بوابة الثانوية العامة المصرية - الى داخل ثانوى اجمع (نصايح حطها حلقة فى ودنك )

اقتباس:

المشاركة الأصلية كتبت بواسطة مريم السباعى. (المشاركة 4854167)

1:)السلام عليكم :)
دول كام حاجة كدا لكل الى داخل ثانوي او فى ثانوي حطهم حلقة فى ودنك وان شاء الله حتفدكم كتير

_انتى كبرتى يا بيضة:romarioxp6:
لازم تعرف كويس انك مدام بقيت فى ثانوى تنسا خالص اى سنة مضت اوكى هى زى اى سنة وانت يعنى زى منتا مش حتتحول ولا حاجة بس نظامها حاجةة تانية ثانوى يعنى مجموع ومجموع يعنى كلية وكليه يعنى حلم بتحلم بى من صغرك انت واهللك ومصاريف ودروس قد كدة و يعنى مسؤلللللللللللللللللللللللللللللية
لازم تكون راجل بجد (للبنت وللولد) :):rolleyes::rolleyes:ولازم تعرف ان متستناش حد يقوللك قوم ذاكر لا يابا حضرتك اول واحد لازم تكون من جواك يهمك ان تذاكر وتعقد على الكتاب وتشوف شغللك لانك خلاص كبرت وبقيت طول درفة الباب فيعنى مسؤلية مسؤلية مش لعب عيال تمام
2_احفظ ثم احفظ ثم احفظ ولو عندك وقت افهم:rolleyes:
طبعا كتيييييييييييييييييييييييييييييييييير حيعرضه فى الكلام دة بس عن تجربة ومن واحدة بتركه شئ اسمه حفظ تعبت منه كتير لانى لاسف كنت فاكرة زى نظام اعدادى الخص واكتبله السطرين الى فيهم الفايدة وشكرا هو صحيح القدرة على التلخيص فدتنى كتير بس اكتشفت لو عايز تكتب اجابة نموذجية بمعنى الكلمة يبقى لازمت تحفظ كويس قوى تشوف مدرس يفهمك ويعودك على حفظ كويس قوى حفظ +فهم حلو قووووووووى وكويس موت
فهم من غير حفظ كويس لاسف حتعك الدنيا
حافظ ومش فاهم قوى اضمنك نص الدرجة وقد يكون كلها
ودة فى نظام ثانوية عامة طبعا اعدا االمواد الى فى الغالب بتحتاج لفهم اكبر زى الرياضة والفزياء مثلا تمام

3_ غصب عنك مش بمزاج:mad::stickjo4:
اياك واياك واياك انك تتعامل مع المذاكرة على انها ن باب المزاج او تتلكك كل شوية ومتذكرش علشان حضرتك مش فى المود لا يابابا ابسليوتلى:slap1qk6: المذاكرة دى لازم تكون عندك طقس من طقوس حياتك اليومية يعنى قبل متدخل حجرة مذكرتك او تعقدعلى مكتبك زى الباشا كدة حط شنطة براه فيها كل المشاكل النفسية وخناقات البيت ورغى الصحاب برا على الباب اعةد نفسك تفصل نفسك خالص لما تدخل تذاكر وبتدريب حتلاقى نفسك قادر تفصل بس تعود نفسك اذان اتفقنا على الباب قبل متدخل حط شنطة (المشاكل النفسية والعاطفية والاسرية والسرحان ورغى الصحاب )وصلى كدة قبل متذكر وانسى اى شئ الا انك بتشتغل غللك ولازم تخلص لى
4_دارى على شمعتك تقيد:bosyht9:
بلاش حسن النية الزيادة دة ورغى وانا بذاكر وانا بنيل مش بقوللك ابقى سوسة او لئيم او متسعدتش حد من اصحابك بس مترغيش كتير عن نفسك لان العين اله اكبر بيتجى طحن فى الموضوع دة بذات وتلاقى نفسك خير الله مخير لا اطايق الكتاب ولا الى حاطه ولا المدرس نفسه ويمكن مش طايق حتى الناس الى فى البيت:cool: فيعنى خد بالللك (بس متخدهاش تلكيكة ها)
5_ان الله يحرم العبد من رزق بسبب ذنب فعله:blush:
حاول ابعد عن الذنوب والمعاصى بقدر امكانك سؤاء بقا فى ثانوى غير ثانوى دة شئ لاااااااااااااااازم والله العظيم بجد يا جماعة حسن علاقتك بالله يتحسن للك كل شئ وحتلاقى ربنا بيفتح عليك من حيث لا تحستب ام الذنوب مش حتيجب غير الهم وقبضة النفس فبجد كن مع الله يستقم للك كل شئ ومتناس دعاوى والديك فى الطالعة والنازلة بسبب وغير سبب والله حتعرف قيمة الدعاوى دى
6_كن رزل وبارد :028ja7:
بمعناه ااااااااااااااااااااايه يعنى مفيش حاجة اسمها لا انا بكسف اسئل المستر ولا لا اصله شد عليا بطريقة مش حلوة فانا بكسف اسئلة لالالالالالالالالالالالالالالا انسا كنت تلما وباردا وغلسا واسئل فى الصغيرة قبل الكبيرة علفكرة من جواه مهما اظهر انه خلاص شوية وحيتخنق نك بس من جواه المدرسين بيحترمو قوى النوع دة اسئل فى اى شئ مش فاهمه وحل من كل مكان خصوصا التقويم وكتاب المدرسة واختار المدرس الى يشغللك بجد ويطحنك امتحانت يفرحتى بمدرس مريحك ومخليك برته طول السنة وفى الاخر تيجى تحتاس وتلاقى نفسك مش عارف تمسك امتحان على بعضه تحله بثقه

7_لا تعلق نفسك باشخاص
ودى خصوصا للبنات يعنى مش علشن صحبتك او صحبك مش رايح الدرس انهاردة حضرتك تاجل وتقول خلاص ابقى اروح معاه الحصة الى حيعوض فيها الحصة ولا تبقى تابع لصحبك ذاكر تذاكر مذكرش تحس نفسك مش طايق لالالالالالالالالالا حاول كن مستقل شوية فى الموضوع دة ومتغلش باللك بحكاوى الصحاب وانت عمت ايه وان تشكلك مذاكر والكلام دة خليك مع نفسك كدة لقيت صاحب كويس حلو ملقتشى يبقى مع نفسك

8_اياك و ازمة شهر 4 و5
ليه حديت الشهرين دول بذات لان ممكن تلاقى نفسك جاللك حالة نفسيا وحالة نسيان غير عادية وتقول ينهار اسود انا مش نافع وتبص فى الكتاب مش فاكر:o:o عااااااااااااااااااااادى جدا كلنا مرينا بدة وتحس انك عايز تقول لوالديك يارت اجل السنادى والكلام دة كله حتعدى منه بسلام بشرط تكون فهمت النصايح الى فوق دى كويس
كلمة اخيرة

صدقونى بجد مفيش اى تعب فى الدنيا يساوى لحظة فرحتك بنتيجتك وفرحة اهللك ساعتها حتحس التعب دة كله ميجيش نقطة فى بحر فرحتك يارب يرزقنا جميعا بنتيجة جميلة يارب ونكون من المتفوقين قولو ااااااااااامين :av4056bb7jp3:
دول كام حاجة كدة من الخبرة الى اكتسبتها فى الثانوية العامة بدعى ربنا تفديكم لانها بجد نصايح من دهب وعن تجربة شخصية جدااااااااااا وانا تحت امركم فى اى شئ خاص باسليب المذكرة بس انا كنت علمى علوم فيعنى على قد مقدر حفدكم واسفة على اطالتى وربنا يوفقنا جميعا يارب وادعولى لحسن لسة داخلة اولى جامعة وبنشوف نظامها ايه دى كمان
:)دعاوتكم :)

ربنا يخليكي يا مريومه ويسعد قلبك يارب

ومنتحرمش من نصايحك الجامده ديييييييييييييه

انا فعلا محتاجاها جدا جدا جدا تسلميلي يا حبيبتي يارب

اقتباس:

المشاركة الأصلية كتبت بواسطة مريم السباعى. (المشاركة 4854167)

امتحاني في بدايه شهر 6 يعني فاضل 3 شهور بس
انا لله وانا اليه راجعون
طب عشان اعوض اللي فاتني اذاكر اد ايه وايه النظام
يارب اعني محتاجة جواب صريح
وشكرا لكم