هو انا عندي كذا تخيل لشكل الخط اللي هيدينا اقصر طول
فحسيتها منطقيا ان اقصر خط اللي هيبقي واصل بين واحد من الساقين والوتر
وفرضت س وص زي الرسمه كده

http://www2.0zz0.com/2010/09/03/20/214866352.jpg

وبعدين قولت مساحه المثلث اللي فوق هتساوي0.5 س ص جا 45=0.5س ص/جذر اتنين=0.25 الربع اللي هو نص مساحه المثلث الكبير
بعد كده فرضت ان طول اقصر مستقيم اسمه ع
يبقي ع تربيع = س تربيع +ص تربيع-2س ص جتا 45
بعدين جبت ع لوحدها
وعوضت عن ص بدلاله س
وفاضلت وساويت الناتج بالصفر عشان اجيب اصغر طول
وطبعا لو حد هيقولي مين قالك ان التفاضل هيدي اصغر طول مش اكبر طول هقوله ان اكبر طول لانهائي فاكيد التفاضل هيدي اصغر طول
المهم طلع اصغر طول 0.84

هل الغلط في الرياضه ولا في الخط؟

تصدق ان الفكره والخطوات صح ... بس الناتج غلط

راجع الناتج ...( انتا شكلك نسيت تعوض ب س وص علشان تجيب ع )

بعد ما جبت س و ص عوض فى العلاقه بتاعه قانون الجتا وجيب الناتج بتاع ع

انا عرفت الغلط فين
هو الحل الصحيح علي ما اعتقد واحد علي جذر اتنين
وانا كنت مستني الناتج ده يطلع معايا بصراحه لاني كنت حاسسها كده من ساعه ما في واحد قالها وانت قلتله قول الطريقه بس طلع غلطان في حاجه
الغلطه اني المفروض اوصل الخط المستقيم بضلعي القائمه بس مش موازي للوتر زي الرسمه كده

http://www12.0zz0.com/2010/09/03/20/784029131.jpg
وجربتها دلوقتي طلعت بتساوي واحد علي جذر اتنين
كده مظبوط ولا ايه؟

المعادلات بالمره عشان يبقي الحل كله
هنقول ان مساحه المثلث الصغير بتساوي0.5س ص وهي بتساوي 0.25 (نص مساحه المثلث كله)
بعد كده
ع تربيع = س تربيع +ص تربيع
ع تربيع =س تربيع +1/4س تربيع
ع=جذر (س تربيع +1/4س تربيع)
بالتفاضل ونساوي بالصفر
2س -1/2س تكعيب=0
2س=1/2س^3
س^4=1/4
س=جذر اتنين

لو صح ابقي اديني عنوان شركه عمك عشان لما اتخرج ابقي اشتغل فيها بقي بالمرتب اللي انا عايزه
:d:d:d

ماشى انا عارف ان قيمه س = 1/ جذر 2

انا مالى بقا بقيمه س .....انا عايز قيمه ع الى هو اصغر طول ...

يعنى انتا حليت السؤال كله ... ووقفت عل ده .. ؟

انتا عايز تشلنى ...

لأ كده مش صح ....

الحل الاولانى كان صح ...

الخط واصل بين الوتر وضلع من القائمه ..

ايوه انا برده قولت مش معقوله منطقيا الا الحل الاول

هههههههههههههههههههه
متتخيلش ضحكتني قد ايه
اصلك فكرتني بسنين عمري كلها وبالذات في ثانوي لما كنت دايما احل الصعب واغلط في السهل
والمدرسين وبالذات مدرس الرياضه يشد في شعره لما احل الحاجات اللي الناس معرفتش تحلها ومقفلش بسبب اني غلط في سؤال سهل :d

المهم هو بعد كده بالتعويض في معادله ع
هيدينا ان ع بتساوي تقريبا 0.64 وهو اقصر طول

كده صح ولا ايه

اهو كده

اقصر قيمه ممكنه هى الجذر التربيعى ( جذر2-1) = 0.64 تقريباً

حل سليم .. وطريقه سليمه 100%

اللغز الثانى من نصيب a7mad3ali

اللغزين تم حلهم

اللغز الاول من نصيبabdelRhman772007
اللغز الثانى من نصيب a7mad3ali


احب ان اشكر كل الاعضاء الذين شاركوا فى الحلول ... اختص بالذكر eng.7oda.petro

نلقاكم فى سلسه تانيه بقا على خير ....

تحياتى :)