|
اقتباس:
طب ايه هى الاتجاهات عشان اكون معاكم :d:d كلام حضرتك والاعضاء زى النسمة الجميلة بتهب عليا :bosyht9: لالالالالا مفيش مشاكل ولا حاجة احنا بنفضفض مع بعض مع انى مقتنعه بكلامى جدااا :d:d |
اقتباس:
على بلاطه ومن على المصطبه شفت ناس كتيييييير مستغربه ليه الإنسان ده بيحب البلد دى وبيته مافيه حتى ميه ولا كهربه أكيد مجنون وجنانه مرض ولازم نعزله عن ت النخب والكوكبه رديت لأن افكارى محليه وكمان مصريه ميه فى الميه لامستورده ولامتهربه وعنيه بتقول قبل لسانى وأعصابى حديد وعمرها ماكانت يوم متعصبه لابرادعى خالى ولاحسنى عمى ولاكل النخب جابوالى يوم حتى مرتبه بحبك يابلدى لأنك دايما كلك خير و بطمى نيل البركة مطينه ومتروبه اشرح هذا البيت؟ ---------------------------------------- بحبك يابلدى ومرضك لذ يد ومن نسى أصله تاه فى غربته وضـــاع بحبك يابلدى وأنا إيه ذنبى فى اللى نسى تاريخك وخـــــلاص باع ونضارته السوده صبحت موضه والفتنه عنده ابتكار وكيييف وابــداع بحبك يابلدى وزى ملايين لاعمرهم انخدعوا ببهرجة ولايقدرواع الوداع بحبك يابلدى وربنا ينتقم من اللى نهبك ومن اللى عملوا لنا صـــداع والكرسى حلم لدول ودول واحنا فى النص كوره ولعبه وفرش متــاع بحبك يابلدى علشان بلدى ومهدى ولحدى وفرحى وحزنى وكل الأوجاع بحبك يابلدى من ساسى لراسى وهكتب اسمك بالحبل الشوكى والنخاع بحبك يابلدى والفقر ونيسى وكمان حليفى وعمر الكريم مافى يوم جـاع والحمد لله ---------------------------------------------- بحبك يابلدى رغم انف الحاقدين واللى فى خيرك مرفهين ومنعمين وزى القطط ناكــرين بحبك يابلدى وفى كتاب الله مذكوره ادخلوها بسلام أمنين( هل هذه شعارات يامسلمين ؟!!!) بحبك يابلدى وحبك للقلوب الصافية نبض ورنين وشوية أنين (وشوية شعارات كويسين!!) نحب البلد تبقى شعارات نسبها ونلعنها يبقى هو الواقع اللعين(فى شرع مين يا مؤمنين !!) وبكدا راضين وبكدا راضين ومفيش أجمل من كدا فى الدنيا و الحمد لله رب العالمين وشكرا بس للمتفائلين ولا شكر للى بفكرهم مثعلبين ولبث اليأس فى نفوسنا مندسين ومصمصمين ------ |
اقتباس:
مين على بلاطة ومين المصطبة :excl::excl: هو حضرتك سألت كل واحد فقير ايه رايك فى مصر او الحكومة ورد على حضرتك وقال انه بيعشق ترابها :(:( وكمان انا كلامى عن الحاضر الحاضر مين جاب سيرة التاريخ والارض هو عشان قولنا عيوبها يبقى بنلعنها وبننكر فضلها علينا اى فضل ده غريب تفكيركم ياشعب يامصرى تزعلوا وتنكروا الحقيقة الواضحة زى الشمس بلاش تعيشوا فى الوهم ده كتير وفتحوا عيونكم على الحقيقة هو انا لو مش بحبها كنت اتكلمت فى الموضوع ده من الاول كنت قولت وانا مالى انا عايشة كويس ومش يهمنى البلد المهم انى عايشة وكل حاجة تمام معايا بس انا مش كده انا بحبها عشان كده بقول عيوبها ياسلام على حضرتك كاتب قصيدة فيها نغمة :d:dربنا يزيد حضرتك |
وتعلموا اكتر من كدا كمان بصراحه بجد فرق شاسع اووووووووي
انا عن نفسي بقالي اقل من سنه برا مصر ومش حاسه اني عاوزه ارجع رغم ان اكيد مصر وحشتني اووووووي هي تتحب لكن متتعاش |
اقتباس:
عشان حضرتك شايفة عالم وفكر تانى خالص مختلف عننا تماما :o:o شكراا على المرور الرائع وترجعى حضرتك لمصر بالسلامة :bosyht9::bosyht9: |
ممكن اقول رأيي بس اوعي يكون فيه ضرب نار هنا :excl:
انا قريت الموضوع وكل الردود والحكاية شكلها يخوف :unsure: حتكلم ورزقي علي الله علمتني مصر " اللي هي امي وعايزها تتبري مني ":) علمتني انه لا مكان للعلم فيها وان اكبر خدعة اني اتعلمت :( علمتني ان امشي جنب الحيطة من غير حتي ملمس الحيطة :stickjo4: علمتني ان السرقة والنهب والتلت ورقات وفتح مخك من اهم مقومات النجاح هنا :blush: علمتني ان كرامة المواطن العادي لازم يسيبها قبل ما يخرج من بيته:wub: علمتني اني محلمش الا بالكوابيس وبس :huh: علمتني ان الكبير كبير والنص نص والصغير منعرفوش :006et4: علمتني ألا أتعلم بعد أن تعلمت وعلمت ما أعلم :rolleyes: علمتني ان استمتع بالسيء لأن الأسوأ قادم :giljotiiniug3: |
تحيا السخرية ! تم حذف كل الردود الهزار او السخرية الخارجة عن الموضوع وللاسف رد زيادة فية اى سخرية سواء عن البلد او الحكومة اسف جداً هضطر اقفل الموضوع بالكامل بل وسيتم حذفة معلومة انا من المنصورة الى حضرتك بتتريق عليها يا اخ فرى لوف |
موضوع جميل بس مش عارفة هو العيب فينا فعلا ولا احنا اتولدنا لقينا نفسنا كدا
|
بلدنا هيا الي اتربينا فيها وهيا الي هنعيش ليها
فلازم الكل يقبل النقض |
اقتباس:
الاعتراف بالحق فضيله اتعلمنا حاجات كتير اوى ويا ريتنا ما تعلمناها:(:( |
هو يا عيني نسي يقول حاجة اخيرة علمتني أمريكا أن أكره بلدي ولا أفكر في العوده إليه أبدا إن كان عاللي علمتهولنا مصر حاليا فبصراحه أنا مش لاقي غير الصبر أما الجيل اللي قبلنا فإتعلم كتير عشان كانت البلد متكاتفة على عدو واحد مفيش حاجة إسمها حزب يتآمر على حزب ولا فتنة طائفية كل ده ييتوقف على الوضع السياسي والإقتصادي للبلد نخلينا فالإقتصادي الأول المرتبات ضعيفة والأسعار غالية والناس هتشيط كل يوم يقولو عائدات قناة السويس في زياده ولا إحنا بنشوف حاجة الخصخصة لما بقينا كل يوم نلاقي عمال الشركات مرميين فالشوارع خدمات ضعيفة - فرص عمل متأكلش عيش حاف فساد ورشاوي وسرقه نيجي بقه للوضع السياسي الوضع مستقر ومحدش يقدر يقول حاجة فدي -السياسة الخارجية ناجحة جدا بينما السياسية الداخلية فاشلة لأبعد الحدود وزراء ملهمش علاقة بالوزارات اللي ماسكينها مفيش متابعه للوزراء مفيش ولا حتى قرار واحد يحمي الغلبان إنشغال الحكومة بالقضايا الخارجية عن القضايا الداخلية كله زي الفل اللي دايما يقولوها في مؤتمراتهم المخالفة لارض الواقع والباقي كان أعظم.. النظامين دول لو إتغير من مصر للأفضل مفيش شك الناس هتبص لمصر بصة تانيه لان الواحد بعد ما يتعب ويروح شغله كل يوم ويلاقي فإيده مرتب يكفيه هو وعائلته معتقدش إنه هيحتاج أكتر من كده الحاجات التانية اللي قولتيها بقه زي احترام اصحاب العمل اليدوي دي سلوكيات مجتمع ملناش إيد فيها وشكرا ليكي يا روز عالموضوع |
اقتباس:
طب هو هيرجع ليه بدال فيها كل ده هيرجع للغلب والمر اللى كان عايشة اما السياسة الخارجية مش ناجحة بدليل اللى حصل مع الجزائر واللى حصل فى حوض النيل اما العلاقات الداخلية العالم كله بيعترف انها فاشلة من الدرجة الاولى حضرتك لو شفت ترتيب مصر فى دليل الدول الفاشلة مش هتصدق رقم 49 :o:o وكلام حضرتك سليم جداااااااا:):) |
اقتباس:
أنا قصدي السياسة الخارجية وليس العلاقات الخارجية السياسه هي طريقة تعامل ودبلوماسية السياسة الخارجية لمصر ناجحة لدرجة إنها من الدول العربية القليلة اللي بيبقالها آراء في المؤتمرات العالمية والحكومات الأخرى تعترف بده حتى أمريكا اللي مخلوش بلد إلا ووجهولها تهم الفشل دي حاجة وإن مصر مكروهه حاجة تانية بالنسبة لترتيب الفشل ده كلام مطاط أوي يعني لازم يحددو الفشل ده فإيه بالظبط اذا كان عالفشل ففي دول أجنبية كتير فااشلة منها امريكا فشلت زيها زينا في القضاء على البطالة وبها اكبر نسبة بطالة فالعالم فرنسا فشلت في تسديد معاشات كبار السن فرفعت سن التقاعد وطبعا الترتيب ده بيبدأ بالدول العربية وينتهي بالدول الأجنبية مع إن المشاكل واحده بس حالتنا الاقتصادية المتردية هي اللي صنفتنا على إننا من دول العالم الثالث ( الفقيرة) |
اقتباس:
معلش حضرتك انا نسيت وعملت تعديل بدل اقتباس ما علينا :d مفيش فرق بين السياسة الخارجية والعلاقات الخاجية لان السياسة تقول على علاقات :p اما بالنسبة فاشلة من حيث الفشل الول بتتقسم على حسب الدول فى وضع حرج ودول على حافة الخطر ودول فى خطر وطبعا مصر تبع فى خطر وفى دول مستقرة وده حسب الحالة الاجتماعية والسياسية والاقتصادية وطبعا مصر بينطبق عليها الحاجات دى ومفيش حد ينكر ده لانه واضح جداا :mad: |
اقتباس:
السياسة طريقة تفكير ودي اللي بيقوم بيها السياسي زي الرئيس والوزير والسفير كلها تفكير وطرق لحل المشكلات العلاقات مصالح مشتركة بين الدول وترابط عرقي أو فكري والدليل إننا مثلا لما نحب نعمل علاقات مع دولة بنعمل عندهم سفارة عشان تتحدث بإسمنا وتخدم رعايانا وتشوف مصالحهم وهما كمان بيعملو سفارة عندنا لنفس السبب مصرليها علاقات مع كل دول العالم باستثناء الدول الإرهابية زي إيران وغيرها يبقى سياستها الخارجية ناجحة يعني أسلوبها في التعامل مع العالم الخارجي ناجح بالنسبة للخطر الخطر في مصر إقتصادي من الدرجة الأولى وسياسي من الدرجة التانية والدليل على كده الجرايم اللي بتقع على مبالغ تافهه زي العشرة جنيه والعشرين جنيه وأرجع وأقول إن في فشل فالدول العظمى كمان يدفعها للإنهيار التدريجي وهو الفشل الأخلاقي في جرايم هناك بتحصل مينفعش تتقال عندنا الفساد بأشكاله مقلناش حاجة بس كله عشان الفلوس (اللي سرق وهرب بره البلد واللي *** مراته وعياله عشان مش آدر يأكلهم..) في حرب ؟لا والله حتى لو فيه ريحة حرب مكانش الغرب هيدخل بإستثماراته اللي داخل بيها فمصر مكانش العراقيين هيهربو من بلدهم اللي كلها تفجيرات ويختارو مصر من دون الدول العربية كلها وينزلو تحديدا في مدينة 6 أكتوبر مكانش بتوع السودان هيهربو وينزلو أسوان مكانش الفلسطينيين يفكرو يهربو لمصر ويسيبو بلدهم مالآخر البلد دي عشان يتصلح حالها عايزة حكومة تقيم عدالة إجتماعية ميبقاش في مليونيرات وناس عايشة في الخرابات كده نبقى صلحنا السياسة والاقتصاد مع بعض بعد كده بقه الإنتماء ده هيتحقق لوحده لما الواحد يحس بالإكتفاء فبلده ويحس إن له كلمة وكرامة. |
| جميع الأوقات بتوقيت GMT +2. الساعة الآن 02:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.