بالنسبه لعاوز اشرح ليه فانا بعتبرها هوايه اقصد يعنى انى بحب القنوات اللى بتجيب عمليات جراحيه وتشريح وكده زى قناه حورس مثلا
تانى حاجه بالنسبه لاناتومى طب ده اللى فى سنه اولى انا عارف انى مش هشرح بس هل انا هدخل مشرحه؟؟؟؟؟؟؟؟؟؟؟؟؟؟؟:romarioxp6: تالت حاجه بالنسبه لفارما 3 اللى هنشرح فيها الضفدعه هتبقى فى سنه كام وهل فعلا التشريح موجود بجد؟؟؟؟؟؟؟؟؟:romarioxp6: يا جماعه مش عاوز اندم انى مدخلتش طب وجيت صيدله بمزاجى انا كان نفسى بس ادخل طب عشان التشريح حد يريحنى ويجاوبنى وبالتوفيق:040vk0: |
اظن من الشكل الاخير ده باين انا حيران ومضايق اد ايه
|
ايه يا جماعه هو انا لوحدى هنا ولا ايه مفيش حد خالص هو الصيام ماثر اوى كده
|
هااااااااااااااااااااااااااااااااااااااااااااااااا ااااااااااااااااااا:slap1qk6:ااااااااااااااااااااا اى:av4056bb7jp3:
|
اوك اوك لوحدى لوحدى انا مستنى الرد
|
بص يادوك محمود
فارما سنه تالته فيها تشريح بس بتاخد تاثير drug معين على حيوانات التجارب سواء فار او ضفدعه يعنى بتخدرها وتديها دوا حاجات زى كده وتشوف تاثيره على سلوك معين او انقباض عضله حاجات زى دى مفيش تشريح من بتاع طب بالنسبه لاناتومى سنه اولى اعتقد اغلبه نظرى وهسأل لحضرتك تانى واقولك بالتوفيق بس لو حضرتك عايز تشريح تشريح ليه مادخلتش طب |
مدخلتش طب لان احنا عندنا الصيدله بنحبها بالفطره ليا اخ صيدله واخت صيدله بس طنطا انا حبيت اغير وجيت المنصوره وكمان بالاضافه لموال الطب الرخم والزايد اوى عن اللزوم وكمان رفعوا التكليف بس انا هحاول ابقى ادخل مشرحه مع زمايلى فى طب اشوف بس وليا زمايل فى طنطا عملوها
|
انا كمان متاجك تفيدنى فى سؤال كده
بالنسبه للمعيدين هما بس اللى بيختاروا اى قسم من الاقسام يتخصصوا فيه انما كليه صيدله للطلبه بيدرسوا كل الاقسام صح ده غير الطب يعنى اللى فيه الكالب بيتخصص فى فرقه معينه؟؟؟؟؟؟؟؟ انا امنيه حيات ابقى معيد ازاى بيتم اختيار المعيدين هل حسب حاجه كل قسم ولا ليهم عدد ثابت عالضفعه كل سنه وبلاش تحبطنى وتقولى لو معاك ابن دكتور والكلام ده والنبى لانى انا اعرفشخصيه جاااااااامده اوى فى الكليه بس مليش فى شغل الوسايط ده عشان ربنا يباركلى فى تعبى ومستقبلى:078111rg3: |
العدد بيبقى على حسب احتياج الاقسام فى السنه دى
وبالنسبه للمعيدين اللى بيختارهم كل قسم بيبقى على حسب تقدير الماده |
انا ان شاء الله داخله اعدادى
بس خايفة جدا لانى مش عارفة حد خالص بالكلية وكل اصحابى دخلو كليات تانية انا مرعوبة جدا من اول يوم ومش عارفه هعمل ايه هو اوول يوم بتقضوه ازااااى |
لا متخافيش ابدا لان من الطبيعى انك هتكونى صداقات جديده ان شاء الله لما تدخلى الكليه
وان شاء الله نبقى كلنا اصحاب |
ازيكو يال جماعة كل سنة وانتم طيبين رمضان كريم
انا لسه رايحة اعدادي صيدلة وكنت عايزه اعرف لو في ادوات باشتريها للمعامل زي انابيب الاختبار وكده وكنت عايزه اعرف لو هنلبس بالطو هلهو نفسه بتاع كلية الطب وياريت اعرف الاقي الحاجات دي فين ولو لينا بالطو بنشتريه ولا بنفصله ياريت تفيدوني علما باني مش من المنصورة انا من دمياط ولكم مني جزيل الشكر رمضان كريم |
اقتباس:
متخافيش يا دكتوره ان شاء الله هتكونى صداقات جديده اكيده و احسن ناس ممكن تقابليهم هتلاقيهم فى الكليه ان شاء الله و اجمل ايام حياتك هتلاقيها فى الكليه و يارب ربنا يوفقك ان شاء الله |
اقتباس:
الادوات المعيد بيقول عليها فى المدرج فى المحاضره و بتشتريها من المكتبه عادى و دى مفيش فيها مشاكل و البالطو برده بتشتريه من المكتبه تقريبا من مكتبة الاصيل اللى قدام بوابة الجلاء هتلاقى فيها كل حاجه و ربنا يوفقك |
لو سمحت كنت عايزة اعرف اماكن المحاضرات هل في مواد بتتاخد في علوم تجارة حقوق و في مبني صيدلة القديم الجديد و ايه هي المواد دي و هل المواد اللي بندرسها في صيدلة بتكون في مكان واحد " الدور الرابع "
معلش انا اسفة جدا ممكن سؤال كمان ....... بالنسبة للانتظام فى الكلية نروح امتى ؟ وهل السبت دراسة ؟ واخر سؤال مؤقتا اين يوجد جدول المحاضرات؟ |
الجدول اعتقد لسه مانزلش ياجماعه
وعامة بيتعلق فى tablueبتاع اعدادى ومفيش محاضرات برا مبنى الكليه الجديد لكن فى سكاشن برا الكليه فى كليه علوم سواء حيوان او فيزيا والمواد وعن ايه وكده هتلاقيها فى الصفحه الاولى وهعملها كوبى ان شاء الله |
مواد اول سنه (اعدادى)
نبات ودا بيديه دكاتره العقاقير كيميا تحليليه ترم اول كيميا عضويه ترم تانى فيزيا (دول من علوم) هتاخدوا حراره وكهربيه ومودرن ترم اول وخواص ماده ومودرن وكمان ضوء داترم تانى حيوان ترم ترم اول طفيليات وجينتك ودول جمال على الاخر اهم حاجه فى الطفلييان الرسم ودورات الحياه وهتاخدوا كذا طفيل هتقسم species and families بجد حلوين بلهارسيا ولشمانيا واسكارس وانكلوستوما وتريانوسوما وشويه حاجات كده بس سهله خالص الجينتكس هتاخدوا DNA وبعد كده الانقسام الميوزى والميتوزى اعتقد دكتور شريف عابدين هو اللى هيديكوا زينا وامتحان بيبقى لذيذ والمحاضرات هيبقى منزلهالك POWER POINT على موقع الجامعه الترم التانى هتاخدوا مبادئ فارما ودى 3 اجزاء ب 3 دكاتره مختلفين ودول هيتاخدوا فى صيدله والساكشن كمان وهتاخدوا امبريولوجى (على اجنه) دا فى علوم 4 سكاشن وهتمتحنوا عملى دول طبعا ترم تانى عندكوا انجلش ترم اول من 50 وسهل اوى وليه 2 محاضره فى الاسبوع وحقوق انسان محاضره فى الاسبوع ومش بيضااف لكن ماده رسوب ونجاح |
ممكن حد يحكلنا عن اول يوم كان عامل ازاى وهل كنتم عارفين حد ولا لاءه
انا مرعوبة لانى مش عارفه حد فى صيدلة وهروح لوحدى .. كل صحباتى دخلو هندسة وطب |
اقتباس:
وما فيش حد دخل صيدلة معايا ومش عارفة حعمل ايه خاصة اول يوم اعتقد ان بعد كده حنبقى بدانا نتعرف على زميلنا انا برضه خايفة من اول يوم وخايفة من الكلية كلها اصل كل ما حد يقابلني يقعد يقول نظام المذاكرة في الكلية مختلف وطريقة المذاكرة بتاعة ثانوي مش حتنفع:blink: خاصة اني كمان كنت بعتمد على اني احل اسئلة اكتر من اني اذاكر وما فيش في الجامعة كتب خارجية الواحد يحل منها زي ثانوي:lol: |
يا جماعه ان شاء الله نقابل اصحاب جداد ويبقوا كمان احسن من بتوع ثانوى ان شاء الله
بس يا جماعه انا حاسة ان الكلية صغيرة ولا انا اللى بيتهيألى |
انا شايفه ان اول يوم هيكون غريب وبالرغم من ان معظم صحابي معايا الا اننا كلنا خايفين لان دي اول مرة نكون في مكان زي ده ما نعرفش حد و البلد بالنسبة لنا غريبة" انا من دمياط " وعموما اهو يوم وهيعدي اما عن طريقة المذاكرة فيقال ان المحاضرات والكتاب اهم حاجة وربنا يوفقنا جميعا
|
انتوا بتفكرونى بنفسى السنه اللى فاتت اول يوم برده كنت مرعوب منه اوى
بس هو اللى هيحصل هتروحوا الصبح عشان المحاضرات بتبدا الساعه 8 الصبح هتلاقوا الناس كلها واقفين قدام المدرج و لما المدرج يتفتح كله بيضرب بعده عشان يقعد قدام و بنصح الولاد يبعدوا عشان البنات هما اللى بيكسبوا و بقعدوا قدام برده :d المهم هتبدا المحاضرات و هتقعدوا مش فاهمين حاجه فى اى حاجه و كلام غريب كله و هيجيلكوا حاله هستيريه من الضحك لانكوا قاعدين و كانكوا مش قاعدين بس مش تقلقوا الكلام ده مش هيستمر كتير شويه بس على بال ما تاخدوا على الوضع و هتلاقوا بقى طول ما انتوا قاعدين ناس عماله توزع ورق عليكوا دعايه لمكتبات و كلام من ده ( كل الكلام ده فى الفاضى :d ) و بالنسبه للاصحاب و الكلام ده انا قولتلكوا قبل كده هو شهر مش اكتر و هتلاقوا الدفعه كلها عارفين بعض و كلكوا بقيتوا اصحاب و يالذات البنات لان البنات فى الدفعه كتير اوى السنه اللى فاتت كنا 1000 بنت و 300 ولد بس و اللى محتاج حاجه انا موجود انا معاكوا فى اعدادى برده زى ما قلت قبل كده بس متخافوش هى سنه سهله جدا جدا و اسهل من الثانوى كمان بس انا اللى حصلتلى ظروف كده و اتخانقت مع دكتور شيلنى ماده بعيد عنكم :d اهم حاجه متخافوش و هى سنه اسهل من الثانوى ان شاء الله و رينا يوفقنا كلنا ان شاء الله يا رب مش اكون طولت عليكم و زهقتوا منى :d |
اقتباس:
اكيد هتقابلى اصحاب و احلى اصحاب كمان والله بس حكاية الكليه ضيقه دى بقى انتى غلطانه اولا هتلاقى الناس كلها قاعده عند الشؤؤن فى الظل لما الشمس تروح يقعدوا قدام الكليه لحد ما يزهقوا و كفايه بقى المشوار من الكليه لعلوم و صيدله القديمه دا انتوا هتمشوا مشى ربنا معانا يا رب قولوا امين :d |
بعد السلام كلية علوم مكانها فين وصيدلة القديمة
|
اقتباس:
علوم : جنب كلية تجاره على طول و هى دى المشكله عشان مشوار كبير بينها و بين صيدله لو تعرفى الجامعه كويس ممكن اقولك المكان بالظبط |
انا دخلت صيدله وعايزه اعرف ايه هيه الكورسات اللى ممكن نأخدها فى اعدادى
|
علوم
اقولك كلمه خليكى ماشيه من ادام هندسه وزراعه اول ماتحسى انك تعبتى اعرفى ان لسه فى شويه بصى هى اخر الجامعه خالص اخر حاجه |
الكورسات اللى ممكن تاخديها فى اعدادى
ممكن تاخدى فى كل حاجه:d وممكن ماتخديش فى اى حاجه انتى وراحتك;) بصى ياقمر هم عاده يعنى بياخدوا كيميا ونبات سواء كيميا تحليليه الترم الاول او عضويه الترم التانى انا شخصيا الحمد لله مااخدتش السنادى :022yb4: وعدت عادى الحمد لله |
السلام عليكم ورحمة الله وبركاتة
ازيك يامنة ياحبيبتى انتى لية ناوية بدرى كدة على كورسات ان شاء الله تكون الكلية حلوة زمش محتاجة كورسات بس هى بتبقى ف البداية بس مش سهلة ودة العادى فى اى مرحلة جديدة بس بشوية صبر هتعدى وتبقى تمام انا عن نفسى عديت الحمد لله اعدادى ومش احتجت دروس الحمد لله لو انتى مصممة يعنى ع الكورسات هما عادة بتكون ف الكيمياء التحليلية ف الترم الاول وكيمياء عضوية ف الترم التانى ونبات فى الترميتن بس بنصيحة مش تفكرى من الوقتى ف الكورسات واستعينى بالله وان شاء الله تكون سنة جميلة |
اقتباس:
بس ماتخافيش ان شاء الله هيعدى احنا كنابرضة رايحين كدة ف اول يوم مش عارفين حد وكنا فى غاية الحيرة انتو ان شاء الله هيكون المدرج بتاعكو فى الور الرابع وان شاء الله هيقسموكو حسب الترتيب الابجدى لمجموعتين (أ)(ب) والجدول هيتعلق ليكو ف التابلوة وعلى اساسة هتحضرى المحاضرات والسكاشن وان شاء الله هتتعرفى على اصحاب جمال هتحبيهم اوى وابقى عدى ع المسجد وان شاء الله تلافقينا هناك وهنبقى معاكو لحظة بلحظة ان شاء الله وهنكون تحت امركو وهتلاقينا معاكو طول م انتو ف الكلية وان شاء الله تحبى الكلية ومش تترعبى |
متشكره ليكى جدا انا مش ناويه أخد كورسات ولا حاجه بس انا كنت عايزه اعرف ايه النظام بس
|
يا جماعه فيه خبر كده بس مش متاكد منه اوى
مش هيبقى فيه لينا سكاشن فى صيدله القديمه هناخد سكاشن النبات فى الدور الخامس السنه اللى فاتت كنا بنروح سكاشن النبات فى صيدله القديمه بس النه دى تقريبا فى الدور الخامس بس لسه مش متاكد يارب تبقى فى صيدله الجديده |
تقريبا يادوك
صيدله القديمه هتتسلم لطب فمش عارفه صح ولا غلط |
يا جماعه عاوز اعرف حاجة هو فيه مسجد فى الكلية للبنات ولو فيه هو فة اى مكان بالظبط
ده لو كده انا مروحش خالص من الكلية الا اخر اليوم حتى لو فيه ساعات بين المحاضرة والتانية شكلها هتبقى سنة حلوة ان شاء الله |
تقريبا فيه مسجد للبنات فى الكليه كان فى الدور الرابع السنه اللى فاتت
و ان شاء الله هتبقى سنه جميله مش حلوه بس :d |
احم احم
فى مسجد للبنات كان فى الدور الرابع السنه اللى فاتت بس للاسف اتنقل الدور الخامس واحتمال يبقى فى فرق بين المحاضرات والسكاشن ساعتين او كده مش كل الايام بس فى اوقات بيبقى فى فرق عااااااادى عاااااااادى ولايهمك |
مساء الخير كان عندي سؤال ياترى يوم السبت لسة اجازة ولا اتلغي وكنت عايزة اعرف هل المحاضرات والسكاشن بتكون طول الاسبوع و لا في ايام محددة و بالنسبة للمدينة الجامعية يقال ان لها كشف طبي ممكن اعرف هيكون امتي وازاي اعرف نتيجة القبول او الرفض في المدينة شكرا جزيلا
|
بصى يا سوما
المحاضرات مش كل يوم ومش رشط الريست يبقى يوم السبت احنا مثلا اعدادى كان الريست بتاعنا الخميس مش السبت واجاراءات المدينه دى معرفش بجد عنها اى حاجه |
شكرا جزيلا علي مجهودك ويارب تكون سنة جميلة علينا كلنا :078111rg3::078111rg3::078111rg3:
|
انا يا جماعه برحب بيكم الاول وكمان عاوز اسال عن قسم الاكلينيكال انا ناوى اقدم فيه ان شاء الله بس سمعت انه بالاضافه للمصاريف الاولويه بتبقى للاصغر سنا فهل ده صحيح
|
يا جماعه انا نفسى افهم ليه احنا فى المنصوره بندرس غير الناس يعنى الناس كلها عندها تشريح الضفدعه فى اول سنه اعدادى واحنا مفيش الكلام ده حد يفهمنى ارجوكم
|
:abdoog8:مستنى الرد كل سنه وانتم طيبين يالا سلام
|
ليه معندناش تشريح ضفادع
هم عايزين كده نعمل ايه ؟؟؟؟؟؟؟؟؟؟؟؟؟؟ امر الله |
ممكن أسأل سؤال يا جماعه؟؟؟؟ :)
ايه رأيكم في الأسر الطلابيه في الجامعه ؟؟؟ ولو في حد مشترك فيها ياريت يحكي عنها ويقول رأيه |
فى كذا اسره عندنا فى الكليه
بس انا شخصيا مش مشتركه فيها اعتقد دكتور kajooممكن يقولك اكتر منى لانه منضم لاسره منهم |
اقتباس:
ربنا عاوز كده بقى تقدر تقول لأ ؟ هى الدنيا كده :040vk0: |
اقتباس:
شكرا ليكى دكتوره منى بس انا مش خبره اوى يعنى فى الاسر و كده :( بالنسيه بقى لموضوع الاسر ده احنا كنا عملنا اسره السنه اللى فاتت اسمها صيدله اون لاين و الاسر نشاطتها كتبر بتنزل مذكرات و ور البروجكتور ( slides ) و يتنزل اسطوانات فيها تجارب الفيزيا والنبات و الشرايح اللى بنمتحن عليها عملى و برده بتعمل رحلات و كده من الاخر بتبقى حاجه مفيده و ممتعه فى نفس الوقت :022yb4: يا رب اكون قدرت اوصل لحضرتك يا Dr.sooma اللى انتى عاوزه تفهميه |
شكرا يا دكتور kajoo على اهتمامك و ردك :078111rg3:
و الحمد لله قدرت توصل للي أنا عايزة افهمه :) بس ممكن أعرف حضرتك في سنه كام؟؟؟ |
يعنى يا جماعه احنا مش هناخد تشريح فى اى سنه من السنين خالص ولا مفيش فى اعدادى بس
افيدونى ربنا يخليكم لان انا حاسس زى ما بيقولوا اننا الصيدله بتاعنا سهله وبنبقى اقل خبره لان كل مصر بتاخد غيرنا ازاى هندرس تشريح ومش نشرح عملى |
اقتباس:
الحمد لله انى قدرت اوصلك اللى عايزه تعرفيه انا قولت فى اول الموضوع خالص انا فى اعدادى معاكوا ان شاء الله بس دى تانى سنه ليا بس مش تفتكرى ان الكليه صعبه ولا حاجه لا انا اللى حصلتلى شوية حاجات كده و حصل اللى حصل بقى و قدر الله و ما شاء فعل |
جميع الأوقات بتوقيت GMT +2. الساعة الآن 12:49 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.