هاي سارة انا ف صيدلة الجامعة الالمانية وفي هندسة عندنا ف الجامعة احسن هندسة ف مصر هي وهندسة الامريكية فلو عوزتي اي معلومات عنها انا موجود

مرسى اوى ي احمد ربنا يخليك و اكيد لو احتجت حاجة مش هلاقى احسن منك اسألة عن الجامعات دى
ثانكس ع اهتمامك

انا بس ليا تعليق مين اللي قالك ان نظرة الناس للخاص وحشة اولا انا مختلف مع نظام التنسيق الفاشل اللي ف مصر يعني ايه واحد او واحدة مادخلش الكلية اللي هو عايزها عشان نص درجة ولا درجة مع انه احق كتير من ناس كتيرة اعلي منه الموضوع مش بالمجموع خالص طب ماانا دخلت الجامعة عندنا والحمد لله جبت جيد جدا اول سنة الموضوع موضوع اجتهاد ف الجامعة مش اكتر ولو هنبص لكلام الناس صدقيني مش هنتعلم ياسارة

عندك حق والله و عارفة ان الاهم ان الواحد ينجح ف المجال اللى داخلة و يكون حابة و يقدر يتفوق فية انا مقتنعة برأيك اويييييييييييييييييييي بس هو نظام فاشل و سورى يعنى تفكير الناس مش ناضج كفاية انهم يفهمو ان الواحد او الواحدة اجبر ع كدة و ان دم مش بارادة...انا سألت ناس و كدة قالولى خاص اية دة بتاع الفاشلين والله قالو بالظبط كدة مفكروش انه انسان عايز يحقق حلمة....و ربنا يوفقك ف كليتك و يسهلها لينا بقى

ثانكس ع اهتمامك

الكلام ده لو جامعة نص كوم انما احنا بنتكلم ف المانية وامريكية احسن جامعتين ف مصر دلوقتي ع العموم ربنا معاكي بس نصيحة بجد ماتخليش كلام الناس يأثر عليكي

اكيييييييييييد يا احمد الجامعات دى اصلا ما بتهظرش و كلنا عارفين كدة و لو دول نص كوم يبقى مين الكوم بقى :( ....انا فاهمة قصدك و مقدرة جدا اهتمامك دة و الله

انا رديت كتير ورخمت كتير بس هقول رأى وخلاص
انا متفق معاك جدا يا احمد ولو الجامعه اللى انتى هتدخليها المانيه او امريكيه فدا بيبقى فعلا افضل من الحكومى
لكن عندى تعليق بسيط كلية حاسبات والله أقوى من هندسة قسم كومبيوتر وكان ف موضوع هنا ف المنتدى بيقارن بينهم بالتفصيل
يبقى مدام ان شاء الله هتلحقى حاسبات ليه تدخلى خاص وهى كليه ممتازة جدا بالشكل دا على الاقل مفيهاش مصاريف خالص
بس الاهم انها والله دلوقتى احسن من هندسة قسم كومبيوتر
يعنى يبقى قدامك الحكومى ومجموعك جايبه وتدخلى خاص ليه
وعلى فكرة نبذة بسيطة ان بتوع الهندسة بيميلوا بشكل كبير للتصنيع وزى عارفين ان اول كى بورد مصر هتنتجة هيبقى عام 2220
يعنى ملهاش مجال شغل ف مصر وبيضطروا يشتغلوا ف الصيانه والصيانه دى بقى هى اللى اى كورس بيتساوى بيها
لكن الحاسبات مختلفة تماما لانها برمجة
وربنا يهديكى للى فيه الخير ليكى

انا و الله لسة مش ضامنة حاسبات ممكن تروح منى ع 0.1% ربنا يستر

و متقولش رديت كتير و رخمت كتيير دى طب م انا عمالة اتكلم و ارد من الصبح و ارخم ع اى حد بيدخل هنا باسالتى دى ع كدة اخد نفسى و اسيب المنتدى خالص و دة برضة كلام :)
متقولش كدة تانى بليز
و انا بجد نفسى اشكرك ع اهتمامك دة بس قايل عليك بجد و ع نصايحك ليا و يارب يقدم اللى فىه الخير و يستر بقى :(

متخفيش خالص أنا مطمن وإن شاء الله تدخلي حاسبات ومعلومات
وبطلي قلق عشان خاطري

ربنا يسمع منك يا محمد بجد ربنا يستر بقى :(