![]() |
الكتب والمذكرات كل قسم بينزل الكتب الخاصة بيه وممكن تشتري الكتب دي من القسم نفسه او احيانا بتتباع في مكتبات بره الجامعة بيكون القسم متفق معاها وفي المدرج الدكاترة هايقولوا المكتبات دي ايه وعنوانها فين اول السنة الكتب بتبقى شاملة جدا وكبيرة وحجمها ضخم طبعا اللي يذاكرها بيتعب جدا بس بيستفيد من كم المعلومات الضخم اللي هو عرفه ده بعدين الكتب بتبقى غالية عن المذكرات بكتير وفيه ناس مش بتشتريها بس احيانا بتكون مجبر تشتريها عشان كتاب العملي بيبقى ضمنها وممكن ما يتباعش من غيرها والكتاب ده بيكون عليه درجات المذكرات بقى بيبقى فيه اكتر من مذكرة لاكتر من دكتور شوف زمايلك اغلبهم جاب مذكرات مين وخليك معاهم لو حسيت انك مش فاهم غيّر وهات مذكرات حد تاني واللي ترتاح معاه كمل معاه ميزة المذكرات انها مختصرة وبتجيب الخلاصة بعيد عن الاستطالة بتاعت الكتاب وبتساعدك تعرف تخلص المنهج وتلحق تراجع المذكرات بتتباع في المكتبات اللي جوه الكلية وفيه مكتبات بره حوالين الجامعة هاتعرفهم بالتدريج من زمايلك فيه ناس بقى بتحب تقرا في المراجع الكبيرة والحاجت الضخمة دي بتشتريها او بتدونها من النت وتذاكر منها طبعا مفيدة جدا في الحياة العملية بعدين لكن للاسف مش هاتعرف تجيب مجموع وانت بتذاكر منها:o |
أول يوم دراسة
أول يوم دراسة اول يوم ده بيكون يوم غريب جدا بتنزل الكلية مش عارف اي حاجة وحاسس انك غريب مين الناس دي كلها ؟!! هو فيه ايه؟!! فين المدرجات ؟ وفين الجدول ؟ مش فاهم اي حاجة في اي حاجة وحدش حواليك فاهم حاجة متاخدش في بالك خالص اول ما هتروح هتلاقي في الكلية اجتماعات نشاطات اسرية يعني ايه؟ الاسر دي مجموعات نشاط طلابية بتقدم خدمات للطلبة ترفيهية واجتماعية ورحلات ومجلات واعمال ادبية واحيانا مذكرات وكده يعني هتلاقي في الاسر دي الناس الاكبر منك موجودين عشان يساعدوك اول يوم اي حاجة مش عارفها اسألهم فيها وهتلاقيهم بيوزعوا الجدول عليك او هتلاقي الجدول متعلق عند الشئون الجدول بيبقى صعب قوي تفهمه اول مرة تشوفه عشان كده هاشرح نظامه دي صورة لجدول السنةقبل اللي فاتت http://img120.imageshack.us/img120/2570/65746241pc8.jpg وجدول السنة اللي فاتت يوم الحد او محاضرة 8 الصبح انا باين سمعت ان السبت اتلغى في جميع الكليات والجامعات لوحد عارف حاجة عن الموضوع ده يقول ماشي كده كل مادة كتوبة ومكتوب ميعاد محاضراتها لكن ايه الارقام المكتوبة دي؟!! وليه المواد بتكرر كده في اليوم الواحد؟!! بص يا سيدي المادة اللي مش مكتوب جنبها رقم دي معناها محاضرة نظري المادة اللي جنبها رقم تبقى سكشن عملي والرقم ده هو رقم السكشن يعني مثلا المجموعة رقم سبعة عندها سيكشن فسيولوجي يوم الاحد الساعة 12-2 وبعده سيكشن كيمياء من 2 لغاية اربعة وبعده سيكشن هستولوجي من4 لغاية 6 كده يعني وعرفنا قبل كده ازاي نعرف السيكشن بتاعنا رقمه كام ومكانه فين اول يوم دراسة مش بيكون فيه سكاشن يعني محاضرات بس والسكاشن بتبدأ بعده باسبوعين لشهر كده وكمان قولنا في المحاضرات ان المجموعة هاتتقسم وتعرف مجموعتك ازاي المهم عملت ده كله والساعة جت 8 ودخلت المحاضرة مستغرب طبعا من البشر دي كلها اول سؤال جه على بالك هو عدد الدفعة كام؟؟؟؟؟ لغاية الوقتي عدد دفعة 2008-2009 هو 667 وده طبعا بسبب تخفيض عدد اللي داخلين طب السنة دي السنين اللي قبل كده كانوا بيكونوا حوالي الف العدد ده ممكن يتغير لسه عشان التحويلات والناس اللي هاتيجي والناس اللي هاتمشي المهم الدكتور دخل وبدأ يرحب بيكم وبعد شوية بدأ شرح لو فاهم يبقى كويس قوي تابع معاه مش فاهم عادي خالص ده اللي المفروض يحصل في الشهر او الشهر والنص الاولانيين انك حاسس انك مش فاهم اي حاجة على العموم هي فترة بس على ماتاخد على نظام الكلية وتتعود على اللغة وتكسر الحاجز الكبير اللي بين ثانوي وبين الكلية المهم بس انك تحاول لما تروح كل يوم تذاكر اللي اخدته النهارده قبل ما تنام ومتأجلش حاجة لتاني يوم خلص كل حاجة اول باول عشان ترتاح بعد كده وعشان تفهم النظام اسرع ولو انت مش فاهم انت بتذاكر ايه ماتيأسش برضه اقرأ مرة واتنين وتلاتة لغاية ما تفهم وان شاء الله تاخدوا بسرعة على نظام الكلية وتجيبوا تقديرات كويسة كلكم ان شاء الله أي استفسار؟ __________________ |
شكرا على المجهود
|
اقتباس:
:slap1qk6::slap1qk6::slap1qk6: |
الشرح في الاول الدكاترة هايحاولوا يشرحوا عربي وابابسط الوسائل الممكنة ومستوى اللغة هايذيد بالتدريج الجدول بقى المكتوب تشريح نظري في الاول دي معناها المحاضرة وبعد كده التشريح اللي مكتوب جنب بعضه ده سكاشن بس مش محطوط جنبه ارقام عشان قلنا ان التشريح مش سكشن واحد في الاسبوع زي الباقي وعشان كده بيكون فيه كذا مجموعة بتاخد في نفس الوقت في قاعات مختلفة فمكتبش رقم مجموعة معينة لكن جدول مجموعتك هتجيبيه من قدام قسم التشريح اول ما ينزل بقى;) ********************* لا إله إلا الله أناجى بها ربى لا إله إلا الله أخلوا بها وحدي لا إله إلا الله أفنى بها عمري لا إله إلا الله أدخل بها قبرى لا إله إلا الله ألقىَ بها ربى لا إله إلا الله يُغفر بها ذنبي http://up.1aim.net/uploads/images/ww...2a365f0053.gif لا إله إلا الله بها أحيا لا إله إلا الله بها أموت لا إله إلا الله عليها أبعث إن شاء الله لا إله إلا الله أُنس بها في قبرى اشهد ان لا اله الله وان سيدنا محمد رسول الله لا اله الا انت سبحانك اني كنت من الظالمين |
مشكور جدا على هذا الموضوع الاكثر من رائع
|
مفيش استفسارات ولا ردود يعني ؟؟ كله فاهم الحمد لله ^_^http://monegy.hyperphp.com/vb/images/smilies/hah.gif:huh:http://monegy.hyperphp.com/vb/images/smilies/hah.gifhttp://monegy.hyperphp.com/vb/images/smilies/hah.gif |
ايوة لو سمحت السكشن ممكن يكون كام طالب وهل يشترط الابجدى وبالترتيب
|
موضوع كويس كمل يا محمد .. الف شكر
|
اعتذر يا جماعة كانت فيه مشاكل في النت عندي وهكمل ن شاء الله....في انتظار مشاركاتكم الهدفة
|
اقتباس:
العملي:blush: اتكلمنا عن النظري:romarioxp6: نتكلم عن العملي بقى شوية العملي اللي هو السكاشن الدفعة بتتقسم على كذا سيكشن العدد في كل سيكشن بيكون حوالي60-70 والسيكشن بيتقسم مجموعتين A&B يعني مجموعة العملي بيكون فيها حوال 30 فرد تعرف ازاي السكشن بتاعك؟ بيتعلق في الاقسام مكتوب فيه الاسماء والسكاشن مواعيد بدء السكاشن بتبدأ بعد بداية الدراسة باسبوعين لشهر يعني في الغالب السنة دي هاتبدأ بعد العيد على طول مدة السكاشن الفسيولوجي والهستولوجي والبيوكيمستري ساعتين كل سكشن سكشن واحد في الاسبوع التشريح بيبقى ساعة واحدة 3 او 4 سكاشن في الاسبوع مين بيشرح السكاشن؟ المعيدين فيه غياب في السكاشن؟ ايوه فيه غياب واللي حضوره بيقل عن 70% من السكاشن بيتحرم من دخول الامتحان أماكن حضور السكاشن مش في المدرج زي المحاضرات لكن كل سكشن في القسم بتاعه السكاشن مهمة؟ اكيد طبعا بتشوف فيها العملي بعينك وده بيسهل جدا فهم النظري كمان احيانا بيتشرح في السكشن اجزاء من النظري وعشان المعيدين بيشرحوا باسلوب بعيد عن رسمية المحاضرات وبيكون فيه تفاعل اكتر من المحاضرات بيكون الفهم اسهل في السكشن درجات العملي كام؟ 20% من المنهج العملي بيتذاكر منين؟ كل قسم بينزل كتاب عملي وكمان اخر السنة بتنزل مذكرات مختصرة كده لعملي كل مادة نظام السكاشن بقى التشريح في متحف التشريح هاتشوف فيه العظم وهايتشرح كل حاجة فيه وهايكون فيه جارات jars والجارات دي عبارة عن برطمانات زجاج فيها أجزاء بشرية محفوظة في مادة الفورمالين (وما تخافش هاتتعود!) تتعرف على كل جار وعلى الاجزاء اللي فيه (الاعصاب والاوردة والشرايين والعضلات....) كمان بيكون فيه شرح نظري للاجزاء الصعبة من المنهج وتجميعات تسهل الحفظ شوية كتاب العملي بيكون فيه صور للعينات اللي في المتحف وبيطلب منك اخر السنة رسم العينات دي في الكتاب بايدك الفسيولوجي في قسم الفسيولوجي في الدور الثالث سكشن واحد ساعتين كل اسبوع هيتراجع فيه على أجزاء من النظري مهمة ومتعلقة بالعملي وهاتشوف فيه بقا الاجهزة الطبية وبتستخدم ازاي وهاتتعلم في مع الوقت قراءة رسم القلب و قياس الضغط والحاجات دي الهستولوجي في قسم الهستولوجي في الدور اللي فوق قسم التشريح سكشن ساعتين كل اسبوع هاتشوف فيه تحت الميكرسكوب الخلايا والانسجة المختلفة في الجسم وتتعلم ازاي ترسمها وكتاب العملي لازم يترسم فيه الانسجة دي هتحتاج قلمين الوان خشب احمر وازرق عشان ترسم بيهم لأن دي الوان الصبغات اللي بتستخدم في صباغة الانسجة تحت الميكرسكوب البيو كيمستري قسم الكيمياء في الدور التاني تحت قسم الفسيولوجي في السكشن ده هاتعمل بايدك تجارب كتير المفروض ان بيجيلك مادة في انبوبة اختبار وانت تتعرف المادة دي ايه بتعمل سلسلة من التجارب لغاية ما توصلها والكتاب معاك برضه في اخر كل سكشن تكتب فيه المعادلات والتجارب اللي اخدتها في السكشن وبكده يبقى اتكلمنا عن السكاشن فاضل بس نظام امتحان العملي وده هنتكلم عنه في مشاركة تانية بعدين ان شاء الله الردود يا جماعة :slap1qk6::slap1qk6::slap1qk6: __________________ |
بجد شكرا جدا على الموضوع الجميل ده على الاقل دخولنا المنتدى هيبقى منه فايده
|
اقتباس:
|
اقتباس:
شكرا على المجاملة اللطيفة دية |
نظام الامتحان نتكلم بقى شوية عن الامتحانات نظامها ايه ودرجاتها وبتكون امتى.... احنا قلنا ان كل مادة بننقسم في امتحانها على اربع امتحانات أعمال سنة وعملي ونظري وشفوي درجات الامتحانات دي ازاي؟ أعمال السنة 20% العملي 20% الشفوي 20% والتحريري 40% وأحيانا بيغيروا نسبة التحريري عشان يبقى 50% على حساب درجات الشفوي نتكلم الاول عن امتحان أعمال السنة عبارة عن ايه امتحانين واحد في نص السنة في أخر شهر يناير كده والتاني في اخر السنة مع امتحانات النظري نظام الأسئلة كلها اختيار من متعدد MCQ (Multi Choice Questions) وأسئلة صح وغلط ومدة الامتحان بتكون نص ساعة او ساعة الا ربع على حسب المادة وقلنا عليه 20% من مجموع المادة يعني التشريح مثلا من 250 درجة 50 منهم اعمال سنة مكان الامتحان قاعات الامتحان وهما قاعتين كبار واحدة فوق في الدور الرابع عند مكتبة الكلية والتانية تحت مدرج حافظ امتحان العملي وبرضه عليه 20% ميعاده في أخر شهر أبريل وأحيانا التشريح امتحانه العملي بتاعه بيتأجل ويكون مع امتحان النظري في الاخر مكانه كل مادة في القسم بتاعها نظام كل مادة التشريح هاتكون اللجنة فيها جارات وعضم حوالي 15 عينة كل عينة واقف عليها طالب بيمتحن والدكتور ماسك وقت بعد شوية هايقول change كل واحد يسيب العينة اللي بيمتحنها ويروح اللي بعدها كده يعني معاك في ايدك ورقة اجابة بتجاوب فيها عن الاسئلة الموجودة جنب كل عينة والاسئلة دي بتكون بالمنظر ده عند كل عينة A. Identify ……ويكتب رقم B 1. Identify………. 2 . سؤال نظري على الشيء اللي اتعرفت عليه ده بتخلص كل العينات وتسلم الورقة وتمشي امتحان الفسيولوجي بيتعمل في الاول كده امتحان بسيط بـ 5 درجات بس عشان يعودك على نظام الامتحان بيكون بعد حوالي شهرين من الدراسة وبعد كده بقية درجة العملي بتمتحنها في امتحان اخر شهر اربعة نظام الامتحان هتدخل اللجنة تلاقي صورة موجودة قدامك او جهاز وورقة مكتوب فيها سؤال الصورة دي هتلاقي فيها رسمة منحنيات او تجارب من اللي عندك في المنهج السؤال تحضره في ذهنك كويس عشان هايدخل دكتور يسألك السؤال ده ويشوف اجابتك ايه امتحان الهستولوجي بيكون عيارة عن محطات برضه وبتتنقل من كل محطة للي بعدها لما الدكتور يقول Change المحطات دي عبارة عن ايه صور وميكرسكوبات حاجات هاتدرسها طول السنة في السكشن ويكون في سكاشن مراجعة اخر السنة كمان وان شاء الله هتلاقي الموضوع سهل امتحان البيوكيمستري هتدخل اللجنة تلاقي محلول قدامك في انبوبة اختبار والمطلوب منك تتعرف ايه المادة دي وهتلاقي بقى في لجنة الامتحان كل المواد الكيميائية اللي درستها وممكن تساعدك تتعرف على المحلول ده وهاتبقى في خطوات معينة بتتعمل ورا بعض عشان توصل للمحلول ده هتدرسها برضه وتحفظ التفاعلات دي كويس وتعرف ترتيبها عشان تتعرف على المادة اللي قدامك وبرضه هتلاقيه امتحان سهل جدا ان شاء الله كده امتحانات العملي خلصت ملحوظة كتاب العملي بتاع كل مادة بيكون عليه جزء من درجات العملي حوالي 5-10 درجات ملحوظة تانية امتحانات العملي بتكون 4 ايام ورا بعضها ومفيش بينها فاصل اعمل حسابك وذاكر العملي بدري عشان متلاقيش نفسك اتزنقت ساعتها منهج العملي فيه حاجات زيادة عن النظري ماتعتمدش على مذاكرة النظري بس :039uw8: _______:slap1qk6::slap1qk6::slap1qk6:________ http://www.monegy.hyperphp.com/images/4919_imgcache.gif |
جميع الأوقات بتوقيت GMT +2. الساعة الآن 11:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.