فعلا كلام سليم بالاضافة الى ان الاعداد في جامعة القاهرة اكبر بكتير من الاعداد الي موجودة في جامعة المنصورة و بالتالي التحصيل هيقل و الله اعلم و ربنا يوفق الجميع

انا عارف انى تقلت عليك شوية يا عاطف بس ادينا بنتكلم شوية.... فممكن تكتب الحاجات الى هنحتاجها علشان التقديم ..انا طبعا عارفها بس علشان اتأكد يمكن اكون ناسى حاجه

وبالنسبة لموضوع القاهرة انا عارف ان تقريبا مستحيل انى اعرف احول فمش مشاكل لازم نرضى بالمنصورة و ده الى بقوله فعلا المنصورة مش وحشة خالص

وكده خلاص اتفقنا هنروح الجامعة يوم السبت الجاى 10 صح ؟ ... محدش يا جدعان عاوز يجى معانا :D:D

ومن حق هو انتا يا عاطف هتقدم فى المدينة الجامعية ولا لأ؟

اهلا بيكى معانا فى المنصورة ان شاء الله هتنوريها ...بس ممكن معلومات اكتر عنك

اهلا بيك يا ماستر 92 ..معى انى مش عارف انتا معانا فى المنصورة ولا لأ انما على كل حال انا اعرف ان فى المنصورة الدفعة بتبقى اقل من 1200 ...مال فى القاهرة هتبقى كام ؟؟؟

اولا ايوة انا معاكم ان شاء الله في هندسة المنصورة
ثانيا فعلا دفعة المنصورة بتوصل لـ 1200 فما بالك بالقاهرة الي هي العاصمة صحيح ان القاهرة غالبا بيكون الدكاترة فيها افضل من باقي الجامعات لكن برضة دكاترة جامعة المنصورة سمعت انهم ممتازين زي ما قالت الدفعة الي فاتت و على فكرة الي بيتميز في مجاله ايا كان الجامعة الي فيها بيوصل للي عاوزه حتى لو كان في جامعة بلاد الواق الواق مش جامعة المنصورة و ربنا معانا

يعم والله ولا يهمك ت انت تطلب عنيا

بالنسبة للحاجات المطلوبة

ا-اصل شهادة الثانوية

2-اصل شهادة الميلاد

3-صورة البطاقة لو موجوده

4-8 صور

5-دوسية بلاستيك

هى الحاجات دى مكتوبة فى ورقة متعلقة عند الامن فى كلية الهندسة

بالنسبة للمدينة اكيد هقدم علشان متبهدلش فى السكن

بس تقريبا مش هقبل لان انا من مواليد شهر واحد

بس انا هسحب ملف مدينة وهقدم

ولو متقبلتيش فى المدينة مفيش حل الا الوسطة هههه

اكيد انتا عارف البلد دى ميمشيش فيها الاوسطات.

يا مستر نيو

انت تعرف عصام راضى ؟

هو انتا مواليد 91 ولا 92
يعنى هى المدينة مبتاخدش الاكبر سنا ولا ايه النظام ؟؟؟

وعصام راضى مين؟ بيتهيقلى معرفوش !!! بس ايه الى خلاك تتوقع انى اعرفه؟

طب مش تعرفنا بنفسك الاول ... مش احنا هنبقى زمايل ولا ايه يا باشمهندس

هو اكيد يقصد 91 لأن المدينة فعلا مبتقبلش الاكبر سنا لكن زي ماهو قال بالواسطة الامور هتمشي

أبشرك ينفع تحول القاهرة بس شرط إنك تخش قسم مش موجود في المنصورة زي
بترول أو هندسة طبية


أنا بقي جتلي هندسة المنيا و مستني التحويييييييل
ممكن أرجع المنصورة إن شاء الله
و علي فكرة الكلية فعلا صعبة بس اللي بيذاكر كويس
مش هتفرق معاه إن شاء الله

أصل أخويا الحمد لله إتخرج منها السنة دي بتقدير عام
جيد جدا :D:D:D:D:D:D
عقبالي
بس إن شاء الله لو جييت المنصورة
طموحي إني أبقي الأول إن شاء الله

لا بقى يا sai مش من اولها كده:mad::mad::mad::mad::mad:

انا الى هبقى الاول ان شاء الله :D:D:Dومش حد تانى!!:D:D
انما لو عاوز تحجز المركز التانى يبقى عادى

احسن دا كان محافظ دمياط قبل كده

وانت بتقول ان انت من دمياط

يا جماعة احنا طلاب كلية الهندسة جامعة المنصورة لازم نتعرف على بعض


ممنوع كتابة الايميل
دى قوانين المنتدى

[right][color="YellowGreen"][size="5"]اهلا بيكم ياباشمهندسين المنصورة انا علي فكرة معاكم واسمي احمد بس بصراحة عايز احول القاهرة لكن لو ماجتش عادي بقي مش هتفرق واللي يجيبه ربنا كويس وخير وبعدين بجد كويس ان احنا نتصاحب قبل ماندخل الكلية

هاااهاهاهاها:D:D:D:D:D
بقى بتسألنى عن محافظ دمياط القديم !!!!!!!! اغرب حاجه اسمعها !!!!! على العموم انا والله من دمياط .....ودى مش حاجه افتخر بيها دى بقت عار . لان كل الدمايطه اضحك عليهم وخدوا اكبر مقلب من الحكومة فى مصنع اجريوم ... وفالحين يكتبوا على الكبارى احنا الى نقلنا المصنع :mad::mad:
على العموم يمكن ده كان محافظ دمياط من 50 سنة وانا كل الى اعرفه المحافظ الحالى و السابق بسس:D

وانا ضفتك وياريت نبقى نتكلم على المسنجر

ماشى بس انت اية اميلك ؟
بس كنت عايزك تسئل اى حد

مثلا

ماما او بابا

علية اذا كان هو كويس ولا اي كلام (عصام راضى)