انا بصراحة نفسي ادخل كلية الهندسة و انا بحب حاجتين في هندسة اولا هندسة الطيران و ثانيا هندسة التعدين و البترول بس بصراحة الطيران اكتر لاني مكنتش عايز ادخل ثانوية عامة و كان نفسي ادخل الثانوي الجوي و اطلع
طياررر بس يا خسارة لقيت المدرسة دي قفلت اساساً فقررت اني ادخل هندسة طيران لكن التعدين و البترول مغرية طبعا لكل انا والدي كان نفسه اني اطلع دكتور بس انا محبش الطب و لا الأحياء وبحب الرياضة مع ان ناس كتير قالولي خش علمي علوم افضلك عشان مستخسرين المجموع بتاعي في الهندسة (99.02)
ولكني ارفض بشدة لاني مش عايز اتعلم حاجة مبحبهاش و افشل فيها و بنصح اي حد يدخل الحاجة اللي بيحبها
و ميستجيبش لاي ضغط او رغبة تانية من أي حد مهما كان و بالنسبة للدروس انا مش هبدأ قبل نص شهر 8 بالنسبة للرياضة و الفيزياء اما الباقي ففي أول 9 كده و يا ريت محدش يبدأ قبل كده عشان هتتخنق في نص السنة بسرعة و هتحس بملل كبييييييير ومش هتعرف تذاكر كويس لاني مجرب في تانية لمل بدأت اول 8
و يا رب كل واحد يدخل الكلية اللي بيحبها و ربنا يوفقه فيها بعد ما يدخل و لما يتخرج كده و يبقي .... ٌٌأد الدنيا

ربنااااااااااااااااااااا يحقق حلم كل واحد يارب


اللهم انا نر غب اليك فوفقنا لما تحبه وترضاه

يارب يوفقنا كلنا وانا بجد هاموت وادخل طب بشري بصراحة ده كل املي في حياتي

انا بقى عايز اخش كلية هندسة قسم هندسة مدنية والحمد لله جبت مجموع كويس 97.6 وانا بحب الرياضة اوى
بس مش عارف ادخل جامعة اية ان شاء الله انا من المحلة الكبرى

كل سنة وانتوا طيبين يا سنة تالتة ويارب رمضان خير علينا كلنا آمين يارب

عاملين إييييييييه ؟؟ أكيد بدأتوا دروس ؟؟ إيه أخباركوا فيها ..

كلنا ندعي يارب يحقق أمانينا ويوفقنا لما يحب ويرضى آمين يارب ..

كل سنه وانتم طيبين
كان عندي سؤال؟
انتم بتذكروا ازاي في الصيام ؟
اصل نسبه المذكره قلت عندي من اول رمضان كده

عادي ممكن تذاكري الصبح بدري بحيث إن المخ بيكون لسه فريش ومتأثرش بموضوع الصيام والكلام ده كله، وبرضه الواحد يذاكر مذاكرة علي قد إللي آخده ومايزودش علشان هيلاقي مخه مش هيستوعب كل حاجة لإن نسبة الدم إللي بتمد المخ مش عالية..

كل سنة وإنتوا طيبين يا شباب

ربنا يوفقنا السنادي ويكرمنا إن شاء الله وتكون بداية خير علينا..

توكلنا علي الله

انا اتمني ادخل كليه ف مجال طبي وبالذات طب بشري او اسنان
ودا عشان رضا ربنا اولا واخيرا
وعشان دا امل اهلي فيا
وربنا يوفقنا جميعا
تقبلوا مروري