بوابة الثانوية العامة المصرية - دعوة لوقف ومنع ظهور هذا السخيف

صفحة 3 من 4

عرض 50 مشاركات من هذا الموضوع لكل صفحة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - دعوة لوقف ومنع ظهور هذا السخيف (https://www.thanwya.com/vb/showthread.php?t=140607)

marwa.m

30-07-2009 09:22 PM

اقتباس:

المشاركة الأصلية كتبت بواسطة street man (المشاركة 1451835)

مين حسام داغر ده بقي

كويس انك متعرفوش :d

The Secret

31-07-2009 02:36 PM

اقتباس:

المشاركة الأصلية كتبت بواسطة أسيل رزق (المشاركة 1449613)

بصراحة القناة دى بوظت سمعتها بنفسها
التوك شو دا كمان حاجة سخيفة جداً
و سيد أبو حفيظة اللى بيتريق على تراب الأرض
القناة دى عليها حبة برامج تجيب الضغط :bosyht9:
ربنا يحفظنا و يرحمنا برحمته

ربنا يصلح حالنا ويصلح الاعلام بتاعنا الواقع

اقتباس:

المشاركة الأصلية كتبت بواسطة sara aly (المشاركة 1449722)

بصراحه عندكم حق
انا مش عارفه يعنى هو مبسوط من منظره ده
غريب والله وغلس جدا جدا:angry2:

هما كانوا عايزين يقلدوا اعلان زيى دا بيتذاع على قنوات اوربية بس فشلوا ميه فى الميه

اقتباس:

المشاركة الأصلية كتبت بواسطة _duque shoot_ (المشاركة 1449737)

اقتباس:

المشاركة الأصلية كتبت بواسطة _duque shoot_ (المشاركة 1449737)

سيد ابو حفيظة الاعلامى الكبير

محدش يتكلم عليه ده رمز من رموز الاعلام المصرى

ده اتولد علشان يكون نجم
ده زيه زى مصطفى امين والناس العملاقة

لا رمز ولا نجم دا حتى دمه يلطش وحرام عليك تجيب دا جمب مصطفى امين ولا على امين

اقتباس:

المشاركة الأصلية كتبت بواسطة أسيل رزق (المشاركة 1449773)

الكااااابوس أبو حفيظة
و الله أنا إتخضيت لما شفت الإعلان ده .. الناس دى مش فاهمة حصلهم إيه
مش فاهمة ناس كبار زى اللى فى الإعلان يمدحوا فيه كده !!
ربنا يهدى

..........

اقتباس:

المشاركة الأصلية كتبت بواسطة شريف الخضري (المشاركة 1449776)

هههههههههههههههههه عندك حق يا اسلام . فعلا هي قناة اسخف مايمكن يلا يعني هي جت عليها

..........

اقتباس:

المشاركة الأصلية كتبت بواسطة _duque shoot_ (المشاركة 1449794)

ههههههههههههههههههههه
ناس مين انتى صدقتى
ده تركيب دى حتت من برنامج الحلم بتاع عمرو دياب
وحاجات تانية تركيب :d
بس بينى وبينك امور اوى ابو حفيظة :d

لو المشكلة ف انه امور او مش امور تبقى سهلة

The Secret

31-07-2009 02:44 PM

اقتباس:

المشاركة الأصلية كتبت بواسطة abou aliaa (المشاركة 1449946)

فراغ فكري و بطالة و فقر
أحلى مناخ لظهور مثل هذا الاسفاف و الاستخفاف بعقول الناس
و قال أيه البلد بتتوجه نحو البحث العلمي
سلملي على أبو حفيظة

يوصل يا باشا

اقتباس:

المشاركة الأصلية كتبت بواسطة marwa.m (المشاركة 1449947)

ههههههههههههههههههه

انا اول ماشفتة كنت فكراة ست مش راجل

لحد ما اخواتى قلولى

بصراحة معاك حق لان القناة بقت رخمة فى كل حاجة

انا كمان كنت فكراه وحدة ست بس للاسف اتحسب علينا راجل

اقتباس:

المشاركة الأصلية كتبت بواسطة mr.hani (المشاركة 1449963)

ده من قبيل اللهو

تلهية الناس عن التفكير فيما يجري فى جميع المجالات

وشغل وقتهم لكى لا يفكروا فيما هو موجود

وابعادهم عن الشكاوى مما يحدث

سياسة امريكية بس فاشلة

اقتباس:

المشاركة الأصلية كتبت بواسطة dr.asmaa (المشاركة 1450022)

هو كمان راجل حسبى الله ونعم الوكيل

اللى يعيش ياما يشوف

اقتباس:

المشاركة الأصلية كتبت بواسطة أسيل رزق (المشاركة 1450220)

جايز برده .. بس فاكرة انهم كانوا بيقولوا اسمه
أها أمور .. شبه ناس أعرفهم :d
هى قناة كويسة بس من غير الحاجات الغريبة اللى بيقدموها دى
ربنا يهدى برده

بصراحة انا مش شايف فيها حاجة كويسة تستاهل يتقال عنها انها كويسة

M.E.M.s

31-07-2009 03:17 PM

دى قناة فعلا ضايعة انتو ماشفتوش الحمقى بيقلدوا الإعلامية المحترمة منى الشاذلى ازاى عاملينها استغفر الله العظيم حولة و كمان زى القرد انا مش عارف ايه ده؟
كان زمان فى انتقاد و تقليد خفيف اما دلوقتى بقى باجح
انا اسف ع اللفظ
بس لازم المقاطعة

The Secret

31-07-2009 03:21 PM

اقتباس:

المشاركة الأصلية كتبت بواسطة bosy .. mostafa (المشاركة 1450252)

الشخص ده خريج بيطري و مالقاش شغل
و اشتغل في كام فيلم و فشل
فقال يعمل واحده ست
و بجد سخيف اوي و رخم
و ربنا هيحاسبه عاللي بيعمله ده
القناه دي اصلا بقت رخمه
نايل كوميدي ارحم بكتير
و سيد ابو حفيظه ده شلنىىىىىىىىىى اوف
شكراً للموضوع

عفوا

اقتباس:

المشاركة الأصلية كتبت بواسطة abdo4101 (المشاركة 1450435)

والله الاعلانات اليومين دول بقت اخر قلة ادب يعنى واحد لااجل ويمل واحده ست ولا التوك شو الظريف ده
ولا الاعلانات بتاع بيريل " اشرب واسترجل " يعنى لو ما شربش مش هيبقى راجل ولا ايه
طيب لو بنت هتشرب هتبقى ايه بقة
http://www.facebook.com/s.php?q=%D9%...837&topic=7044
حاجة بقت اخر سخافة

زيى ما قولت المفروض الاعلام يكون ليه هيبة شوية مش اى حاجة تتقال وتتعمل

اقتباس:

المشاركة الأصلية كتبت بواسطة _Duque Shoot_ (المشاركة 1450487)

طيب ما تيجى نجيب من الاخر
اسم الموضوع (دعوة لوقف ومنع ظهور هذا السخيف)
ماشى وبعدين انا عامةً مش بتفرج عليه
ايه المطلوب منى او من غيرى اكتر من كده
متفرجش عليه اوك مش هتفرج غيرى هيتفرج
يعنى الحاجة عجباك اتفرج عليها مش عجباك غير القناة
انما دعوتك دى مش هتوصل للاخ ده ولا هتوصل للقناة
ولو وصلت برضه مش هيتوقف البرنامج لان من وجهة نظرهم البرنامج ناجح
ثم دى قناة كوميدية فى المقام الاول
يعنى الهدف منها انك تضحك
وزى ما قولتلك مش عجبك البرنامج او القناة متتفرجش عليهم
شكرا

اقل ما فيها ابقى عبرت عن رايى وقولت اللى جوايا علشان انا مقدميش غير طريق واحد اعبر بيه عن رايى
اللى هو الانترنت
وبعدين الاعلان يتوقف ميتوقفش دى حاجة ترجعلهم هما بس كل ما ف الامر انى قولت اللى جوايا وخلاص
ثانيا هو اصلا مش راضى عن الاعلان دا يعنى مش عارف الاعلان دا شغال ليه لحد دلوقتى

http://www.horytna.net/articles/deta...=259&AID=13421

وقناة كوميدة يعنى المفروض تخلى الناس تضحك مش تتخنق

اقتباس:

المشاركة الأصلية كتبت بواسطة عاشقة القراءه (المشاركة 1450496)

عندك حق اخى فى الله اسلام
ده حتى الله لعن الرجال المتشبهين بالنساء
و انا اؤيد هذا النداء
تحياتى
جزاكم الله خيرا

جزانا واياكم

الاسطورة

31-07-2009 03:22 PM

مووجة كوميدى دى
اسخف قناة فضائية قابلتها ف حياتى
المفروض يسموها موجة رخامة موجة غتاتة

والله لو اى حد يقدر ياخد اجراء رسمى ف الموضوع ده فا انا معاه

_GUIDE_

31-07-2009 03:24 PM

اقتباس:

اقل ما فيها ابقى عبرت عن رايى وقولت اللى جوايا علشان انا مقدميش غير طريق واحد اعبر بيه عن رايى
اللى هو الانترنت
وبعدين الاعلان يتوقف ميتوقفش دى حاجة ترجعلهم هما بس كل ما ف الامر انى قولت اللى جوايا وخلاص
ثانيا هو اصلا مش راضى عن الاعلان دا يعنى مش عارف الاعلان دا شغال ليه لحد دلوقتى

http://www.horytna.net/articles/deta...=259&aid=13421

وقناة كوميدة يعنى المفروض تخلى الناس تضحك مش تتخنق

انا مقتنع بكلامك وهنزل موضوع ان شاء الله قريب عن الكلام ده
وعن المواضيع اللى بتنزل فى المنتدى اللى بالشكل ده وشوف ايه وجه الفائدة وايه وجه الضرر

M.E.M.s

31-07-2009 03:27 PM

كلنا معاك بس يلا إدونا الإشارة و احنا جايين

رزيق	31-07-2009 03:43 PM

كنت اتمنى اشوف برنامج اذاعى هادف ونقد هادف لسيد ابو حفيظة بدلا من هذا الاسفاف واللخبطة فى الاحداث وعدم الاستفادة من اى شىء

The Secret

31-07-2009 03:57 PM

اقتباس:

المشاركة الأصلية كتبت بواسطة banzer (المشاركة 1450568)

هو هنا قلبوها توكيل للقناة وانا مش واخد لبالي ولا ايه

واشمعنا القناة ده اللى بقت وحشة عشان الاعلان ده ولا كام اعلان

ما القنوات كلها مليانة بلاوي :d

تقدر تقول رايك ف اللى شايفه مليان بلاوى

اقتباس:

المشاركة الأصلية كتبت بواسطة أسيل رزق (المشاركة 1450611)

إسلام جاب من الآخر
بس أنا عايزة أضيف حاجة بسيطة و خلاص
لو كانت الاعلانات و البرامج دى موجودة من 5 سنين فاتوا كنا هنقول إيه قلة الأدب و المسخرة دى
إنما دلوقتى مش متقبلنها
إن كان فى العمر بقية بعد سنتين أو 3 سنين متوقعة إن الاعلانات و البرامج دى هتبقى شىء طبيعى فى حياتنا و لا هنقل قلة أدب ولا هنقول مش متقبلنها لإن المجتمع خلاص بيتأقلم على الشىء الغريب لما يستمر فى وجوده داخل المجتمع و هيبقى عندنا شعور تبلد .. بقينا بنشوف الشىء الغريب و إنتشر وجوده و خلاص

اقتباس:

المشاركة الأصلية كتبت بواسطة أسيل رزق (المشاركة 1450611)

فالحكاية مش حكاية شىء غريب بيعرضوه دا هيبقى سبب فى تدمير المجتمع أكتر ما هو متدمر
و ما خفى كان أعظم

ربنا يرحمنا برحمته ويهدى الجميع

كلامك جميل جدااا وزيى ما حصل طباع ناس كتير من الشعب تطبعت من طباع الحكومة مع مرور الوقت

اصبح انه اى موظف دلوقتى مش هيتحرك من مكانه غير لما تدليه عشرين جنيه تلاتين جنيه على

حسب المصلحة اللى هيقوم بيها ف الاول الناس كانت تزعق وتقول مش هدفع وتتخانق بس مع مرور

الوقت اصبح شئ عادى ومفيش مفر منه والخوف من كدا انه الحجات دى تبقى عادى خالص عندنا

اقتباس:

المشاركة الأصلية كتبت بواسطة sai (المشاركة 1450613)

أنا حاسس إن الموضوع إتقلب
"قناتك المفضلة"
بس علي فكرة القنوات دي مش رحمة
دي عذاب
:):):):)
ربنا يهديهم كلهم
و بعدين ما كتير من الممثلين بيعملوا كده
أنا مش عارف هو عمل إيه بس في ناس بتقلد النساء
فاللي بأيدنا ندعلهم
ربنا يهديهم كلهم
قوموا صلو العصر أحسن
:slap1qk6::slap1qk6::slap1qk6:
بلا حفيظة بلا بتاع

اقتباس:

المشاركة الأصلية كتبت بواسطة sai (المشاركة 1450613)

مش معانا غير نقولهم ربنا يهديهم ويهدينا

اقتباس:

المشاركة الأصلية كتبت بواسطة اوركيديا (المشاركة 1450881)

اممممممممم
انا معاك
بس مجرد ان الواحد يقول و انا مالى
مش كويس
نظريه و انا مالى نظريه فعاله جدا فى الامور الشخصيه
قناه و مش عجبانى يبقى خلاص عندك حق مش اشوفها و مشكلتى (انا ) اتحلت
بس فين مشكله المجتع حواليا
نفس منطق اى مظاهره او حمله
نفس منطق اى مناداه باى حقوق
اللى بيتظاهروا عشان الحريه و الديموقراطيه هنا
هل حيفيدهم ده بحاجه
لاء
بس هما بيعملوه لمجرد ابداء الراى يمكن فى يوم تجيب نتيجه
و لو مش جابت
يبقى الواحد عبر عن رايه

حاجه زى الفرخه لما بتدبح
بتفضل تجرى فى كل مكان و كل حته و تطلع اصوات
هل ده حيفيدها
هل حيخليها مش تموت
طبعا لاء
بس هو مجرد تعبير عن الاعتراض
عن الرفض
عن الموت
و بدون التعبير ده
هى مش ليها وجود
:)
فهمتنى ؟

اه صح يا موها بجد و الله انا لغايه دلوقتى ما اعرف بتتكلموا على مين و لا على قناه ايه
انا برد بالشبه
:d

يلا فى رعايه الله

اقتباس:

المشاركة الأصلية كتبت بواسطة اوركيديا (المشاركة 1450881)

كلام منطقى جداا

وجايز تجيب نتيجة وجايز متجبش محدش عارف

بس منبقاش سكتنا على حاجة زيى دى

The Secret

31-07-2009 05:43 PM

اقتباس:

المشاركة الأصلية كتبت بواسطة بنوته اهلاويه (المشاركة 1451036)

عاجبنى اوى موضوع الفرخه والاحلى انك مش عارفه القناه
المهم انا شايفه ان كلام الباشمهندس اسلام صح
ونظريه انا مالى هى اللى تنفع هنا اما نظريه الفرخه للاسف معتقدش انها فى مكانه المظبوط
لان المشكله مش فى القناه دى بس
الاعلام بوجه عام لو عاوزه تسمعى حاجه وتسنضفى الجزيره والثائقيه
المشكله ان احنا نفس اعتراضنا مش هيجيب غير الام حاده فى الرأس مع ارتفاع ضغط الدم
العمليه بئا ان احنا نشتغل حبتين تلاته لغايه محد محتر مننا يمسك وزاره الاعلام ويبقى يظبط
والعمليه كلها مش بتبدأ من الشاشه العمليه داخليه فىى نفسيه المشاهد نفسه
ع فكره انا مش ضد برناج سيد ابو حفيظه انا بسترخمه بس
بس مش وحش الصراحه
مسلى الواحد مش المفروض يقعد 24 ساعه منكد ع نفسه
اهو بنتفرج ع الدنيا بشكل ساخر
مش بيفرق عن بنى ادم شو اللى بستسخفه
الا انى بحب الناس اللى بيستضيفها !!
مش كل اللى احنا شايفينه صح ومش كل اللى بيعملوه غلط والعكس صحيح
اما عن فكره المقاطعه مبالغ فيها اوى لانها مش هتوصل لشريحه من الشعب
ولو وصلت فمحدش هيعبر اعتقد ان الاصلاح داخل الانسان احسن ميت مره من اصلاح مظاهر محيطه يوم ميتصلح حاله هيعرف يبعد عن التفاهات دى
ومش هتكون فى الشخصيه التافهه اللى تعمل حاجه زى دى

خلاص اللى عاجبه يتفرج واللى مش عاجبه يقلب القناة ويريح نفسه وف الاخر دى حرية

اقتباس:

المشاركة الأصلية كتبت بواسطة sai (المشاركة 1451045)

لأ حضرتك إسلام قصده
إن حتي لو إحنا إقتنعنا و مش هنتفرج عليه
(ولا أعرفه أساسا)
ده مش هيقدم ولا هيأخر
هو هيفضل يتعرض
و الناس هتتفرج
و مش هيحصل حاجة
و مش هيتمنع

يعني دعوة سلبية علي ما أعتقد
و هو عنده حق ده مش هيغير
حتي لو حاولت
:078111rg3::078111rg3:

جايز وجايز محدش يعرف ايه اللى هيحصل

اقتباس:

المشاركة الأصلية كتبت بواسطة amethyst (المشاركة 1451128)

يعني هي دي أول مرة نشوف راجل عامل ست و العكس
ما ياما بيعملوها في الأفلام العربية
:angry2:
و حاجة سخيفة جداا
و أبو حفيظة ده كمان
بلوى و طلعت
بيتريق على الناس
فيه حاجات بيتريق عليها ممكن نمشيها
و له حق فيها
إنما الناس المحترمين اللي بيتريق عليهم
يعني لا تعليق إما يعلق على حد محترم
للأسف يا سكريت
رسالتك و رسالتنا مش هتوصل
و عمرها ما هتوصل
و لو وصلت
احنا مش بإدينا نغيرها و لا نغير القناة
و لا نغير أي حاجة
إيه رأيك
نقلب احنا من القناة دي و نسيبها خالص
مش عاجبك مش تتفرج
و القناة دي من وجهة نظري فاشلة
لو كانت بتجيب كوميديا نظيفة
كان ممكن حد يحترمها
بس كده
سلاموف
:d

يكفى ان احنا عبرنا عن راينا وقولنا دا مش عجبنا ومش عايزينه اما حكاية انهم يوقفوه او لا زيى ما

قولت حاجة بتاعتهم هما

The Secret

31-07-2009 06:00 PM

اقتباس:

المشاركة الأصلية كتبت بواسطة اوركيديا (المشاركة 1451306)

مش فهميتنى
اكيد ان الاعلام نفسه هو اللى بايظ
بس انتوا بتقولوا ان حتى فكره اننا نقول على الغلط ان ده غلط انتوا رافضينها
مجرد تعبير عن رايي
شايفينه غلط
زى ما قولتلك منظمات حقوق الانسان اللى فى اى بلد غربى
هل حتستفيد من مظاهرات الاحتجاج عن السياسات بتاعت حكوماتها
اكيد لاء
هل كلامهم حيغير
بردو لاء
بس هما بيعملوا من اجل التعبير عن الراى
و لو مش وصلوا غير لمجرد الشعور بالذات يبقى كسبوا
و احنا بردو زيهم
مجرد انى انشر رفضى عن القناه بين الناس هى دى الفكره
مجرد انى اعبر عن رفضى ان ليا فكر و ليا هدف و ليا منطق اقدر اقنع بيه اللى حواليا
مجرد انى اثبت لنفسسى انى املك دول
يكفى جدا

اقتباس:

المشاركة الأصلية كتبت بواسطة اوركيديا (المشاركة 1451306)

امممممممم
و هل الانسان اللى بيتابع فجاه حيحس ان الكلام ده غلط
اكيد لاء
كلها تراكم خبرات
كان فى مثال جميل كنت قريته
بيقولك لو كل واحد قال لخمسه غيره معلومه معينه
و طلب من كل واحد من الخمسه انه يقول لخمسه تانيين
و فرضا استمرت العمليه دى لساعتين فى خلالهم حيبقى حوالى 100 الف واحد عارفين
و لو استمرت يوم
حيبقى ملايين عرفوا حاجه كده قد تعداد القاهره
متخيله العمليه
كل ده طبعا بمتواليع عدديه
بس شوفى ممكن يحصل ايه بمجرد نقل معلومه
فلو كل واحد قال رايه اكيد بياثر فى غيره و غيره بياثر فى غيره
المهم ان الحكايه مش تقف عندى
و اقول لما ابقى اصلح نفسى الاول
هو انا حغير الكون
:romarioxp6:

رديت على الحته دى فوق يا محمود
بس اللى كنت عايزه اقوله هنا
ان عمر ما فى دعوه بتدعو لاننا نعمل حاجه صح
تبقى دعوه سلبيه
لو اثرت على واحد بس
تبقى ايجابيه
:)
ايون صح
عودا احمد
:)

فى رعايه الله
[/center]

كلامك منطقى وهو دا اللى ااقصده

اقتباس:

المشاركة الأصلية كتبت بواسطة snow angel (المشاركة 1451382)

يا جماعه موضوع حسام داغر فعلا مستفز و جدا كمان لانه بيعمل حركات غلسه و بيحاول فعلا تقليد ست و مش ست عاديه بس اذا كان فى عيب عليه لانه قدم و وافق على حاجه زى كده فالعيب على القناه اللى خلت ده حاجه زى شعارها و سمحت بتقديمه و تطويره
اما بالنسبه لسيد ابو حفيظه فهو احيانا بيبقى مش عنده حق و غلس و احيانا بيبقى بيتكلم فى مواضيع مهمه و حقيقى بتحصل فى حياتنا كتير
و فى بردو برنامج غلس موت بتاع النكت ده
بس فى الاول و الاخر العيب فى القناه اللى سمحت بتقديم اشياء زى دى و تطويرها

والعيب الاكبر ان احنا نتفرج ونتابع الحجات دى

اقتباس:

المشاركة الأصلية كتبت بواسطة mahmoud_taha (المشاركة 1451590)

هيا المشكلة فى الراجل دا بس
طب ما ندور فى باقى القنوات ايون المحطة دى لا اللى بعدها ايون هيا دى
فيها اعلانات مشابهة
وناس سخيفة واعلام اسخف
المشكلة مش فى الراحجل نفسه
المشكلة فىاللى ماسكين القناة
لو واحدة ست كنا قولنا ماشى رقاصة وبترقص
انما واحد يعمل كدا دى تبقا اسمها قلة ادب
ثم دا موش شكل بنى ادماية اصلا منه كتير فى حديقة الحيوانات على فكرة
معنتش بتفرج على القناة دى اصلا
بس زى ما الناس بتقول اللى مش عاجبه ميتفرجش
المشكلة مش فيه هو
المشكلة فيك انت ازاى تشوف حاجة زى دى
لو شوفتها وتابعتها تبقا راضى عنها اصلا
فالحل قاطعها
موجة كوميدى
الضحك من اول نظرة
تيك كير بقا

هو دا اللى بنقوله

شكرا ع المرور

The Secret

31-07-2009 06:27 PM

اقتباس:

المشاركة الأصلية كتبت بواسطة mina_totti65 (المشاركة 1451609)

اه والله عندك حق
+زى ما تانى رد بيقول
سيد ابو حفيظه الخنيق الرخم الممل البارد السخيف
والتوك شو +انتظروا السخافه الكبرى فى مسلسلات كوم فى رمضان وكل سنه وانتم طيبين

وانت طيب

اقتباس:

المشاركة الأصلية كتبت بواسطة بنوته اهلاويه (المشاركة 1451651)

فهمينا

احم واضح انك انتى موش فهمتينى

مش مسأله التعبير عن الرأى

العمل

عندك كام ايد يا بطبوطه

اتنين

وكام بق

واحد

اعتقد ان احنا نشتغل اكتر اصل الكلام كتير اوى

احم فرمل بئا هنا

مين قالك ان المظاهرات بتاعه حكوك الانسان والحيوان حتى مش بتعمل نتيجه بره

بره مش زى هنا

هناك فى ناس بتسمع

ناس بتتكلم

ناس بتشتغل

ونحط خمسين خط تحت بتسمع وميه تحت بتشتغل

لانهم عارفين زى مقلتلك ان فى استجابه فى حكومه هتسمع

ولذلك بيتكلموا

بصفتك ناويه تتخصصى ناحيه نفسيه باين

فى حاجه بتحصل للاطفال كده او مش حاجه

لما الطفل بيبقى عاوز حاجه

بيروح يطلبها من اهله

لو اهله مش هيعملوها بيفضل يزن \وفى الاخر بيسكت

الحكومه هى اهله

رد فعل الاهل بينقسم لحاجتين

جزء بيستجيب لرغبه الطفل لو معقوله

ودى حكومات بره

وجزء بيعرض عن تلبيه اى رغبه

ودى الحكومات بتاعتنا

فالكلام بتاعهم هناك فى بلادهم ليه مردود ليه رد فعل

كلامنا فى بلاد الواك الواك

ملوش صدى صوت حتى

ودن من طين والتانيه من عجين زى مبيقولوا

ستوووووب

انتى بتقارنينا بمين يابنتى ولا فى وجه مقارنه مينفعش اقارن بينى وبين حد سابقينى بسنين ضوئيه حضرتك

احم يخربيت المنطق يا بت هيجيلك حساسيه

المهم

فكر ومنطق وهدف

هدف من غير تحقيقه يبقى نبل ونشرب ميته

اقتباس:

المشاركة الأصلية كتبت بواسطة بنوته اهلاويه (المشاركة 1451651)

هو انا لغايه دلوقتى مش شايفه علاقه بين الرد والاقتباس
بس ده ميمنعش
ان فكرتك نفسها مفهومه
بس
انتى مشكلتك انك بتتكلمى عن شعب تانى
خليك فى شعب الواك واك يا ولاء
واتكلمى عن الرشيحه السايده فى المجتمع
او بمعنى اصح متبصيش لنفسك بصى تحت شويه
احنا البلد الوحيده اللى الطريقه اللى انتى قلتيها عشان الفكره توصل لمليون مش بتنفع غير فى حاله واحده
الاشاعات
فقط لا غير
يبقى ننضف العقول الاول ةبعد كده نحاول ننشر فكره معينه

اهو يبقى قولنا راينا وخلاص وحد يسمعنا او ميسمعناش دى مش مشكلتنا احنا

اقتباس:

المشاركة الأصلية كتبت بواسطة street man (المشاركة 1451835)

مين حسام داغر ده بقي

ممثل بس مش مشهور اوى

اقتباس:

المشاركة الأصلية كتبت بواسطة travel (المشاركة 1458662)

ايه ده
هو طلع راجل:huh:
والله مكونتش اعرف انه راجل خاالص كل مرة اشوف الاعلان
اقول راجل ,ست,راجل,ست
ف الاخر
قولت دويتوا وخلاص
:d
بس عليه ضحكة مفيش ست بتعرف تضحكها اصلا
قناة غبية بس العيب مش ف القناة اصلا .. العيب ف الاعلام
لانه لما غير الترددات بتاعة القنوات وقال علشان القنوات الاباحية والحاجات اللى بتنزل والوثيقة اللى اقرتها جامعة الدول العربية وحاجات غريبة
كان المفروض ان الحوار ده وظيفته تطوير الاعلام المصرى وقنواته
انما للاسف
كل ما بيفكروا ف تطوير للاحسن
التطوير بيتعاقب عليه تغير يغيره من الاحسن للاسوأ

ماله بس
سى السيد/سيد ابو حفيظة
ده راجل بركة عاوز يمحى الرجالة من ع وش الارض
بجملته الشهيرة المستفزة
سيداتى وسيداتى
:d
ولا القبلة الهوائية بضم القاف
شخصية غريبة
بس لو فسرنا شخصيته هتلاقيها ماشية مع الاعلام المصرى ;)
ثوكرا للموضوع

هههههههههههههههه
هى لسه بتتكلم ب(المنطق) برضوا
:d

اقتباس:

المشاركة الأصلية كتبت بواسطة travel (المشاركة 1458662)

شكرا ع المشاركة

اقتباس:

المشاركة الأصلية كتبت بواسطة marwa.m (المشاركة 1458698)

كويس انك متعرفوش :d

............

The Secret

31-07-2009 06:40 PM

اقتباس:

المشاركة الأصلية كتبت بواسطة محمد عماد الدين محمد (المشاركة 1460688)

ياريت كلنا منتفرجش عليها القناة دى

اقتباس:

المشاركة الأصلية كتبت بواسطة الاسطورة (المشاركة 1460707)

ربنا يهديهم

اقتباس:

المشاركة الأصلية كتبت بواسطة _duque shoot_ (المشاركة 1460718)

ف انتظارك

اقتباس:

المشاركة الأصلية كتبت بواسطة محمد عماد الدين محمد (المشاركة 1460732)

كلنا معاك بس يلا إدونا الإشارة و احنا جايين

اشارة ايه بالظبط

اقتباس:

المشاركة الأصلية كتبت بواسطة رزيق (المشاركة 1460795)

شكرا ع المرور

شريف منير

31-07-2009 06:46 PM

حسناً يا جماعة .. وما رأيكم فى البلوة الجديدة التى انتشرت على معظم القنوات !!
( اعلانات أدوية علاج الضعف الجنسى ) ؟ حاجة تكسف ..

جميع الأوقات بتوقيت GMT +2. الساعة الآن 05:02 AM.

صفحة 3 من 4

عرض 50 مشاركات من هذا الموضوع لكل صفحة