كان فيه مكتبتين .. واحده اسمها الحرم والتانية اسمها التفوق

الحرم دي هاتها في الرياضة والمحاسبة .. التفوق هاتها في المواد النظرى وعيش حياتك

ربنا يخليكي يا دودي دا من زوقك .. وان شاء الله ربنا يكرمك وتعدي فيها وتجيبي تقدير كبير كمان

لو سمحت تخى الكريم عاوز ين شرح لمواد تجارة تنجلش على بوابة الثانويه اصل المواد معقده جدا طلب تانى عندنا تجارة انجلش اسماعيليه اختلاط حاد بين الذكور والاناث وممكن نعمل ايه علشان نحد من ذلك بمعنى ممكن نقترح على الدكاتره فصل بين البنين والبنات اثاء المحاضره فى القاعه يعنى مثلا البنين فى المقدمه والبنات بالخلف ؟

ولا تتعبى نفسك .. ماتكتبيش واما تخلصي المحاضرة اطلعي اشتريها من بره

او بلاش تشتريها .. استني كام يوم كدا لغاية ما ورق الدروس ينزل وروحي اشتريه

ورق الدروس دا ميه في الميه هايظبطك وهاتفهمي منه تمام التمام ان شاء الله

الدروس غالبا بتكون معمولة اصلا للناس بتوع انتساب عشان هما مالهومش سكاشن

لكن انتي ربنا رازقك بسكاشن اصلا ببلاش .. يبقي تروحي تتدفعي فلوس ليه ؟!

وعموماً الخبر اللي وصلنى ان السكاشن ان شاء الله هاتبدأ من السبت اللي بعد اللي جاي والله اعلم

بالظبط كدا .. بس السيكشن بتتلاقيه ساعة ونص ..

لكن الدروس بتاعة مجموعات التقوية دي بتبقي 4 ساعات

مانا قولتلك استني كام يوم كدا و هاتسمع كل خير باذن الله

كل الجامعات كدا وحياتك .. وكله لازق في بعضه ومافيش مسافات كمان (وخصوصاً في سنة اولي)

ليه لأ ؟ .. ابقي روح للدكتور في المحاضرة قبل مايخش على طول استلمه وقوله ع الحوار دا

لو هوا دكتور كويس هاينبه علي الكل بالالتزام .. لو دكتور ايزي هاينفض

هههههههه مقدمة ايه وخلف ايه بس احنا في صلاة الجمعة ؟!!!

لا يا ريس .. كل اللي بيحصل ان المدرج مثلا بيبقي متقسم تلات اقسام .. يمين / نص / شمال

البنات مثلا تاخد اليمين ونص الشمال .. والولاد ياخدوا النص واللي متبقى من الشمال

او مثلا يعملوا حاجة حلوة زي بني سويف كدا ..

يخلوا البنات في بينش والولاد في بينش .. بس كله بيبقي على حسب التعود

احنا عندنا مثلا في القاهرة انسى ان الموضوع دا يحصل .. لإننا من سنة اولي اتعودنا ع الموضوع دا

بس طبعا انتا عشان لسه في اولي فالموضوع قافش معاك شوية

لكن والله يابني اما توصل لتانية وتالته هاتتلاقي الموضوع طبيعي جدا وعادي

ومش هاتفرق معاك القعدة جنب الولاد او البنات

أيون اهو انا عايزك تدعي كدا ..

النهارده والله اعلم الدعاوى ربنا استجابها وحققلى حاجة كنت عايزها من فترة كدا

فيه منحة في الكلية مهمة جدا اسمها منحة الـ iti ..

المنحة دي اصلا كانت معمولة للناس اللي في سنة رابعة بس

بس لحسن الحظ بقى ان لأول مرة يعملوها لسنة تالته ويضموها لسنة رابعة

ولحسن الحظ كمان انهم قبلوا الناس اللي جايبه جيد فيما فوق

أحلى حاجة في الموضوع ان انا نزلت تحت في عند مدرج أ

عشان ادور على اسمي في الكشوفات اللي متعلقة

وبكتب ال****** بتاعي عشان اروح امتحن .. الاقيلك كل اللي معدى يسألنى يقولي هوا ايه دا يا كابتن؟!!!

كان ناقص اعلق يافطة مكتوب عليها للفرقة التالته فقط ..

لإن اللي يضحك في الموضوع ان كل اللي يقف ويبحلق في الاسماء يطلع في الاخر سنة اولى !!

[quote]
كان فيه مكتبتين .. واحده اسمها الحرم والتانية اسمها التفوق

الحرم دي هاتها في الرياضة والمحاسبة .. التفوق هاتها في المواد النظرى وعيش حياتك
[/quote

الف الف الف شكر والله مش عارفين من غيرك كنا هنعمل ايه ربنا يخليك لينا :-)

يعنى اى مكتبه بتدى دروس بتبيع ورق الدرووس؟؟؟؟؟
يعنى مكتبه الحرم مثلا بتبيع ورق الدروس

اقولك انا ع القصة كاملة عشان يبقي عندك خلفية باللي بيحصل

المكتبات اللي بره دي بتحاول تلقط رزقها من خلال حاجتين ..

شوية ورق فيه شوية كلام .. وسكاشن شرح

شوية الورق دول بيتنوعوا مابين

- كتابة المحاضرات بالنص

- ورق شرح في المحاسبة والرياضة

- سؤال واجابة في المواد النظرى زي السلوكية والادارة والموارد

- حلول تطبيقات المواد اللي نازلها تطبيقات

- الامتحانات السابقة وحلولها

وكل دا طبعا بيبقي على هيئة ملازم بتنزل على اجزاء متتابعة خلال الترم

(عشان يجر رجلك طول الترم وتفضلي متابعة معاهم)

أما سكاشن الشرح دي بقى فا دي بالظبط كدا عاملة زي مجموعات الدروس في الثانوية العامة كدا

بتروحي للمكتبة اللي انتي عايزة تاخدي فيها سكاشن شرح ..

و بتستفسري عن المادة اللي انتي عايزاها ومين المعيد والسعر والكلام دا كله

وبعد كدا لو اقتنعتي بتحجزى وبيسجل اسمك وعادي جدا

كل المكتبات بتبيع ورق الدروس دا .. مش الحرم بس

بس زي مابنقول كدا يستحسن انك تلتزمى تبع المكتبة اللي بتعمل الملازم بتاع مجموعتك

بالله عليك اخى الكريم انا فرقه اولى تجارة انجلش اسماعيليه وانا مش فاهم حاجه اطلاقا من الدكاتره وكانهم بيتعاملوا مع اجانب وانا راجل على قد حالى ومش فى استطاعتى دروس بره وبالنسبه للمحاضرات مش بعرف اكتب اى حاجه ورا الدكاتره وان كتبت شيء بكتبه على غير فهم بالله عليك اعمل ايـــــــــــــــــه؟ جـــزاكم الله خيــــــرا !

انا بردو عاوز اعرف مفيش اى مذكرات خارجيه فى المكتبات شرح وان كنت حضرتك تعرف اسماء مكتبات فى الاسماعيليه مخصصه لذلك فاخبرنــــى

انا من محافظة تانيه خالص والكليه فى الاسماعيليه ومش معايا سكن فى المدينه ومش لاقي سكن خارجي ومواعيد الدراسه اربعة ايام فى الاسبوع وبسافر فى الايام دى طب المشكله فى ايه بص يا سيدي المشكله ان انا رايح المحاضره وعارف ان انا مش فاهم حاجه فى اى حاجه وبالتالي الكسل والاحباط بيتملكنى الشاهد ان انا بغيب كتير من المحاضرات وان عرفت انقلها من اى زميل بنقلها هل ده هياثر عليا؟ مع العلم ان انا فرقه اولى انجليزي

فامبير باشا
بليز كنت عايز اعرف ازاي ادخل المكتبة المركزية اللى موجودة فى جامعة القاهرة علشان فيه دكتور رخم عندنا طلب مننا ريسيرش نعمله
و انا دورت على refernceses كتيرة و روحت للمكتبة بتاعتنا اللى بيقولوا عليها فيها كل حاجة وللاسف مالقيتش حاجة وسالت الادفايزور بتاعنا على المصدر بتاع مرجع معين قالى انو موجود فى المكتبة المركزية بتاعة جامعة القاهرة
انا عايز اجى جامعة القاهرة بس مش عارف اخشها ازاى دا اولا
وثانيا مش عارف هل هايسمحولى ان انا كطالب خارج الجامعة اخش ادور على كتاب معين واستفيد منو ولا ايه النظام
ياريت تفيدنى فى اسرع وقت لحسن بجد انا مزنوق زنقة سودا