هنا ونفضها السيرة زي زمان أوباما ملوش الصلاحيات إنه يحكم عليا طول ما أنا دولة قادرة تفرض شخصيتها، أي تدخلات زمان بشكل عام كانت موجودة لإنها بلد ضعيفة لا حول لها ولا قوة ملهاش حاكم محافظ عليها، فتدخل أي بلد عايزة تكسب بنط علي حسابنا وتبقي هي راعية الأمن والسلام والعدالة في العالم ==== هي الفكرة مش في مد فترة الحكم لإنها هتفضل برضه مرحلة إنتقالية علي الرغم إنه في صالحهم برضه لحد دلوقتي عشان يداروا كويس علي فضايحهم ويتخلصوا من ملفاتهم القديمة إللي إشتركوا فيها أثناء حكم المخلوع ودى إللي ***ها عمرو بحثاً في كلامه أو حتي أثناء الثورة نفسها وإللي برضه هتتكشف الحقيقة فيها في حالة أدلي طنطاوى بشهادته أو حتي لأ، هي الفكرة في أن حكم المجلس العسكري يصبح إلزامي ونهائي بدون إرادة الشعب إللي بقاله ٦٠ سنة في حكم عسكر ونفسه في حكم مدني ينقله نقلة حضارية مختلفة، الطمع في السلطة وحب النفوذ بقت في دم العسكريين من قديم الأزل بالدرجة إللي أصبحت فيها مصر أقرب للعسكرية الملكية والخلط الغير مقصود بين حب العسكريين للحكم السلطوي و وجود مشاكل في البلد هو إللي هيخلينا طول عمرنا بنلف في نفس الحلقة المُفرغة وإحنا إللي ندفع تمن ده! |
اقتباس:
|
اقتباس:
هو حضرتك بتتكلم عن شعب ولا قادة ؟؟؟!! يعنى معروف ان اى مؤسسة بتتكون من قادة وكمان ناس تابعة زى قائد الجيش والجنود .... فتفتكر ايه اللى الجندى البسيط يقدر يعمله علشان يوقف السلطة والكوسة اللى فى البلد ؟؟!!! يعنى يعمل انشقاق ويروح ورا الشمس صح كدا ...!! يبقد حضرتك قصدك على القادة ... طيب يا باش مهندس عمرو ما احنا قلنا مجرد مصالح ... انا هاخد ده ومش هقول على المصيبة الفلانية وهكذاااا ..... يعنى تخيل حضرتك ان ده زى اى مؤسسة مسوسة " عندها تسوس " فى البلد دى هل حضرتك منتظر منها انها تفوق .... دى اول ما هتفوق هتتكسر علطول .... اقتباس:
اكيد حضرتك من حقك ترفض او تقبل .... لكن فى النهاية بيمشى وضع معين بيتفرض عليك وعليا .. يعنى حضرتك كنت عايز مصر تدخل فى حرب مع الجيش زى ليبيا وكدة .... ده ليبيا يا باش مهندس القائد عندهم لحد ما ... قما بالك بمبارك دماغه شغالة ومعاها 100 راس وراه بتدبر .... !! ده كانوا يقضوا علينا فى ليلة واحدة .............. اقتباس:
التقدم ده مش مسئولية الجيش الاولى .. خلاص نفضها حكومة ونجيب عساكر يظبطوا البلد ..... دى سياسة نظام من زمااان حكومة + جيش .... " بمعنى اصح ما فيش حد احسن من حد " :) اقتباس:
بالظبط +111111 ده اللى قولته قبل كدة هيمد بالطريقة البسيطة دى .... ولعلم حضرتك بردو صفقات السلام المضروبة دى كانت تحت اشراف رئيس الملجس الاعلى اللى هو الرئيس سابقا مبارك يعنى فكل حاجة هتصب عليه .... وبسهولة كله ياااااخد براءة علشان الرأس هى المسئولة عن كل الجسم ......... جيشى وجيشك يا باش مهندس عمرو واااحد ... يعنى ببساطة جدااا هتلاقى فيه عيوب ومميزاااات ... وعيوبه كتيرة جدااا وده باااااين جدا اقتباس:
طنطاوى يا عمرو شهد اعلاميا ان مبارك هو السبب فى قطع الاتصالاااات ..! يعنى مش معقول يرجع ويقول لا انا رجعت فى كلامى ... وبعدين كله بيفتح ملفات بعضه .. ده هيفضح ده وهيكشفه وهتبان حاجات انا وحضرتك مش عارفنها خااااالص والايام بتكشف حاجات مش متوقعينها خااالص من السهل طنطاوى يشهد ضد مبارك 1- ارضاء للناس 2- يثبت لنفسه مكان 3- يقدريظبط منظره من اللى هتكشفه الايام عنه زى اى مؤسسة .. بالنسبه لمدعيين الحق المدنى يا عمرو مش اعرف اقول ايه غير حسبى الله ونعم الوكيل اقتباس:
يعنى معقول يا عمرو الناس تتهم قطاااااااع كااااااااامل فااااااااااااااااااااااااااااااااسد لحد الركب انه بي*** الناس والثوار وبعدين يبقى الكلام كله غلط ؟!!!!!!!!!!!!!!!!!!!!!!!!!!!!!!! طنطاوى لما يشيله الرئيس الجديد هيبقى فى مصايب ممكن يتحاكم بسببها ... بالتالى السقطات اللى ياعمرو بتتكلم عنها ان الموضوع مدبر من طنطاوى دى تبقة كارثة يا باش مهندس .. مفيش قناصة امن مركزى ؟؟؟ ده من قبل الثورة والناس عارفه ان امن المركزى ده من اسوأ المؤسسات يا عمرو .. مش جديدة ... اقتباس:
اقتباس:
يا باش مهندس محدش بيعتمد فى تحليله على وقائع فردية مش معقول انا هقيس كل اللى فى الامن المركزى على تجربة قريبك المحترم اللى رفض يشارك فى *** ثوااار . بالنسبة انهم لو نزلوا ي***وا اضعاف مش شرط الهدف ال*** ممكن هزيمة نفسية عن طريق اصابات وده اللى الناس كلها شايفاه يعنى مثلا كائن من كان سواء شرطة او امن مركزى كان بيصوب على مناطق معينة ده متدرب وبأحترااااف ـــــــــــــــ انا بحاول افهم منك يا عمرو حااجات كتيرة وما فيش داعى للاعتذار .. جزاك الله كل خير |
اقتباس:
يا باش مهندس معقد من حيث ان الواحد يجزم بان الطرف فلانى هو اللى خطط لكذا وكذا وهدفه كذا ..... مواقف اسرائيل السابقة ما ينفعش اقيس عليها لانها كانت بتتعامل مع شعب تانى واتغير ... حضرتك هتقول انها خلاص عرفت ان المصريين مش هيسكتوا ... طيب ليهما تفترضش انها بردو ليها اهداف تانية . . . . اناوحضرتكمش عارفنها . علشان كدة معقدة .... ده اللى اقصده يا باش مهندس احمد ........ اقتباس:
+1111111111111111111111111111111 طيب تحقيق مين اللى هيفتحه ؟؟؟ وحضرتك عاارف ان اى تحقيق زى اللجنة اللى تم ارسالها لغزة وازاى التقرير بتاعها اتغير .. لجنة غولدستون تقريبا ... تفضها ازاى يا باش مهندس .... حضرتك بتتكلم مع بشر معاهم سلااااح واحنا لحد دلوقتى مش بنعرف نستخدم سلاااااح ... ممكن حضرتك تقول تجربة الميدان هتعلم كل واحد فينا .. بس هنخسر كتير زى حرب ليبيا بالظبط .............. اقتباس:
اوباما حضرتك بتجيب من عنده العيش ؟!!!!!!!:):):) يعنى احنا بنعتمد على غيرنا فى الاكل بتاعنا ... طيب نقوله من البداية مش عايزين مساعدة ولا قروض وبعدين نقول ما لكيش دعوة يا امريكا ....... . وفعلا تدخلها لاننا كنا دولة ضعيفة لما نزرع ونصنع ونبنى كدة هنستغنى عن كل حاجة ... وما يبقاش ليها كلام معانا على اى حوار تانى من حيث اقليات ولا غيره .... اقتباس:
مع حضرتك جدااا فى النقطة دى . اقتباس:
وفعلا احنا بندفع تمن حاجات زى دى وحاجات تانية بردو مش حاسيين بيها ....:) ـــــــــــــــــــــــــــــــــــ جزاك الله كل خير يا باش مهندس احمد واعتذر عن التأخير بسبب صلااااة التروايح . |
اقتباس:
أقصد بمواقف إسرائيل السابقة باللي نعرفه عن اليهود من زمان وإللي عمرها ما هتتغير، من غدر وخيانة وإنتهاك حقوق ======== يفتحه المسئول الإستراتيجي في القوات المسلحة عن حدودنا في سيناء، أو أي حد في قطاع المخابرات..مش حاجة مهمة أوي أعتقد أنا معلوماتي إن تقرير لجنة جولدستون كان بيتهم إسرائيل بهجوم وحشي علي غزة وبيشجب أفعالهم بخصوص أحداث ديسمبر، إسرائيل رفضت التقرير وأنكرته وكانت فيه محاولات علي إلغاء التقرير أو تغييره بس أعتقد فشلت المحاولات دي لإنها كانت حركة مكشوفة وأعضاء اللجنة بهدلوا اليهود عليها أما بالنسبة للي أقصده فهو مختلف تماماَ عن كل ده، أنا أقصد تحقيق محلي بينا وبين بعض عن حقيقة الحادث وملابساته نبحث فيه سبل الرد وإستنتاجتنا للفعل نفسه، أنا مش هروح للجنة حقوق الإنسان في الأمم المتحدة (إللي شكلت لجنة جولد) وأفتح عندها تحقيق هتكون فيه نسبة الحقيقة وإنصافنا هتكون ضئيلة جداً، ساعتها هيكون رد فعل غير مباشر، مش بقول لإسرائيل في عينها يعني أنا مش فاهم بصراحة موضوع السلاح ده، إيه إللي دخله في الموضوع ؟ ======== طب وماقطعش العيش ليه أيام الثورة وبعد الثورة ؟ وماقطعش العيش ليه بعد حرق العلم والمظاهرات قدام السفارة ؟ تفتكري حضرتك أمريكا ليه مافرضتش هيمنتها علينا وقت التغيير ؟ عشان لأول مرة مانطلبش منها التدخل والمساعدة (وأنا بتكلم علي الشعب لإنه هو إللي أصبح له الكلمة في البلد) زي ما قولت لحضرتك، طول ما أنا بلد ليها شخصية وقوة ماحدش يقدر يعملي حاجة ودي حاجة أنا مؤمن بيها جداً، إحنا بقينا بلد يحكمها شعبها..خليه يقطع العيش وهنشوف البلد هيجرالها إيه مابحبش أحكم علي قوة حد طول ما إللي قدامه ضعيف! بتهيألي يا باشمهندسة الجزئية دي ماتتقالش بعد الثورة وإللي بنشوفه من إنجازات لشعب بيستنفر طاقاته وبيكتشف قدرته دلوقتي ====== جزانا الله وإياكي يا باشمهندسة هاجر |
السلامو عليكم ورحمة الله وبركاته
ازيكوا يا أحلى أصحاب اللوقتي أخد رأيكم في موضوع صغير جداً جداً انتوا عارفين طبعاً ان حياتنا بسيطه الى حدٍ ما ايه رأيكم نستغل الحاجات البسيطه دي ونعمل منها حاجات حلوة ها يا أحمد ؟ ها يا هاجر ؟ قولتو ايه ؟ |
اقتباس:
أؤمرني يا أبو حميد |
الحكومة المصرية ;) يوجد خطأ مطبعي ، نحن لم نطلب سحب السفير احنا طلبنا ( سحلب للسفير ) وهي دي العيشة مع كوك زيرو :stickjo4: |
اقتباس:
:022yb4::022yb4: هو لسه ماتسحبش صح ؟ دايماً كده بنسمع غلط إحنا علي رأيك والله يا محمد وبنظلمهم |
اقتباس:
أيوه يا عم دول ناس فاضيه والله ما عرفين يقولوا كلمة احنا بس شاطرين في الشتيمه والعصبيه وبسسسسسسس وبنسمع غلط فعلاً ربنا يسهلها ونعرف اننا من بلد ربنا ذكرها في كتابه |
الشرطه العسكريه حلوة بس شقيـــة نطت حتة نطـــــــة ركبت بيها السلطة الثورة ليه زعلانــــة هى اللى غلطانـــة سابت الداخليـــــــة لشوية بلطجيـــــــــة اخص عليكى ياثورة استكمالاً لكوك زيرو :d |
اقتباس:
|
اقتباس:
|
| جميع الأوقات بتوقيت GMT +2. الساعة الآن 07:54 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.