|
اقتباس:
المنيا مش صعايدة قوى يعنى نص نص كده:p ماشى قولى ما هى جرجا بقت كلها عفاريت انا حاسس ان بيتنا فى عفاريت هو كمان:d |
اقتباس:
ههههه ماشي عارفة بس احنا اصولنا من سوهاج اصلا يعني جدي تبع ماما وجدي تبع بابا كانوا عايشين في سوهاج الله يرحمهم اقتباس:
المهم هقولك كنا مرة انا وسارة:d في البلد وكنا سهرانين مع خالوا احنا واولاد خالتي فكل ما خالو يحكيلنا على موقف نفضل نضحك راح حكالنا حادثة حصلت معاه بس كانت حادثة مضحة بردو:d راح قال طيب هحكيلكو موقف حصل معايا وربنا ما هخليكو تناموا بيقول وهو صغير زمان كان معرفش مين من قرايبهم مات وراح مع مامته العزاء فحضرتك عارف من عاداتهم فى البلد بيروحو من اول النهار وكدا فخالو كان نعسان وتيته دخلته ينام فى اوضة هو وكانت معاه لحد ما نعس فكان كل شوية يصحى يلاقي تيته جمبه ينام تاني وحاسس بيها وسامع نفسها ولما يفتح يشوفها جمبه لحد لما صحي بالليل بيقول لتيتة انتى صحيتي امتى قالتله انا منمتش اصلا انا قمت بعد مانت نمت علطول :o وبعدين عرف ان الاوضة دي اللى ماتت فيها الست اللي رايحين يعزوها هههههه هو خلص الحكاية وكلنا اتكتمنا والمشكلة ان انا وسارة مفروض هنقوم ننام مع تيتة انا ساعتها نمت فى اوضة خالو وسارة نامت مع تيتة وبقت تحلم بكوابيس تصحى من النوم تلاقي تيتة جمبها تخاف اكتر :d ههههههه |
اقتباس:
هههههههه طيب يمكن هو كان بيحلم مثلا طيب لو عفريتة كانت قاعدة معاه علشان ما يخفش من حااجة يعنى شكلها عفريتة قلبها حنين وبتخاف على الاطفال:p |
اقتباس:
اهلا بحضرتك:d اقتباس:
ههههه ممكن والله يكون بيحلم بس هو حكالنا كدا وتيتة قالت انه فعلا حصل اانه قاللها كنتي نايمة جمبي بس لو دي مش خوفتك اعرف حكاية تاني حصلت مع بابا فى جرجا زمااان قبل ماحنا نتولد:blush: بس مش حكي بقا هو محدش هيحكي غيري ولا ايه حسستوني انى الجدة الشريرة وبعدين انا بعد ما بحكي بفتكر وبخاف:blush: |
موضوعك بجد شيق جداً يامحمود وانا عندى قصة حقيقية حدثت معى بالفعل ومنذ ذلك اليوم لم اقم بتكرار هذا الفعل مرة اخرى من كام سنة انا كنت اهتم بقراءة القصص والكتب القديمة القيمة فوقع فى يدى كتاب ورقة اصفر مقطع وزابل هو كتاب سحر وانا كنت اهتم بقراءة كتب السحر ولكنها لم تكن مكتملة التعاويذ كانت التعاويذ دائما تكون ناقصة بالرغم انى لم اكن اقراءاها ففى احدى الايام وقع فى يدى هذا الكتاب الاصفر الزابل ورقة وكان مكتوب علية ان هذا الكتاب قد ترجم من العبرية الى العربية وانة كتاب منذ قديم الازل وجدت بة بعض التعاويز الشديدة كباب المحبة وباب الجلب وباب تحضير ميمون وباب تسخير الجن وباب تحضير مرجانة بنت الجن وكانت تعاويذة كاملة وكان هناك لكل تعويزة رسومات غريبة الشكل لم ارها فى اى كتاب من قبل قمت بالتطرق والقراءة فى هذا الكتاب دفعنى حب الاستطلاع والفضول بالرغم من معرفتى من خطورة هذا الكتاب ولكن حب الفضول هو الذى دفعنى لقراءتة قرائتة ولكن عند التعاويذ كنت اقف لا انكر انى قراءت بعضا من كلام التعاويز وهو كلام غير مفهوم بالمرة ولكن قراءتها ملخبطة ولم اكملها ففى احد الايام كانت فى سعة عصرية قمت وقولت ولله لانا محضر البخور المكتوب فى هذا الكتاب وهو كان بخور للجن السفلى كلها اشياء موجودة فى المطبخ لدينا وبسيطة فقمت بتحضير هذا البخور وذهبت الى البوتجاز وقمت بوضع تلك البخور على عين البوتجاز افاجئ برائحة غريبة جدا تملا المكان كانت رائحة هذا البخور لا تطاق بالفعل مع انها اشياء من عند العطار ومن الطبيعة ولكن بخلطهم ووضعهم على النار يصدروا رائحة كريهة جدا فبينا انا مستاء من رائحة هذا البخور الا وبى اجد ان لمبة المطبخ اخذت تطفئ وتولع اكثر من مرة وهى بدويل نازل وليست فى السقف معلقة فعندما نظرت الى اللمبة وجدتها تتحرك بشدة مع اننى كنت بالنهار فقمت مسرعاً باطفاء البوتجاز المشعل وبالذهاب الى بيت جدى الموجود امامنا ولم اقم بتكرار مثل هذا الفعل مرة اخرى وانتظرت اهلى الى ان اتوا وعادوا البيت وعودت معهم بعدها بكم يوم قمت بحرق هذا الكتاب لان هذا الكتب طول ما هو معى كنت احلم بكوابيس مروعة وايضاً كان من ضمن احلامى اننى عندما اذهب الى بيت جدى اجدهم وايضا كنت احلم انى اسقط من فوق ارتفاع كبير جدا والحمدلله من بعد ما قمت بحرق هذا الكتاب لم احلم هذة الاحلام مرة اخرى ..... |
اقتباس:
ايه يا محمد انت بتحضر عفاريت فى البيت:o لا انت كده هتخلينى اسيب البيت وامشى:blush: |
اقتباس:
هههههـ لا بس جرجا ليها ذكريات عفاريتى معاكم:d شكلى كده هبقى من مدينة الاشباح:022yb4: احكى علشان اخاف:p |
إيه الجو دا :d ... حاجه مختلفه بدل الأخبار وجو السياسه اللي عايشين فيه كويس اوي :006et4: بصراحه انا متلبستش قبل كدا :d قصدي محصلش معايا حاجه من دي :d بس لو إفتكرت هقلكو شكلكو بتحبو الحاجات دي :angry2: ....... إحم إحم التوبيك مخوفنيش ولا حاجه أنا عايزه حاجه أقوي من كدا .... ربنا يستر :d مشكور ع العفاربت وجو الرعب قصدي مشكور ع التوبيك مع إن خوفت معظم الناس .. :d |
ههههههههههههههه انا بنام لوحدى يا ماما يا ماما
هى دى الشجاعة |
هييييييه االحمد لله احنا في النهار هقدر ارد بقى:d اقتباس:
قريتها امبارح قبل مانام بس مش عرفت ارد:blush: بصراحة موقف فعلا يخوف بس بصراحة حضرتك غلطان مش دايما الفضول مبرر اننا نعمل حاجات غلط واحنا عارفين بس الحمد لله انها عدت على خير فيه ناس بتقع في المواضيع دي ومبتعرفش تتخلص منها تاني ابن عمي حكالنا في بيتهم القديم لقى كتاب قديم اوي بردو كان مكتوب كيف تحضر الجن او كدا مش فاكرة الاسم بالظبط بس هو قرا فيه شوية فاكرة من ضمن الحاجات اللي كان مطلوب يعملها يقرأ سورة معينة بطريقة معينة مش هقول السورة ولا الطريقة عشان الفضول:blush: وقاللنا انه احيانا كان مفتاح النور يفضل يفتح ويقفل لوحدو وهو شايفه بيعمل تك تك من غير ما حد ييجي عنده بس هو قرا اول جزء من الكتاب دا ومرضيش يكمل وتخلص منه وهم اصلا عزلو من البيت خالص الحمد لله اغلب الحاجات اللي بتتعمل حرام جدا عشان التحضير وكدا وبتوصل للتكفير والسحرة العالميين بيبقو عملوها |
اقتباس:
يوووه متعدش دانا ياما سمعت حكاوي تخوف هناك وهم بيبقو مقتنعين بيها بس مصدقتهاش كلها الارياف غالبا بيحكو كتير في المواضيع دي وبيصدقوها واغلبها حاجات قديمة فيه مكان هناك بيقولو عليه -الدراسة- تقريبا مش عارفة بتتكتب ازاي:blush: بس دي لحد الآن بيقولو عليها حاجات تخوف بس انا بصدق الحاجت اللى بتحصل مع حد قريب مني يعني وعرفاه زي سارة مثلا:d اقتباس:
ههههههه لا متقولش كدا رغم كل شئ بحبها جدا أو بمعني اصح بحب بيت جدي ولمة قرايبي هناك اقتباس:
طب ما تحكي حضرتك حاجة |
اقتباس:
اووووووووك نحاول ههههـ جدتى حكت ليا فى مرة على بيت ناس جيرانا فى نفس الشارع المهم الناس دول كان ليهم تار عند ناس تانين فراجل جارنا ده قتل اللى كان ليه تار عنده وهدومه بقا فيها دم فراح غسل الهدوم بتاعته ورش مية الغسيل جوا البيت ومن يومها والراجل المقتول بيطلع فى البيت وفى مرة كانوا الستات بتاعت الشارع قاعدين تحت البيت ده فجابوا فى سيرة العفريت وفجاة التراب والطوب نزل عليهم من فوق البيت وفضل يضرب عليهم لحد ما جريوا واستخبوا |
اقتباس:
هههههه وهو يعنى احنا اتلبسنا ولا ايه يا ريت تقولى عاوزين نستمتع بالعفاريت:p ايه الحكاية مفيش حد خاف ليه لحد دلوقتى خلاص انتظرونا بعد الفاصل اوعوا ترحوا فى اى حتة:d مش هتعرفوا تغمضوا عنيكم بعد كده شكررا على مشاركتك الجميلة |
اقتباس:
:o اخيرا حد خاف فى المنتدى ده ده انا كنت فقدت الامل خلاص ههههه:blush: ابقى احكيلنا حصل ايه:) شكررا لمرورك الجميل |
اقتباس:
:d:d:d إتلبستوا كتير شكلكو بيقول كدا اول مره اهلاوي مع زملكاوي يتفقو يشكرو العفاريت اللي مجمعاكوا :d:d |
| جميع الأوقات بتوقيت GMT +2. الساعة الآن 02:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.