|
بسم الله الرحمن الرحيم
إليكم المقترح........ سيتم عمل 8 مواضيع مثبتة هم كالآتي: 1- دليلك لمنتدى قسم الفيزياء: "Manual User" عبارة عن كتالوج عشان يسهل على الطلبة كيفية تصفح هذا القسم بسهولة, بالإضافة لبعض القوانين الهامة والقيم التي لابد لكل الأعضاء احترامها. "بالنسبة لتفصيل الموضوع "مش ده وقته أنا منتظر فقط الموافقة المبدئية من الأغلبية للبدء في المرحلة التالية وهي تفصيل الموضوع مثل أهمية القسم ,أهداف القسم, وقيم القسم, وقوانين القسم, ومواضيع القسم................إلخ" 2- أعمال المدرسين: الشرح الكامل وملازم لكل مدرسين الفيزياء الكبار, وأعمالهم التي تشمل الشرح الكامل, والمراجعات الجزئية, والكلية. 3- المناقشات: أي سؤال معقرب:d يتم ادراجه في هذا الموضوع" باختصار سيكون نفس فكرة موضوع عبده Can u See me اللي هو مسائل جامدة يعني معالك...................." 4- الفيزياء المتقدمة: وهو بصراحة فكرة نانسي بديع, والفكرة عجبتني وهي عبارة عن تعمق أكثر في الفيزياء بالنسبة للطلبة اللي عايزة تعرف أكتر عن الفيزياء, وهيكون متضمن مراجع فيزياء PDF وكمان فلاشات, وفيديوهات..... 5- الامتحانات الكلية والجزئية: مش محتاج شرح الجواب باين من عنوانه, بالإضافي إلى أي شيئ متعلق بأسئلة الإمتحانات. 6- يوميات طالب فيزياء: بصراحة الموضوع ده شفته في منتديات أخرى وعجبني, وهو ببساطة. أن أي طالب ممكن لو حابب يحكي عن أي تجربة شخصية حصلتله سواء عالنستوى الشخصي, أو العلمي ممكن يدخل, ويناقش زملائه فيها بهدف أن الكل يقرب من بعض أكتر وأكتر, تبادل الخبرات واكتساب مهارات أكثر لحل المشكلات, بالإضافة إلى أنه ممكن يكون نوع من أنواع الترفيه والخروج من جو الكبت, شريطة أن تبتعد المواضيع عن التفاهة , والسطحية ............................ 7- لوحة الشرف: موضوع فجر الغد, ولكن مجدد لكل عام. "سيتم التقييم بإجماع الأغلبية من الأعضاء الفعّالين في المنتدى" 8- خدمة عملاء قسم الفيزياء: وهو بصراحة من ابتداع فريق أنا مشترك فيه هبقى أقولكم على موضوعه بالتفصيل في الصيف. المهم: هو ببساطة أي حد عنده أي شكوى عن أي حاجة في أي حاجة يتواصل من خلال هذا الموضوع شكاوى مثل: لا يستطيع أن يوصله بحثه إلى ما يريده, أو مخالفة أحد الأعضاء سلوك وقيم المنتدى,القسم ...............الخ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ أهم حاجة بقى في الحوار ده هو موضوع مهم جداً. بصراحة أنا مش هعرف أشيل الليلة كلها بكفء لوحدي:d, لازم يكون في على الأقل 2 متطوعين معايا باستمرار بصفة دائمة أو شبه دائمة, بس أرجوكم يا جماعة اللي هيقول انه مستعد يشارك يلتزم بالموضوع لأنه مسؤلية أمام الله. الأسماء اللي أنا أفضل أنها تعمل معي: الأستاذ حبيب-فجر الغد-بلال-عبده-محمد عمران, مع احترامي للجميع ,بس والله أنا ممكن أكون قاصر في اختياري ولكن أنا قلت اختباراتي بناءَ على المشاركة الفعالة على مدار العام, وشكراً لكم.......... |
الموافق فليتفضل برفع يده:d
حسناً: موافقة:d:d ياااااااااااااه وحشتنا أيامه:d |
اخيرا خلصت الامتحانات وحشتكم صح ماتخفوش انا لازقلكم لحد ما تجننوا:049gc0: ما علينا انا مش شايف انها فارقة كتير انا عاوز طلب بس المواضيع اللى بيتم السؤال فيها كتير فياريت هوه موضوع واحد يبقى للاسئلة كله يشارك فيه بدل المواضيع اللى ملهاش لازمة الحاجة المهمة ان كله مش واخد باله ان معظم الاسئلة لا يتم الاستفادة منها فى المواضيع الطويلة زى موضوع Can u See Meمش بسبب الاسئلة بسبب ان محدش هيقدر يتصفح 5000 صفحة وهوه بيشوف الاسئلة ((مش 5000 طبعا)) فأقتراحى واللى انا هعمله بعد كدا ان الاسئلة المهمة التى توضع صاحب الموضوع يعدل مشاركته الاساسية ويضع فيها حل تلك الاسئلة فتبقى اول صفحة فيها المفيد ونتناقش براحتنا فى الصفحات اللى بعد كدا بس عشان الاعضاء اللى مش متابعين يستفادوا من النقاش ونوفرلهم وقت وبس:bosyht9: |
ان شاء الله موافقة مع حضرتك يا أستاذ حاتم
هخلص السبت ان شاء الله وهبدأ ف التجهيز باذن الله |
اقتباس:
أيواً :d بصراحة واحشنا جداً ومتتخيلش أنا كنت عايش الفترة دي ازاي:d المهم فكرة بييييس جمع كله في الموضوع هنا, وأنا هشوف وأقول رأيي اقتباس:
أنا منتظرك تخلصي ونبدأ إن شاء الله. بالتوفيق |
okkkkkkkkkkkkk
|
السلام عليكم ورحمه الله وبركاته
شكرا لحضرتك لاهتمامك بالقسم بالصراحه اقسام المنتدى كله ناايم مااعدا الفيزيا والحمد لله الحمد لله ان الفيزيا فى حد اهتم بيها من المشرفين لانها بجد مصيبه ههههههه ومتشكرين لحضرتك جدا على المجهود اللى بذلته معانا وبجد حضرتك اخ كبير جدا بالنسبه لنا وبنحترمه جدا بصراحه انا شاايفه ان موضوع بلال لحلقات الاستاذ محمد عبد المعبود مهم جدا وان يبقى فيه تتابع مع حلقات السنه الجديده ان شااء الله وبالتوفيق للجميع وفى رعايه الله والسلام عليكم ورحمه الله وبركاته |
اقتباس:
وشكراً على اهتمامك بالموضوع. أنتوا خلصتوا امتحانات يا كماحة ولا إيه الدنيا؟!!!!!!!!!!:confused: |
بالنسة للمنتديات الكبيرة مينفعش تعمل تثبيت لكل المواضيع الهامة
و كمان بما إنه موقع علمى مينفعش تعمل فهرست للموضوع لأن فيه مواضيع توصل ألوفات فى الصفح عن نفسى مش مستعد أدور فى موضوع بالحجم ده مع إنى عارف إنه مفيد جدًا بس مليان حشو للأسف ======= فرأيى بالنسبة لتجميع المواضيع نعمل موضوع منشط و متجدد بالأعضاء و كل المشرفين اسمه " استفدت بحاجة ، رد الجميل ، و خلى غيرك يستفيد " و ده هدفه إن كل عضو يحط رابط الموضوع اللى فاده + رقم المشاركات اللى استفاد منها لأن فى بعض المواضيع ضخمة زى ما قولت و ده تعتبر منتدى لوحدها الموضوع ده هيكون زى حملة تبرعات كل واحد هيحط المشاركات اللى استفاد منها و احنا واجبنا بقى كمشرفين و متابعين للقسم نراجع وراهم و نعدل و ننسق علشان نعمل أقوى فهرست علمى فى فيزياء الثانوية العامة و أظن الامكانية موجودة مواضيع مرمية من سنين و فيها خبرات مدرسين و طلبة ميتعدوش أظن هو ده الموضوع اللى يليق و يناسب قسم فى مستوى و مكانة و ضخامة زى قسم فيزياء الثانوية العامة و فى حال الموافقة يشرفنى أنى أساعدكم قدر الاستطاعة سواء فى الموضوع اللى اقترحته أو المواضيع التانية اللى حضرتك و غيرك اقترحوها بالتوفيق ،،،،،،، |
اقتباس:
طيب ممكن يا عبد الرحمن تعمل اقتراح واضح المعالم زي اللي أنا عملته عشان نعرف ناخد الكويس, ونسيب اللي مش مفيد قوي. ومرة تانية أنا بشكر حضرتك يا فندم, وأرجو من حضرتك أن تتحمل معي المسؤلية لنرتقي بقيمة المنتدى, ومستوى الطالب \ |
اقتباس:
فاهمنى:blush: |
اقتباس:
بس ياريت الإنجاز يا جماعة عشان أعرف أركز في مفاجئات الصيف |
هاااااااااااااام
بسم الله الرحمن الرحيم السلام عليكم ورحمة الله وبركاته يا جماعة من الواضح أن تقريباً الكل مجمع على أن المواضيع المثبتة تحتاج إلى نظرة من الإدارة, وبصفتي مشرف هذا القسم, وطبقاً للصلاحيات التي خولها لي دستور المنتدى:d فقد قررت الآتي: المادة رقم (1) لسنة 2011 : إجراء تعديل على الموضوعات المثبتة الحالية المادة رقم (2) لسنة 2011 : التعديل يتضمن إلغاء تثبيت بعض المواضيع, ودمج الأخرى. المادة رقم (3) لسنة 2011 : إلغاء تثبيت هذا الموضوع المسمى بـ(هام جداً). يوم الإثنين الموافق 11/07/2011 "إن شاء الله" المادة رقم (4) لسنة 2011 : الأعضاء الأفاضل الذين أبدوا اهتماماً بموضوع المساهمة في هذه المبادرة يتم ارسال مقترحاتهم على الرسائل الخاصة لحسابي الشخصي, أو مراسلتي عبر البريد الإلكتروني hatem.tawfeek89 على الـYahoo المادة رقم (5) لسنة 2011 : شكر وتقدير واحترام من المشرف والقائم على أعمال هذا القسم لكل الأعضاء الذي لا يعلم أحد سوى الله معزتهم وغلاوتهم على قلبي. والله الموفق والمستعان حاتم توفيق القائد الأعلى لقسم الفيزياء:d "ده تهريح طبعاً أنا بس بحب أعيش نفسي الوهم حبتين:d أنتم القادة العليا لهذا القسم, مش تثبيت والله دي حقيقة, وأنتم عارفين كده كويس" |
بجد كلمة شكر لا تكفيك ربنا يبارك فيك
ويجعلة في ميزان حسناتك ان شاء الله يااستاذنا الاستاذ الفاضل / حاتم توفيق |
اقتباس:
|
| جميع الأوقات بتوقيت GMT +2. الساعة الآن 12:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.