بوابة الثانوية العامة المصرية - ايه رايكوا طب اسنان افضل ولا صيدله .

بوابة الثانوية العامة المصرية (https://www.thanwya.com/vb/index.php)

- كلية طب اسنان (https://www.thanwya.com/vb/forumdisplay.php?f=528)

- - ايه رايكوا طب اسنان افضل ولا صيدله . (https://www.thanwya.com/vb/showthread.php?t=229132)

هههههههههه التوبيك قلب خناقة بين اسنان وصيدلة

والطلبة اللى لسة هيقدمو تنسيق يتجننو بقى

انا المرة ال 3 اشوف موضوع زي دا ف نفس اليوم
يا جماعه الاتنين كويسيييين وانت ورغبتك اهم حاجة
وانا هجيب لك ردي ف موضوع تاني

اقتباس:

الاسنان كلية كويسة وفي رأيي الشخصي افضل من الصيدلة بكتير
انا بقول الكلام دا لاني اتحطيت ف الموقف دا قبل كده بس اخترت الاسنان
وابتعدت عن الصيدلة لانها بمعني اصح مهنة البنات + دراسة اصعب من الاسنان
ودا من وجهة نظري طبعا ولك حرية الاختيار حسب رغبتك يا دكتور

حسب الميول ازاى انا مش عارف لا اعتفد ان فى احد درس الكليتين
وياريت حد يوضح ازاى الرغبات ممكن تحدد اى منهما انا فى اعتفاد ان اصلى استخارة وبس

دكاتره الأسنان هما السبب الرئيسي وراء انتشار فيرس سي في مصر."أدواتهم غير معقمه "
والصيادله هم السبب وراء انتشار المخدرات والحشيش " بيبيعوا المواد المخدره اللي في الجدول بدون روشتات"

امضاء طالبه ثانوي

اقتباس:

المشاركة الأصلية كتبت بواسطة the matrex (المشاركة 3721334)

انا اسفة بس متزعليش منى حضرتك كدة بتقللى من اهمية ناس محترمة حضرتك مين اللى بيعالجلك الم اسنانك تقدرى تتحملى الم الاسنان اللى بيترتب كتالت اسوأالم فى العالم وكمان بتقللى من قيمة الصيادلة اللى لولاهم مكانش هيبقى فيه ادوية تعالجنا افتكرى لما بيجيلك صداع بتبقى عاملة ازاى وبتبقى هتموتى على اسبرينة تعالجك فبجد دول ناس محترمة جدا جدا جدا جدا ومينفعش نقول عليهم كدة
انا اسفة لو كلامى ضايق حضرتك بس دة رأيى اتمنى ميضايقكيش

الكلام اللي حضرتكDr.toka قلتيه صح ميه في الميه بس كلامي اللي قلته مش من فراغ دي احصائيات معموله في مصر أنا قرأتهاوشفتها في التليفزيون.
كمان الواقع اللي عيشاه في مدينه السادات أكبر دليل علي صحه الاحصائيات دي .
عندنا اللي عايز مخدرات يروح يجبها بليل من أي صيدليه و والدتي أصيبت بفيرس سي من دكتورأسنان عندنا .

اقتباس:

المشاركة الأصلية كتبت بواسطة the matrex (المشاركة 3733949)

الكلام اللي حضرتكdr.toka قلتيه صح ميه في الميه بس كلامي اللي قلته مش من فراغ دي احصائيات معموله في مصر أنا قرأتهاوشفتها في التليفزيون.
كمان الواقع اللي عيشاه في مدينه السادات أكبر دليل علي صحه الاحصائيات دي .
عندنا اللي عايز مخدرات يروح يجبها بليل من أي صيدليه و والدتي أصيبت بفيرس سي من دكتورأسنان عندنا .

بصى ياقمر انا معاكى ان فيه كدة بس دول اقليات ياجميل مينفعش نعمم مش كل صيدلى بينشر المخدرات ومش كل طبيب اسنان بينشر فيروس سى انتى صح والله بس بلاش نعمم فعلا فيه ناس معندهاش ضمير بس فيه ناس تانين عندهم اتقان ومحترمين ودكاترة ممتازة ولو فرضا ان كلهم بيعملوا كدة يبقى كمان الطبيب البشرى وحش لانه كمان بيسبب احيانا ضرر لمريض لدرجة انها تبقى عاهة مستديمة وممكن يهمل فيصيبه برضه بمرض اسوأ ودى برضه بتتكرر كتير بس منقدرش نعممها

هي كلية طب الاسنان فيها تكليف

اقتباس:

المشاركة الأصلية كتبت بواسطة احمد خالد عبد الحميد (المشاركة 3753465)

هي كلية طب الاسنان فيها تكليف

هى المفروض ليها تكليف بس المشكلة ان كان فيه قرار نازل السنة اللى فاتت بان تكليف كليات الطب بشرى واسنان وبيطرى وعلاج طبيعى يتلغى 2014 يعنى لو حضرتك هتتخرج بعد 2014 يبقى ملكش تكلييييييييف

ياجماعة انا كنت محتار فعلا بس لقيت ان اسنان افضل الانالصيادلة بقوا كتير وكل منطقة فيها اكتر من 3صيدليات

على فكرة انا كنت بفكر في اسنان بس قالولي مفيش حد بيروح لداكترة ستات معرفش ليه وكمان العياده بتكلف مصاريف جامده