بتقبل كام واحد؟

400 او 400 و شويه و فى الاقسام بيبقى كل قسم حوالى 100

طب نصيحة لله اللى عاوز بترول يدخل بترول القاهرة مش السويس ودا مش رايي انا بس دا راى ناس متخرجين من السويس وشغالين كمان :)

تماااام هيا اراء فى الاول و الاخر و الطالب مفروض يفكر كويس قبل ما يختار او يقرر بس سؤال هو مثلا انا لو طالب من حته بره القاهره ينفع ادخل القاهره ؟

لو من برا القاهرة زى حلاتى كدا .. قدامك طريقتين يا اما تاخد اعدادى هندسة فى بلدك وبعد كدا تحول تدخل اولى بترول فى القاهرة او تجيب وصل نور باسمك فى القاهرة من الاول خالص وتقدم القاهرة

تمام كويس ان الموضوع ده لسه شغال اصل كنت سمعت انهم مش عادوا بيقبلوه
طب تقدير قسم بترول القاهره ايه ؟ و ترتيبه ؟ و ايه اعلى اقسام فى هندسه القاهره ؟

لا هو لو من اعدادى القاهرة بياخد من 40 % ولو محولين من 81 % بس انا كنت من 3 سنين كان من 75 %

اعلى قسم فى القاهرة بيكون تقريبا اتصالات بس السنة اللى فاتت كان طيران

تماااااام الف شكر يا بشمهندس طب ليه قليل كده محدش بيدخله ولا ايه ؟
و مش معنى عالى على اللى بيجوا من بره ؟
و كده فى كل الاقسام بردو ؟ يعنى انا بعد اعدادى اى قسم بيبقى ليه تنسيق للى جايين من بره غير اللى جوه ؟

هيا ثقافة طلبة القاهرة مش عاوزين بترول وعاوزين مدنى واتصالات والحاجات التانية دى فهى مسالة عرض وطلب طيران كان زى بترول كدا السنة اللى قبلها وعالى على اللى بيجو من برا عشان القسم عاوز عدد معين بس من المحولين مش هياخدهم كلهم والمحولين ملهومش غير الاقسام اللى مش موجودة عندهم يعنى للمنصورة ليهم بترول وطيران وكيميا وطبية بس

بس الدراسة فى بترول القاهرة هي بالظبط الدراسة فى بترول السويس مفيش اختلاف الاختلاف كله فى البلد والجو العام بس

ربنا يوفقكم

انا الحمد لله بعد المستوي جايب 409.5 ...... وكتير قالولي اني ان شاء الله ممكن الحقها
بس انا بصراحة متردد جامد اني ادخلها خصوصا اني سمعت ان امكانيتها ككلية مش اد كده من الناحية الخدمية يعني .... يا ريت يابشمهندس تقلي رأيك في الكلية ككل وايه اكتر مميزات وعيوب فيها

عشان الواحد محتار بجد جامد .... ومعلش حتعبك معايا انا عارف

https://www.facebook.com/groups/e3dady.PME2014/
بص ده جروب عاملينه للدفعه الجديده تعالى اسأل عن كل حاجه انتا عاوزها كلنا هنفيدك ان شاء الله ماشى ؟

طيب انا الياهو بتاعى mina_Adel_m***********

خش على الجروب انتا مش عندك فيس ولا ايه ادخل على الجروب هتلاقى كل حاجه انتا عاوزها و ناس قدك و كلنا هناك فى خدمتك و هنجاوب على كل اسئلتك

طيب انا عاوز اعرف ايه الاقسام غير مدنى وعمارة فى القاهرة احسن فى الشغل بعد كده مثل طيران و طبية وبترول القاهرة
انا محتار هندسة طبية حلوة ولا لا وزيها طيران
معلش يا بشمهندس انا هغلبك معايا بس انا بحب اسال حد فاهم زيك