الناس بتحبطني كتير عشان ماكملش رياضة 2 في سنة تالته ثانوي
بتقولي الهندسة مش هتلاقي شغل الا بصعوبة وكمان هيكون خاص
لان الحكومة مش بتعين وده فعلا كلام صحيح
وانا مش عارف اعمل ايه !!!

أنا عندى سؤال >>>>>>>>

أنا عايز أعرف ( هل الجامعات الخاصة ( مش المعاهد الخاصة ) بتاخد خريج المعاهد الفنية نظام السنتين ... ولو بتاخد أية هو متوسط المجموع ألى بتاخد منة ... ولو فى جامعات بتاخد أية هى الجامعات دى ... )


ملحوظة ...

أنا معايا ثانوية عامة 2012 >>>> وعايز أدخل معهد فنى صناعى وبعديه جامعة خاصة ... فهل من الممكن هذا . وأية هى نصيحتك ليا .

عندى سؤال بسيط ،،
انا لسة طالع 3ث و جبت السنة دى 97% الحمد لله و يارب اكمل السنة الجاية و اخش هندسة ،،
استفسارى دلوقتى بخصوص لغة التدريس بالهندسة لانى مدارس لغات و متعود على الرياضيات و المعادلات و كل حاجة بالانجليزى فلو بالعربى دى حاسسها هتبقى مشكلة كبيرة ليا ،، فانا سمعت انه فيه كليات كدة و كليات كدة فياريت بس اعرف الانجليزى فين ؟؟ و بالنسبة للقاهرة و عين شمس كل واحدة منهم ايه ؟
شكرا

MHMDNADA : - كلام مش صحيح طبعا , مفيش حاجة اسمها المهندسين بيلاقوا شغل بصعوبة , يعني من الآخر و انا ما بحبش اكون متعصب لحاجة معينة , بس البلد من غير مهندسين ما تبقاش بلد , تبقا قهوة

mohamed_99_salah : - لا معلومة لكن نصيحتي انك تدخل بعد معهد فني صناعي كلية هندسة حكومي

KimoDX : - في معظم الكليات الدراسة بالإنجليزي , في مثلا هندسة القاهرة اول سنة بس عربي , بس المعادلات و كدا انجليزي , مفيش س و لا ص , كله x و y

ياريت ترد هلي ايتفساري في الموضوع دة ً http://www.thanwya.com/vb/showthread.php?t=445275 هوا بخصوص هل لما اتقدم لعمل الكلية اللي متخرج منها تفرق ولا التقدير بس هوا اللي بيفرق

تــــــــــــــــــــــــــــــــــــم

أنا عايز أدخل هندسة إسكندرية و بعد كده اتخصص اتصالات
لازم أجيب تقدير معين فى إعدادى ولا لأ
وبعدين لقدر الله لو ما جيبتش إسكندرية عايز أعرف إيه كليات الهندسة اللى ما فيهاش إاتصالات عشان أتجنبها

هوا اية الاحسن فى الشغل هندسة شبرا و لا هندسة حلوان ؟؟

imen_imen6
في القاهرة عندنا , قسم اتصالات , يعني آخره ممكن ياخد جيد مرتفع
, طيب ما تقول الكليات الي انت كاتبها , اتصالات في أغلب الكليات


barsoomhanna

هي حلوان فكرة سيئة جدا لو كنت من ساكني الجيزة او القاهرة , هتتبدهل جامد في المواصلات و هتضيع وقت كبير . ,

انت كدة مردتش على استفسارى هيا فعلاً بعيدة عنى و شبرا قريبة جداً منى بس انا عاوز اعرف هوا اية الاحسن لم تخرج هل الاتنين واحد و لا الشغل بيفضلوا واحدة منهم (شبرا و حلوان)

الحقيقة , انا ما بحبش افتي في حكاية انهي كلية أفضل , مش هقدر افيدك . لاني معنديش معلومات كفاية عن الكليتين لأني في القاهرة

الأقسام المهتمة بالرسم , عمارة خصوصا , و اقسام زي مدني , ميكانيكا , و كهربا في سنة تالته : اوتوكاد اليكتريكال تو دي ,

لو سمحت انا عندى اعاقه فى العمود الفقرى و ساكن فى البحر الاحمر يعنى مليش توزيع جغرافى و انا جايب 94.5 يعنى ممكن هندسه اسيوط او المنيا ان شاء الله هل ينفع احول هندسه القاهره لان مليش توزيع جغرافى و لان الاعاقه سبب تانى ولا لازم اقضى سنه فى الكليه الى تقبلنى وبعدين احول ارجوا الرد

في تحويل مرضي , بس للأسف ماعنديش معلومات كاملة عنه , ممكن تكلم وزارة التعليم العالي , او المجلس الاعلى للجامعات و هيفيدوك جدا , لأني اعرف شخص كان في حلوان و حول القاهرة بتحويل مرضي بس التفاصيل كلها انه قالي والدتي تواصلت مع وزارة التعليم العالي , و بالتوفيق

شكرا ع الرد لكن ازاى اتواصل معاهم لازم اسافر القاهرة . هل فى كشف هيئه فى الهندسه يعنى لو واحد مش سليم فى اعاقه مينفعش يدخل هندسه ؟؟ ولك منى الدعاء فى شهر رمضان الكريم

ممكن تبعت حد قريب ليك للمجلس الاعلى للجامعات بجامعة القاهرة في الجيزة , او كلم الدليل 140 و جيب أرقامهم بس يفضل تبعت حد قريبك , اه في كشف طبي , ولكن مش هيمنعك من دخول الكلية بإذن الله

يا رب يوفقك ويجعل فى طريقك كل خير و الف مليووووووووون شكر على المعلومات انت ريحتنى وان شاء الله ربنا ييسرلك امرك . طلب اخير ممكن تكتبلى ازاى ارتب كليات الهندسه لان انا والله معرفش اى حاجه عن اى كليه احسن من التانيه ولحد دلوقتى انا منسقتش اى كليه . معلش هتعبك معايا واجرك عند ربنا وربنا يكرمك فى الشهر الكريم

انا جبت 92.07
فا كدا مش هلحق هندسه وبرده حاسبات ومعلومات صعبه

فا هال ممكن لو دخلت خاص وجبت تقدير ف احول سنه احول عام؟

يا جماعة حد يعرف التقديم فى هندسة جامعة القاهرة امتى ؟و كمان عاوز أعرف هيبقى التقديم فى الشيخ زايد و لا جامعة القاهرة ؟و منطقة التجنيد و التعبئة اللى فى الرماية جنب المتحف الجديد مضمونة الاقى فيها استمارة 2 جند و لا أروح مديرية أمن الجيزة أحسن ؟و أنا هتم 18 فى شهر أكتوبر هل أحتاج كمان استمارة 6 جند ؟

abdallah noby

الحقيقة لما تتواصل مع الوزارة أسالهم النصح في ترتيب الرغبات و هم أعلم مني لعل هناك ترتيب معين لحالتك

elshaba7 elmasry

لا اعتقد انه يمكن التحويل من خاص إلى عام

salab

التقديم بيكون قبل العيد او بعده حسب ما يحدد الشئون , التقديم في الجيزة و ليس في الشيخ زايد , اي منطقة تجنيد و تعبئة ستجد فيها استمارة 2 جند , استمارة 6 جند مطلوبة عن بلوغ 19

طب معلش أنا عارف ان ده المفروض سؤال خارج الموضوع لكنه سؤال صغير طب أنا واحد صديقى معندوش أخوات ولاد هل هيحتاج أى و رق من التجنيد يثبت ذلك أو هيحتاج أى استمارات ؟

آه , ههههههههههههههههههههه , انا كمان ماعنديش اخوات ولاد و جبت ورق التجنيد المطلوب :d

لو سمحت سؤال عاجل

عاوز رآى حضرتك ضرورى......

أنا بكتب التنسيق مش عرف ايهما أفضل أكتب تخطيط عمرانى الأول ولا حاسبات ومعلومات ؟؟؟

من حيث الدراسة والشعل؟؟؟

وسؤال تانى لو سمحت

من فضلك هو أيهما أفضل أكتبها فى الأول هندسة الطاقة بأسوان ولا هندسة إلكترونية بمنوف؟؟؟

ياريت الرد بسرعة لو سمحتم

كنت عايز معلومات عن قسم مدني في القاهره وشكرا مقدما

فيروز* , الإتنين حلوين بس رأيي الشخصي حاسبات و معلومات , أفضل

بحر_الامل , mido22222
http://www.thanwya.com/vb/showthread.php?t=441925

معاذ نجم الدين اقرأ في الكتاب دا عن قسم قوى و آلات
http://www.thanwya.com/vb/showthread.php?t=441925

عاشق البلانكو الابيض

الـحـمـد لـلـه الـذي هـدانـا لـهـذا و مـا كـنـا لـنـهـتـدي لـولا أنـ هـدانـا الـلـه

لو سمحتم أنا عاوز رقم شئون الطلبة هندسة القاهرة عشان أسأل التقديم هيفتح امتى

لو سمحتوا يا رجالة .. هو قسم ميكانيكا بيعتمد على الرسم والتصاميم ؟

salab
35678226
35678227

omar_15
اها بيعتمد على الرسم الميكانيكي و لكن الرسم بعد الاعدادي اسهل بكتير من رسم اعدادي

بعد اذنك انا جاتلى الحمدلله هندسة حلوان وعايز احول عين شمس ازاى وامتى (علما بأن مجموعى 395 وهى بتقبل من 396.5)؟
وبالنسبة لسوق العمل بتفرق الكليه ولا لأ؟
وهل الدراسة بتفرق كتيير ولا لأ؟....وشكرا

يارررررررررررررررررررريت اعرررررررف هندددددددددددددددسه بتاخد من كام للي جااااااااااااين من الخاااااااااارج انا جايه من سلطنة عمان فمجموع هندددددددددسه بيكووووون كام ياااااااااااااااااااااريت اعررررررررف

انا جايبة 393.5 و جالي فالتنسيق هندسة حلوان ( بتاخد من 392 ) ... و عايزة دلوقتي احول فنون جميلة عمارة جامعة حلوان ( بتاخد من 387 ) و علما باني كنت كاتباها الرغبة 22 بعد كل هندسات :/
فهل هاقدر احول ولا لا ؟ و اعمل ايه عشان احول ؟

هو التقديم على هندسة بترول وتعدين السويس بيكون امتى .... يعني خلال الاسبوع ده ولا لسة بدري ؟

BooDeY93
التحويل , بين الجامعات التابعة للقاهرة الكبرى صعب , مش هينفعلك غير التحويل المرضي و دا معنديش معلومات عنه لكن حاله مشابهة ليك و صاحبها ما عرفش يحول غير بتحويل مرضي للقاهرة , فا حاول تتواصل مع وزارة التعليم .


ساره الصادق
ياريت تتواصلي مع وزارة التعليم العالي , من خلال ارقامهم او , احسن حاجة تنزلي حضرتك جامعة القاهرة , و تروحي المجلس الاعلى للجامعات و هو داخل حرم الجامعة و استفسري هناك

aya.allam
جربي اول حاجة التحويل التابع لمكتب التنسيق و إن فشل , ياريت تنزلي كلية فنون جميلة حلوان تسألي , ؟

abdou2day
العام الماضي تقديم بترول كان قبل العيد باسبوع , فا صبرا مش دلوقتي بيكون التقديم

طب انا فى ثانية ثانوى وجبت 87 % وعايزة اكمل علمى رياضة ينفع اكمل وادخلها و اشد حالى فى ثالثة ثانوى؟؟؟

Shosho_9420
القرار عندك , شوفي الحد الادنى لتنسيق هندسة اخر كام سنة و شوفي هتقدري او لاء

طب بعد اذن حضرتك ممكن تقولي قسم عماره في هندسة مطرية حلوان احسن ولا فنون جميلة قسم عمارة من وجهة نظرك ,, او ياريت لو حضرتك تعملي مقارنة بين الاثنين من حيث المواد اللي بتدرس فيهم او اي حاجة حضرتك تعرفها عن الاثنين ؟

أنا كنت عاوز آخد نظرة عامة عن المصاريف في كلية الهندسة

aya.allam
انا اقدر افيدك فقط في قسم عمارة التابع لهندسة , و من وجهة نظري أفضل من فنون جميلة .
http://www.thanwya.com/vb/showthread.php?t=441925
حملي الكتاب دا و إقراي عن قسم عمارة

m - sayed
انا مش فاكر بس انا كنت دافع في اعدادي 200 و شويا او 300 مش جاي في بالي دلوقتي الرقم بالظبط دا غير لو هتشتري كتب او هتشتري ملازم و انا ما كنتش بشتريها غير نادرا او هتروح كورسات و انا الحمد لله ما روحتش ولا كورس و اعتمدت على نفسي ,

معاذ نجم الدين
تقدر تحول من دلوقتي مثلا للقاهرة او عين شمس شرط اثبات السكن في المنطقة الي هتروحها وصل كهربا في الجيزة مثلا باسم الوالد , او تقدر تحول بعد سنة الاعدادي , بشرط تجيب جيد جدا فيما فوق و تحول لقسم مش موجود في كليتك , و كل كلية و ليها لايحتها و قواعد التحويل ليها

بتختلف من كلية لكلية , و لكن في المجمل واحدة