الحجز على الانترنت هو لمنحة وزارة الاتصالات
الموقع www.icdlegypt.gov.eg
بس بشروط
1- بطاقة حضرتك يكون مكتوب فيها حاصل على
2- خطاب من التأمينات يفيد أن حضرتك غير مؤمن عليه ( وده سهل من مكتب التأمينات اللى حضرتك تابع ليه واطمن العاملين بالأزهر غير مسجلين على الحاسب فالخطاب بسهولة جدا )
3- حضرتك بعد تسجيلك بالموقع واختار مكز الداسة هتروح المركز وتدفع مبلغ 200 جنيه تأمين يسترد عند النجاح
وهتعمل امتحان مبدئى
بس انا مش برشح النظام ده لأنه بيطلب فترة طويلة جدا وكمان شهادة محلية مش دولية
ومشاكله كثير
وحضرتك ممكن تعرفنى أنت منين ؟ وأنا أقول لحضرتك على أنسب نظام ؟

مسيو ايهاب مجهود رائع لكم
وبالتوفيق لكم فى جميع مجالات الحياه
انا اطلب منك طلب ممكن يكون صعب شويه
انا عاوز المراكز المعتمده كلها على مستوى محافظتى كفر الشيخ والدقهليه وليس المراكر التى تعطى المنحه فقط
وياريت توضح ليا ولكل المنتدى الفرق بين المراكز اللى بتدى شهاده محليه غير معتمده
وشهاده المعتمده من المراكز المعتمده هيا ايه لانى محتاجه ضرورى
بالنسبة لمحافظتى كفر الشيخ والمنصورة
على فكرة انا فاتح سكيل كارت فى المنصورة ( مركز الحساب العلمى بالجامعة )
هل معتمد خارجى ام محلى

ولكم جزيل الشكر

شكرا استاذنا الفاضل
أولا بالنسبة لمعرفة المراكز المعتمدة على مستوى مصر كلها وليست الخاصة بالمنحة يمكن معرفتها عن طريق الاتصال بمكتب اليونسكو بالقاهرة ودى بياناته :
Operator: UNESCO Cairo Office
Address:
8 Adbel-Rahman Fahmy Street
Garden City
Cairo 11451
Email: m.ashraf*unesco.org
Phone: + 2 02 27945599
Fax: + (20) 2 7945296
Website: http://www.unescoicdl.org

أما بخصوص الفرق بين الأسكيل كارد الخاص بوزارة الاتصالات egy والأسكيلككارد الخاص باليونسكو Un
عن تجربة عملية : السفارات وكل الدول العربية بترفض تأخد الشهادات صاحبة الترميز egy منحة وزارة الاتصالات الا ما رحم بى على الرغم من أنى موقع وزارة الاتصالات نشر ده فى الصفحة الرئيسة
ملحوظ هامة خاصة بأكواد التسجيل للرخصة الدولية لقيادة الحاسب الالى في مصر : منعا لاي شك، تؤكد المؤسسة الأوروبية لقيادة الحاسب الالى (ECDL ) أن ارقام التعريف الخاصة بالمرشحين في مختلف بلدان العالم يتم تمييزها بحروف تعريفية – كود- لتميز البلد الصادرة منها، و يقوم باصدار هذه الاكواد الهيئة المرخص لها بهذه البلد و التي تم اعتمادها من قبل المؤسسة الأوروبية لقيادة الحاسب الالى (ECDL ).

و في مصر هناك رمزان يستخدما هما (EGY و UN) للتمييز بين المرشحين المسجلين من خلال منحة وزارة الاتصالات و تكنولوجيا المعلومات (MCIT ) و تسجيل المرشحين من خلال المسار العادي و هو مكتب اليونسكو بالقاهرة.

وفى كلتا الحالتين فان الاختبار الدى يعقد و الشهادة الصادرة متطابقتان حيث أن مكتب اليونسكو بالقاهرة هو الهيئة المحلية الذي يعتمد الشهادتان و المؤسسة الأوروبية لقيادة الحاسب الالى (ECDL ) هي الهيئة العالمية المعتمدة للشهادتان.

وهنا نود ان نؤكد على انه في حالتي إصدار الشهادة لمرشح مصري سواء برقم تسجيل يحمل الرمز ( EGY أوUN) فان الشهادة تتساوى مع اى شهادة أخرى صادرة من اى هيئة معتمدة لشهادة الرخصة الدولية لقيادة الحاسب الالى(ICDL ) في اى مكان بالعالم و تقبل بنفس الدرجة.
دانيل بالمر، المدير الاقليمي للتنمية بالمؤسسة الأوروبية لقيادة الحاسب الالى (ECDL )

وده فى عرف الحكومة المصرية أكبر دليل على وجود فرق فى الاعتراف بالشهادتين طالما أن الحكومة أكدت أن مفيش فرق
وسبق لى أن قدمت بسفارة الكويت من فترة طويلة وكان الأسبقية للحاصلين على icdl وكان بيقولوا هناك أنه عايزين icdl الخاصة باليونسكو فقط وليست منحة وزارة الاتصالات

شكرا جزيلا مسيو ايهاب على التوضيح
استفسار بسيط
انا ال سيكل كارت بتاعى un فتحته فى كفر الشيخ وامتحنت موديلين فى جامعة كفر الشيخ
وامتحنت موديلين فى المنصورة فى مركز الحساب العلمى
فيه مركز قريب جدا لى فى مركز بيلا فاتح لسه جديد
بس لما سألته على موقفى
قال لي خليك فى المنصورة احسن
مع ان هذا المركز بيفتح سيكل كارت بس زمانه منح من وزارة الاتصالات
هل يمكن تكلمة باقى الموديلات فيه
ولا اكمل فى مركز الحساب العلمى بالمنصورة افضل
شاكرين لكم الاهتمام والرد السريع من قبلكم


ملحوظه :
سيدى الفاضل انا دخلت على موقع اليونسكو ولقيت هذا المركز مسجل به المركز والتليفون
فهل اكمل بهذا المركز المعتمد من قبل اليونيسكو
وهل سيعطى لى الافادة الدالة اننى قد انهيت دورة icdl التى اقدر اسافر بيها لاى دولة ومعترف بها ام لا

جزاك الله خيرا
وجعلك عونا لاخوانك المعلمين
المغلوبين على امرهم

قمت بفضل الله انشاء موضوع جديد خاص بأخر وأحدث الأسئلة
http://www.thanwya.com/vb/showthread.php?t=193949
الرجاء متابعة هذا الموضوع للأهمية

مسيو ايهاب ارجو على مشاركتى السابقه
مع العلم انه تم افادتى من قبل مدير المركز المعتمد من قبل اليونسكو
افادنى لا يمكن تحويلى الى مركزه نظرا لوجود مشاكل فى التحويل
وقال لى من الافضل ان تاخذها من اخر مكان كنت فيه
انا عاوز اخلص امتحات حقيقة
بس المشكلة ان المركز اللى انا فيه عليه زحمه كتير ومفيش امتحانات قريبه فيه
فهل يوجد مراكز على مستوى كفر الشيخ او على مستوى المنصورة اكمل بها
مع العلم با الاسيكل مازال فى مركز الحساب العلمى فى المنصورة
لك جزيل الشكر

يفضل لحضرتك أنك تكمل فى مركز الحاب العملى ضل حيث أنه يشترط أن تمتحن مادتين على الأقل فى نفس المركز الذى قمت بفتح الأسكيل كارد ولتسهيل استخراج الشهادة

لو سمحت مسيو ايهاب انا متعاقدة جديدة ومطلوب منى icdl ,وعجبنى العنوان دورة مجمعة icdl ولكن للاسف بعد ما نزلت على الكمبيوتر لم تشتغل وانا زعلانة جدا ممكن تساعدنى

لو سمحت مسيو ايهاب تحدد لى نوع الاسئلة الكافية كتلخيص لicdl اصل انا باحاول اتعلمها بنفسى
جزاك اللة خيرا