فعلا انا اتفق مع حضرتك ... كل اللى تم تغيره بالنسبة لشعبة رياضة هو تغير مسميات فقط .. يعنى رياضة بحتة و تطبيقية بدلا من رياضة 2 و هما الاتنين واحد !! و للاسف ده فيه ظلم واضح جدا لشعبة علوم ده غير ان المدرس اللى هيدى رياضة بحتة هو نفسة اللى هيدى تطبيقية ولكن علوم ليست كذلك كل هذا من اجل معلمى الجيولوجيا هما الطرف الوحيد المستفيد للاسف مفيش ادنى رحمة ولا حتى مسئولية !!!

http://www.cairodar.com/news/details/44515:)

على فكرة حضرتك ممكن متكنش فهمت تعليقى:excl::excl: .. انا اقصد انا المفروض يبقى فيه توازن بين كل الاقسام و الشعب سواء كانت علمى بشعبتيه او ادبى .. وعلى ما اظن ان ده من سمات العدل اللى ربنا امرنا به . على فكرة والله احنا مش غيرانييين مثلا يعنى. حضرتك محسسنى ان احنا بنحقد عليهم و ده مش حقيقى .و الغلط الاساسى عالمسئول اللى ياتى قبل الدراسة لا و مش اى مرحلة دى ثانوية عامة و يقرر قرارات مش مسئولة وكل ده عشان يبقى البصمة بتاعته موجوده للاسف هو ده النظام فبلدنا :(احنا مش عاوزينهم يخدوا زينا احنا عاوزين تتلغى المادة الزياده اللى حطوها دى (جيولوجيا ) وللعلم الجيولوجيا ماده مش صغيرة يعنى

احي فيكي اهتمامك وردودك....علي كل المشاركات....ولابد من المساواة ......لانكم في نفس الظروف

ابني عضو اتحاد طلاب مدارس مصر
بيقول الكلام ده مناقشة مفيش قرار رسمي صدر بذلك حتي الآن ولن نسمح بزيادة مواد الثانوية العامة

اولا احب اشكر حضرتك على اهتمامك وتقديرك لاهمية الموضوع بس احنا كده كطلبة محتاسين لانه خلاص هنبدا الدروس وفى ناس بدات بالغعل ومفيش قرار منظم للثانوية العامة للسنة الجاية فياترى هنفضل لحد امتى فى مناقشات واذا كان فى قرار هيبقى امتى ولاهيتم الاعتماد على القرار 88 القديم من غير تعديل ياريت حضرتك لو عندك اى معلومة تفيدنا وشكرا مرة تانية على اهتمامك

ممكن يضيفوا حاجة فى الرياضة مش موجوده فى المنهج القديم
وكمان تانى مرة انتوا مالكوا ان شالله انتوا تدرسوا 60 مادة وهما يدرسوا 3
انتوا كلياتكوا بتاخد من مجموع وهما كلياتهم بتاخد من مجموع تانى خالص

مع احترامى لحضرتك ولابنك
الا ان مفيش حاجة اسمها اتحاد طلبة اصلا هما بياخدوهم كده تحصيل حاصل
يعنى هما ميقدروش يعملوا حاجة فى اى قرار الوزارة تاخدوا .ولا الوزارة تسمعلهم اصلا

عليه الصلاة والسلام اوفر ايه بس ياريت تتكلم بصراحة اكتر ومتخافش لانه لا انا ولا انت هنغير حاجة فى القرار والمسئولين بيقرروا بمزاجهم ومحدش بياخد براينا غير كده انا معاك ان احنا درسنا نص المنهج بتاع الاحياء بس انت يرضيك يعنى انى اخد مادة زى الجيولوجيا ولا اعرف عنها حاجة ومنهج كامل وتعتبر زى الجغرافيا بالظبط يعنى رخمة نينتى فى حين انك درست نص الميكايكا ومش هيتضافلك اى حاجة تقدر تقولى فين بقى العدل فى الموضوع غير كده مين قالك انها سهلة لو سهلة ماكانت كل الناس دخلت علمى علوم بس مش اى حد يقدر على الاحياء حتى لو منهجها صغير يعنى مش اقصة عليه مادة رخمة كمان زى الجيولوجيا اللى هى عفريت الادبى يعنى حدث ولا حرج مفيش ارخم من كده ونص طلاب الادبى بيكرهوها وعارفين انها بتبقى اصعب مادة عندهم فى سنة 3 واسالهم وانت تعرف بعد كل ده تيجى تقول ان احنا مكبرين الموضوع طب ازاى اعقلها انت وتعرف ان العملية تستحتق ومتخافش على نفسك اوى وقول الصراحة لانى زى ماقولتلك القرار مش فى ايدينا والمسئولين شغالين يجربوا فينا وبيعملوا اللى عايزينه لمصلحتهم اولا وارضاءا للمدرسين ثانيا ونولع احنا ثالثا

يضيفوا منين يعنى معندكش غير منهج المستوى الرفيع ولو هيضيف كان قال بس مش هينفع عشان انت درست نص كتاب الميكانيكا وعشان يضيفلك منهج زى ده هيخسر ملايين فى طباعة كتب جديدة لحضرتك تانى حاجة انت بتقول ان احنا لينا كلياتنا و وانتوا ليكم كلياتكم ماشى متفق معاك بس لا قدر لو حد علمى علوم جاب مجموع مش قد كده واضطر يدخل كلية ادبية مش هيعرف لان بتوع علمى رياضة والادبى هتكون مجاميعهم فى السماء عشان موادهم اقل واسهل منه وبالتالى مش هيلحق حاجة ويبقى بخ يبقى اتظلمنا ولا لا ؟؟؟؟

لعل وعسى يكون الوضع اتغير