بوابة الثانوية العامة المصرية - حكم الغناء والاستماعه

اقتباس:

المشاركة الأصلية كتبت بواسطة g.zohiry (المشاركة 795609)

***

اعذرنى انا مش معاك في اللي بتقوله... في تعليق علي كلامك..(بس يا ريت ميكونش في حساسيه..وتقبل نصيحه اخت لك..)

اولا:

تحريم الغناء مش تطرف اطلاقا..يعنى عايزين نتكلم بمنطق شويه.. يعنى لما الشاب او البنت تسمع الاغانى وتهيج مشاعرها..وما ادراك ما الغناء وكلماته..!!
ده هيخليه انسان سوى ؟؟!! اكيد مش هيقدر يفكر صح ولا يبتكر..ولا...
وده بقي اللي هيجيب التخلف للامه ..والله ما كانت امه محمد في قمه مجدها ولا تقدمهاالا في العصر الي كان الشرع والاسلام يطبقو صح.. بدون معارضه..!! يعنى مثلا اول بلد دخل فيها الكهرباء بلد مسلمه..
(عرفت بقي ليه ربنا حرم الغناء..؟
ولو عايز دليل صريح بالتحريم..قال النبي(سياتى زمان علي امتى يستحلون فيه الحرى(الزنا) والحرير(للرجال) والمعازف)
شوف شده حرمته جت مع ايه..؟!! الزنا والحرير..!!
وبعدين قال(يستحلون)يعنى اصلا هو حرام بس هم خلُوه حلال..!

وثانيا:

مش احنا اللي بنفسر الكلام ده ..عارف مين؟
الصحابه اللي عاشو مع النبي..ودول طبعا مفيش شك في انهم ثقات..يعنى مثلا (بن عباس)سُمى ترجمان القران..ولازم تكون عقيده المسلم ان الصحابه كلهم عدول ثقات..

اما ثالثا:

وسامحنى لانك جرحتنى وشتمت ابائي وعلمائي..!!
ازاى تقول عليهم متخلفيـــــــن:o....ده يعتبر اكل في لحوم العلمـــاء وده اثم كبيـــــر جدا..!!
وبعدين لو ده رأيك مينفعش تشتم الطرف اللي انت معارضه..!دى مش روح رياضيه خالص..!!
بجد مستغربه ازاى تقول حاجه زي كده..!!
يعنى تقصد ميــن بالضبط؟؟
الصحابه.؟
قال النبي(لا تسبو اصحابي فلو انفق احدكم مثل اُحد ذهبا ما بلغ مد احدهم ولا نصيفه.)
معتقدش انك تقصدهم....صح؟
التابعين..؟؟
قال النبي(خير الناس قرنى(أهل زمانى) ثم الذين يلونهم ثم الذين يلونهم.)
ولا اظن انك تقصدهم..!!
العلماء الربانيين..؟
قال النبي ان الملائكه لتضع اجنحتها لطالب العلم رضا بما يصنع..
وبعدين هم دول اللي نقلو الدين من النبي..الينا..
ولولا اجتهادهم ما عرفنا كيف نصلي او نصوم او...

يبقي نقابل فضلهم علينا اننا نتهمهم بالتخلف والرجعيه..

هذا لا يقبله عاقل...!!
***
اسفه andaleep لو كلامى ضايقك.. بس بصراحه استفزنى جداااا...!!

اقتباس:

المشاركة الأصلية كتبت بواسطة g.zohiry (المشاركة 795619)

يا ريت تقعد مع نفسك شويه وتفكر وتراجع نفسك تانى ..
.ومتتسرعش في الرد... والاعتراف بالخطأليس عيبا بل بالعكس
هتكبر في نظرناوالله....
ربنا يوفقك ..

ممكن تدخل علي اللينك ده...واتمنى انه يعجبك..؟؟!

http://www.thanwya.com/vb/showthread.php?t=74824

واعتقد انك دلوقتى اقتنعت ان الغناء حراام..؟؟
بس عايزه اقول حاجه..لو الواحد عارف ان الحاجه دى غلط وحرام..بس هو بيعملها...ميقولش انها مش حرام ويعترض ع اللي بيقول كده..لكن..يعترف انه بيعملهاويقول انا عارف انها حرام وربنا يعنى علي انى اسبها..وهو متألم ونفسه يسيبها..

مش انتو معايا برده ولا ايــــــــــــه؟

طبعا معاكى وربنا يكرمك ويزيدك علما كمان وكمان
بس يارب يكون الحق وضح كدة

اقتباس:

المشاركة الأصلية كتبت بواسطة mido125 (المشاركة 796087)

alandaleep

يعنى مش كفاية الاحاديث النبوية الشريفة والقرآن الكريم
فين بقى التطرف

لى تعليق بسيط جدااا
فى موقع مصراوى المحترم بيبقوا كاتبين اخبار فنية انا بدخل علشان اقرأ التعليقات عارفين لو موضوع مثلا عن ( تامر حسنى ربنا يهديه ) تلاقيهم ايه عمالين يجيبوا دليل تحريم الغناء
انما بقى لو مثلا محمد منير ربنا يهديه بردو تلاقيهم ايه يا سلام عليك يا ملك وكلام فاضى من ده

ايه هو شرع ربنا بيتجزأ علشان نحرم بيه اللى احنا عاوزينه ونحلل بيه اللى احنا مش عاوزينه

ربنا يهدينا للصواب

اقتباس:

المشاركة الأصلية كتبت بواسطة شريف الخضري (المشاركة 796595)

عندليب

من فضلك متفتحشي موضوعات قديمة علشان ممكن اجبهملك موضوع موضوع

و ياريت ياريت متتكلمشي في حاجة لمجرد انها وجهة نظر بالنسبة لك

و كفاية انت جهل ياريت و الكلام اللي بتقوله ده

لو لقيت مشاركة تانية ليك بالمنظر ده

صدقني هيكون مصيرك الحذف النهائي باذن الله

جزيت خيرا

في امان الله

المهم انه يكون عرف الحق والامر وضح بالنسبة ليه
وشكرا على مروركم